झापा अनलाइन

धनकुटा, १९ भदौ । धनकुटा जिल्लाको महालक्ष्मी नगरपालिका–१ कटहरे, सिप्रिङमा एकै परिवारमा घटेका दुःखद घटनाले गाउँ नै स्तब्ध बनेको छ। वैदेशिक रोजगारीका लागि कुवेत गएका डम्बरबहादुर मगरको भदौ ४ गते उपचारको क्रममा मृत्यु भएपछि उनकी श्रीमती विद्या मगरको पनि भदौ ७ गते निधन भएको छ । मगर दम्पतीका तीन छोरीहरू १६ वर्षीया विपना, १५ वर्षीया सञ्जु र २ वर्षीया समिता आमाको काजकिरिया सकेर बुबाको शवको पर्खाइमा थिए । कुवेतबाट डम्बरबहादुरको शव बुधबार काठमाडौं आइपुगेपछि बिहीबार अरुण नदी किनारमा अन्त्येष्टि गरिएको हो । दागबत्ती छोरीहरू विपना र सञ्जुले दिएका थिए । स्थानीय विमला थापाका अनुसार, विद्याको सातौँ दिनमा काजकिरिया सकेर छोरीहरूले…

अछाम, १९ भदौ । अछामको तुर्माखाँद गाउँपालिका वडा नं ६ रानीवनस्थित चाका भिट्टामा दुई जना किशोरी आत्महत्या गरेको अवस्थामा फेला परेका छन्। प्रहरीका अनुसार रानीवनकै सर्पे कामीकी १५ वर्षीया छोरी साउनी वि।क। र सोही ठाउँकै कमल वि।क।की १२ वर्षीया छोरी प्रेमकला बि।क। को शव बिहीबार बिहान स्थानीय जङ्गलमा झुन्डिएको अवस्थामा भेटिएको हो। परिवारका सदस्यहरूले दुवै किशोरीलाई बुधवार रातिदेखि सम्पर्कविहीन भएको बताउँदै खोजी कार्य थालेका थिए। खोजी क्रममा आज बिहान उनीहरूको शव जङ्गलमा भेटिएको हो। घटनाको जानकारी पाएलगत्तै स्थानीय प्रहरी चौकीको टोली घटनास्थल पुगेको थियो। घटनास्थलको प्रारम्भिक अनुसन्धानका आधारमा प्रहरीले आत्महत्या भएको अनुमान गरे पनि यसबारे थप अनुसन्धान भइरहेको जनाएको छ।…

काठमाडौँ, १९ भदौ । नेपाल कम्युनिष्ट पार्टी (एमाले)ले भोलिदेखि सुरु हुने दोस्रो विधान महाधिवेशनको सम्पूर्ण तयारी पूरा भएको जनाएको छ । महाधिवेशन ललितपुरको गोदावरीस्थित सनराइज हलमा आयोजना हुँदैछ । पार्टीका प्रचार विभाग प्रमुख राजेन्द्र गौतमका अनुसार महाधिवेशनको उद्घाटन पार्टी अध्यक्ष तथा प्रधानमन्त्री केपी शर्मा ओलीले विशेष समारोहबीच गर्नुहुनेछ । महाधिवेशनमा २,०२६ जना प्रतिनिधि र ३१५ जना आयोजक गरी कुल २,३४१ जना सहभागी हुनेछन् । महाधिवेशनको मूल नारा ‘निर्णायक राष्ट्रिय शक्ति निर्माण हाम्रो सङ्कल्प, समृद्ध नेपाल, सुखी नेपाली हाम्रो राष्ट्रिय गन्तव्य’ रहेको छ। अधिवेशनमा अध्यक्ष ओलीले राजनीतिक प्रतिवेदन, उपाध्यक्ष विष्णुप्रसाद पौडेलले विधान संशोधन प्रस्ताव, र महासचिव शंकर पोखरेलले सङ्गठनात्मक प्रतिवेदन प्रस्तुत…

