jhapaonline add
ताप्लेजुङ, ८ असोज । ताप्लेजुङस्थित प्रसिद्ध धार्मिकस्थल पाथीभरामा पछिल्ला दुई महिनामा १८ लाखभन्दा बढी भेटी सङ्कलन भएको छ । पाथीभरा क्षेत्र विकास समितिका अनुसार गत साउन र भदौमा भक्तजनले मन्दिरमा चढाएको भेटी रकम रु १८ लाख २६ हजार पाँच सय ५५ रहेको छ । समितिका कार्यकारी निर्देशक प्रजिन हाङ्बाङका अनुसार साउनमा रु छ लाख ९१ हजार र भदौमा रु ११ लाख ३५ हजार पाँच सय ५५ भेटी सङ्कलन भएको हो । समितिले सार्वजनिक गरेको तथ्याङ्कानुसार साउनमा पाथीभरा मन्दिरमा दर्शन गर्न आउने भक्तजनको सङ्ख्या एक हजार नौ सय ५५ थियो भने भदौमा यो सङ्ख्या बढेर नौ हजार नौ सय ३९ पुगेको…
झापा, ८ असोज । झापाको बिर्तामोडमा मोटरसाइकलको ठक्करबाट पैदलयात्रीको मृत्यु भएको छ । सोमबार राति ८ बजेको समयमा बिर्तामोड–६ कुमारी चौकस्थित पूर्व–पश्चिम राजमार्गमा चारालीबाट बिर्तामोडतर्फ आउँदै गरेको प्र १–०१–०१३ प २८०९ नम्बरको मोटरसाइकलले पैदल यात्री बिर्तामोड–६ बुट्टाबारीका अन्दाजी ६२ वर्षीय यामबहादुर लिम्बूलाई ठक्कर दिएको थियो । मोटरसाइकलको ठक्करबाट टाउको र खुट्टामा चोट लागेर घाइते भएका लिम्बूको बिएण्डसी अस्पताल बिर्तामोडमा उपचारका क्रममा गएराति मृत्यु भएको हो । मोटरसाइकल चालक बुद्धशान्ति गाउँपालिका–४ का ३२ वर्षीय विकास लिम्बूलाई नियन्त्रणमा लिएको छ । उनलाई इलाका प्रहरी कार्यालय अनारमनीमा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।
बिर्तामोड, ८ असोज । झापाको बिर्तामोड–४ मा मुख्य कार्यालय रहेको शिक्षा बहुउद्देश्यीय सहकारी संस्था लि.को १२ औं वार्षिक साधारण सभाका असोज ९ गते (भोलि) देखि शुरु हुने भएको छ । संस्थाको १२ औं वार्षिक साधारण सभा अन्तरगत इकाइगत साधारणसभा भोलिदेखि हुने भएको हो । संस्थाको असोज ९ गतेदेखि शुरु भएको इकाइगत साधारण सभा १६ गतेसम्म हुनेछ भने अन्तिम माइन्युट प्रमाणीकरण भेला १६ गते नै हुनेछ । संस्थाको इकाइगत साधारण सभाको कार्यतालिका अनुसार असोज ९ गते सदस्य सेवा केन्द्र धुलाबारीको मेची सहकारीको सभाहलमा, १० गते सदस्य सेवा केन्द्र दुहागढीको राम जानकी मन्दिर, धाइजनमोडमा, ११ गते सदस्य सेवा केन्द्र शनिश्चरेको पितृ भवनमा,…
