jhapaonline add
बिर्तामोड, २ असोज । झापाका प्रमुख जिल्ला अधिकारी बन्धुप्रसाद बास्तोलाले सामाजिक उत्तरदायित्व पूरा गर्न व्यापारी व्यवसायीलाई सुझाएका छन् । नारी सञ्चार गृह झापाको आयोजनामा बिर्तामोडस्थित एनएमसीको सभाहलमा आयोजित संविधानले प्रत्याभूत गरेको खाद्य स्वच्छता, सुरक्षा र सरोकारवालाको भूमिका विषयक अन्तरक्रिया कार्यक्रममा प्रमुख वक्ताको रुपमा सम्बोधन गर्दै प्रजिअ बास्तोलाले यस्तो सुझाव दिएका हुन् ।‘पैसा आउँछ भनेर जे पनि नबेच्नु होस्’–उनले भने–ब्यापारी–व्यवसायीको पनि सामाजिक उत्तरदायित्व त छ नी, त्यो पूरा गर्नुहोस् ।’ जवाफदेही सरकारी निकायका प्रमुख, उपभोक्ता, तरकारी तथा फलफूल व्यवासायी, विक्रेता, होटल व्यवसायी, बेकरी व्यवसायी, उपभोक्ता अभियान्ता, सञ्चारकर्मी लगायतको उपस्थिति रहेको कार्यक्रममा सहभागीले खाद्यवस्तुमा हुने मिसावट, कालाबजारी, कार्टेलिङ, कृषि तथा पशुजन्य उत्पादनमा…
बिर्तामोड, २ भदौ । झापाको बिर्तामोडस्थित मुख्य कार्यालय रहेको सिम्रिक बचत तथा ऋण सहकारी संस्थाको १४ औं साधारण सभा सम्पन्न भएको छ । आज बिर्तामाड भएको अन्तिम माइन्युट प्रमाणिकरण भेलासँगै संस्थाको साधारणसभा सम्पन्न भएको हो । सो अवसरमा संस्थाले दुई जना पत्रकार, चार जना शेयर र दुई वटा सदस्य सेवा केन्द्रलाई सम्मान तथा पुरस्कृत गरेको छ । संस्थाले पत्रकार विष्णु पौडेल र प्रदीप परियारलाई नगद १० हजार रुपैयाँ सहित सम्मान गरेको हो । त्यस्तै, संस्थामा उत्कृष्ट कारोबार गर्ने कमल पाण्डे, अजस साह, विरबहादुर राई र फुलमाया तामाङलाई सम्मान गरेको छ भने उत्कृष्ट सेवा केन्द्रका रुपमा सदस्य सेवा केन्द्र धुलाबारी र…
झापा, १ असोज । राप्रपाले मिस नेपाल वर्ल्ड–२०२४ विजेता आश्माकुमारी केसीलाई केन्द्रीय सदस्य बनाएको छ । राप्रपाको नवीन राप्रपा कार्ययोजना अन्तर्गत ४० वर्षमुनिका २० युवालाई केन्द्रीय सदस्यमा मनोनीत गर्ने क्रममा आवश्यक प्रक्रिया पूरा पछि केसी पनि केन्द्रीय सदस्य बनेकी हुन् । पार्टीका उपाध्यक्ष ध्रुवबहादुर प्रधान संयोजक रहेको छनौट समितिले विभिन्न मापदण्डका आधारमा अन्तर्वार्ता लिएर उत्तीर्ण भएपछि उनी केन्द्रीय सदस्य बनेको प्रवक्ता मोहन श्रेष्ठले बताए । गत साउनमा सम्पन्न ग्राण्ड फिनालेबाट उनी मिस नेपाल वर्ल्ड–२०२४ विजयी भएकी थिइन् ।
