झापा अनलाइन

चिसो बढेसँगै छाला सुख्खा हुन थाल्छ । छालाको नरमपना तथा चमक हराउन थाल्छ । जसले गर्दा धेरैको हातखुट्टा फुट्ने, हात खुट्टाको छालामा चिरा पर्ने समस्या उत्पन्न हुने गर्छ । त्यसैले, चिसोमा छालाको विशेष ध्यान राख्न पनि यी उपाय अवलम्बन गर्न जरुरी छ । मोइस्चराईजर क्रिमको प्रयोगः मौसम अनुसार मोइस्चराईजर क्रिम पनि बेलाबेलामा बदलिरहनु पर्छ । विशेषगरी, जाडो मौसममा वाटर बेस्ड मोइस्चराइजर क्रिमको सट्टा आयल बेस्ड मोइस्चराइजर लगाउनु पर्छ । किनकी आयल बेस्ड मोइस्चराइजरले छालालाई सुरक्षा प्रदान गर्छ । जसले कुनै साधारण क्रिम वा लोशन भन्दा प्रभावकारी ढंगले काम गर्छ । बेलाबखत यस्ता लोशनमा ‘नाइट क्रिम’ पनि लेखिएको हुन्छ, जुन आफैमा…

रुख काटेवापतको १ सय रुपैयाँ ज्याला माग्नु एक मजदूरको लागि निकै ठूलो अपराध भएको छ । काम लगाउने मालिकले बीच सडकमा उनलाई खुट्टाले कुल्चेरै मारेका छन् । घटना २६ नोभेम्बरको भएको बताइएको छ । घटनाको सिसिटिभी फुटेज सार्वजनिक भएको छ । मृतक मजदूरको नाम तरसेम भएको बताइएको छ । तरसेमका परिवारका अनुसार आरोपी बिल्ला भनिने बलविंदरले तरसेमलाई आफ्नो जग्गामा रुख काट्न लगाएका थिए । दिनभर रुख काट्ने काम गरेका तरसेमले काम सकेपछि १ सय रुपैयाँ ज्याला मागेका थिए । आरोपीलाई १०० रुपैयाँ धेरै लागेपछि उनी रिसाए । रिसमा बिल्लाले मजदूरलाई यति कुटे कि मजदूर तरसेमको मृत्यु भयो । आरोपी बलविंदरले…

बलिउडका चर्चित कमेडियन कलाकार राजपाल यादवलाई ३ महिना जेल सजायँ हुने भएको छ । चलचित्र बनाउन भन्दै ५ करोड ऋण लिएर तिर्न नसकेपछि उनलाई अदालतले ३ महिना जेल सजायँको आदेश दिएको हो । भारतको चर्चित अनलाइन बलिउड हंगामाका अनुसार, भारतको उच्च न्यायलयले उनलाई यस्तो आदेश दिएसँगै अब उनलाई प्रहरीले पक्राउ गर्नेछ । उनको कम्पनी श्री नौरंग गोदावरी इन्टरटेन्मेन्टले चलचित्र बनाउन भन्दै ५ करोड ऋण लिएको थियो । उनले मुर्ली प्रोजेक्टस्सबाट ५ करोड ऋण लिएका थिए । सन् २०१० मा ऋण लिएतापनि अहिलेसम्म उनले सो रकम फिर्ता गर्न सकेका छैनन् । उनले निर्माण गरेको ‘अता पता लापत्ता’ चलचित्र सन् २०१२ मा…

