झापा अनलाइन

झापा, ११ भदौ । यातायात व्यवस्था विभागले इम्बोस्ड नम्बर प्लेट जडान नगरेको सवारीसाधनलाई असोज १ गतेदेखि कारवाही गरिने भन्ने प्रचारप्रति स्पष्ट प्रतिक्रिया दिँदै त्यसमा कुनै सत्यता नरहेको जनाएको छ। विभागले मङ्गलवार एक प्रेस विज्ञप्ति जारी गर्दै हाललाई इम्बोस्ड नम्बर प्लेट नजडाएकोमा कुनै दण्ड वा जरिवाना नलाग्ने स्पष्ट पारेको हो। विभिन्न सञ्चारमाध्यम तथा सामाजिक सञ्जालमा असोज १ पछि कारवाही हुने, जेल सजायसमेत हुन सक्ने भन्ने भ्रामक प्रचारप्रति विभागले आपत्ति जनाउँदै नागरिकलाई भ्रममा नपर्न आग्रह गरेको छ। विभागले सवारीधनीहरूलाई आफू अनुकूलको यातायात कार्यालयमा गई स्वेच्छाले नम्बर प्लेट जडान गर्न अनुरोध गर्दै डिजिटाइजेसन प्रक्रियामा सहयोग गर्न आह्वान गरेको छ। विभाग तथा प्रदेश कार्यालयहरूमा…

झापा, ११ भदौ । पूर्व–पश्चिम राजमार्ग अन्तर्गत कनकाई–८ स्थित बिरिङ खोला पुलमा पिकअप र मारुती भ्यान एक आपसमा ठोक्किँदा एक जनाको मृत्यु भएको छ भने चार जना घाइते भएका छन् । करिब पौने ९ बजेको समयमा सुरुंगाबाट बिर्तामोडतर्फ आउँदै गरेको मे १ च ५४४६ नम्बरको पिकअप र विपरीत दिशाबाट जाँदै गरेको मे १ च ३४४० नम्बरको भ्यान आपसमा ठोक्किएका थिए । दुर्घटनामा भ्यानका चालकको मृत्यु भएको प्रहरीले जनाएको छ । प्रहरीका अनुसार मृतकको पूर्ण पहिचान भइसकेको छैन । दुर्घटनामा घाइते भएका भ्यानका चालकलाई तत्काल उद्धार गरी बिर्तामोडस्थित बिएन्डसी अस्पताल लगिएको थियो । अस्पताल पुर्‍याउनासाथ डाक्टरले उनको मृत्यु भएको घोषणा गरेका…

नवलपरासी, ११ भदौ । देवचुली नगरपालिका–६ स्थित टोक्रे खोला पुल नजिक मङ्गलवार सामान बोक्ने अटो दुर्घटना हुँदा एक जनाको मृत्यु भएको छ भने ११ जना घाइते भएका छन्। दुर्घटनामा परेका सबै भारतीय नागरिक रहेको जिल्ला प्रहरी कार्यालय नवलपरासीले जनाएको छ। कीर्तिपुरबाट दलदलेतर्फ जाँदै गरेको लु १ स ९०९४ नम्बरको अटो सडकबाट तल खस्दा भारत मोतिहारी घर भएका ३५ वर्षीय रिजुवान खातुनको उपचारका क्रममा मृत्यु भएको हो। अटोमा चालकसहित १२ जना सवार थिए। प्रहरी उपरीक्षक यादव ढकालका अनुसार घाइते सबैलाई चितवनस्थित अस्पतालमा उपचारका लागि लगिएको छ। दुर्घटनामा परेका अन्य ११ जनाको अवस्था सामान्य रहेको जनाइएको छ। घाइते हुनेहरूमा:३५ वर्षीया सवना खातुन१८…

