jhapaonline add
झापा, १४ जेठ । नेकपा एमाले निकट राष्ट्रिय युवा संघ नेपालको अध्यक्षमा क्षितिज थेबे निर्वाचित हुनुभएको छ । मंगलबार भएको निर्वाचनमा प्रतिद्वन्द्वी सुमन पुरीलाई पराजित गर्दै थेबे दोस्रो कार्यकालका लागि अध्यक्ष निर्वाचित हुनुभएको हो । थेबेले ७९६ मत प्राप्त गर्नुभएको छ भने उहाँका प्रतिद्वन्द्वी सुमन पुरीले ६०८ मत प्राप्त गर्नुभयो । कुल १ हजार ७ सय ६४ मतदातामध्ये १ हजार ४ सय ४ मत खसेको थियो ।
झापा, १४ जेठ । पश्चिमी वायु र स्थानीय वायुको प्रभाव तथा बंगालको खाडीबाट आइरहेको जलवाष्पयुक्त हावाको आंशिक प्रभावले नेपालमा मौसम बदली वर्षा र हिमपात हुने क्रम जारी छ। यसै क्रममा आज दिउँसो पनि लुम्बिनी प्रदेशसहित देशका पहाडी भेगमा आंशिकदेखि साधारणतया बदली हुनेछ भने बाँकी स्थानमा मौसम मुख्यतया सफादेखि आंशिक बदली हुने सम्भावना छ। साथै यस क्रममा देशका पहाडी भूभागका थोरै स्थान र देशका बाँकी भूभागका एक–दुई स्थानमा मेघगर्जनरचट्याङसहित हल्कादेखि मध्यम वर्षा हुने सम्भावना छ। देशको उच्च पहाडी तथा हिमाली भूभागका एक–दुई स्थानमा हल्का वर्षा÷ हिमपात हुने सम्भावना छ। मौस महाशाखाका अनुसार आज राति बागमती प्रदेश र गण्डकी प्रदेशसहित देशका पहाडी…
झापा, १३ जेठ । झापाको मेचीनगर नगरपालिका–६ स्थित मेचीपुलबाट प्रहरीले आज बेलुका एक युवालाई पक्राउ गरेको छ । मेचीनगर नगरपालिका–६ पुरानो मेचीपुलस्थित लागूऔषध ब्युरो नियन्त्रण काँकरभिट्टाबाट प्रहरी टोलीले भारतको पानीट्याङ्कीबाट नेपालतर्फ सिटिसफारीमा सवार शिवसताक्षी नगरपालिका–९ का २५ वर्षीय बिरहाङ लेछर्वो लिम्बूलाई पक्राउ गरेको हो । उनीमाथि शंका लागेर शरीर तलासी लिँदा लागुऔषध खैरो हेरोइनजस्तो देखिने प्लाष्टिकबाहेक ४ ग्राम ८०० मिलिग्राम फेला परेको जिल्ला प्रहरी कार्यालय झापाले जनाएको छ । लागुऔषधसहित उनलाई नियन्त्रणमा लिई आवश्यक कारबाहीका लागि इलाका प्रहरी कार्यालय काँकरभिट्टामा ल्याएर राखिएको छ ।
झापा, १३ जेठ । चालु आर्थिक वर्षको १० महिनामा १ अर्ब ७५ करोड बराबरको पासपोर्ट ९राहदानी० आयात भएको छ । भन्सार विभागको तथ्यांकअनुसार २०८१ साउनदेखि २०८२ वैशाखसम्ममा १ अर्ब ७५ करोड ५२ लाख ४४ हजार रुपैयाँको ५८ हजार ७७० केजी पासपोर्ट आयात गरेको छ । यसमध्ये १ अर्ब ७५ करोड ५२ लाख ४० हजार रुपैयाँको ५८ हजार ७७० केजी पासपोर्ट फ्रान्सबाट आयात भएको छ भने ४ हजार रुपैयाँको ०.१५ केजी बेलायतबाट आयात भएको हो । उक्त परिमााणमा पासपोर्ट आयात हुँदा एक हजार रुपैयाँ राजस्व संकलन भएको विभागको तथ्यांकमा उल्लेख छ ।
