jhapaonline add
चारपाने, २५ जेठ । नेपाल दशनामी समाज बिर्तामोड नगर कार्य समितिको आयोजनामा भएको तीन दिने उद्घोषण तालिम सम्पन्न भएको छ । झापाको बिर्तामोड–२ स्थित पर्शुराम पार्टी प्यालेसमा गत जेठ २२ गतेदेखि सञ्चालन भएको उद्घोषण तालिम आइतबार सम्पन्न भएको हो । नेपाल दशनामी समाज बिर्तामोड नगर समितिका अध्यक्ष खड्गराज गिरीको अध्यक्षतामा भएको तालिम समापन कार्यक्रममा नेपाल दशनामी समाजका केन्द्रिय अध्यक्ष गोबिन्दबिक्रम गिरीको प्रमुख आतिथ्य रहेको थियो । तालिमको सहजीकरण नेपाल दशनामी समाज महिला समिति केन्द्रिय सचिव तथा मेटिभेशनल स्पीकर तारा गिरीले गरेकी थिइन् । दशनामी बन्धुहरुलाई उद्घोषण सम्बन्धी ज्ञान दिने उदेश्यले तालिमको आयोजना गरिएको समाजका नगर अध्यक्ष खड्गराज गिरीले जानकारी दिए…
झापा, २५ जेठ । आज देशका विभिन्न भू–भागमा आंशिक बदलीदेखि बर्सातको सम्भावना रहेको छ । जल तथा मौसम विभाग, मौसम पूर्वानुमान महाशाखाका अनुसार आज दिउँसो कोशी प्रदेशलगायत बागमती र गण्डकी प्रदेशका हिमाली र पहाडी भू–भाग तथा बाँकी हिमाली भू–भागमा साधारणतया बादल लाग्नेछ । मधेस प्रदेशलगायत लुम्बिनी, कर्णाली र सुदूरपश्चिम प्रदेशको पहाडी भू–भागमा आंशिक बादल लाग्नेछ भने बाँकी तराईका भू–भागमा मुख्यतया सफा रहने महाशाखाले जनाएको छ । यस्तै, कोशी प्रदेशलगायत बागमती र गण्डकी प्रदेशका हिमाली र पहाडी भू–भागका थोरै स्थानमा र बाँकी हिमाली तथा पहाडी भू–भागका एक–दुई स्थानमा मेघगर्जनरचट्याङसहित मध्यमसम्मको वर्षा÷हिमपातको सम्भावना रहेको छ । आज मधेस प्रदेशलगायत, बागमती, गण्डकी, लुम्बिनी…
झापा, २४ जेठ । दूषित खाद्यवस्तुका कारण विश्वभर हरेक वर्ष करिब ६० करोड मानिस बिरामी पर्ने गरेका छन्। विश्व स्वास्थ्य सङ्गठन (डब्ल्युएचओ) का अनुसार खाद्यजन्य रोगबाट वार्षिक करिब चार लाख २० हजार जनाको मृत्यु हुने गरेको छ। सुरक्षित खाद्यवस्तुको महत्त्वबारे जनचेतना अभिवृद्धि गर्ने उद्देश्यले आज विश्वभर विभिन्न कार्यक्रमका साथ विश्व खाद्य सुरक्षा दिवस मनाइँदै छ। संयुक्त राष्ट्रसङ्घीय महासभाले सन् २०१८ मा जुन ७ लाई विश्व खाद्य सुरक्षा दिवसका रूपमा घोषणा गरेपछि सन् २०१९ देखि यो दिवस मनाउन थालिएको हो। दिवसको प्रवर्द्धन तथा समन्वय डब्ल्युएचओ र संयुक्त राष्ट्रसङ्घीय खाद्य तथा कृषि सङ्गठन ९एफएओ०ले संयुक्त रूपमा गर्दै आएका छन्। डब्ल्युएचओका अनुसार दूषित…
