झापा अनलाइन

झापा, ७ पुस । देशभर पश्चिमी वायुको आंशिक प्रभाव रहेको छ। मौसम पूर्वानुमान महाशाखाका अनुसार हाल देशभर आंशिक बदली रहेको छ । देशका तराई भू–भागमा तापक्रम हल्का घट्ने तथा हुस्सुरकुहिरोको प्रभावले दैनिक जनजीवन, स्वास्थ्य, सडक तथा हवाई यातायातमा बिहानको समयमा आंशिक प्रभाव पर्न सक्ने देखिन्छ ।

भद्रपुर, ७ पुस । भद्रपुर नगरपालिकाले आज (पुस ७ गते) स्थानीय बिदा दिएको छ । भद्रपुर नगरपालिकाको सातौँ नगर सभाबाट प्रत्येक वर्ष पुस ७ गतेका दिन बालमैत्री स्थानीय शासनयुक्त नगर घोषणा दिवस मनाउने र उक्त दिन स्थानीय बिदा समेत दिने निर्णय बमोजिम आज पाँचौँ बालमैत्री स्थानीय शासनयुक्त नगर घोषणा दिवसको अवसरमा भद्रपुर नगरपालिका क्षेत्रभित्र स्थानीय बिदा दिने निर्णय गरिएको नगर प्रमुख गणेश पोखरेलले जानकारी दिनुभयो । अत्यावश्यक सेवा बाहेक भद्रपुर नगरपालिका, नगर कार्यपालिकाको कार्यालय, वडा समितिको कार्यालयहरू तथा यस नगरपालिका अन्तर्गतका निकायहरूमा बन्द रहने छ । साथै दिवसको अवसरमा भद्रपुर नगरपालिका अन्तर्गतका विद्यालयहरूले सञ्चालन गर्ने गरी तय गरिएका कार्यक्रमहरू यथावत्…

भद्रपुर, ७ पुस । झापाको भद्रपुर नगरपालिका–८ डाँगीबारीमा आइतबार साँझ फोहोर जलाउने क्रममा एक महिला जली घाइते भएकी छन् । स्थानीय ३४ वर्षीया रुवी भण्डारीले आफ्नै घर अगाडि जम्मा भएको फोहोर जलाउने क्रममा अचानक कुनै वस्तु (बोतल हुन सक्ने अनुमान) पड्किँदा आगोले उनको शरीरमा भेटिएको थियो । यस घटनामा भण्डारीको दुबै हात, खुट्टा र पेटमा चोटपटक लागेको छ । घाइतेलाई तत्कालै उपचारका लागि ओमसाई पाथीभारा अस्पताल भद्रपुरमा ल्याइएको छ । अस्पतालका अनुसार उनको अवस्था मध्यम रहेको बताइएको छ।

राजेश ढुंगानासफल पत्रकारितापछि राजनीतिमा आएका रवि लामिछाने केही छोटो समयमै राजनीतिमा पनि सफल देखिए । उनीप्रति कुनै अतिरिक्त प्रेम र सद्भाव देखाएर होइन, एकाध वर्षमै उनले २००७ सालका क्रान्ति अघिका राजनीतिक दलहरूलाई चुनौति दिएर आफ्नो दललाई चौथो ठूलो दल बनाएको कुरा प्रमाणित सत्य हो । लामो समयदेखि सहकारी ठगीको आरोपमा थुनामा रहेका देशको सोही चौथो ठूलो दल ‘राष्ट्रिय स्वतन्त्र पार्टी’का सभापति रवि लामिछानेलाई अदालतले केही शर्त सहित धरौटीमा रिहा गरेको छ । नेपालको अदालत पनि अचम्मको छ ! त्यही अदालत हो, जसले रविलाई धरौटीमा छाड्न अस्वीकार गरेको थियो अनि अहिले फेरि उही अदालत हो, जसले धरौटीमा रिहा गरेको छ ।…

नकुल काजीप्रजातन्त्रोत्तरका दुई अत्यन्त छोटा कालखण्ड बाहेक औसत कालखण्डहरूमा जनधरातलदेखि राज्यको नीति–निर्माता र प्रयोक्ताका अख्तियारशालीसम्मका छोटे–बडे शासक र तिनका अधिनस्त शासकीय संरचनामा सम्पृक्त ‘क’–देखि ‘ज्ञ’–सम्मकाले संविधान–निर्दिष्ट ‘विधिको शासन’–को धज्जी नै उडाउँदै आएका थिए । उनीहरूका यस्ता दुष्कर्म आम जनताका आँखामा छर्लङ्ग छन् । यो ‘सत्य’–लाई शासक–मण्डलीमा गानिने ‘स्वार्थी झोले’ भनिन थालिइएकाहरूका ‘बाहुबली हाँकमण्डली’–ले दलनमा पार्दै आएका छन्, जो अहिले पनि बरकर्रार छँदैछ । ज्वलन्त प्रमाण त, ताजा विगतको चरम ‘दलीय पक्षपाती’ पार्टी, एमालेको एघारौं महाधिवेशनका उफ्रीपाफ्रीहरूमै विम्बित भयो – जसले नेपाली जनगण आङ जुर्किने अदूर विगतका दुर्भाग्यपूर्ण दिनहरूको स्मरण गराउन थालेको छ ! कुशासन हाँकिरहेको एमाले हाइकमाण्डले जेन–जेड विद्रोहद्वारा बेइज्जतीपूर्वक…

