jhapaonline add
बिर्तामोड, ९ साउन । झापाको बिर्तामोड–२ त्रिशूली चोकबाट ब्राउन सुगरसहित दुई जना पक्राउ परेका छन् । शुक्रबार राति करिब ११ बजे लागूऔषध कारोबार भइरहेको भन्ने गोप्य सूचनाका आधारमा इलाका प्रहरी कार्यालय अनारमनीबाट प्रहरी बरिष्ठ हवल्दार खमबहादुर थापाको नेतृत्वमा खटिएको क्यूआरटी टोलीले छापा मारेको थियो । प्रहरीले बिर्तामोड–२ निवासी २४ वर्षीय प्रवेश सहनीको ग्वालीमा रहेका प्रवेश सहनी र सोही स्थानका २५ वर्षीय किरण शर्मालाई चेकजाँच गर्ने क्रममा उनीहरूको साथबाट ब्राउन सुगरजस्तो देखिने पदार्थ बरामद गरेको जनाएको छ । बरामद गरिएको पदार्थको तौल गर्दा प्लास्टिकसहित ५ ग्राम २०० मिलिग्राम र प्लास्टिकबाहेक २ ग्राम ८४० मिलिग्राम रहेको प्रहरीले जनाएको छ । दुवै जनालाई…
झापा, ९ साउन । अख्तियार दुरुपयोग अनुसन्धान आयोगमा आर्थिक वर्ष २०८२/८३ मा ३३ हजार ३२८ नयाँ उजुरी दर्ता भएका छन्। अघिल्लो वर्षबाट सरेका सात हजार ३२३ उजुरीसमेत जोड्दा आयोगमा कुल ४० हजार ६५१ उजुरी रहेको थियो। आयोगले शुक्रबार सार्वजनिक गरेको वार्षिक समीक्षा विवरणअनुसार तीमध्ये ३२ हजार ७९९ उजुरी (८०.६८ प्रतिशत) फर्छ्योट गरिएको छ भने बाँकी सात हजार ८५२ उजुरी चालु आर्थिक वर्षमा जिम्मेवारी सरेका छन्। प्राप्त उजुरीमध्ये ४८.९६ प्रतिशत स्थानीय तह, ३८ प्रतिशत संघीय सरकार र १३.०४ प्रतिशत प्रदेश सरकारसँग सम्बन्धित छन्। वेबसाइटमार्फत सबैभन्दा बढी ३०.९१ प्रतिशत उजुरी प्राप्त भएका छन्। आर्थिक वर्ष २०८२/८३ मा आयोगले ६२ बैठकबाट एक हजार…
झापा, ९ साउन । झापा जिल्ला कारागार भद्रपुरमा क्षमताभन्दा दोब्बर कैदीबन्दी रहेकाले दैनिक व्यवस्थापन चुनौतीपूर्ण बनेको छ। ७५० जनाको क्षमता रहेको कारागारमा हाल एक हजार ५८५ जना कैदीबन्दी रहेका छन्। कारागार प्रशासन प्रमुख रेवन्त भट्टराईका अनुसार हाल कारागारमा ९९९ जना कैदी र मुद्दाको पुर्पक्षका क्रममा रहेका ५८६ जना थुनुवा छन्। उनीहरूमध्ये ७८ जना महिला रहेका छन्। भद्रपुर कारागारमा विदेशी नागरिकको संख्या पनि उल्लेखनीय छ। प्रशासनका अनुसार हाल १४७ जना विदेशी नागरिक कारागारमा छन्, जसमा भारतका ११८ जना र भुटानका २९ जना रहेका छन्। क्षमताभन्दा बढी कैदीबन्दी हुँदा दैनिक व्यवस्थापनमा कठिनाइ भइरहेको प्रमुख भट्टराईले बताए। उनले भने, “सीमित स्रोतसाधन र क्षमताका…
