jhapaonline add
झापा, १० असार । इलामको सूर्योदय नगरपालिकाकी एक महिलाको कोरोना सङ्क्रमणको कारण मृत्यु भएको छ । विराटनगरस्थित नोबेल अस्पतालमा आज इलामकी ४१ वर्षीय महिलाको कोरोना सङ्क्रमणकै कारण मृत्यु भएको पुष्टि भएको छ । ती महिला झापाको विर्तामोडस्थित बिर्तासिटी अस्पतालबाट रिफर भएर नोबेल शिक्षण अस्पतालमा थप उपचारका लागि आएकी थिइन् । सोमबार अस्पतालमा भर्ना भएकी उनको आज बिहान ६ बजे उपचारकै क्रममा मृत्यु भएको थियो । कोरोनाको नयाँ भेरिएन्ट आएपछि नेपालमा मृत्यु भएको यो पहिलो केश हो । मृतकको शव परिवारले बुझिसकेको प्रहरीले जानकारी दिएको छ । कोशी प्रदेशको मोरङ, झापा र इलाममा गरी पछिल्लो समय ८ जनामा कोरोना पुष्टि भएको…
झापा, १० असार । एसीसी पुरुष यू-१६ इस्ट जोन कप अन्तर्गत मलेसियामा जारी एक दिवसीय क्रिकेट प्रतियोगितामा नेपालले दोस्रो जित हासिल गरेको छ। मंगलबार जापानविरुद्धको खेलमा नेपाल ९ विकेटले विजयी भयो। जापानले दिएको ८१ रनको लक्ष्य नेपालले १४.२ ओभरमा १ विकेट गुमाएर भेट्टायो। जय थापा सुरुवाती विकेटका रूपमा आउट भएपछि, प्रसिद्ध जैसी (३३) र शिवांश बजगाईं (३८) ले ६९ बलमा ७६ रनको अविजित साझेदारी गर्दै सहज जित सुनिश्चित गरे। यसअघि बलिङतर्फ शुभमको उत्कृष्ट प्रदर्शनले जापानलाई ३४.३ ओभरमा ८० रनमा समेटियो। उनले १० ओभरमा ३ मेडन राख्दै १५ रन खर्चिएर ५ विकेट लिए। अभय यादवले २ विकेट लिए भने सुशील रावल…
झापा, १० असार । झापा जिल्लाको कमल गाउँपालिका–१ स्थित कृष्णे खोलाको किनारमा एक बालकको शव फेला परेको छ । आज बिहान करिब ७ः३० बजे अन्दाजी १२ वर्षीय बालकको पहिचान नभएको, शरीरमा कपडा नभएको अवस्थामा शव फेला परेको सूचना पाएपछि प्रहरी टोली घटनास्थलमा खटिएको थियो । प्रहरीको प्रारम्भिक अनुसन्धानपछि मृतकको पहिचान सोही स्थानका स्थानीय मिङमा रेन्जे शेर्पाका छोरा सुसान शेर्पाको रूपमा गरिएको छ । मृतक सुसान शेर्पा असार ८ गते दिउँसो ३ः०० बजेतिर कसैलाई जानकारी नदिई घरबाट निस्केका थिए । परिवार र आफन्तजनले खोजी गर्दा पनि पत्ता नलागेपछि उनका बुबाले असार ९ गते तोपगाछी प्रहरी चौकीमा हुलिया निवेदन दर्ता गराएका थिए…