सुनसरी, १९ भदौ । सुनसरीको झुम्का कारागारमा भाइरल ज्वरोको प्रकोप तीव्र बनेको छ। पछिल्लो ६ दिनको अवधिमा चार जना कैदीबन्दीको मृत्यु भएको छ भने ३५३ जना बिरामी परेका छन्। बुधबार राजविराज नगरपालिका–८ का ५५ वर्षीय जलेश्वर यादवको इनरुवा अस्पतालमा उपचारको क्रममा मृत्यु भएको प्रमुख जिल्ला अधिकारी धर्बेन्द्रकुमार मिश्रले जानकारी दिए। यादवलाई श्वासप्रश्वासमा गम्भीर समस्या देखिएको थियो। यसअघि भदौ १५ गते रामदेव उराउ, १६ गते सागर राई, र आइतबार एक जना कैदीको मृत्यु भएको थियो। मृतकहरूमा उच्च ज्वरो, कमजोरी, र श्वासप्रश्वासमा समस्या देखिएको अधिकारीहरूले बताएका छन्। ३५३ बिरामीमध्ये १३ जनालाई रेफरप्रकोप फैलिएपछि जिल्ला सुरक्षा समितिको टोली गएराति चिकित्सकसहित कारागार पुगेको थियो।…

भद्रपुर, १९ भदौ । नेपाल निजामति कर्मचारी युनियनले आफ्नो स्थापना दिवसको अवसरमा पत्रकार इश्वर अधिकारी लगायत उत्कृष्ट कर्मचारी, समाजसेवी तथा सेवा निवृत कर्मचारीहरुलाई सम्मान गरेको छ । सञ्चारक्षेत्रमा गरेको योगदानको मूल्याङ्कन गर्दै अधिकारीलाइ सम्मान गरिएको हो । भद्रपुर-१० निवासी अधिकारी नागरीक एफ एमका कार्यक्रम निर्देशक तथा आँखा डटकम अनलाइनका सम्पादक हुनुहुन्छ भने विगत दुइ दशक भन्दा वढी समयदेखि सञ्चारक्षेत्रमा सक्रिय हुनुहुन्छ । अन्य सम्मानितहुनेहरुमा समाजसेवी तर्फ बिर्तामोड निवासी जल कुमार गुरुङ्ग, उत्कृष्ट कर्मचारी तर्फ कमल गाउँपालिकाका कृषि अधिकृत महेन्द्र वोहोरा र प्रादेशिक अस्पताल भद्रपुरका एक्सरे शाखाका कर्मचारी लिला भट्टराइ रहनुभएको छ । सम्मानीत हुनुहुने सेवा निवृत कर्मचारीहरुमा शिक्षा विकास तथा…

झापा, १९ भदौ । झापाको बिर्तामोड नगरपालिका–७, खालवारीमा जंगली हात्तीले धानबालीमा क्षति पुर्याएको छ । बुधबार राति नजिकैको जंगलबाट आएको तीन वटा हात्तीले स्थानीय कृष्णप्रसाद खरेलको करिब ७ कठ्ठा क्षेत्रफलमा रहेको धानबालीमा क्षति पुर्याएको हो । खेतमा हात्तीले धान खाई र कुल्चिँदा करिब ३० हजार बराबरको क्षति भएको जिल्ला प्रहरी कार्यालय झापाले जनाएको छ । हात्तीहरू राती नै जंगलतर्फ फर्किएको जनाइएको छ। स्थानीय बासिन्दाहरूले वन क्षेत्र नजिकको बस्तीमा हात्तीको बढ्दो प्रवेशप्रति चिन्ता व्यक्त गरेका छन्। सम्बन्धित निकायले वन्यजन्तु नियन्त्रण तथा क्षतिपूर्ति व्यवस्थापनमा ध्यान दिनुपर्ने आवश्यकता देखिएको छ।

झापा, १९ भदौ । झापाको अर्जुनधारा नगरपालिका–१० पञ्चकन्याटोलमा बुधबार राति विद्युत सट भई आगलागी भएको छ । केदार ढुङ्गेलको तीन तले घरको भुईं तल्लाको टिभी कोठामा अचानक आगो लागेको हो । आगलागी स्थानीय बासिन्दा, प्रहरी टोली तथा मेचीनगर नगरपालिकाको दमकलको सहयोगमा अन्दाजी ९ः५० बजे आगो पूर्ण रूपमा नियन्त्रणमा लिइएको थियो । आगलागीबाट कोठामा रहेको १ थान टेलिभिजन र १ थान दराज जलेर नष्ट भएको जनाइएको छ। प्रारम्भिक अनुमान अनुसार आगलागीबाट करिब दुई लाख रुपैयाँ बराबरको क्षति भएको जिल्ला प्रहरी कार्यालय झापाले जनाएको छ । विद्युत सटका कारण आगलागी भएको प्रारम्भिक अनुमान गरिएको छ भने घटनाको थप अनुसन्धान भइरहेको स्थानीय प्रशासनले…