बिर्तामोड, १३ जेठ । बिर्तामोड नगरपालिका वडा नम्बर २ स्थित गोकुल जोशी मार्गमा कालोपत्रे सुरु गरिएको छ । कछुवारी देखि दाहाल गाउँसम्मको ७ सय ५३ मिटर खण्डमा आज कालो पत्रे सुरु गरिएको हो । भोलिसम्ममा कालो पत्रे सम्पन्न गर्ने ठेक्केदार कम्पनी जय लक्ष्मी निर्माण सेवाका दिनेश मैनालीले जानकारी दिनुभयो । यस खण्डमा सडक डिभिजन कार्यालय दमकको १ करोड ६४ लाख रुपैयाँ बजेटमा सडक स्तरोनन्तिको भएको हो । यस मार्गमा विभिन्न ३ खण्डमा ठेक्का लागेर काम भईरहेको छ । दाहाल गाउँदेखि लालमाटी चोक पश्चिम खण्डसम्म १ किलोमिटर क्षेत्रमा कोशी प्रदेश सरकार र बिर्तामोड नगरपालिकाको २ करोड ४४ लाख रुपैयाँ समपुरक बजेटबाट…
झापा, १३ जेठ । जल तथा मौसम विज्ञान विभागको मौसम पूर्वानुमान महाशाखाले मनसुन यसै साता प्रवेश गर्ने सम्भावना देखिएको जनाएको छ । महाशाखाले आज जेठ १३ गते साँझ ६ बजे मनसुन आगमन अनुगमन बुलेटिन–१ जारी गरी नेपालको पूर्वी क्षेत्रमा मनसुन प्रवेश गर्ने सरदर मिति जुन १३ तारिख भए पनि यसपटक अगाडि नै आउने संकेत देखिएको जनाएको हो । ‘मंगलबार भारतको आसामका केही भूभाग तथा भुटान र बंगलादेशको पूर्वी भूभागसम्म मनसुनको आगमन भएको देखिन्छ’, महाशाखाले विज्ञप्तिमा भनेको छ, ‘नेपालको पूर्वी भूभागबाट मनसुनको आगमन हुने सरदर मिति जुन १३ तारिख हो तर यस वर्षको मनसुन आगमन सरदरभन्दा छिटो हुने देखिन्छ।’ भू–उपग्रहबाट प्राप्त…
झापा, १३ जेठ । प्रगतिशील पत्रकार तथा साहित्यकार स्वर्गीय कृष्ण सेन इच्छुकको स्मृति दिवस विभिन्न कार्यक्रम गरी सम्पन्न गरिएको छ। प्रेस सेन्टर नेपालले देशैभर आफ्नो शाखा कार्यालयमा उनको २३औं स्मृति दिवस मनाएको हो । झापाको बिर्तामोडमा पनि प्रेस सेन्टर नेपाल झापाले स्व. इच्छुकको स्मृति दिवस मनाइएको छ । गौरीशंकर स्मृति प्रतिष्ठानको सभा हलमा सम्पन्न कार्यक्रममा बोल्दै कार्यक्रमका प्रमुख अतिथि प्रेस सेन्टर नेपालका केन्द्रीय सचिव दिपीन राईले कृष्ण सेन जनपक्षीय पत्रकारको सूत्रधार भएको बताए । उनले नेपाली जनताको जिउने आधारका विषयमा त्यो बेला नै इच्छुकले आफ्ना कलममार्फत जनतालाई सुसूचित गराएको स्मरण गरे । इच्छुकले सुन्दर नेपाल र शान्त नेपाली हुनका लागि…
