jhapaonline add
झापा, २५ पुस । फरार प्रतिवादीहरु पक्राउ अभियान अन्तर्गत झापा, मोरङ, खोटाङ र सोलुखुम्बु जिल्लाबाट विभिन्न मुद्धाका १० जना फरार प्रतिवादीहरुलाई प्रहरीले पक्राउ गरेको छ । जिल्ला अदालतहरुबाट कैद तथा जरिवाना सजाय तोकी फरार रहेका सम्बन्ध बिच्छेद मुद्धामा ३ जना, गालि बेज्जति मुद्धाका १ जना, वन मुद्धामा २ जना, बहु बिवाह मुद्दामा १ जना, चोरी मुद्दामा १ जना र चलन हटक मुद्धाका २ जना फरार प्रतिबादिहरुलाई गाँउघरमा नै लुकिछिपी बसेको अवस्थामा फेला पारी पक्राउ गरेको हो । पक्राउ परेका उनीहरुलाई तोकिएको जरिवाना भुक्तानको लागि सम्बन्धित जिल्ला अदालतमा उपस्थित गराईएको छ ।
कनकाई, ७ पुस । झापाको कनकाई नगरपालिकामा सामुदायिक कुकुर बन्ध्याकरण शिविर आजदेखि शुरु भएको छ । विगतझैं नगरपालिकाले आजदेखि तीन दिने शिविर शुरु गरेको हो । शिविरमा नगरभित्रका सामुदायिक कुकुर समातेर ल्याउने र बन्ध्याकरणसँगै रेबिजविरुद्धको खोप र आवश्यकता अनुसार अन्य औषधोउपचार गरेर छोडिने पशुपंछि तथा मत्स्य विकास शाखा प्रमुख तेजबहादुर पौडेलले जानकारी दिनुभयो । नेपाल एग्री लाइभस्टक ट्रेनिङ एन्ड रिसर्च सेन्टर इटहरी, सुनसरीको प्राविधिक सहयोगमा आयोजना गरिएको शिविरमा यो पटक दुई सय वटा भन्दा बढी कुकुरको बन्ध्याकरण गरिने कनकाईका भेट्नरी अधिकृत कुलबहादुर गुरुङले बताउनुभयो । शिविर उद्घाटन गर्दै कनकाई नगर प्रमुख राजेन्द्रकुमार पोखरेलले कनकाईमा हरेक वर्ष शिविर सञ्चालन गर्दै आए…
झापा, ७ पुस । कोशीका मुख्यमन्त्री केदार कार्कीले राष्ट्रपति रामचन्द्र पौडेललाई प्रदेश सरकारलाई काम गर्न दिन संविधानको कार्यान्वयनका लागि चासो राखी दिन आग्रह गरेका छन् । नेपाल उद्योग परीसंघ कोशीले शनिबार आयोजना गरेको स्वतन्त्रता सेनानी, उद्योगी व्यवसायीलाई सम्मान तथा राष्ट्रपति पौडेललाई अभिनन्दन कार्यक्रममा मुख्यमन्त्री कार्कीले केन्द्र सरकारले प्रदेश सरकारलाई अधिकार नदिए संसद र सरकारबाट अधिकार प्राप्तिका लागि समन्वय र संघर्ष गर्ने बताएका हुन् । उनले उद्योगी व्यवसायीलाई छुट्टै रूपमा हेर्ने प्रवृतिमा परिवर्तन ल्याए मात्रै उद्योगी व्यवसायीको संरक्षण, अर्थतन्त्रमा योगदान र देश समृद्ध हुने बताएका छन् । उनले उद्योगी व्वसायी छुट्टै नभई राज्यको नै अंग भएको स्विकारेर त्यही अनुसार राज्यले व्यवहार…
