jhapaonline add

झापा, २८ भदौ । मनसुनको न्यून चापीय रेखा सरदर स्थानको आसपास अवस्थित रहेको छ । हाल देशभर मनसुनी वायुको प्रभाव सँगै भारतको मध्यप्रदेशको उत्तरपश्चिम र आसपास रहेको न्यूनचापिय प्रणालीको प्रभाव देखिएको मौसम पूर्वानुमान महाशाखाले जनाएको छ। जसको प्रभावले हाल गण्डकी, लुम्बिनी, कर्णाली र सुदूरपश्चिम प्रदेशमा साधरणतयादेखि पूर्णतया बदली रही बाँकी क्षेत्रमा आंशिकदेखि साधरणतया बदली रहेको छ। लुम्बिनी, कर्णाली र सुदूरपश्चिम प्रदेशका केही स्थानहरूमा चट्याङ्गसहित हल्कादेखि मध्यम वर्षा भइरहेको छ। आज दिउँसो कर्णाली र सुदूरपश्चिम प्रदेशमा साधरणतयादेखि पूर्णतया बदली र बाँकी प्रदेशहरूमा आंशिकदेखि साधरणतया बदली रहने छ। कर्णाली र सुदूरपश्चिम प्रदेशका केही तथा कोशी, बागमती, गण्डकी र लुम्बिनी प्रदेशको थोरै स्थानहरूमा…

झापा, २८ भदौ । झापाको बिर्तामोडस्थित गिरीबन्धु टी इस्टेट उद्योगको गेटअगाडि कुकर बम राखिएको छ। पूर्वपश्चिम राजमार्गदेखि दक्षिणमा रहेको गिरीबन्धु टी इस्टेटको उद्योगको गेट अगाडि पड्काइसकेको कुकर फेला परेको हो । बम राति नै पड्काएको अनुमान गरिएको छ । तर, त्यसबाट कुनै पनि क्षति भएको छैन । बम पड्केको आवाजसमेत नसुनेको स्थानीयले बताएका छन् । बमसँगै पर्चा पनि भेटिएको छ । नेकपा माओवादी पूर्वी केन्द्रीय कमाण्डको नाममा पर्चा भेटिएको हो । त्यो समूहको आधिकारिकताबारे थाहा हुन सकेको छैन । त्रसित र आतंकित पार्ने उद्देश्यले त्यस्तो क्रियाकलाप गरेको हुनसक्ने टी इस्टेटका सञ्चालक छत्र गिरीले बताए ।

झापा, २८ भदौ । झापाको शिवसताक्षीमा भाइको हत्या गरेको आरोपमा दाजु पक्राउ परेका छन् । शिवसताक्षी नगरपालिका–८ शितल चौकका ४२ वर्षीय रामप्रसाद सिटौलाको हत्या आरोपमा उनका दाजु नारायण सिटौलालाई प्रहरीले पक्राउ गरेको हो । घटना पश्चात् अनुसन्धानका लागि मृतकका दाजु नारायणलाई नियन्त्रणमा लिएको इलाका प्रहरी कार्यालय झिलझिलेका प्रहरी निरीक्षक सुशील थापामगरले जानकारी दिए । गएराति करिब ९ बजे आफ्नै घरको पछाडिपट्टि उतानो परेको अवस्थामा रामप्रसादको शव फेला परेको थियो । टाउकोमा गम्भीर चोट देखिएकोले उनीमाथि दाउरा प्रहार भएको हुनसक्ने प्रहरीको अनुमान छ । घटनास्थल वरिपरि दाउरा छरिएको र रगत लतपतिएको थियो । दुवै दाजुभाइले मादक पदार्थ सेवन गरी झगडा गरेको…

झापा, २८ भदौ । झापाको कमल गाउँपालिकाका एक युवाले चार पाङ्ग्रे गाडी बनाउनुभएको छ । कमल गाउँपालिका–६ का २३ वर्षीय युवा अर्जुन विश्वकर्माले चार पाङ्ग्रे गाडी बनाउनुभएको हो । ‘मेड इन नेपाल’ लेखिएको उक्त गाडी उहाँले ‘सवारी साधान निर्माणमा मेरो पहिलो अभ्यास’ लेख्नुभएको छ । चार वर्षअघिदेखि गाडी बनाउन थालेको बताउँदै अर्जुनले हालसम्म रू चार लाख खर्च भएको बताउनुभयो । “गाडीमा चालकसहित चार जनासम्म बस्न मिल्छ”, कक्षा–१२ सम्म अध्ययन गर्नुभएका अर्जुनले भन्नुभयो, “धेरै मेहेनत गरेको छु, अझै प्राविधिक काम बाँकी नै छ ।” रकम अभावका कारण भनेजसरी काम गर्न नसकिएको उहाँले बताउनुभयो । “कसैले लगानी गरिदिए हुन्थ्यो जस्तो लागेको छ”,…