भद्रपुर, १६ मङ्सिर । अर्जुनधारा नगरपालिकाले नगर क्षेत्रलाई रासायनिक विषादीबाट मुक्त गराउन अभियान थालेको छ । नगरको कृषि विकास शाखाले अभियानकै क्रममा अर्जुनधारा–९ स्थित प्रज्ज्वला अपाङ्ग तथा महिला बहुउद्देश्यीय सहकारी संस्थामा आवद्ध २८ परिवारलाई जैविक विषादी बनाउने ड्रम निःशुल्क उपलब्ध गराएको छ ।कृषिका लागि छुट्याइएको चालु बजेटबाट किसानलाई अग्र्यानिक खेतीतर्फ प्रोत्साहित गर्न अनुदानमा २०० र ३०० लिटर क्षमताका प्लाष्टिकका ड्रम वितरण गरिएको प्रमुख प्रशासकीय अधिकृत पङ्कज भूर्तेलले बताउनुभयो । रासायनिक मल र विषादीको विकल्पस्वरूप किसानलाई प्राङ्गारिक मल र जैविक विषादी बनाउन तालीम पनि दिइएको कृषि शाखाका प्रमुख शालिकराम भट्टराई बताउनुहुन्छ ।चालु आर्थिक वर्षमा उक्त शाखाले अग्र्यानिक कृषि उत्पादनको प्रचार गर्न…

झापा, १६ मङ्सिर । आठौँ राष्ट्रिय खेलकुद प्रतियोगिताका लागि झापामा विभिन्न विधामा खेलाडी छनोट धमाधम भइरहेको छ । राष्ट्रिय खेलकुद परिषद्को अयोजनामा प्रदेश नम्बर ५ का विभिन्न स्थानमा आयोजना हुन लागेको उक्त प्रतियोगिताका लागि धमाधम खेलाडी छनोट भइरहेको जिल्ला खेलकुद विकास समिति झापाका प्रमुख टहलदास मैनालीले जानकारी दिनुभयो । उहाँका अनुसार प्रतियोगिताका लागि खो–खो र ब्याटमिन्टका खेलका लागि खेलाडी छनोट भइसकेका छन् । ‘महिला फुटबल खेलाडी छनोट शनिबारदेखि शुरु भएको छ’, उहाँले भन्नुभयो, ‘अन्य विधामा क्रमशः खेलाडी छनोट हुनेछ ।’ झापाबाट ब्याडमिन्टन खेलका लागि ६ जना, खो–खो खेलका लागि २६ जना खेलाडी छनोट भइसकेका छन् भने महिला फुटबल खेलाडीका छनोटमा…

चितवन, १६ मङ्सिर । पन्ध्रौँ चितवन हात्ती महोत्सव २०७५ यही पुस ११ गतेदेखि १५ गतेसम्म सौराहाको बाघमारा चौरमा हुने भएको छ । अङ्ग्रेजी नयाँ वर्षको अवसर पारेर विगतमा झै यस वर्ष पनि हात्तीपोलोसहितको महोत्सव आयोजना गर्न लागिएको हो । क्षेत्रीय होटल सङ्घ सौराहाको आयोजनामा हुने महोत्सवमा हात्तीहरुले पोलोसँगै फुटबल खेल्नेछन् भने हात्तीको पिकनिक र हात्तीकै सुन्दरी प्रतियोगिता हुनेछ । सङ्घका अध्यक्ष एवं महोत्सव मूल आयोजक समितिका संयोजक सुमन घिमिरेका अनुसार महोत्सवका क्रममा साहित्य र पर्यटन विषयक विशेष कार्यक्रमसमेत आयोजना गरिने भएको छ । महोत्सवका क्रममा सांस्कृतिक कार्यक्रम, संरक्षणमूलक नाटकसमेत प्रस्तुत गरिनेछ । घिमिरेका अनुसार पशु अधिकारकर्मीले गत वर्ष गरेको अनुगमनपछिको…

गौशाला, १६ मङ्सिर । ‘शिवचर्चा’ को लागि श्रद्धालु बोकेर महोत्तरी जिल्लाको सदरमुकाम जलेश्वरबाट सोनमा गाउँपालिकाको सुन्दरपुर जाँदै गरेको एक बसको रेडिवाटर पड्किँदा आधा दर्जन श्रद्धालु घाइते भएका छन् । जिल्ला प्रहरी कार्यालय महोत्तरीका प्रहरी नायब उपरीक्षक खगेन्द्रबहादुर खड्काका अनुसार शनिबार जलेश्वरबाट सुन्दरपुर जाँदै गरेको ज१ख ८७४ नंको बसको सम्सी गाउँपालिका–८ स्थित सडकखण्डमा अचानक रेडिवाटर पड्किँदा चालकसहित आधा दर्जन श्रद्धालु घाइते भएका छन् । घाइतेमध्ये जलेश्वर नगपालिका–१ की ५० वर्षीया सतिया देवी, वडा नं ८ की ५५ वर्षीया लीला देवी र बलवा नगरपालिका–४ की ५५ वर्षीया परेखनी देवीको अवस्था गम्भीर रहेको छ । साथै बसका चालक विजय मण्डल र अन्य दुई…