झापा, १९ भदौ । नेपाली कांग्रेस नेता डा. शशांक कोइरालाले नेपालमा १७ लाख हेक्टर खेतीयोग्य जमिनबाट ३० करोड जनतालाई पुग्ने अन्न उत्पादन हुन सक्ने बताउनुभएको छ । नेपाली कांग्रेस आपूर्ति तथा उपभोक्ता विभागको आयोजनामा बिर्तामोडमा आयोजित ‘दैनिक उपभोग्य वस्तुको सुनिश्चितता, उपभोक्ताको अधिकार हाम्रो चासो’ विषयक अन्तरसम्वाद कार्यक्रम प्रमुख अतिथि डा. कोइरालाले नेपालमा उत्पादन क्षमतामा ह्रास आउँदा व्यापार घाटा बढेको बताउनुभयो । कृषि क्षेत्रमा युवाको आकर्षण बढाउन विशेष सरकारी योजना आवश्यक रहेको उहाँको भनाइ छ । कांग्रेसका पूर्व महामन्त्री डा. कोइरालाले लोकतान्त्रिक पद्धतिमा पार्टी सञ्चालन चेन अफ कमाण्डबाट हुनुपर्नेमा जोड दिँदै निर्वाचित सभापतिले सबै कार्यकर्तासँग समान व्यवहार गर्नुपर्ने धारणा राख्नुभयो ।…

भद्रपुर, १९ भदौ । श्री वैदिक सनातन धर्म संरक्षण समिति नेपाल भद्रपुर नगर समितिले नगरस्तरीय वक्तृत्वकला प्रतियोगिता आयोजना गर्ने भएको छ । नगर समितिले आगामी भदौ २१ गते ‘श्री वैदिक सनातन धर्म संस्कार आजको आवश्यकता’ विषयक वक्तृत्वकला प्रतियोगिता आयोजना गर्ने भएको हो । प्रतियोगिताबारे जानकारी दिन बुधबार यहाँ आयोजित पत्रकार सम्मेलनका प्रमुख अतिथि श्री वैदिक सनातन धर्म संरक्षण समितिका जिल्ला सदस्य श्रीसराज रिजालले धर्म, संस्कृति रक्षा र सम्बर्धनका लागि वक्तृत्वकला प्रतियोगिता गर्नु उल्लेखनीय कार्य भएको बताउनुभयो । आगामी दिनमा पनि यस प्रकारका कार्यक्रमहरू निरन्तर गर्नुपर्नेमा उहाँले जोड दिनुभयो । नवदुर्गा मन्दिर व्यवस्थापन समितिका अध्यक्ष यादवप्रसाद पोखरेलले प्रतियोगिता सफलताको शुभकामना व्यक्त…

झापा, १९ भदौ । गुणस्तर तथा नापतौलसम्बन्धी चेतनामूलक कार्यक्रम बिर्तामोडमा सम्पन्न भएको छ । नेपाल गुणस्तर तथा नापतौल विभागको आयोजनामा भएको कार्यक्रममा नेपाल गुणस्तर चिह्न, अन्तरराष्ट्रिय गुणस्तर सङ्गठन (आईएसओ) प्रमाणपत्र तथा विभागअन्तर्गतका कार्यालयले प्रदान गर्ने सेवाबारे जानकारी दिइएको थियो । विभागका निर्देशक पारसमणि यादवले नेपाल गुणस्तर चिह्न र आइएसओ प्रमाणपत्र तथा जिल्ला गुणस्तर तथा नापतौल कार्यालयका प्रमुख रजनिस झाले कार्यालयमार्फत प्रदान गरिने सेवाबारे जानकारी दिए । कार्यक्रमका सहभागी उद्योगी, व्यापारी, उपभोक्ता, स्थानीय तहका प्रतिनिधिले गुणस्तर चिह्न, आइएसओ प्रमाणपत्र प्राप्त गर्ने प्रक्रिया र विभागका सेवाबारे जिज्ञासा राखेका थिए । त्यस अवसरमा नापतौल, ढकतराजु, उपभोक्ताको अधिकार र स्वदेशी उत्पादनको अन्तरराष्ट्रिय बजारमा बजारीकरणबारे…