झापा, ११ भदौ । अग्रपूजाको अधिकार प्राप्त गर्नुभएका विघ्नहर्ता भगवान् गणेशको पूजा आराधना गरी मनाइने गणेश चतुर्थी पर्व आज मनाइँदै छ । प्रत्येक वर्ष भाद्र शुक्ल चतुर्थीका दिन यो पर्व मनाइन्छ । सत्ययुगमा भाद्र शुक्ल चतुर्थीका दिन भगवान् गणेशको जन्म भएको शास्त्रीय मान्यता छ । यस अवसरमा आज उपत्यकाका अशोकविनायक, चन्द्रविनायक, सूर्यविनायक, कमलविनायक, कमलादी गणेशलगायत देशभरका गणेश मन्दिरमा विशेष पूजा गरी गणेशको जन्मोत्सव मनाउने गरिन्छ । शिवपार्वतीका पुत्र गणेशलाई जुनसुकै धार्मिक कर्ममा अग्रपूजाको अधिकार प्राप्त छ । आज हरितालिका ९तीज० को व्रत पारायण गरी गणेशको व्रत गर्ने शास्त्रीय मान्यता रहेको नेपाल पञ्चाङ्ग निर्णायक विकास समितिका पूर्वअध्यक्ष सदस्य एवं धर्मशास्त्रविद् प्रा…

भद्रपुर, ११ भदौ । चालु आर्थिक वर्षको पहिलो महिनामा काँकडभिट्टाबाट रु एक अर्ब ५० करोड १३ लाख ६५ हजार मूल्यबराबरको पेट्रोलियम पदार्थ आयात भएको छ । मेची भन्सार कार्यालयका सूचना अधिकारी ईश्वरकुमार हुमागाईँका अनुसार आव २०८१/८२ को सोही अवधिको तुलनामा रु पाँच करोड २२ लाख अर्थात् तीन दशमलव ६० प्रतिशतले पेट्रोलियम पदार्थ आयातमा वृद्धि भएको छ । आयातमा सामान्य वृद्धि भएसँगै पेट्रोलियम पदार्थबाट प्राप्त राजस्व पनि ११ दशमलव ८० प्रतिशत अर्थात् रु सात करोड ९१ लाख ५३ हजारले बढेको उहाँले बताउनुभयो । पेट्रोलियम पदार्थ आयातबाट रु ७४ करोड ८३ लाख ३२ हजार राजस्व सङ्कलन भएको छ । उक्त अवधिमा रु…

झापा, ११ भदौ । हाल मनसुनको न्यूनचापीय रेखा पूर्वतर्फ सरदरभन्दा दक्षिणमा तथा पश्चिमतर्फ सरदर स्थानको आसपासमा अवस्थित रहेको जल तथा मौसम विज्ञान पूर्वानुमान महाशाखाले जनाएको छ । आज दिउँसो देशभर साधारणतया बदली रहने तथा कोशी, मधेस, वाग्मती र गण्डकी प्रदेशलगायत पहाडी भागका केही स्थानका साथै तराईका केही स्थानमा मध्यम वर्षाको सम्भावना छ । कोशी र गण्डकी प्रदेशका पहाडी भागका एकदुई स्थानमा भारी वर्षाको सम्भावना छ । त्यसैगरी, आज राति कोशी, गण्डकी र लुम्बिनी प्रदेशलगायत देशका पहाडी भागमा साधारणतया बदली रही बाँकी भागमा आंशिक बदली हुने महाशाखाले प्रक्षेपण गरेको छ । कोशी, वाग्मती, गण्डकी र लुम्बिनी प्रदेशका केही स्थानमा मध्यम वर्षाको…

भद्रपुर, ११ भदौ । भद्रपुर नगरपालिका अन्र्तगत श्रम तथा रोजगार शाखाको नेतृत्व गरिरहेका टिकाराम पाण्डेमाथि रोजगारी खासेको आरोप लागेको छ । पाण्डे सञ्चालक समिति अध्यक्ष रहेको झापाको कचनकवल-६ बनियानी स्थित कचनकवल अग्रेजी माध्यमिक विद्यालयमा दशकयता निरन्तर काम गरिरहेका शिक्षकलाई बिनाकारण निष्काशन गरिएपछि श्रमिकको रोजगार खोसेको आरोप लागेको हो । पछिल्लो पटक सामाजिक विषय अध्यापन गरिरहेका पर्शुराम कार्कीलाई पाण्डेको विद्यालयले राम्रो नपढाएको आरोप लगाएर कानुनी प्रकृया समेत मिचेर निस्काशन गरेको थियो । २०७२ सालदेखि सो विद्यालयमा कार्कीलाई माध्यमिक तह अन्र्तगत कक्षा ९ देखि १२ सम्म अध्यापनको जिम्मा दिइएको थियो । अभिभावक र विद्यार्थीले समेत रूचाएका कार्की कचनकवलका स्थानीय समेत हुन् ।…

