झापा अनलाइन

झापा, २५ असोज । जेनजी आन्दोलनका क्रममा लुटिएका एसएलआरको ५५ राउण्ड गोली झापाको कमलमा फेला परेको छ । हिजो साँझ ७ बजे कमल गाउँपालिका– ७ रङ्गपुरका ५५ वर्षीय गङ्गाप्रसाद पाण्डेले केराको पात काट्ने क्रममा आफ्नो खेतबारीमा सेतो बोरामा गोली फेला पार्नुभएको हो । उहाँले बोरा खोली हेर्दा गोली रहेकाले प्रहरीलाई खबर गर्नुभएको थियो । आज बिहान इलाका प्रहरी कार्यालय दमकबाट गएको प्रहरी निरीक्षक नवीन राईको टोलीले एसएलआरको गोली ७।६२ एमएम ५५ राउण्ड बुझेको थियो । ती गोली इलाका प्रहरी कार्यालय दमकमा राखिएको छ । जेनजी आन्दोलनका क्रममा झापामा प्रहरीबाट लुटिएका २४ थान हतियार, ५६९० वटा गोली र १८० सेल अश्रुग्याँस…

कैलाली, २५ असोज । घोडाघोडी नगरपालिका–८ मा शुक्रबार राति २८ वर्षीय केशरसिंह बुढाको हत्या भएको छ। सुर्खेतको चौकुने गाउँपालिका–३ निवासी बुढाको धारिलो हतियार प्रयोग गरी हत्या गरिएको जिल्ला प्रहरी कार्यालय, कैलालीले जनाएको छ। हत्या आरोपमा घोडाघोडी गाउँपालिका–८ का १८ वर्षीय बलबहादुर विक र १९ वर्षीय गंगा बुढा क्षेत्रीलाई पक्राउ गरिएको डीएसपी राजकुमार सिंहले जानकारी दिए। प्रहरीका अनुसार खाजा पसलमा रक्सी सेवनका क्रममा विवाद भएपछि घटना भएको हो। हतियार र छिनालेको टाउको बोकेर राति घोडाघोडी नगरपालिका–३ स्थित उनीहरू अस्थायी प्रहरी पोस्ट प्रतिखेत नजिक पुगेका थिए । प्रहरीले राति कता हिँडेको भनेर सोधेपछि उनीहरूले मान्छे मारेको र टाउको बोकेर आएको भनेका थिए…

झापा, २५ असोज । गत साताको बाढीले क्षतिग्रस्त बिपी राजमार्गका १९ स्थानमा डाइभर्सन निर्माण गरी आजदेखि पूर्ण रूपमा यातायात सञ्चालन गरिएको छ। डिभिजन सडक कार्यालय भक्तपुरका अनुसार शुक्रबार साँझ ट्रयाक परीक्षणपछि आज बिहानदेखि सवारीसाधन सञ्चालनमा ल्याइएको हो। राजमार्गको चौकीडाँडा, कटुञ्जे, गिम्दीबेँसी, नार्के, चिउरीबास, कालढुङ्गा, पिप्ले लगायत स्थानमा डाइभर्सन निर्माण गरिएको छ। काभ्रेपलाञ्चोकमा १६ र सिन्धुलीमा ३ स्थानमा डाइभर्सन बनाइएको हो। बाढीले रोशी क्षेत्रमा करिब ४ किलोमिटर सडक कटान गरेपछि मंगलबारदेखि अस्थायी सडक निर्माण थालिएको थियो। बिहीबार भौतिक पूर्वाधार तथा यातायातमन्त्री कुलमान घिसिङले अवलोकन गर्दै काम तीव्र बनाउन निर्देशन दिएका थिए। पूर्वी नेपाल जोड्ने छोटो दूरीको राजमार्गबाट दैनिक हजारौँ सवारीसाधन आवतजावत…

झापा, २५ असोज । नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ । राष्ट्र बैङ्कका अनुसार अमेरिकी डलर एकको खरिददर १४१ रुपैयाँ ६० पैसा र बिक्रीदर १४२ रुपैयाँ २० पैसा निर्धारण गरिएको छ । युरोपियन युरो एकको खरिददर १६३ रुपैयाँ ७९ पैसा र बिक्रीदर १६४ रुपैयाँ ४८ पैसा, युके पाउण्ड स्ट्रलिङ एकको खरिददर १८७ रुपैयाँ ९६ पैसा र बिक्रीदर १८८ रुपैयाँ ७६ पैसा, स्वीस फ्रयाङ्क एकको खरिददर १७५ रुपैयाँ ६८ पैसा र बिक्रीदर १७६ रुपैयाँ ४३ पैसा कायम गरिएको छ । अष्ट्रेलियन डलर एकको खरिददर ९२ रुपैयाँ ७८ पैसा र बिक्रीदर ९३ रुपैयाँ १८ पैसा, क्यानेडियन डलर…

झापा, २५ असोज । यस वर्षको मनसुन नेपालको सम्पूर्ण भू–भागबाट बहिर्गमन भएकाले हाल देशभर कुनै उल्लेखनीय मौसम प्रणालीको प्रभाव रहेको छैन । शुक्रबारदेखि नेपालबाट मनसुन नेपालबाट बाहिरिएको हो । आज दिउँसो कोशी प्रदेश, गण्डकी प्रदेश र कर्णाली प्रदेशका पहाडी भू–भागमा आंशिक बदली रही बाँकी भू–भागमा मुख्यतया सफा रहने मौसम पूर्वानुमान महाशाखाले जनाएको छ । कोशी प्रदेशको पहाडी भू–भागका एक–दुई स्थान हल्का वर्षाको सम्भावना रहेको छ । महाशाखाका अनुसार आज राति कोशी प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहने छ ।

