झापा अनलाइन

काठमाडौँ, २७ असोज । कञ्चनपुरकी किशोरी निर्मला पन्तको बलात्कार तथा हत्याका प्रमाण प्रहरी अधिकारीहरूबाटै नष्ट गरिएको गृह मन्त्रालयद्वारा गठित छानबिन समितिको प्रतिवेदनमा उल्लेख छ । तर, तिनलाई निलम्बनबाहेक अन्य कारबाही गरिएको छैन । कानुनमा प्रमाण नष्ट गर्नेहरू कसुरदार भएकाले संलग्नलाई फौजदारी सजाय गर्नुपर्ने प्रावधान छ । मुलुकी फौजदारी संहिता २०७४ अनुसार प्रमाण नष्ट गर्ने, निर्दोषलाई दोषीका रूपमा प्रस्तुत गर्ने र सत्यतथ्य अनुसन्धान नगरी अपराध ढाकछोप गर्न खोज्नेहरू सजायका भागिदार हुन् । ‘कसैले कुनै कसुरदारलाई बचाउने नियतले निजले गरेको कसुरसम्बन्धी कुनै प्रमाण दबाउन, नष्ट गर्न वा त्यसलाई प्रमाणका रूपमा प्रयोग गर्न नसकिने गरी बिगार्न हुँदैन,’ संहिताको दफा ९३ मा भनिएको छ,…

इलाम, २६ असोज । पछिल्लो समय सरकारी तथा गैर–सरकारी क्षेत्रबाट राम्रो सहयोग पाउन थालेपछि जिल्लामा चिया प्रशोधन कारखाना स्थापना हुन थालेका छन् । ठूला उद्योगले हरियो चियाको मूल्य उचित मूल्य नदिएका कारण विभिन्न सङ्घ÷संस्थाको आर्थिक सहयोगमा यस्ता उद्योग स्थापना भएका हुन् । चिया उत्पादन मात्र गर्नुभन्दा प्रशोधन समेत गरेको चियाको उचित मूल्य पाइने भएकाले जिल्लामा प्रशोधन केन्द्र स्थापना हुन थालेको केन्द्रीय चिया सहकारी सङ्घका महासचिव रवीन राईको भनाइ छ । जिल्लामा आठ उद्योगमध्ये साउनयता मात्रै सहकारीमार्फत चार प्रशोधन उद्योग स्थापना भएका छन् । निजी कम्पनीका रुपमा मात्र स्थापना हुने चिया प्रशोधन केन्द्रसमेत पछिल्लो समय सहकारीमार्फत सञ्चालन हुन थालेका जिल्ला चिया…

विराटनगर, २६ असोज । नेपाली काङ्ग्रेस संसदीय दलका उपनेता विजयकुमार गच्छदारले राष्ट्र विखण्डनको कुरा उठाउने जो कोहीलाई पनि कारवाही गर्नुपर्ने बताउनुभएको छ । विराटनगर विमानस्थलमा आज सञ्चारकर्मीसँग कुरा गर्दै उहाँले मुलुकलाई खण्डित बनाई रज्य विद्रोहको कुरा गरी राष्ट्रिय एकतामा खलल पु¥याउनेलाई कारवाही गर्नु सरकारको दायित्व रहेको प्रष्ट पार्नुभयो । पूर्वउपप्रधानमन्त्रीसमेत रहनुभएका नेता गच्छदारले संविधान कुनै धार्मिकग्रन्थ नभएको बताउँदै जनताबाट निर्मित वर्तमान संविधानलाई पूर्णता दिन समयानुसार संशोधन गर्नुपर्ने धारणा व्यक्त गर्नुभयो । उहाँले नेपाली काङ्ग्रेसभित्र रहेको गुटउपगुट समाप्त गरी एकता कायम गराउनका लागि नै नेपाल लोकतान्त्रिक फोरमले समायोजन गरेको विचार व्यक्त गर्नुभयो । नेता गच्छदारले काङ्ग्रेको आन्तरिक विवादको कारण बस्न नसकेको…