शिवसताक्षी, ७ पुस । झापाको पर्यटकीय क्षेत्र दोमुखामा पर्ने नुनमाटी खोलामा ट्रष्ट ब्रिज निर्माण भएको छ । दोमुखामा आउने पर्यटकहरुको सहजताका लागि निर्माण गरिएको ट्रष्ट ब्रिज शुक्रबारदेखि सञ्चालनमा आएको हो । शिवसताक्षी नगरपालिकाका नगरप्रमुख मेगाहाङ्ग थोप्रा र उपप्रमुख नरमाया कार्कीले संयुक्त रुपमा उक्त ब्रिजको उद्घाटन गरेका थिए । वर्षातका समयमा नुनमाटी खोलाबाट आवत–जावत गर्न कठिनाई भएकाले ट्रष्ट ब्रिज निर्माण गरिएको नगरप्रमुख थोप्राले बताए । यसले पर्यटकीय क्षेत्र दोमुखमा आन्तरिक तथा बाह्य पर्यटकहरुको संख्यामा बृद्धि हुने अपेक्षा गरिएको छ । उनले भने, ‘अब यस क्षेत्रमा घुम्न आउनका लागि सडक लगायत आवश्यक पूर्वाधारहरु तयार भएका छन् ।’ ट्रष्ट ब्रिज संघीय सरकार, शिवसताक्षी…
भद्रपुर, ७ पुस । झापाको भद्रपुरमा आज आगलागी हुँदा १४ लाखको क्षति भएको छ । भद्रपुर नगरपालिका–८ स्थित मेची क्याम्पस छेउ निवासी चुडाममणि उप्रेतीको घरको माथिल्लो तलामा पानीको ट्याङ्की राख्नलाई फलामको रड वेल्डीङ गर्ने क्रममा आगोको झिल्को एसवाई प्यानलको फर्ममा सल्केर आगलागी हुँदा उक्त क्षति भएको जिल्ला प्रहरी कार्यालय झापाले जनाएको छ । आगलागीबाट निर्माणाधीन एसवाई प्यानलबाट बनेको २ वटा कोठा र टिनको छानो जल्दा १४ लाख बराबरको क्षति भएको हो । आगो भद्रपुर नगरपालिकाको दमकल, वडा प्रहरी कार्यालय भद्रपुर बाट खटिएको प्रहरी टोली र स्थानीयबासीको सहयोगमा पूर्ण रुपमा नियन्त्रणमा लिइएको जनाइएको छ ।
बिर्तामोड, ७ मंसिर । सुनकोशी बचत तथा ऋण सहकारी संस्थाले १७ औं बार्षिक साधारणसभा सम्पन्न गरेको छ । झापाको बिर्तामोड–१ मा मुख्य कार्यालय रहेको संस्थाले हालै बाह्रदशी–५ स्थित फुलबारीको कभर्ड हलमा साधारणसभा सम्पन्न गरेको हो । संस्थाका अध्यक्ष गंगाराम ओडारीको अध्यक्षतामा भएको कार्यक्रममा बाह्रदशी गाउँपालिकाकी उपाध्यक्ष शान्तदेबी शिवाकोटीको प्रमुख आतिथ्य रहेको थियो । स्वागत संस्थाकी उपाध्यक्ष रञ्जु प्याकुरेल बरालले गरेको कार्यक्रमको सञ्चालन सचिव कमल पराजुलीले गरेका थिए । कार्यक्रममा प्रमुख अतिथि शिवाकोटी, बिशिष्ठ अतिथि बिर्तामोड नगर सहकारी अधिकृत डिल्ली दाहाल, बाह्रदशी–५ का वडाध्यक्ष वीरबहादुरसिंह राजवंशीलगायतले शुभकामना मन्तव्य राखेका थिए । कार्यक्रमलाई सम्बोधन गर्दै बिर्तामोड नगर सहकारी अधिकृत तथा सहकारी अभियन्ता…
बिर्तामोड, ७ पुस । बिर्तामोड उद्योग वाणिज्य संघको आसन्न निर्वाचनमा हालका महासचिव अर्जुन कुमार मैनालीलाई अध्यक्षको उम्मेदवार बनाउने तयारी भएको छ । मैनालीलाई अध्यक्षको उम्मेवारको रुपमा औपचारिक रुपमा घोषणा गर्ने तयारी गरिएको हो । नेपाल उद्योग तथा व्यवसायी महासंघ बिर्तामोड नगर कमिटीले पुस ११ गते ११ बजे बृहत विस्तारित भेलाबाट मैनालीको उम्मेवारी घोषणा गर्ने जनाएको छ । झापाका स्थापित व्यवसायी मैनालीले यसअघि महासचिव पदमा विजयी हासिल गरेका थिए । मैनालीलाई अध्यक्षका रुपमा नेकपा एमाले बिर्तामोड नगर कमिटीले समेत आफ्नो औपचारिक उम्मेदवारको रुपमा घोषणा गरिसकेको छ । नगर पार्टीको विस्तारित भेलाले मैनालीलाई सर्वसम्मत रुपमा अध्यक्षको उम्मेदवार बनाउने घोषणा गरेको थियो ।…