झापा, १ असोज । देशका सातै प्रदेशमा अब क्यान्सर उपचार सेवा विस्तार भएको छ । स्वास्थ्य तथा जनसंंख्या मन्त्री प्रदीप पौडेलले मन्त्री भएलगत्तै गत असार ३१ गते गरेको पहिलो निर्णय उनी मन्त्री भएको दुई महिनाभित्र पूर्ण कार्यान्वयनमा आएको हो । पहिलो निर्णयका रुपमा उनले क्यान्सर नियन्त्रण रणनीति २०३० स्वीकृत गर्नु भएको थियो । सोमबार गण्डकी प्रदेशको पोखरा स्वास्थ्य विज्ञान प्रतिष्ठानमा मन्त्री पौडेलको उपस्थितिमा भरतपुर क्यान्सर अस्पतालमार्फत क्यान्सर उपचार सेवा विस्तार गरिए पछि देशका सातै प्रदेशमा क्यान्सर उपचार सेवा उपलब्ध भएको हो । यसअघि बागमती प्रदेशअन्तर्गत भक्तपुर र भरतपुर तथा लुम्बिनीको नेपालगञ्जमा रहेको क्यान्सर उपचार सेवा दुई महिनाको अवधिमा थप पाँच…
कनकाई, १ असोज । झापाको कनकाई नगरपालिकामा विश्वकर्मा पुजा विविध कार्यक्रमका साथ मनाइएको छ । सवारी चालक ईकाई कनकाईको आयोजना तथा कनकाई नगरको व्यवस्थापनमा कार्यक्रम गरिएको हो । नगर सवारी चालक ईकाईका ईन्चार्ज रोहितकुमार कोइरालाको अध्यक्षतामा आयोजित कार्यक्रममा नगर प्रमुख राजेन्द्रकुमार पोखरेलको प्रमुख आतिथ्य रहेको थियो । कार्यक्रममा नगर उप प्रमुख आशा शर्मा शिवाकोटी विशेष आतिथ्यता रहेको थियो । कार्यक्रममा नगरका सबै सवारी साधन तथा सवारी साधनमा प्रयोग हुने उपकरण, तथा औजारलगायतको पूजा गरी विश्वकर्मा बाबाको पुजा गरिएको थियो । कार्यक्रममा पाठ पारायण तथा पुजा आरती समेत गरिएको थियो । सोही कार्यक्रमकाबीच सवारी चालक तथा सह–चालक यामप्रसाद अधिकारी, सोभित राई,…
कचनकवल, १ असोज । झापाको कचनकवल गाउँपालिकास्थित महेन्द्र रत्न माध्यमिक विद्यालयमा विद्यालयका संस्थापक स्वर्गीय बहादुरचन्द्रसिंह राजवंशीको योगदानलाई सम्झिँदै अर्धकदको शालिक निर्माण गरिएको छ । विद्यालयको २ लाख ८५ हजार ५२५ र गाउँपालिकाको २ लाख ९ हजार ४७५ गरी ४ लाख ९५ हजारको लागत शालिक निर्माण गरिएको हो । आज एक कार्यक्रमका बीच प्रमुख अतिथि पूर्वगृहमन्त्री तथा राष्ट्रिय सभा सदस्य कृष्णप्रसाद सिटौलाले मूर्ति अनावरण गर्दै स्वर्गीय राजवंशीको विद्यालय निर्माणमा गरेको योगदानलाई ऐतिहासिक र प्रेरणादायी रहेको बताए । सिटौलाले विद्यालयको प्रगति र शैक्षिक विकासमा निरन्तर सहयोग गर्ने प्रतिबद्धता व्यक्त गरे । साथै, प्रमुख अतिथिद्वारा स्वर्गीय राजवंशीका परिवारलाई सम्मानपत्र पनि हस्तान्तरण गरिएको छ…