मोरङ, ८ असोज । मोरङको पथरीशनिश्चरेमा धारिलो हतियार प्रहार गरी ससुराको हत्या गर्ने ज्वाइँलाई प्रहरीले सार्वजनिक गरेको छ। असोज ५ गते बिहान पथरीशनिश्चरे नगरपालिका–७ मायालु चोकका ६२ वर्षीय चन्द्रबहादुर तामाङ आफ्नै घरमा धारीलो हतियार गरी हत्या गरिएको अवस्थामा फेला परेका थिए । घटनास्थलमा फलामको धारिलो दाउ फेला परेको थियो भने घटनामा संलग्न चन्द्रबहादुरका ज्वाइँ कानेपोखरी–५ का २९ वर्षीय रविन राई फरार भएका थिए । उनलाई खोज तलासको क्रममा असोज ६ गते धनकुटा मुलघाट भन्ने स्थानमा फेला पारी पक्राउ गरिएको जिल्ला प्रहरी कार्यालय मोरङले जनाएको छ । घटनाको प्रारम्भिक अनुसन्धानमा मृतक ससुरा र ज्वाइँ बीच मादक पदार्थ सेवन पश्चात विवाद हुँदा…
झापा, ८ असोज । मनसुनको न्यून चापीय रेखा सरदर स्थानको दक्षिणतिर अवस्थित रहेको छ । देशभर मनसुनी वायुको प्रभाव रहेको छ । जसको प्रभावले हाल देशको पहाडी भूभागमा आंशिक देखि साधारणतया बदली रही बाँकी भूभागमा आंशिक बदलीदेखि मुख्यतया सफा रहेको छ। कोशी, बागमती र कर्णाली प्रदेशका एक–दुई स्थान हल्का वर्षा भइरहेको मौसम पूर्वानुमान महाशाखाले जनाएको छ। दिउँसो देशभर आंशिक देखि साधरणतया बदली रहने छ । कोशी, गण्डकी र लुम्बिनी प्रदेशका केही स्थानहरूमा तथा बाँकी प्रदेशका थोरै स्थानहरूमा चट्याङ्गसहित हल्कादेखि मध्यम वर्षाको सम्भावना रहेको छ । कोशी, बागमती, गण्डकी र लुम्बिनी प्रदेशका एक–दुई स्थानमा धेरै वर्षाको पनि सम्भावना रहेको छ ।…
झापा, ८ असोज । मिथिलाञ्चल क्षेत्रमा मनाइने जितिया पर्वअन्तर्गत आज बिहान ४ बजेदेखि ३६ घण्टासम्म बस्ने निर्जल र निराहार उपवास सुरु भएको छ । सन्तानको दीर्घजीवन, पुत्र प्राप्ति तथा पारिवारिक सुखशान्तिका लागि मनाइने ‘जितिया पर्व’ महोत्तरीसहित मिथिलाञ्चल क्षेत्रमा नहा खा ९नुहाएर खानु० गर्दै सोमबारदेखि यो पर्व सरु भएको हो । धार्मिक विधिअनुसार आज बिहान ४ बजेदेखि बुधबार साँझ ५ बजेसम्म बर्तालुहरु अन्नपानी नखाएर उपवास बस्ने गर्दछन् । श्री जानकी भित्ते पात्रोमा रहेको मिथिला पञ्चाङ्गअनुसार मिथिलाञ्चलभरिमा सोमबार ‘ओगठन’ ९दरखाने०, आज जितिया व्रत र भोलि साँझ ५ बजे व्रत पारण ९समापन० विधि गरिन्छ । तिथिअनुसार यस वर्ष सोमबारदेखि सुरु भएको पर्वअन्तर्गत नहा…
झापा, ७ असोज । मोरङको विराटनगरमा आज दिउँसो एक युवती मृत फेला परेकी छन् । नेपाल–भारत सीमा क्षेत्रनजिक मृत फेला परेकी उनको पहिचान खुलेको छैन । विराटनगर–१६ हुलास चोकको बाटो नजिक नालीमा करिब ३० वर्षीया युवती मृत अवस्थामा स्थानीयले देखेपछि प्रहरीलाई खबर गरेका थिए । उनको पहिचान खुल्न सकेको छैन । घाटी पछाडि फूलजस्तो ट्याटु र शरीरका विभिन्न भागमा सेतो दुबीजस्तो देखिने उनले गाडा हरियो रंगको सर्ट र निलो जिन्सको पाइन्ट लगाएकी छन् भने उनको कपाल खौरिएको छ । घटनास्थल मुचुल्का गर्ने क्रममा मृतक युवतीको भित्री वस्त्रबाट २२ एम्पुल लागुऔषध बरामद भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले जानकारी दिए…