झापा, १० असार । मलेसियामा जारी एसिसी पुरुष यु–१६ इस्ट जोन कप क्रिकेट प्रतियोगिताअन्तर्गत जापानविरुद्धको खेलमा नेपालले टस हारेको छ । मलेसियाको कोजल टुन्कु जाफर ओभल क्रिकेटमैदानमा भर्खरै भएको टसमा जापानले टस जितेर पहिला ब्याटिङ रोजेको छ । यससँगै नेपालले पहिला बलिङ गर्नेछ । नेपाल र जापानले दोस्रो खेल खेल्दैछन् । दुवै टोली आफ्नो पहिलो खेलमा विजयी भएका थिए । नेपालले सिङ्गापुरलाई छ विकेटले पराजित गरेको थियो । त्यस्तै यता जापानले भने भुटानलाई पराजित गरेको थियो । एसियाली क्रिकेट परिषद् ९एसिसी०को वार्षिक कार्यतालिकाअनुसार सञ्चालित उक्त प्रतियोगितामा नेपालसहित विभिन्न १० टोलीको सहभागिता छ । जसलाई दुई समूहमा विभाजन गरिएको छ ।…
भद्रपुर, १० असार । चालु आर्थिक वर्ष २०८१–८२ को ११ महिनामा पूर्वीनाका काँकडभिट्टाबाट रु १८ अर्ब चार करोड ६० लाख मूल्य बराबरको पेट्रोलियम पदार्थ आयात भएको छ । पूर्वीनाकाबाट पेट्रोल, डिजेल, एलपी ग्यास, एटीएफ, मट्टितेल आयात भएको हो । मेची भन्सार कार्यालयका सूचना अधिकारी एवं भन्सार अधिकृत ईश्वरकुमार हुमागाईँका अनुसार गत आवको सोही अवधिको तुलनामा रु एक अर्ब छ करोड ४३ लाख अर्थात् पाँच दशमलव ६० प्रतिशतले पेट्रोलियम पदार्थ आयातमा गिरावट आएको छ । आयात घटे पनि पेट्रोलियम पदार्थबाट प्राप्त राजस्व भने पाँच दशमलव ७० प्रतिशत अर्थात् रु ४७ करोड ४३ लाख ८७ हजारले बढेको छ । कार्यालयको तथ्याङ्कानुसार चालु…
न्यूयोर्क, १० असार । संयुक्त राज्य अमेरिकाका राष्ट्रपति डोनाल्ड ट्रम्पले सोमबार इजरायल र इरानबीचको युद्ध अन्त्य गर्न दुवै देशले युद्धविराममा सहमति गरेको घोषणा गर्नुभएको छ । उहाँले सामाजिक सञ्जालमार्फत जानकारी दिँदै युद्धविराम केही घण्टाभित्र लागू हुने बताउनुभएको हो । प्रारम्भमा इरानले युद्धविराम सुरु गर्नेछ भने त्यसको १२ घण्टापछि इजरायलले पनि त्यसमा सहभागी हुने जनाइएको छ । त्यसपछि २४ घण्टाको समयावधिमा दुवै पक्षले युद्धको औपचारिक अन्त्यको घोषणा गर्नेछन् । राष्ट्रपति ट्रम्पले दुबै राष्ट्रले धैर्य, साहस र समझदारी देखाएकोमा बधाई दिँदै, यस सहमतिले दीर्घकालीन विनाशबाट सम्पूर्ण मध्यपूर्व क्षेत्रलाई बचाउन सक्ने विश्वास व्यक्त गर्नुभएको छ । उहाँले अन्त्यमा सबैलाई एकताको सन्देश दिँदै भन्नुभएको…
झापा, १० असार । आज देशैभरका सबै स्थानीय तहले आगामी आर्थिक वर्ष २०८२/०८३ का लागि बजेट सार्वजनिक गर्दैछन् । देशभरका सात सय ५३ स्थानीय तहमध्ये सोमबारसम्म ४० स्थानीय तहले बजेट सार्वजिनक गरिसकेका छन् । बजेट सार्वजनिक गर्न बाँकी रहेका स्थानीय तहले आज सार्वजनिक गदैछन् । स्थानीय सरकार सञ्चालन ऐन, २०७४ को दफा ७१ र अन्तर सरकार वित्त व्यवस्थापन ऐन, २०७४ को दफा २१ मा भएको व्यवस्थाअनुसार प्रत्येक वर्ष असार १० गतेभित्र स्थानीय तहले आर्थिक वर्षको राजस्व र व्यय (बजेट)को अनुमान सम्बन्धित गाउँ वा नगर सभामा पेस गर्नुपर्ने प्रावधान छ । असार १० गतेभित्रै सबै स्थानीय तहले नीति तथा कार्यक्रम ल्याउनुपर्ने…