बिर्तामोड, ६ पुस । बिर्तामोडमा मुख्य कार्यालय रहेको धौलागिरी पारिजात बहुउद्देश्यीय सहकारी संस्था लिमिटेडले गत आर्थिक वर्षमा ३५ लाख ४९ हजार २४३ रुपैयाँ खुद नाफा कमाएको छ । संस्थाको आज बिर्तामोडमा सम्पन्न १६ औँ साधारणसभामा अध्यक्ष कृष्ण पौडेलले प्रस्तुत गरेको प्रतिवेदनअनुसार संस्थाको खुद नाफा अघिल्लो आर्थिक वर्षभन्दा आधा धेरैले घटेको छ । संस्थाको शेयर पुँजी पाँच करोड ७४ लाख ७९ हजार ४०० रुपैयाँ रहेको छ भने चालु आर्थिक वर्षमा ६ करोड १८ लाख रुपैयाँ पुर्याउने लक्ष्य लिइएको छ । संस्थाको बचत ३२ करोड ११ लाख ४१ हजार रुपैयाँ रहेकोमा चालु आर्थिक वर्षमा ३८ करोड ८१ लाख ५३ हजार पुर्याउने लक्ष्य…
काठमाण्डौ, ६ पुस । नेपाल सुपर लिग (एनएसएल) मा एफसी चितवनले झापा एफसीलाई हराउँदै सान्त्वना जित निकालेको छ । आज शुक्रवार त्रिपुरेश्वरको दशरथ रङ्गशालामा भएको खेलमा चितवनले झापालाई २–० गोलले हरायो । चितवनको जितमा रफिक अमिनुले नै २ गोल गरे । यो हारसँगै झापाको प्लेअफ सम्भावना अन्य टोलीको नतिजामा निर्भर रहने छ । यो जितसँगै चितवन ८ खेलमा ९ अङ्कसहित तालिकाको पाँचौँ स्थानमा उक्लिएको छ । झापा ८ खेलमा १० अङ्कसहित तालिकाको चौथो स्थानमा छ । चितवनको प्लेअफ खेल्ने सम्भावना यसअघि नै सकिसकेको थियो । भोलि शनिवार लिग चरणको अन्तिम खेलमा वीरगञ्ज युनाइटेड एफसी र एफसी बुटवल लुम्बिनी तथा काठमाण्डौ…
भद्रपुर,६ पुस । झापाका प्रमुख जिल्ला अधिकारी बन्धुप्रसाद बाँस्तोलाले झापा जिल्लालाई सेवा प्रवाहमा जनमैत्री बनाउने प्रतिबद्धता जाहेर गरेका छन् । तीन दिन अगाडि झापाको प्रमुख जिल्ला अधिकारीका रूपमा झापा आइपुगेका बाँस्तोलाले झापाली सञ्चारकर्मीहरूसित भेटघाट गर्दै सरकारी कार्यालयको सेवा प्रवाह चुस्तदुरूस्त बनाउँदै जनमैत्री बनाउने प्रतिबद्धता जाहेर गरेका हुन् । प्रजिअका रूपमा पाल्पाबाट सरूवा भएर झापा आइपुगेका बाँस्तोलाले भारतसित खुल्ला सिमाना रहेको यस जिल्लामा हुने गरेका चोरी तस्करी, भ्रष्टाचार, कालावजारी तथा नियम विपरितका सवै गतिविधि नियन्त्रणमा विशेष ध्यान राख्ने बताएका छन् । उनले झापा जिल्लाका सवै सरकारी सेवा प्रदायक कार्यालयहरूमा सूचनामैत्री वातावरण निर्माण गर्दै जिम्मेवारीको प्रगति विवरण सार्वजनिक गर्न अनिवार्य रूपमा सूचना…