विराटनगर, २६ असोज । प्रदेश नं १ का मुख्यमन्त्री शेरधन राईले प्रदेश सरकारले भौतिक पूर्वाधार निर्माणमा यस वर्ष रु छ अर्ब खर्च गर्ने बताउनुभएको छ । प्रदेशको यातायात पूर्वाधार विकास मन्त्रालयअन्तर्गत यातायात पूर्वाधार विकास निर्देशनालयको सुनसरीको इटहरी–४ हलगाँडामा नवस्थापित कार्यालयको आज उद्घाटनका क्रममा उहाँले प्रदेश सरकारले आफ्नो बजेटको ४० प्रतिशत प्रदेशको पूर्वाधार निर्माणमा खर्च गर्ने बताउँदै फराकिलो र गुणस्तर सडक एवं मोटर चल्ने र झोलुङ्गे पुल निर्माण गरी जनताको सेवासुविधामा ध्यान दिनुपर्नेमा जोड दिनुभयो । उहाँले प्रदेशलाई भ्रष्टाचारमुक्त र सुशासनयुक्त बनाउन सबैको सहयोग आवश्यक रहेको बताउँदै निर्देशनालयलाई प्रदेश सरकारको बजेट र नीति तथा कार्यक्रमअनुसार जनतालाई केन्द्रविन्दुमा राखी कार्य गर्न निर्देशन…

इटहरी, २६ असोज । प्रदेश नं १ का आन्तरिक मामिला तथा कानूनमन्त्री हिक्मत कार्कीले सडक सुशासन कायम राख्न प्रत्येक नागरिकले सडकका विषय एवं ट्राफिक नियमका विषयमा ज्ञान राख्न जरुरी रहेको बताउनुभएको छ । प्रदेश मन्त्रालयद्वारा आज इटहरीमा आयोजित सडक सुशासन विषयक छलफलमा उहाँले सडक उपभोग एवं सडक सुरक्षाका विषयमा सचेत भएर लाग्न नसकेसम्म जतिसुकै राम्रो र सुविधा सम्पन्न सडक निर्माण भए पनि सडकमा दुर्घटनामा कमी नआउने भएकाले सडक उपयोगका विषयमा सबैले सावधानी अपनाउनुपर्ने बताउनुभयो ।

बिर्तामोड, २६ असोज । कमल गाउँपालिकास्थित कमल स्पोर्टिङ क्लब बिर्तामोडमा जारी १६ वर्षमुनिको नकआउट फुटबल प्रतियोगिताको फाइनलमा पुगेको छ । प्रतियोगिताअन्तर्गत शुक्रबार भएको अन्तिम सेमिफाइनल खेलमा दमक स्पोर्टिङ क्लबलाई टाइब्रेकरमा ३–१ गोलअन्तरले पाखा लगाउँदै कमलले अन्तिम दुईमा आफ्नो स्थान पक्का गरेको हो । अब उपाधिका लागि कमलले आइतबार काँकडभिट्टाको सामना गर्नेछ । बिर्तामोड–२ चारपानेस्थित अमरसिंह माध्यमिक विद्यालयको खेल मैदानमा भएको खेलमा कमलका तर्फबाट विजय मगर, सोयङ राई र दर्शन हेमरमले गोल गरे । दमकका तर्फबाट ओमप्रकाश तामाङले मात्र गोल गर्न सके । खेलको म्यान अफ द म्याच कमलका गोलरक्षक मनिष मगर घोषित भए । उनले नगद दुई हजार रुपैयाँ प्राप्त…

सागर गौतम खुदुनाबारी, २६ असोज । अर्जुनधारा नगरपालिकाले चाडवर्पको पूर्वसन्ध्यामा बजार अनुगमन गरेको छ । अनुगमन टोलीले शनिश्चरे बजार क्षेत्र अनुगमन गरेको छ । चाडपर्वको बेलामा अखाद्य वस्तुको प्रयोग हुन सक्ने भन्दै नगरपालिकाले अनुगमन सुरु गरेको हो । नगरपालिकाका नगर उप–ं प्रमुख तथा अनुगमन समितिका संयोजक कमला आचार्यको संयोजकत्वमा शनिश्चरे प्रहरी चौकी , उद्योग वाणिज्य संघ, बिभिन्न बिषयगत शाखा तथा पत्रकारको टोलीले शनिश्चरे बजार क्षेत्रका बिभिन्न २७ वटा पसलमा अनुगमन गरेको हो । टोलीले अनुगमनका क्रममा व्यवसाय दर्ता, नविकरण गरे (नगरेको, राजस्व तिरे – नतिरेको र म्याद गुज्रेको अखाद्य बस्तु, नापतौलको प्रमाणपत्र, स्थायी लेखा प्रमाणपत्र, मासुको गुणस्तर लगायतको अनुगमन तथा…