झापा, ९ साउन । प्रत्येक वर्ष आषाढ शुक्ल एकादशीका दिन घर घरमा तुलसीको बिरुवा सारी चार महिनासम्म गरिने विशेष पूजा आराधना आजदेखि सुरु हुँदैछ । एक महिनाअघि ज्येष्ठ शुक्ल एकादशीका दिनमा घर घरको तुलसी मोठमा राखिएको दलको बिरुवा आज मोठमा सारिन्छ । सनातन वैदिक परम्परा अनुसार तुलसीलाई विष्णुको प्रतीकका रुपमा मानिन्छ । आजदेखि कार्तिक शुक्ल एकादशीका दिनसम्म तुलसीको विशेष पूजा हुन्छ । आषाढ शुक्ल एकादशीदेखि कार्तिक शुक्ल एकादशीसम्म चार महिना भगवान् विष्णु क्षीरसागरमा शयन गर्नुहुने भएकाले आजको दिनलाई हरिशयनी एकादशी भनिएको धर्मशास्त्रविद् एवं नेपाल पञ्चाङ्ग निर्णायक विकास समितिका पूर्व सदस्य प्रा डा देवमणि भट्टराई बताउनुहुन्छ । भगवान् विष्णु शयन गर्नुहुने…
झापा, ९ साउन । जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर मनसुनी वायुको प्रभाव रहेको छ । मनसुनको न्यून चापीय रेखा नेपालको पश्चिम भू–भागमा सरदरभन्दा उत्तरतर्फ तथा पूर्वी भू–भागमा सरदर स्थानको आसपासमा छ । देशभर साधारणतया बादल लागेको छ । कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानमा हल्कादेखि मध्यम वर्षा भइरहेको छ । गण्डकी, लुम्बिनी र कर्णाली प्रदेशका पहाडी भू–भागको एकदुई स्थानमा भारी वर्षाको सम्भावना छ । आज दिउँसो हिमाली र पहाडी भू–भागमा साधारणतया बादल लाग्नेछ । बागमती, गण्डकी, लुम्बिनी र सुदूरपश्चिम प्रदेशका तराई भू–भागमा पनि साधारणतया बादल लाग्नेछ । मधेस र कोशी…
बिर्तामोड, ८ साउन । झापाको बिर्तामोडस्थित बिर्तामोड साना शहरी खानेपानी तथा सरसफाइ उपभोक्ता संस्थाले आफ्नो आठौं कार्यकालमा खानेपानी सेवा विस्तार, पूर्वाधार विकास र प्रविधिमैत्री व्यवस्थापनमा उल्लेखनीय प्रगति हासिल गरेको जनाएको छ । शुक्रबार आयोजित पत्रकार सम्मेलनमा संस्थाले आर्थिक वर्ष २०८२÷८३ सम्मको कार्यप्रगति सार्वजनिक गर्दै आगामी योजना र चुनौतीबारे जानकारी दिएको छ । संस्थाका अध्यक्ष मेघराज बाँस्तोलाका अनुसार हाल बिर्तामोड नगरपालिकाका १० वटै वडा तथा अर्जुनधारा नगरपालिका–५, ६ र ११ का केही क्षेत्रमा सेवा विस्तार गरिएको छ । तीनवटा ओभरहेड ट्यांकी र थप दुई आयोजना मार्फत करिब ५७५ किलोमिटर पाइपलाइन र ११ हजार धारामार्फत चौबीसै घण्टा शुद्ध खानेपानी वितरण भइरहेको छ…