झापा, १० भदौ । नेपालले ट्वान्टी–२० अभ्यास खेलमा अस्ट्रेलियन क्यापिटल टेरिटोरी ९एसिटी०विरुद्ध लगातार दोस्रो जित दर्ता गरेको छ । मङ्गलवार सम्पन्न दोस्रो खेलमा नेपाल ६ विकेटले विजयी भयो । मङ्गलवारै सम्पन्न पहिलो खेलमा नेपालले ४१ रनको जित निकालेको थियो । एसिटीले प्रस्तुत गरेको ९७ रनको लक्ष्य नेपालले १३।२ ओभरमा चार विकेट गुमाउँदै पूरा गर्‍यो । नेपालका लागि दीपेन्द्रसिंह ऐरीले अविजित ४२, गुल्शनकुमार झाले २३ र आरिफ शेखले अविजित ११ रन बनाए । त्यसअघि टस हारेर ब्याटिङको निम्तो पाएको एसिटी १७।२ ओभरमा ९६ रनमै समेटियो । नेपालका लागि दीपेन्द्रसिंह ऐरी र शाहब आलमले समान चार तथा कप्तान रोहितकुमार पौडेल र गुल्शनकुमार…

इलाम, १० भदौ । जितपुर माध्यमिक विद्यालयमा एक शिक्षकले विद्यार्थीलाई मरणासन्न हुने गरी कुटपिट गरेको आरोप लागेको छ । स्थानीय अभिभावक र विद्यार्थीहरूले घटनाबारे गम्भीर आपत्ति जनाउँदै कानुनी कारबाहीको माग गरेका छन् । अभिभावकका अनुसार एक विद्यार्थीले गल्ती गरेको भन्दै शिक्षकले करिब दुई घण्टासम्म निरन्तर कुटपिट गरेका थिए । घटनास्थलमा रहेका अन्य विद्यार्थीहरूले पनि कुटपिट भएको देखेको पुष्टि गरेका छन् । घटनापछि पीडित विद्यार्थीलाई उपचारका लागि लगिएको छ । अभिभावकहरूले विद्यार्थीले गल्ती गरे पनि शैक्षिक विधिबाट समाधान खोज्नुपर्नेमा शिक्षकले ‘गुन्डा शैली’मा व्यवहार गरेको आरोप लगाएका छन् । उनीहरूले विद्यालय प्रशासन र शिक्षक संघमा राजनीतिक प्रभाव बढेको र अभिभावकले गुनासो गर्दा…

सिन्धुपाल्चोक, १० भदौ । भोटेकोशी गाउँपालिका–४ हिन्दीमा मङ्गलवार दिउँसो बोलेरो दुर्घटना हुँदा दुई जना बेपत्ता भएका छन्। तातोपानीबाट बाह्रबिसेतर्फ जाँदै गरेको बा २१ च ७५४४ नम्बरको बोलेरो अरनिको राजमार्गबाट करिब २० मिटर तल भोटेकोशी नदीमा खसेको जिल्ला प्रहरी कार्यालय सिन्धुपाल्चोकले जनाएको छ। दुर्घटनाग्रस्त सवारी सर्लाही बरहथवा नगरपालिका–२ का २३ वर्षीय चालक राजेश कुमार कुसहवा चलाइरहेका थिए। रौतहट बौधिमाई नगरपालिका–१ का २५ वर्षीय राम प्रवेश महतो सहचालकका रूपमा सवार थिए। दुर्घटनापछि उद्धारका क्रममा नदीले एक पुरुषको शव बगाएको देखिएको छ। तर शवको पहिचान हुन बाँकी रहेको र चालक तथा सहचालक दुवै जनाको खोजी कार्य जारी रहेको प्रहरीको भनाइ छ। प्रहरी, सशस्त्र…