jhapaonline add

झापा, २२ माघ । झापामा आजदेखि महिलामा हुने पाठेघरको मुखको क्यान्सरविरुद्धको ह्युमन पापिलोमा भाइरस (एचपीभी) विरुद्धको खोप अभियान शुरु हुँदैछ । झापाको मेचीनगर–१३ चारआलीस्थित सहिद दशरथ चन्द माविमा आज उद्घाटन कार्यक्रम रहेको छ । जिल्लाका १५ वटै स्थानीय तहका विद्यालयभित्र र विद्यालय बाहिर रहेका ५४ हजार नौ सय ९९ जना किशोरीलाई एचपीभी खोप लगाइने स्वास्थ्य कार्यालय झापाका प्रमुख रमेश बाराकोटीले जानकारी दिनुभयो । माघ २२ गतेदेखि २९ गतेसम्म जिल्लामा सञ्चालन हुने यो अभियानमा कक्षा–६ देखि कक्षा–१० सम्मका किशोरी र विद्यालय बाहिर रहेका १० देखि १४ वर्षसम्मका किशोरीलाई खोप लगाइनेछ । झापामा एचपीभी खोप अभियानका लागि सात सय ५५ खोप केन्द्र,…

झापा, २२ माघ । क्यान्सर लाग्दैमा डराउनु नपर्ने भन्दै प्रारम्भिक चरणमा पहिचान भएमा निर्मूल हुने चिकित्सकहरू बताउँछन् । सही समयमा क्यान्सर पहिचान भएमा यसको उपचार सम्भव रहेको बताइएको छ । स्वास्थ्य तथा जनसङ्ख्या मन्त्रालयका प्रवक्ता डा प्रकाश बुढाथोकीले नियमित रूपमा स्वास्थ्यको जाँच गरी प्रारम्भिक चरणमा क्यान्सर पत्ता लागेमा उपचार गरेर रोकथाम गर्न सकिने बताउनुभयो । पाटन स्वास्थ्य विज्ञान प्रतिष्ठानका वरिष्ठ क्यान्सर रोग विशेषज्ञ डा अरुण शाहीले क्यान्सर थाहा पाउनेबित्तिकै उपचार भए जस्तोसुकै अवस्थाको रोग निको पार्न सकिने बताउनुभयो । “क्यान्सर लागेका बिरामी सबै काम छाडेर अब जीवन सकियो भन्दै डराएर बस्छन् । तर त्यसो होइन, क्यान्सर लाग्यो भन्दैमा डराउने, आत्तिने…

झापा, २२ माघ । आज फेबु्रअरी ४ विश्व क्यान्सर दिवस । यही दिवसको अवसर पारेर स्वास्थ्य तथा जनसङ्ख्या मन्त्रालयले आजदेखि देशभर पाठेघरको मुखको क्यान्सरविरुद्धको निःशुल्क ‘एचपिभी खोप’ दिँदैछ । विद्यालय केन्द्रित यो खोप अभियान माघ २२ गतेदेखि फागुन ६ गतेसम्म देशभरि एकैपटक सञ्चालन गर्न लागिएको हो । नेपालमा महिलाहरूमा हुने क्यान्सरमध्ये पहिलो स्थानमा रहेको पाठेघरको मुखको क्यान्सरको जोखिमबाट जोगाउने उद्देश्यले मुलुकभर एपिभी खोप अभियान सञ्चालन गर्न लागिएको हो । स्वास्थ्य तथा जनसङ्ख्या मन्त्रालयका अनुसार देशभर करिब १७ लाख किशोरीलाई खोप दिन लागिएको छ । यस अभियानमा १६ लाख ८८ हजार सात सय ६८ जना किशोरीलाई खोप दिइने लक्ष्य सरकारले राखेको…