झापा, २४ जेठ । नेपाल राष्ट्र बैंकले आज (आइतबार) का लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १५१ रुपैयाँ ६२ पैसा र बिक्रीदर १५२ रुपैयाँ २२ पैसा निर्धारण गरिएको छ । यस्तै, युरोपियन युरो एकको खरिददर १७६ रुपैयाँ ४७ पैसा र बिक्रीदर १७७ रुपैयाँ १७ पैसा, युके पाउण्ड स्ट्रलिङ एकको खरिददर २०४ रुपैयाँ २५ पैसा र बिक्रीदर २०५ रुपैयाँ ०६ पैसा, स्वीस फ्रयाङ्क एकको खरिददर १९२ रुपैयाँ ५१ पैसा र बिक्रीदर १९३ रुपैयाँ २७ पैसा कायम गरिएको छ । अष्ट्रेलियन डलर एकको खरिददर १०८ रुपैयाँ २९ पैसा र बिक्रीदर १०८ रुपैयाँ ७२…
झापा, २४ जेठ । झापा जिल्लाको मेचीनगर नगरपालिका–४ स्थित माता चोक नजिकको भित्री पैदल मार्गको छेउमा शनिबार राति १५ फिट लामो अजिङ्गर सर्प फेला परेको छ। स्थानीयबासीले सर्प देखेपछि तत्काल प्रहरी चौकी बाहुनडाँगीलाई जानकारी गराएका थिए । सूचना प्राप्त हुनासाथ खटिएको प्रहरी टोलीले अजिङ्गरलाई सुरक्षित रूपमा नियन्त्रणमा लिई प्रहरी चौकी बाहुनडाँगीमा राखेको छ । यस सम्बन्धमा डिभिजन वन कार्यालय बाहुनडाँगीसँग समन्वय गरिएको प्रहरीले जनाएको छ । वन कार्यालयको टोली आइतबार बिहान घटनास्थलमा पुगेर अजिङ्गरको उद्धार तथा उपयुक्त प्राकृतिक वासस्थानमा पुनःस्थापनाको प्रक्रिया अघि बढाउने तयारी गरिएको छ । प्रहरीले वन्यजन्तु देखिएमा आफैं समात्ने प्रयास नगरी सम्बन्धित निकायलाई तत्काल जानकारी गराउन सर्वसाधारणलाई…
झापा, २४ जेठ । देशको उपल्लो वायुमण्डलमा रहेको पश्चिमी न्यून चापीय रेखा ९ट्रफ० तथा स्थानीय वायुको आंशिक प्रभाव रहेकाले विभिन्न क्षेत्रमा बदली तथा वर्षाको सम्भावना छ । जल तथा मौसम पूर्वानुमान महाशाखाका अनुसार हाल लुम्बिनी, कर्णाली र सुदूरपश्चिम प्रदेशसहित देशका अधिकांश हिमाली तथा पहाडी भागमा साधारणतया बदली रहेको छ भने तराईमा आंशिक बदली भएको छ । बागमती, गण्डकी, लुम्बिनी, कर्णाली र सुदूरपश्चिम प्रदेशका एकदुई स्थानमा मेघगर्जन तथा चट्याङसहित हल्का वर्षा भइरहेको छ । आज दिउँसो कोशी प्रदेशसहित देशका हिमाली भागमा साधारणतया बदली रहने तथा मधेस प्रदेशसहित बाँकी पहाडी भागमा आंशिक बदली रहने महाशाखाले जनाएको छ । बाँकी तराईका भागमा भने…
झापा, २२ जेठ । कानून व्यवसायी र कानूनका विद्यार्थीबीच ‘कानूनको अभ्यासमा एआईको प्रयोग’ विषयक अन्तरक्रिया आज झापाको भद्रपुरमा सम्पन्न भएको छ । कानूनी ज्ञान केन्द्र भद्रपुरको आयोजना र मनमोहन इष्टिच्युट अफ ल विराटनगरको सहकार्यमा अन्तरक्रिया आयोजना गरिएको थियो । अन्तरक्रियामा ईन्जिनिर प्रकाश कोइरालाले कानूनको अभ्यासमा कसरी एआई उपयोगी सक्छ भन्ने प्रस्तुति दिएका थिए । आईटी विज्ञ कोइरालाले एआई परिचय, यसले गर्ने काम, उपयोगिता, सकारात्मक तथा नकारात्मक प्रभावलगायतका विषयमा जानकारी दिएका थिए । उनले कानून व्यवसायी तथा विद्यार्थीले एआईको प्रयोगबाट अधिकतम् फाइदा लिन सक्ने बताए । विज्ञ कोइरालाले कसरी सिर्जनशील कार्यमा उपयोगी हुन सक्छ भन्ने विषयमा प्रस्ट पारेका थिए । कोइरालाले…
