jhapaonline add
झापा, १० मंसीर । हाल देशभर कुनै उल्लेखनीय मौसम प्रणालीको प्रभाव नरहेको मौसम पूर्वानुमान महाशाखाले जनाएको छ । हाल कोशी, गण्डकी र कर्णाली प्रदेशका पहाडी तथा हिमाली भूभागमा आंशिक बदली रही बाँकी भूभागमा मौसम मुख्यतया सफा रहेको छ । आज दिउँसो कोशी प्रदेशको पहाडी तथा हिमाली भूभागमा आंशिक बदली रही बाँकी भूभागमा मौसम मुख्यतया सफा रहने छ । आज राति देशभर मौसम मुख्यतया सफा रहने महाशाखाले जनाएको छ ।
झापा, ९ मंसीर । झापा, मोरङ, सुनसरी र इलामका विभिन्न स्थानबाट सोमबार प्रहरीले अपराधमा संलग्न १३ जनालाई पक्राउ गरेको छ । प्रहरीले गत भदौ २३ र २४ गतेको जेनजी आन्दोलनमा लुटिएका हतियार र ठुलो परिमाणको लागुऔषधसहित एकै दिन १३ जनालाई पक्राउ गरेको हो । प्रहरीले आन्दोलनका क्रममा लुटिएका २ थान चाइनिज पेस्तोल र २० राउण्ड गोली बरामद गरेको छ । उक्त घटनामा संलग्न रहेको आरोपमा झापाको दमक र इलामको चुलाचुलीबाट ३ जना पक्राउ परेका छन् । पक्राउ पर्नेमा झापा दमक–८ का २५ वर्षीय सरोज पुरी, दमक–६ का २९ वर्षीय विश्व लिङ्देन र इलाम चुलाचुली–४ का पवन हाङ्सुरुम्वा रहेका छन्। मुख्य…
भद्रपुर, ९ मंसीर । झापाको भद्रपुर नगरपालिकामा लैगिंक हिंसाविरुद्धको १६ दिने अभियान शुरु भएको छ । हरेक वर्ष नोभेम्बर २५ देखि डिसेम्बर १० सम्म विश्वभर मनाइने लैङ्गिक हिंसा विरुद्धको १६ दिने अभियान भद्रपुरमा समेत शुरु भएको हो । अभियान उद्घाटनको अवसरमा यहाँस्थित मेचीपुलबाट ¥याली निकालिएको छ । विभिन्न नारा लेखिएको ब्यानगरसहित मेचीपुलबाट शुरु भएको ¥याली भद्रपुर बजार हुँदै झापा चोकमा गएर कोण सभामा सम्पन्न भएको थियो । कोण सभालाई सम्बोधन गर्नुहुँदै भद्रपुर नगरपालिकाकी उपप्रमुख एवम् नगरको लैङ्गिक हिंसा विरुद्धको १६ दिने अभियान मूल आयोजक समिति संयोजक राधा कार्कीले लैगिंक हिंसा न्यूनीकरणका लागि सबै पक्ष लाग्नुपर्नेमा जोड दिनुभयो । लैगिंक हिंसा…
झापा, ९ मंसीर । झापाको मेचीनगर नगरपालिका–१० रामघाटस्थित सिडीमा एक जना पुरुष मृत फेला परेका छन् । खयरडाँगीका ५५ वर्षीय काजीकुमार कार्की मृत अवस्थामा फेला परेका हुन् । स्थानीयबासीले आज बिहान उनलाई मृत अवस्थामा फेला पारेपछि प्रहरीलाई खबर गरेका थिए । इलाका प्रहरी कार्यालय धुलाबारीबाट खटिएको प्रहरी टोलीले घटनास्थलमा पुगेर सम्पूर्ण कानूनी प्रक्रिया पूरा गरी शवलाई प्रारम्भिक परीक्षणपछि प्रादेशिक अस्पताल भद्रपुर हुँदै वीपी कोइराला स्वास्थ्य विज्ञान प्रतिष्ठान धरान पठाइएको जिल्ला प्रहरी कार्यालय झापाले जनाएको छ । घटनाबारे थप अनुसन्धान भइरहेको जनाइएको छ ।
झापा, ९ मंसीर । नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १४२ रुपैयाँ ४८ पैसा र बिक्रीदर १४३ रुपैयाँ ०८ पैसा निर्धारण गरिएको छ । यस्तै, युरोपियन युरो एकको खरिददर १६४ रुपैयाँ ४४ पैसा र बिक्रीदर १६५ रुपैयाँ १३ पैसा, युके पाउण्ड स्ट्रलिङ एकको खरिददर १८६ रुपैयाँ ५६ पैसा र बिक्रीदर १८७ रुपैयाँ ३५ पैसा, स्वीस फ्रयाङ्क एकको खरिददर १७६ रुपैयाँ ६४ पैसा र बिक्रीदर १७७ रुपैयाँ ३९ पैसा कायम गरिएको छ । अष्ट्रेलियन डलर एकको खरिददर ९१ रुपैयाँ ९० पैसा र बिक्रीदर ९२ रुपैयाँ २९ पैसा, क्यानेडियन…