झापा, ७ असोज । बाँकेमा पिर्काले हानेर छोराले बुवाको हत्या गरेका छन् । कोहलपुर नगरपालिका–८ पिपरीका ७० वर्षका नैन सिंह क्षेत्रीलाई छोरा दिप बहादुर क्षेत्रीले पिर्काले हानेर हत्या गरेको इलाका प्रहरी कार्यालय कोहलपुरका प्रमुख प्रहरी नायब उपरीक्षक धर्मराज भण्डारीले जानकारी दिनुभयो । असोज २ गते राति बावु र छोराको झगडा परेपछि आफ्नै छोराले बुवालाई पिर्काले हानेर हत्या गरेका हुन् । प्रारम्भिक अनुसन्धानमा राति दुवै जनाले रक्सी खाएको र केही समयपछि झगडा भएको देखिएको प्रहरीले जनाएको छ । पिर्का प्रहारबाट गम्भीर घाइते हुनुभएका क्षेत्रीको उपचारको क्रममा असोज ३ गते नेपालगञ्ज मेडिकल कलेजमा मृत्यु भएको कोहलपुर प्रहरी प्रमुख भण्डारीले जानकारी दिनुभयो ।…
झापा, ७ असोज । दक्षिण एसियाली फुटबल महासङ्घ ९साफ० यु–१७ च्याम्पियनसिप पुरुष फुटबल प्रतियोगितामा नेपालले श्रीलङ्कालाई पराजित गर्दै विजयी भएको छ । भुटानको चाङ्लिमिथाङ रङ्गशालामा आज भएको खेलमा नेपालले श्रीलङ्कालाई ४–० गोलअन्तरले पराजित गर्दै विजयी भएको हो । जितसँगै समूह ‘बी’ मा रहेको नेपालले दुई खेलमा तीन अङ्क जोडेको छ । नेपाल पहिलो खेलमा पाकिस्तानसँग १–० गोलअन्तरले पराजित भएको थियो । यता दुवै खेलमा पराजित श्रीलङ्का अङ्कविहीन छ । श्रीलङ्का पहिलो खेलमा घरेलु टोली भुटानसँग ५–१ ले पराजित भएको थियो । आज नेपालको जितमा सुजन डङ्गोलले ह्याट्रिक पूरा गरे भने विज्ञान खड्काले एक गोल थपे । खेलको चार मिनेटमा सुजनको…
झापा, ७ असोज । जिल्ला प्रहरी कार्यालय धनुषाको हिरासतबाट फरार भएका थुनुवा मध्ये ४ जना लाई प्रहरीले पुनः पक्राउ गरेको छ । आइतबार बिहान करिब साढे तीन बजे ९ जना थुनुवा भेन्टिलेशन फोडेर फरार भएकोमा १२ बजेसम्ममा ४ जना पक्राउ परेको जिल्ला प्रहरी कार्यालय धनुषाका प्रहरी भुवनेश्वर तिवारीले जानकारी दिनुभयो । फरार हुनेमा लागूऔषध, अभद्र व्यवहार तथा चोरी मुद्दाका थुनुवा रहेको प्रहरी उपरीक्षक गिरीले जानकारी दिनुभयो । उहाँले भागेका थुनुवाहरुलाई पुनःपक्राउ गर्न चौतर्फि नाकाबन्दी गरेर खोजी गर्ने काम भईरहेको छ । फरार हुनेमा लागूऔषध मुद्दाका अमित कुमार झा, रंजित मण्डल, रोशनकुमार मण्डल, अभास्कर कुमार यादव, विशाल मुखियारहेका छन् यस्तै, अभद्र…