चारपाने, २२ जेठ । नेपाल दशनामी समाज बिर्तामोडको आयोजनामा तीन दिने उद्घोषण तालिम शुरु भएको छ । नगरका दशनामीहरुमा क्षमता अभिबृद्धिसहित नेतृत्व विकास गर्ने उदेश्यले आजदेखि तीन दिने उद्घोषण तालिम आयोजना गरिएको हो । जेठ २२, २३ र २४ गतेसम्म सञ्तालन हुने तालिमको उद्घाटन नेपाल दशनामी समाज कोशी प्रदेश अध्यक्ष तथा कार्यक्रमका प्रमुख अतिथि पदमबहादुर पुरी (प्रकाश( र विशिष्ठ अतिथि नेपाल पत्रकार महासंघ झापाका अध्यक्ष एकराज गिरीले संयुक्त रुपमा गरेका छन् । तालिममा प्रशिक्षक नेपाल दशनामी समाज महिला समितिकी केन्द्रिय सचिव तारा गिरी रहेकी छिन् । नेपाल दशनामी समाज बिर्तामोडका अध्यक्ष खड्गराज गिरीको अध्यक्षतामा भएको तालिमको उद्घाटन कार्यक्रममा प्रमुख अतिथि…
अर्जुनधारा, २२ जेठ । झापाको अर्जुनधारा नगरपालिका–४ मा निःशुल्क आँखा शिविर आयोजना गरिएको छ । ‘सबैका लागि आँखा स्वास्थ्य र दृष्टि’ भन्ने नाराका साथ आज निःशुल्क आँखा शिविर आयोजना गरिएको हो । अर्जुनधारा–४ का वडाध्यक्ष अम्बरबहादुर कटुवालको अध्यक्षता एवम् अर्जुनधारा नगरपालिकाका नगरप्रमुख बलदेव सिंह गोम्देनको प्रमुख आतिथ्यमा आयोजित शिविरमा २२४ जनाले सेवा लिएका छन् । बिर्तामोड आँखा अस्पतालको प्राविधिक सहयोगमा र अर्जुनधारा नगरपालिका, अर्जुनधारा वडा नम्बर ४ को कार्यालय र दहीझोडा सामुदायिक वनको संयुक्त आयोजनामा भएको आँखा शिविरमा ५८ जनालाई निःशुल्क चस्मा समेत वितरण गरिएको थियो । शिविरमा आँखा प्राविधिक बिनोद दाहालले आँखा परीक्षण गर्नुभएको थियो । परीक्षणका क्रममा दुई…
बिर्तामोड, २२ जेठ । झापाको बिर्तामोड नगरपालिका–७ स्थित सहिद नेत्रपार्क खेल मैदानमा वडास्तरीय टि–१० क्रिकेट प्रतियोगिता आयोजना हुने भएको छ । खेलकुद विकास समिति बिर्तामोड नगरपालिका–७ को आयोजनामा यही जेठ २४ र २५ गते वडास्तरीय टि–१० क्रिकेट प्रतियोगिता हुने भएको हो । खेलकुद विकास समिति बिर्तामोड–७ का अध्यक्ष दीपक कार्कीको अध्यक्षता एवम् वडाध्यक्ष अविरलकृष्ण खरेलको प्रमुख आतिथ्यमा आज शुक्रबार आयोजित पत्रकार सम्मेलनमा प्रतियोगिताबारे जानकारी दिनुहुँदै आयोजक समितिका विपिन कार्कीले क्रिकेट खेलको प्रवद्र्धनका साथै नगर क्षेत्रमा सम्भावना बोकेका खेलाडीहरूको पहिचान र प्रवर्धनका लागि प्रतियोगिता आयोजना गर्न लागिएको जानकारी दिनुभयो । प्रतियोगितामा विजेता टिमले नगद ३० हजार र उपविजेताले नगद २० हजार…