झापा, ९ मंसीर । गत भदौ २३ र २४ गतेको जेनजी आन्दोलनका क्रममा भएको आगजनी र तोडफोडको अभियोगमा २६७ जना पक्राउ परेका छन् । जिल्ला प्रहरी परिसर काठमाडौँका अनुसार हालसम्म तोडफोड र आगजनी गरेको अभियोगमा एक सय ५४ वटा मुद्दा परेका छन् । प्रहरीले हाजिर जमानीमा ८७ जनालाई छाडिएको जनाएको छ । एक सय १३ जनामाथि अनुसन्धान भइरहेको जनाउँदै ३३ जनालाई धरौटीमा छाडिएको छ भने पुर्पक्षका लागि ४३ जनालाई थुनामा पठाइएको छ । आगजनी, तोडफोड, आपराधिक उपद्रवसँगसम्बन्धी एक सय चार वटा जाहेरी दर्ता भएका जिल्ला प्रहरी परिसर काठमाडौँले जनाएको छ । त्यसमा व्यक्तिगत २२, सरकारी कार्यालय आगजनी र तोडफोड गरेको…
झापा, ९ मंसीर । आगामी फागुन २१ गतेका लागि तय भएको प्रतिनिधिसभा सदस्य निर्वाचनका लागि हालसम्म कूल ६४ राजनीतिक दल दर्ता भएका छन् । निर्वाचन आयोगका अनुसार सोमबार आठ राजनीतिक दल दर्ता भएका हुन् । आइतबारसम्म ५६ राजनीतिक दल दर्ता भएकामा सोमबार थपिएका आठसहित ६४ राजनीतिक दल पुगेको आयोगले जनाएको छ । आयोगले यही मङ्सिर १० गतेसम्म प्रतिनिधिसभा निर्वाचनमा भाग लिन चाहने राजनीतिक दललाई दर्ताका लागि समयसीमा निर्धारण गरेको छ । आयोगका अनुसार यही मङ्सिर १ गते १२, मङ्सिर २ गते पाँच, मङ्सिर ३ गते आठ, ४ गते आठ, ५ गते सात, ७ गते १६ राजनीतिक दल दर्ता भएका थिए…
झापा, ९ मंसीर । तीन दिनलाई देशभर कतै पनि वर्षा–हिमपातको सम्भावना नदेखिएको जल तथा मौसम विज्ञान विभागको मौसम पूर्वानुमान महाशाखाले जनाएको छ। महाशाखाले आज बिहान ८ बजे जारी गरेको प्रक्षेपणअनुसार तीन दिन अर्थात् बिहीबारसम्म मौसम यस्तो हुनेछ आज मंसिर ९ गते (मंगलबार) दिउँसो कोसी प्रदेशका पहाडी तथा हिमाली भूभागमा आंशिक बदली रही बाँकी भूभागमा मौसम मुख्यतया सफा रहने छ भने राति देशभर मौसम मुख्यतया सफा रहने छ। भोलि बुधबार दिउँसो कोसी प्रदेशका पहाडी तथा हिमाली भूभागमा आंशिक बदली रही बाँकी भूभागमा मौसम मुख्यतया सफा रहने छ भने राति देशभर मौसम मुख्यतया सफा रहने छ । पर्सी बिहीबार दिउँसो कोसी प्रदेश…
झापा, ८ मंसीर । कोशी प्रदेशबाट एक लाख ५७ हजार ६१३ जनाले मतदाता नामावलीका लागि निवेदन दिएका छन् । आगामी फागुन २१ गते हुने प्रतिनिधिसभा निर्वाचनलाई लक्षित गरी गत असोज १० गतेदेखि मतदाता नामावली सङ्कलन सुरु गरिएको थियो । मङ्सिर ५ गतेसम्मको अवधिमा कोशी प्रदेशका जिल्ला, प्रदेश निर्वाचन कार्यालयबाट र राष्ट्रिय परिचयपत्रका आधारमा अनलाइनमार्फत मतदाता नामावली दर्ताका लागि निवेदन दिइएको हो । निर्वाचन कार्यालयमा पुगेर ५८ हजार ९२५ जनाले तथा अनलाइनमार्फत ९८ हजार ६८८ जनाले नामावली दर्ताका लागि निवेदन दिएका छन् । मतदाता नामावली दर्ताका लागि निर्वाचन कार्यालयमार्फत र अनलाइन दुवै गरी ताप्लेजुङबाट तीन हजार, पाँचथरबाट चार हजार ३८९, इलामबाट…
निशान निरौलाझापा, ८ मंसीर । कृषि विकास निर्देशनालय कोशी प्रदेश विराटनगरद्वारा विकास गरिएको ‘प्रगति प्रतिवेदन संकलन सफ्टवेयर’ सञ्चालन तथा व्यवस्थापनसम्बन्धी दुई दिने तालिम तथा अभिमुखीकरण कार्यक्रम आज सम्पन्न भएको छ । नवीन रूपमा विकास गरिएको उक्त सफ्टवेयरमार्फत निर्देशनालय तथा मातहतका कार्यालयहरूले मासिक, त्रैमासिक, अर्धवार्षिक र वार्षिक प्रगति विवरणका साथै कृषि क्षेत्रसँग सम्बन्धित विभिन्न तथ्यांकहरू छिटो, सहज र विश्वसनीय रूपमा एकीकृत गरी सम्बन्धित निकायमा पठाउन सक्ने अपेक्षा गरिएको छ । सफ्टवेयरले कृषि बाली उत्पादनसम्बन्धी जिल्लागत तथ्यांक, कृषक समूह तथा कृषि सहकारीहरूको विवरण, व्यवसायिक कृषि फर्महरूको जीपीएस समन्वयसहितको अभिलेख, जिल्लास्तरका विषयगत कार्यालयहरूले सम्पादन गरेका कार्यक्रम–क्रियाकलापहरूको प्रगति विवरण तथा सुशासन सम्बन्धी अन्य महत्वपूर्ण…