काठमाडौं, २६ असोज । पूर्वराजा ज्ञानेन्द्र शाहले यस बर्ष सर्वसाधारणलाई टीका लगाइदिने भएका छन् । गत बर्ष सर्वसाधारणलाई टीका नलगाइदिएका ज्ञानेन्द्रले यो बर्ष विजयादशमीको दिन दिउँसो ३ बजेदेखि टीका लगाइदिने भएका हुन् । निर्मलनिवासमा ११ बजेर ३७ मिनेटमा टीकाको साइत जुराइएको छ । पूर्वराजा ज्ञानेन्द्रले आमा रत्नको हातबाट टीका ग्रहण गरेपछि निर्मल निवासमा आफन्तसँग टीका लागाउने कार्यक्रम तय भएको छ । त्यसपछि दिउँसो ३ बजेदेखि निर्मल निवासमा शुभेच्छुकलाई टीका लगाइदिने कार्यक्रम तय भएको छ । आजको नेपाल समाचारपत्रमा खबर छ ।

काठमाडौँ, २६ असोज । आज प्रकाशित अधिकांश पत्रिकाले नेकपा नेता वामदेव गौतम काठमाडौं ७ को उपनिर्वाचनबाट पछि हटेको समाचार प्राथमिकताका साथ प्रकाशित गरेका छन् । कान्तिपुरले पछि हटे गौतम शिर्षकमा पहिलो पृष्ठमा सामाचार छापेको छ। समाचारमा लेखिएको छ, सत्तारूढ नेकपाका नेता वामदेव गौतम काठमाडौं ७ मा उपनिर्वाचनमार्फत चुनाव जितेर सांसद बन्ने योजनाबाट तत्कालका लागि पछि हटेका छन् । पार्टीभित्रैको तीव्र विरोध र क्षेत्रका स्थानीय नेता एवं सर्वसाधारणबाट समेत व्यापक आलोचना भएपछि गौतम तत्कालका लागि पछि हटेका हुन् । उनले बिहीबार स्थानीय नेताहरूलाई अब आफू तत्कालका लागि सांसद बन्ने योजनाबाट पछि हटेको सन्देश पठाएका छन् । चुनाव लड्न हच्किए गौतम शिर्षकमा…

मोरङ, २६ असोज । पथरीशनिश्चरे नगरपालिकामा एक बालिकामाथि सामूहिक बलात्कार भएको छ । साथीको जन्मदिनमा जाँदा १३ वर्षीया बालिका बलात्कृत भएकी हुन् । जन्मदिनमा बोलाएकी साथीकै सहयोगमा बलात्कार भएको प्रहरीको प्रारम्भिक अनुसन्धानमा देखिएको समाचार आजको कान्तिपुरमा छापिएको छ । प्रहरीले बलात्कार आरोपमा पीडितकी साथीलगायत तीन जनालाई नियन्त्रणमा लिएको छ । पथरीशनिश्चरेमा अरूको संरक्षणमा बस्दै आएकी बालिकालाई मंगलबार साथीले जन्मदिनको अवसरमा बोलाएको प्रहरी निरीक्षक कमल बजगाईंले बताए । ‘कक्षा ६ मा अध्ययनरत बालिका साथीको जन्मदिन मनाउन उनको घर पुगेपछि गाउँबाट टाढा जंगलमा रहेको मन्दिरमा पूजा गर्न भन्दै लगिएको थियो,’ उनले भने, ‘मन्दिरमा पूजा गरी जन्मदिन मनाउने क्रममा बालिकालाई घरेलु मदिरा खुवाएर…