आयंका फिल्म्सको प्रस्तुतिमा तयार भएको प्रतिक्षित चलचित्र ‘मास्टर्नी’ का दुई नयाँ पोष्टर सार्वजनिक गरिएको छ। केही समयअघि अभिनेत्री प्रियङ्का कार्कीको एकल पोष्टरले दर्शकमाझ राम्रो चर्चा पाएपछि निर्माण टिमले थप दुई फरक शैलीका पोष्टरहरू सार्वजनिक गरेको हो। यदि तपाईँले सार्वजनिक पहिलो पोष्टर हेर्नुभयो भने, त्यसमा अभिनेत्री प्रियङ्का कार्की र सिम्रन खड्का भावुक मुद्रामा प्रस्तुत हुनुभएको देख्न सक्नुहुन्छ। पोष्टरमा प्रियङ्काको अँगालोमा सिम्रन हुनुहुन्छ, जसले चलचित्रमा आमा–छोरीको भावनात्मक कथा र सम्बन्धलाई दर्शाउँछ। त्यस्तै दोस्रो पोष्टरमा चलचित्रका तीन प्रमुख कलाकारहरू प्रियङ्का कार्की, प्रमोद अग्रहरी र सिम्रन खड्का देखिनुभएको छ। पोष्टरमा नेपाल प्रहरीले अपराध घटनास्थलमा प्रयोग गर्ने ‘नेपाल प्रहरी अपराध घटनास्थल प्रवेश निषेध’ को टेप…
झापा, ८ साउन । झापाको कमल गाउँपालिका–५ पाडाजुंगीस्थित सशस्त्र प्रहरी बल नेपाल नम्बर ३८ रिजर्भ गणमा कार्यरत एक सशस्त्र प्रहरी जवानको करेन्ट लागेर मृत्यु भएको छ । सशस्त्र प्रहरी बल नेपाल नं १ बराह बाहिनी मुख्यालय, कोशी प्रदेशका सूचना अधिकारी तथा वरिष्ठ सशस्त्र प्रहरी उपरीक्षक महेश केसीले आन्तरिक विद्युत् लाइन मर्मत गर्ने क्रममा करेन्ट लागेर बिहीबार जवान सुदिम खत्रीको मृत्यु भएको जानकारी दिए । सुनसरीको इटहरी उपमहानगरपालिका–१३ घर भएका ३० वर्षीय खत्रीलाई बिहीबार साँझ करिब ५ बजे गणभित्र विद्युत् लाइन मर्मत गर्ने क्रममा करेन्ट लागेको थियो । करेन्ट लागेर गम्भीर घाइते भएका उनलाई तत्काल उपचारका लागि दमकस्थित आम्दा अस्पताल लगिएकोमा…
फिदिम, ८ साउन । पाँचथरको कुम्मायक गाउँपालिका–२ मङजावुङबाट प्रहरीले भरुवा बन्दुकसहित एक जनालाई पक्राउ गरेको छ । जिल्ला प्रहरी कार्यालय पाँचथरका अनुसार बन्दुक पड्किए जस्तो आवाज आएको सूचनापछि खटेको प्रहरी टोलील ४० वर्षका स्थानीय चोककुमार शेर्मालाई नियन्त्रणमा लिएको हो । प्रहरीले शेर्माका साथबाट एक थान भरुवा बन्दुक र उक्त बन्दुकमा प्रयोग हुने चार थान छर्रा (गोली) बरामद गरेको जिल्ला प्रहरी कार्यालय पाँचथरका प्रमुख (डिएसपी) अनिषकुमार कर्णले जानकारी दिए । शुक्रबार पक्राउ परेका शेर्मालाई आवश्यक कानुनी प्रक्रिया पूरा गरी पाँचथर जिल्ला अदालतबाट सात दिनको म्याद थप अनुमति लिई अनुसन्धान सुरु गरेको उनले बताए ।
झापा, ८ साउन । आज सुनचाँदीको भाउ घटेको छ । सुनको भाउ तोलमा ५ हजार ८०० र चाँदीको भाउ तोलमा १५५ रुपैयाँले घटेको छ । सुनको भाउ तोलाको २ लाख ८५ हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै चाँदीको भाउ ४ हजार ३५० रुपैयाँमा कारोबार भइरहेको छ । हिजो सुन तोलाको २ लाख ९१ हजार ३०० र चाँदीको भाउ तोलाको ४ हजार ५०५ रुपैयाँ थियो ।