झापा, २२ माघ । हाल देशमा पश्चिमी न्यून चापीय प्रणालीको प्रभाव रहेको छ। आज बिहान सुदूरपश्चिम र कर्णालीसहित गण्डकी प्रदेशको पहाडी भूभागको मौसम आंशिकदेखि साधारणतया बदली छ। तराईका केही स्थानमा अहिले हुस्सु र कुहिरो लागेको छ। देशको बाँकी भूभागको मौसम मुख्यतया सफा रहेको मौसम पूर्वानुमान महाशाखाले जनाएको छ। आज दिउँसो सुदूरपश्चिम र कर्णाली प्रदेशका पहाडी भूभागका थोरै स्थानमा हल्का वर्षाको सम्भावना छ। सुदूरपश्चिम र कर्णाली प्रदेशका उच्च पहाडी तथा हिमाली भूभागका थोरै स्थानमा आज हल्कादेखि मध्यम हिमपातको पनि सम्भावना रहेको छ। महाशाखाले आज बिहान ६ बजे जारी गरेको बुलेटिनमा भनिएको छ, ‘आगामी २४ घण्टाको अवधिमा सुदूरपश्चिम र कर्णाली प्रदेशको पहाडी…

चन्द्र बस्नेतकनकाई, २१ माघ । झापाको कनकाई नगरपालिकाको १७ औं नगर सभा अन्तर्गत पहिलो बैठक सम्पन्न भएको छ। नगरपालिकाको सभाहलमा सोमबार आर्थिक वर्ष २०८१–८२ को १७ औं नगर सभाको पहिलो बैठक सम्पन्न भएको हो। बैठकको सुरुमा नै कार्यक्रमका सभाध्यक्ष तथा नगर प्रमुख राजेन्द्रकुमार पोखरेलले वडागत रुपमा आर्थिक वर्ष २०८१–८२को कुनै संसोधित योजना रकमान्त्तर भए प्रस्तुत गर्न समय दिनुभएको थियो तर कुनैपनि वडाबाट त्यस्ता योजना नआएपछि अन्य विषयमा प्रवेश गर्नुभयो । १७ औं नगर सभामा बोल्दै नगर प्रमुख पोखरेलले नगर अहिले बालमैत्री नगरपालिका घोषणाको तयारीमा रहेको बताउदै नगरपालिकाको स्थापना दिवसको अवसर पारेर आगामी २०८२ बैशाख २५ गते कनकाई नगरलाई बालमैत्री घोषणा…

झापा, २१ माघ । गत माघ ८ गतेदेखि जारी बिर्तामोड अन्तराष्ट्रिय औद्योगिक व्यापार महोत्सव’ समापन भएको छ । उद्योग वाणिज्य महासंघका केन्द्रीय उपाध्यक्ष हेमराज ढकालको प्रमुख आतिथ्यमा आयोजित कार्यक्रमकाबीच सोमवारबाट महोत्सव समापन भएको हो । माघ १९ गते समापन गर्ने गरी महोत्सवको आयोजना गरिए पनि दुई दिन समय थप गर्दै २१ गतेसम्म महोत्सव सञ्चालन गरिएको थियो । बिर्तामोड उद्योग वाणिज्य संघको अगुवाइमा महोत्सव बिर्तामोड–५ स्थित धर्मकाटा रोडमा आयोजना गरिएको थियो । महोत्सवमा स्थानीय उत्पादन देखि अन्तराष्ट्रिय औद्योगिक घरानाका सामग्री बिक्रीका लागि राखिएको थियो । यसैबीच महोत्सव समापन सत्रको अवसर पारेर सञ्चारकर्मीसहित सफल व्यवसायी, कृषक, महिला उद्यमी, स्वास्थ्यकर्मी, खेलाडी, सामाजिक क्षेत्रका…

झापा, २१ माघ । झापा मेचीनगर नगरपालिका–६ मेचीपुलस्थित लागुऔषधि प्रहरीले एक जनालाई पक्राउ गरेको छ । आज बेलुका मेचीनगर–६ मेचीपुलबाट लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले भारतबाट नेपालतर्फ सिटी सफारीमा आउँदै गरेको ताप्लेजुङ सिदिङवा गाउँपालिका वडा नं. ३ का २२ वर्षीय सुरेन्द्र राईलाई शंका लागी चेकजाँच गर्ने क्रममा लुकाई छिपाई ल्याउँदै गरेको प्रतिबन्धित लागुऔषध खैरो हेरोइन प्लाष्टिकबाहेक १ ग्राम १३० मिलिग्राम फेला परेकोले नियन्त्रणमा लिई इलाका प्रहरी कार्यालय काँकरभिट्टामा राखेर थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।