बंगलादेश, १६ मंसिर । बंगलादेशमा कालो सूचीमा परेका ३७ मेडिकल कलेजमा अध्ययन गरिरहेका ६ सयभन्दा बढी नेपाली विद्यार्थीको भविष्य अन्योलमा परेको छ । नेपाल मेडिकल काउन्सिलले त्यस्ता कलेजमा अध्ययनरत विद्यार्थीले मुलुकमा चिकित्सकीय अभ्यास गर्न अनुमति नपाउने स्थिति आउन सक्ने उल्लेख गरेको छ । काउन्सिलका अनुसार हाल मुलुकबाहिर सबैभन्दा बढी मेडिकलका विद्यार्थी बंगलादेशमै छन् । नेप्लिज मेडिकल स्टुडेन्ट एसोसिएसन बंगलादेशका अनुसार यहाँका मेडिकल कलेजमा करिब ५ हजार नेपाली विद्यार्थी अध्ययनरत छन् । ढाकास्थित नेपाली दूतावासले गत वर्ष परराष्ट्र तथा शिक्षा मन्त्रालय र मेडिकल काउन्सिललाई पत्र पठाएर कालो सूचीका मेडिकल कलेजबारे जानकारी दिएको थियो । त्यस्ता समस्याग्रस्त मेडिकल कलेजमा विद्यार्थी नपठाउनसमेत दूतावासले…

विराटनगर, १६ मङ्सिर । यहाँ शनिबार भएको पाँचैवटा मिस्टर मोरङको उपाधि सञ्जिव मगरले जितेका छन् । मोरङ शारीरिक सुगठन तथा फिटनेश सङ्घद्वारा आयोजित फाइनल प्रतियोगीमा मिस्टर मोरङको उपाधिबाट पथरीका मगर घोषित भएका छन् । विजेता मगरलाई नगद रु ५१ हजारसहित ट्रफी प्रदान गरिएको छ । यस्तै फस्ट रनरअप अजय मरिकलाई नगद रु २५ हजार र सेकेण्ड रनरअप योगेन लिम्बुलाई रु ११ हजार प्रदान गरिएको छ । प्रतियोगिताको मोस्ट इम्प्रुव बडी विल्डिङमा नेपाल जिमका नवाव अन्सारी, बेस्ट पोजरमा जेसीबी जीमका हरेराम रजक, बेस्ट फिजिकलमा जेसीबी जिमका जुनार आलम र मोस्ट मस्कुलर म्यान विराट जीमका अशोक खड्का घोषित भए । विराटनगर उपमहानगरपालिका…

काठमाडौँ, १६ मंसिर । अर्थमन्त्री डा। युवराज खतिवडाले सरकारले राष्ट्रपति विद्यादेवी भण्डारीका लागि १८ करोडको गाडी खरिद गर्ने निर्णयसम्बन्धी प्रचारको खण्डन गरेका छन् । नेपाल आर्थिक पत्रकार समाजद्वारा शनिबार राजधानीमा आयोजित कार्यक्रममा राष्ट्रपतिको नाम नलिइकनै उनले भने, ‘१८ करोडको गाडी किन्ने कुरामा कुनै सत्यता छैन ।’ यसपछिको अनौपचारिक कुराकानीमा उनले सरकारले राष्ट्रपतिको लागि किन्न लागिएको गाडीहरुको मूल्य १४ करोड रुपैयाँ भएको जानकारी दिए । आजको कारोबार दैनिकमा खबर छ ।