सन्तोष शर्माभद्रपुर, १० असार । झापाको भद्रपुर नगरपालिकाले आगामी आर्थिक वर्ष २०८२/०८३ का लागि रू ८० करोड बढी बजेट सार्वजनिक गरेको छ । सोमबार नगरपालिकाको सभा हलमा आयोजित नगर सभाको १६ औं अधिवेशनमा नगर उपप्रमुख राधा कार्कीले रू ८० करोड पाँच लाख २८ हजार बराबरको बजेट सार्वजनिक गर्नुभयो । नगरको वास्तविक आवश्यकतालाई पहिचान गरी बजेट निर्माण गरिएको उपप्रमुख कार्कीले बताउनुभयो । चालू आर्थिक वर्ष २०८१÷ ८२ मा रू १ अर्ब २ करोड २० लाख १९ हजार बजेट रहेकोमा आगामी आर्थिक वर्ष २०८२÷८३ का लागि रू २२ करोड १४ लाख ९१ हजार न्यून बजेट सार्वजनिक भएको छ । “विगतका वर्षहरूमा हामीले…
झापा, १० असार । हाल देशभर मनसुनी वायुको प्रभाव रहेको छ । यसको प्रभाव रहदा आज दिउँसो कोशी, बागमती, गण्डकी र कर्णाली प्रदेशलगायत देशका पहाडी भूभागमा साधारणतया बदली रही बाँकी भूभागमा आंशिक बदली रहने छ । जल तथा मौसम पूर्वानुमान महाशाखाव्दारा आज यहाँ जारी बुलेटिनका अनुसार कोशी र बागमती प्रदेशका केही स्थान तथा अन्य प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ । कोशी र बागमती प्रदेशका एकदुई स्थानमा भारी वर्षाको पनि सम्भावना छ । कोशी र बागमती प्रदेशका उच्चपहाडी तथा हिमाली भागका केही स्थान तथा बाँकी उच्चपहाडी तथा हिमाली भागका एकदुई स्थानमा हल्कादेखि मध्यम वर्षा र…
झापा, ९ असार । झापाको मेचीनगर नगरपालिका–७ जोरसिमलस्थित पूर्व–पश्चिम लोकमार्गबाट सशस्त्र प्रहरीले अवैध सामान बरामद गरेको छ । भन्सार छली भारतबाट नेपालतर्फ ल्याइएको मोबाइल पार्ट्स तथा इलेक्ट्रोनिक्स सामान सशस्त्र प्रहरीले बरामद गरेको हो । सशस्त्र प्रहरी नायब उपरीक्षक शम्शेर बहादुर कार्कीको कमाण्डमा खटिएको टोलीले ३ लाख ५५ हजार ७०० बराबरको सामान नियन्त्रणमा लिएको हो । टोलीले सो सामग्रीलाई मेची भन्सार कार्यालय काँकरभिट्टा झापामा बुझाएको सशस्त्र प्रहरी बल नेपाल नं. २ गण हेक्वा झापाका सूचना अधिकारी सशस्त्र प्रहरी नायब उपरीक्षक सुमन पोखरेलले जानकारी दिनुभएको छ। बरामद सामग्रीमा विभिन्न प्रकारका मोबाइल पार्टपुर्जा तथा अन्य इलेक्ट्रोनिक्स उपकरणहरू रहेका छन्। यसरी भन्सार चोरी नियन्त्रणमा…