भद्रपुर, १३ जेठ । नेपाल पत्रकार महासंघ झापा शाखाले भद्रपुर नगरपालिकामा ज्ञापनपत्र बुझाएको छ । भद्रपुर नगरपालिकाका नगरप्रमुख गणेश पोखरेललाई महासंघका झापा सचिव राजु पाठकको नेतृत्वमा गएको पत्रकारको टोलीले ज्ञापन पत्र बुझाएको हो । ज्ञापन पत्र बुझ्दै नगरप्रमुख पोखरेलले नगरका तर्फबाट गर्न सकिने कामहरु गर्ने प्रतिबद्धता जनाउनुभयो । प्रेस क्बल भद्रपुरका अध्यक्ष राजबाबु शंकर, कार्यसमिति सदस्यहरु सन्तोष शर्मा, द्रोण अधिकारी, इशा प्रधानसहितको टोलील बुझाएको ज्ञापन पत्रमा पालिकामा सञ्चार सम्बन्धी आवश्यक नीति तथा सबै कानूनहरु सञ्चारमैत्री रुपमा निर्माण गरी एक वर्षभित्रमा कार्यान्वयन गर्नुपर्ने, सञ्चारमाध्यमहरुको संरक्षण, सञ्चालन र विकासका लागि स्थानीय सूचना तथा विज्ञापन, लोककल्याणकारी सन्देशमूलक विज्ञापन स्थानीय (जिल्लाभित्रका) सञ्चारमाध्यमलाई उपलब्ध गराउनु…
झापा, १३ जेठ । देशभर पछिल्लो एक महिनामै आगलागीबाट ११ जनाले ज्यान गुमाएका छन् । जसमा तीन पुरुष, पाँच महिला, दुई बालक र एक बालिका छन् । नेपाल प्रहरीका केन्द्रीय प्रवक्ता, प्रहरी वरिष्ठ उपरीक्षक रमेश थापाले गएको वैशाखको तथ्याङ्क विश्लेषण गर्दा सो अवधिमा आगलागीबाट ६७ जना घाइते भएको जानकारी दिनुभयो । घाइते हुनेमा २७ पुरुष, ३२ महिला र आठ बालबालिका छन् । आगलागीका घटनामा बढोत्तरी भएसँगै ठूलो भौतिक तथा मानवीय क्षति हुने गरेको उहाँले बताउनुभयो । नागरिक सचेत भए घेरै घटना रोक्न सकिने जनाइएको छ । प्रहरीले एक महिनामा आगलागीबाट १५१ घर, १०१ गोठ र तीनवटा सरकारी कार्यालयमा क्षति पुगेको…
झापा, १३ जेठ । संघीय लोकतन्त्रिक गणतन्त्र र धर्मनिरपेक्ष व्यवस्थाविरुद्ध मुलुकमा प्रतिगामी तत्वहरूले चलखेल गरिएको भन्दै संयुक्त पहिचानवादी मोर्चा चुप नलाग्ने जनाएको छ । संघीय लोकतन्त्रिक गणतन्त्र र धर्मनिरपेक्ष व्यवस्थाविरुद्ध मुलुकमा प्रतिगामी तत्वहरूले चलखेल गरिरहेकाले त्यसको विरुद्ध खुलेरै लाग्ने मोर्चाका झापा अध्यक्ष एलपी पालुङ्वाले बताउनुभयो । जेठ १२ गते बसेको संयुक्त पहिचानवादी मोर्चा झापाको पहिलो सचिवालय बैठकबाटै त्यस्तो निर्णय गरिएको उहाँले बताउनुभयो । त्यस्तै, जिल्ला सचिवालय सदस्यमा मोगेन राईलाई र जिल्ला सल्लाहकारमा प्रेम घिसिङ मनोनयन गरिएको उहाँले बताउनुभयो । यस्तै, मोर्चाले संगठन विस्तारमा निरन्तरता दिँदै हल्दिबारी गाउँपालिकामा जेठ २५ गते, भद्रपुर नगरपालिकामा जेठ अन्तिम हप्ता र बिर्तामोडमा असार ५ गते…