पछिल्लो समय नेपाली फिल्म क्षेत्रमा छायांकन सुरु हुनुअघि कलाकारदेखि छायाँकारसम्मको उपस्थितिमा वर्कसप गर्ने चलन फस्टाउँदै गएको छ । फिल्म निर्माण प्रक्रियालाई व्यवस्थित र प्रभावकारी बनाउन आयोजना गरिने यस्ता वर्कसपले कलाकारलाई आफ्नो क्यारेक्टर गहिरो रूपमा बुझ्न र स्क्रिप्टको सूक्ष्म अध्ययन गर्न महत्वपूर्ण भूमिका खेल्ने गरेको छ । वर्कसपको यही महत्त्वलाई बुझेर हुनसक्छ, निर्माणको तयारीमा रहेको फिल्म ‘मितज्यू’को टिमले पनि यो अभ्यासलाई आत्मसात गरेको छ । सोहीअनुसार शनिबारबाट काठमाडौंमा फिल्मका निर्देशकदेखि कलाकारहरूको उपस्थितिमा वर्कसप सुरु गरिएको छ । वर्कसपमा कलाकारहरू तेरिया मगर, पुस्कर गुरुङ, सुवर्ण थापा, अनु थापा, स्मिता लामिछाने लगायत सहभागी छन् । फिल्ममा कलाकारहरूले गर्ने भूमिकालाई सहज होस् भन्ने हिसाबले…

विश्वभर मांसाहारी खाना (ननभेज फुड) लाई निकै रुचिका साथ खाइन्छ र यसलाई पौष्टिक पनि मानिन्छ । यद्यपि, ननभेज र भेज खानाको बहस सधैँ चलिरहन्छ, किनकि शाकाहारी मानिसहरू भोजनका लागि जनावरहरू मार्ने कुराको विरुद्धमा छन् । यस्तोमा भिगन समुदाय पनि छ, जसले समय–समयमा प्रदर्शन पनि गरिरहन्छन् । तर पनि विश्वभर मांसाहारी खाना खानेहरूको कमी छैन । के तपाईंलाई थाहा छ, कुन देशमा सबैभन्दा बढी मांसाहारी खाना खाइन्छ ? विश्वको तथ्यांकअनुसार खाद्य र कृषि संगठन (एफएओ)को रिपोर्टमा आधारित भएर वर्ल्ड अफ स्ट्याटिस्टिक्सले हालै सार्वजनिक गरेको १० देशहरूको सूची यहाँ प्रस्तुत गरिएको छ, जहाँ सबैभन्दा बढी ननभेज खाना खपत हुन्छन् । १. अमेरिकाः…

शशिधर पराजुलीविराटनगर, ६ पुस । विराटनगरस्थित नोबेल मेडिकल कलेज शिक्षण अस्पतालको भवनबाट खसेर एक जना प्रशिक्षार्थी (इन्टर्न) चिकित्सकको मृत्यु भएको छ । आइतबार बिहान अस्पतालको पाँचौँ तलाबाट खस्नुभएका ३४ वर्षीय डा. अमित यादवको उपचारका क्रममा मृत्यु भएको हो । प्रहरीका अनुसार आज बिहान करिब ६ः३० बजे अस्पतालको मुख्य गेटतर्फ रहेको भवनको पाँचौँ तलाबाट यादव अचानक भुइँमा खस्नुभएको थियो । सप्तरीको राजविराज नगरपालिका–९, जगदरी निवासी यादव सोही मेडिकल कलेजमा एमबीबीएस अध्ययन पूरा गरी इन्टर्न चिकित्सकका रूपमा कार्यरत हुनुहुन्थ्यो । पाँचौँ तलाबाट खसेका कारण उहाँको टाउकोमा गम्भीर चोट लागेको थियो । घटनालगत्तै चिकित्सक यादवलाई अस्पतालकै आकस्मिक कक्षमा भर्ना गरी उपचार सुरु गरिएको…

ताप्लेजुङ, ६ पुस । बारुद भरेका बेला भरुवा बन्दुक पड्किँदा यहाँ एक युवकको मृत्यु भएको छ । जिल्ला प्रहरी कार्यालयका प्रमुख वेदप्रसाद गौतमका अनुसार मैवाखोला गाउँपालिका–३, लेकुवाका २६ वर्षका फुर्वा शेर्पाको घाँटीमा गोली लागेर आज बिहान मृत्यु भएको हो । स्थानीय तिलोकसिंह लिम्बूको अलैंचीबारीमा बन्दुकसहित शेर्पाको शव फेला परेको जानकारी वडाध्यक्ष खगेन्द्र थक्लुङले प्रहरीलाई दिएपछि सुरक्षाकर्मीको टोली घटनास्थल पुगेको थियो ।रासस

झापा, ६ पुस । सुनको भाउ आज घटेको छ । सुन आज तोलामा १ सय रुपैयाँले घटेर तोलाको २ लाख ५८ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । अस्ति शुक्रवार सुनको भाउ तोलाको २ लाख ५८ हजार ४ सय रुपैयाँ थियो । यस्तै आज चाँदीको भाउ अहिलेसम्मकै उच्च भएको छ । चाँदी आज एकैदिन १ सय रुपैयाँले बढेर तोलाको ४ हजार १ सय ५ रुपैयाँमा कारोबार भइरहेको महासङ्घले जनाएको छ ।