बुट्टाबारी, १ असोज । पूर्वेली ढुवानी सेवाले विश्वकर्मा पूजा गरेको छ । झापाको बिर्तामोड–५ मा मुख्य कार्यालय रहेको ढुवानी सेवाले आज बिर्तामोड–६ स्थित बुट्टाबारीमा ३० वढी ट्रकसहित अन्य सवारी साधनको पूजा गरेको छ । पूर्वेली ढुवानी सेवाका सञ्चालक निर्मल खत्रीले प्रत्येक ट्रकलाई रिवन, फुलपाती, अक्षताले पूजा आराधना गरेर चालक र सह–चालकलाई टिका लगाएर विश्वकर्माको पूजा गरेका हुन् । सुनसरीको इटहरीमा शाखा कार्यालय रहेको ढुवानी सेवाले देशैभर ४० वढी ट्रकबाट सेवा प्रदान गर्दै आएको छ । सञ्चालक निर्मल सामाजिक कार्यमा समेत सक्रिय छन् । उनले बिभिन्न सामाजिक कार्य पनि गर्दै आएका छन् । ढुवानी सेवाले आयोजना गरेको पूजामा बिर्तामोड उद्योग बाणिज्य…
कनकाई, १ असोज । झापाको कनकाईस्थित कोटिहोमधाममा निर्मित विश्वकर्मा बाबाको मन्दिर उद्घाटन भएको छ । विश्वकर्मा पूजाको अवसरमा पारेर असोज १ गते एक कार्यक्रमका बीच मन्दिर उद्घाटन गरिएको हो । २०७४ सालमा मन्दिरको भवन निर्माण कार्य पूरा भए पनि विविध कारण मन्दिर सञ्चालनमा आउन सकेको थिएन । विश्वकर्मा पूजाको अवसरमा मन्दिरमा मूर्ति प्राणप्रतिष्ठा भएसँगै मन्दिर सधैंका लागि खुला गरिएको छ । संघीय सांसद हर्कमाया विश्वकर्माले रिबन काटेर मन्दिर उद्घाटन गरिन् । कार्यक्रमको प्रमुख अतिथि समेत रहेकी सांसद विश्वकर्माले झापाको पवित्र धार्मिकस्थलमा विश्वकर्मा बाबाको मन्दिर सञ्चालन हुनु सुखद् रहेको बताइन् । उनले मन्दिरको संरक्षण र सञ्चालनमा स्थानीयको भूमिका महत्वपूर्ण हुने बताइन् । कार्यक्रममा प्रदेश सभा सदस्य गोपाल गजमेर,…
झापा, १ असोज । झापाको गौरीगञ्ज गाउँपालिकामा आज भएको आगलागीबाट करिब ३१ लाख बराबरको क्षति भएको छ । आज बिहान ९ बजेतिर गौरीगञ्ज–६ देवकोटा टोलका कृष्ण राजवंशीको घरमा आगलागी भएको थियो । टिनको छाना भएको, इँटा र सिमेन्टको गारो भएको राजवंशीको ५ कोठे पक्की घरमा अचानक विद्युत् सर्ट भई आगलागी भएको थियो । आगलागीबाट राजवंशीको घर पूर्ण रुपमा जलेर नष्ट भएको छ । घरभित्र रहेको नगद ५ लाख ५० हजार, साँढे ३ तोला सुन, चाँदी ५० तोला, अन्नपात, काठ, लत्ताकपडा, भाडावर्तन र कागजपत्र गरी अन्दाजी २५ लाख बराबरको क्षति भएको छ । त्यस्तै सोही घरमा डेरा गरी बस्ने मेघनाथ राजवंशी…
झापा, १ असोज । मेची बहुमुखी क्याम्पसका उपप्राध्यापक पुण्य खरेलको निधन भएको छ । विगत लामो समयदेखि मेची बहुमुखी क्याम्पसमा सेवारत खरेल यही आउँदो फागुन महिनामा निवृत्त हुँदै हुनुहुन्थ्यो । खरेलको आज विहान हृदयघातका कारण निधन भएको हो । एक हप्ता अगाडि मुटुको सामान्य समस्या देखिएपछि उपचारका लागि काठमाडौँ पुगेका खरेलको आज विहान अचानक हृदयघात भएको थियो ।