सुनसरी, २५ असोज । सुनसरीको इनरुवा नगरपालिका–४ बसपार्क चौकबाट १ सय ९७ ग्राम ६ मिलिग्राम लागू औषध ब्राउनसुगरसहित १ जनालाई प्रहरीले पक्राउ गरेको छ । असोज २४ गते साँझ ७ बजे जिल्ला प्रहरी कार्यालय सुनसरी र अस्थायी प्रहरी पोष्ट बसपार्क इनरुवाबाट खटिएको प्रहरी टोलीले चेकजाँच गर्ने क्रममा इनरुवा नगरपालिका–४ का ३३ वर्षीय कृष्णकुमार मेहताको साथबाट १ सय ९७ ग्राम ६ मिलिग्राम ब्राउन सुगर बरामद गरेको हो । ब्राउनसुगरसहित पक्राउ परेका मेहताको जिल्ला प्रहरी कार्यालय सुनसरीबाट थप अनुसन्धान भइरहेको छ ।

शिवसताक्षी, २५ असोज । नेपाल शिक्षक महासंघ शिवसताक्षीले बाढी पीडितका लागि संकलित सहयोग रकम शिवसताक्षी नगरपालिकालाई हस्तान्तरण गरेको छ। शुक्रबार दुधेमा नेपाल शिक्षक महासंघ शिवसताक्षीको बैठकको क्रममा नेपाल शिक्षक महासंघ शिवसताक्षीका अध्यक्ष बेनुप्रसाद कार्कीले १ लाख २५ हजार रुपैयाँको चेक नगरप्रमुख मेगाहाङ थोप्रालाई हस्तान्तरण गरेका हुन्। गएको असोज १८ गते आएको अविरल वर्षाका कारण कनकाई माइको बाढीले नगरका विभिन्न क्षेत्रहरू डुबानमा परेपछि शिक्षक महासंघले सहयोग रकम संकलन गरेको थियो। महासंघका अध्यक्ष बेनुप्रसाद कार्कीका अनुसार बाढीले सामुदायिक विद्यालयमा अध्ययनरत बालबालिकाका पाठ्यपुस्तक, शैक्षिक सामग्री र विद्यालय पोशाकसमेत क्षति पुगेकाले शिक्षकहरूले राहतका लागि सहयोग जुटाएका हुन्। रकम ग्रहण गर्दै नगरप्रमुख थोप्राले विशेष गरी…

झापा, २४ साउन । जल तथा मौसम विज्ञान विभागका अनुसार शुक्रबारदेखि नेपालबाट यस वर्षको मनसुन बाहिरिएको छ । मनसुनको अन्त्यसँगै नदीनालाहरूमा उल्लेख्य वृद्धि हुने सम्भावना नरहेकाले नियमित २४ घण्टे बाढी पूर्वसूचना सेवा स्थगित गरिएको विभागले जनाएको छ। यद्यपि, मनसुन बाहेकको अवधिमा कुनै बाढीजन्य घटना देखिएमा तत्काल २४ घण्टे पूर्वसूचना सेवा पुनः सञ्चालन गरिनेछ । मनसुनको बहिर्गमन सुदूरपश्चिम, कर्णाली, लुम्बिनी प्रदेशको पश्चिमी भूभाग तथा गण्डकी प्रदेशको केही स्थानबाट सुरु भएको विभागले जनाएको छ।

झापा, २४ असोज । नेपाल राष्ट्र बैंकले डेबिट कार्डबाट गरिने कारोबारको अधिकतम सीमा घटाएको छ। शुक्रबार जारी परिपत्रअनुसार अब एटीएमबाट प्रति कारोबार २० हजार रुपैयाँ, दैनिक ५० हजार र मासिक ३ लाख रुपैयाँसम्म मात्रै झिक्न सकिनेछ । यसअघि प्रति कारोबार २५ हजार, दैनिक एक लाख र मासिक ४ लाखको सीमा तोकिएको थियो । अन्य कार्डहरूमा भने सीमा यथावत राखिएको छ । प्रिपेड कार्डमा प्रति कारोबार १० हजार, दैनिक २० हजार र मासिक २ लाखको सीमा कायम छ। सेवा प्रदायक संस्थाले जारी गर्ने प्रिपेड कार्डमा दैनिक ५ हजार र मासिक २५ हजारको सीमा यथावत छ । क्रेडिट कार्डको सीमा परिवर्तन गरिएको…

बिर्तामोड, २४ असोज । नेपाल कम्युनिष्ट पार्टी (माओवादी केन्द्र) का संयोजक पुष्पकमल दाहाल ‘प्रचण्ड’ले स्वच्छ, निष्पक्ष र धाँधलीरहित निर्वाचनका पक्षमा पार्टी अडिग रहेको बताएका छन्। प्रेस सन्टर नेपालद्वारा ललितपुरमा आयोजित सम्पादकहरूसँगको संवाद कार्यक्रममा बोल्दै दाहालले आगामी फागुन २१ गतेको निर्वाचनलाई सफल बनाई मुलुकलाई राजनीतिक निकास दिनुपर्नेमा जोड दिए। अध्यक्ष दाहालले जेनजी पुस्ताको भावना समेटेर संविधान संशोधन गरी समाजमा देखिएको निराशा र असन्तुष्टि सम्बोधन गर्नुपर्ने धारणा व्यक्त गरे। विकृति, विसङ्गति र भ्रष्टाचारको अन्त्यसहित सुशासन र आर्थिक समृद्धिको बाटोमा राष्ट्र अघि बढ्नुपर्नेमा पनि उनले जोड दिए। राजनीतिक दलहरूबीच राष्ट्रिय सहमति आवश्यक रहेको उल्लेख गर्दै दाहालले आवश्यक परे संयोजक पदबाट पनि पछि हट्न…