चन्द्र बस्नेतकनकाई, २१ माघ । झापाको कनकाई नगरपालिकामा पालिकास्तरीय फुटबल प्रतियोगिताको सातौं संस्करण हुने भएको छ । कनकाई खेलकुद प्रतिष्ठानको आयोजनामा आगामी माघ २५ गतेदेखि फुटबल प्रतियोगिता हुने भएको प्रतिष्ठानका अध्यक्ष छवि थपलियाले जानकारी दिनुभयो । प्रतियोगितामा १२ पालिकाको टिम सहभागी जनाउने भएका छन् । प्रतियोगिता सम्पन्न गर्न विभिन्न ५ उपसमिति गठन गरेर तयारी तीव्र पारिएको खेल संयोजक भुवन खटिवडाले जानकारी बताउनुभयो । प्रतियोगिताको आर्थिक व्यवस्थापन समितिको संयोजकमा प्रतिष्ठानका कोषाध्यक्ष डम्बरप्रसाद फुयाल, प्रचार–प्रसार समितिको संयोजकमा सचिव रामप्रसाद निरौला, खेल मैदान तथा स्टेज व्यवस्थापन समितिको संयोजकमा राजेश अघोरी, अतिथि सत्कार व्यवस्थापन समितिको संयोजकमा गीता खरेल, सहजीकरण समितिको संयोजकमा ज्योतिकुमार उप्रेती रहेका…

झापा, २१ माघ । विवाहको उमेर घटाउन प्रतिनिधिसभाको कानुन, न्याय तथा मानवअधिकार समितिले गठन गरेको उपसमितिले संसदीय उपसमितिले विवाहको उमेरहद घटाउन दिएको सुझाव अवैज्ञानिक र अव्यावहारिक भएको भन्दै झापाका नागरिक संघसंस्थाहरूले विवाहको न्यूनतम उमेर २० वर्ष नै कायम गर्न सरकारलाई आग्रह गरेका छन् । विवाहको उमेर घटाउँदा यसले पार्ने बहुपक्षीय, दीर्घकालीन असरका साथै बालबालिकाको संरक्षण र सर्वोत्तम हितलाई समेत ख्यालमा राखी विवाहको उमेरहद २० वर्ष नै कायम राख्न माग गरिएको छ । साथै बाल विवाहलाई सम्बोधन गर्ने विषयमा नेपाल सरकारका सम्बद्ध निकाय, गैरसरकारी क्षेत्र, नागरिक समाज एवम् बालबालिका स्वयंको समेत सक्रिय सहभागिता तथा सहकार्यमा एकीकृत रुपमा प्रयास केन्द्रित गर्न तथा…

झापा, २१ माघ । झापा र मोरङबाट लागुऔषध ब्राउन सुगर सहित चार जनालाई प्रहरीले पक्राउ गरेको छ । माघ २० गते झापाको झापा गाउँपालिका–४ स्थितमा इलाका प्रहरी कार्यालय कुमरखोदबाट खटिएको प्रहरी टोलीले चेकजाँच गर्ने क्रममा भारतबाट नेपालतर्फ आउँदै गरेको साइकल यात्री कनकाई नगरपालिका–५ का ३५ वर्षीय चिरञ्जीवी भुजेल, ३८ वर्षीय सुरेश ऋषिदेवलाई १ ग्राम ४५ मिलिग्राम ब्राउन सुगरसहित नियन्त्रणमा लिएको छ । मोरङको बिराटनगर–१७ स्थितबाट बा ८५ प ४६१६ नम्बरको मोटरसाइकलमा सवार रहेका सुनसरी धरानका २८ वर्षीय रोहित लिम्बु र धनकुटा राजारानीका २६ वर्षीय दिपक लिम्बूलाई १ ग्राम ३६ मिलिग्राम ब्राउन सुगरसहित लागुऔषध नियन्त्रण ब्युरो विराटनगरको प्रहरी टोलीले पक्राउ गरेको…