बिर्तामोड, २८ भदौ । राष्ट्रिय शिक्षा दिवस तथा बाल दिवस-२०८१ को अवसरमा बिहीबार बिर्तामोडमा नगरस्तरीय वक्तृत्व कला प्रतियोगिता सम्पन्न भएको छ । ुस्वदेशमै शिक्षा र स्वदेशमै रोजगारीु विषयमा बिर्तामोड नगरपालिकाले प्रतियोगिताको आयोजना गरेको हो । कक्षा–९ र १० का विद्यार्थीलाई समेटिएको यस प्रतियोगितामा सामुदायिक, संस्थागत तथा धार्मिक विद्यालयबाट ३० जना विद्यार्थीले सहभागिता जनाएका थिए । प्रतियोगितामा मोहनमाया माध्यमिक विद्यालयकी छात्रा एलिना तिम्सिना प्रथम, न्यूटन्स एकाडेमीकी छात्रा रोसिना दाहाल द्वितीय, एभरेष्ट स्मार्ट स्कुलकी प्राप्तिका निरौला तृतीय, सेन्ट जेभियर्सका छात्र प्रयास गिरी र महेन्द्ररत्न माध्यमिक विद्यालयकी छात्रा स्मृति आचार्य सान्तवना भएका छन् । विजेताहरु प्रथम, द्वितीय, तृतीय र सान्तवनाले क्रमश ४ हजार,…

सुरुङ्गा, २७ भदौ । यहाँको अर्जुनधारा नगरपालिका–९स्थित एक घरमा लगाइएको पूजाको प्रसाद खाँदा बिरामी हुनेको सङ्ख्या ८० पुगेको छ । बिरामी हुनेमध्ये शनिश्चरे नगर अस्पतालमा ७३, बीएण्डसी अस्पतालमा चार र मनमोहन अस्पतालमा तीन जना उपचारका लागि भर्ना भएका छन् । शनिश्चरे अस्पतालका ७३ जना बिरामीमध्ये ३९ जनालाई थप उपचारका लागि मेची प्रादेशिक अस्पताल भद्रपुर रिफर गरिएको छ । प्रसाद खाएर बिरामी भएकामध्ये उपचारपछि ५९ जना घर फर्किएका थिए । तर, उनीहरुमा पुनःसमस्या देखिएपछि थप उपचारका लागि अस्पताल भर्ना गरिएको शनिश्चरे आधारभूत अस्पतालका प्रशासन प्रमुख राजविक्रम खड्का जानकारी दिए । बुधबार अर्जुनधारा–९ निवासी रीता निरौलाको घरमा पूजा गरिएको थियो । सो…

बनियानी, २७ भदौ । झापाको कचनकवल गाउँपालिका–३ मा रहेको अभिमुक्तेश्वर सामुदायिक वन उपभोक्ता समूहको १४औं वार्षिक साधारण सभा सम्पन्न भएको छ। सभाको अध्यक्षता समूहका अध्यक्ष राम प्रसाद खनालले गर्नुभएको थियो भने प्रमुख अतिथि कचनकवल–३ का वडा सदस्य सूर्यनारायण राजवंशी हुनुहुन्थ्यो । सभामा समूहका अध्यक्ष खनालले आफ्नो तीन वर्षको कार्यकालको प्रतिवेदन प्रस्तुत गर्दै समूहले गरेका प्रमुख गतिविधिहरूको विवरण पेश गर्नुभयो । उहाँले समूहलाई सुदृढ बनाउने, संरचनामा सुधार ल्याउने र वन संरक्षणका लागि कार्यान्वयन गरिएका योजनाहरूको बारेमा जानकारी दिनुभयो । उहाँले समूहलाई पाँच खण्डमा विभाजन गरी वन संरक्षणको रणनीति अघि बढाइएको बताउनुभयो । कार्यक्रममा विशेष अतिथिका रूपमा जिल्ला वन महासंघका अध्यक्ष बेद…

बिर्तामोड, २७ भदौ । झापाको बिर्तामोडस्थित गोमेन्द्र मल्टिपल कलेजमा कानून संकायको बीएलएएबी कक्षा सञ्चालन हुने भएको छ । कलेजका प्राचार्य सरस्वती भुर्तेलले राजार्षी जनक विश्वविद्यालयबाट सम्बन्धन लिएर कानून संकायको बीएलएएबी कक्षा सञ्चालन गर्न लागिएको जानकारी दिनुभयो । अब गोमेन्द्र कलेजमै १२ कक्षा उत्तीण विद्यार्थीले बीएलएएबी अध्ययन गर्न सक्ने भएका छन् । झापा, इलाम, ताप्लेजुङ र पाँचथरका कानुन विषय लिएर उच्च शिक्षा हासिल गर्न चाहने विद्यार्थीका अब सहज हुने भएको छ । पाँच वर्षे कोषका लागि झापा बाहिर अध्ययन गर्दा १५ लाख भन्दा बढी खर्च हुने अवस्थामा गोमेन्द्र कलेजबाट १० सेमिस्टरको अध्ययन पूरा गर्दा ६ लाख ८० हजार रुपैयाँ लाग्ने कलेज…

बनियानी, २७ भदौ । झापाको अर्जुनधारा नगरपालिकामा पूजाको प्रसाद सेवन गर्दा ७० जनाभन्दा बढी बिरामी भएका छन् । सबै बिरामीमा बान्ता, झाडापखाला, ज्वरो लगायतका एकै प्रकारको लक्षण देखिएको शनिश्चरे अस्पतालका डा. योगेश चेम्जोङले बताउनुभयो । प्रसाद सेवन गर्नेहरुलाई ‘फुड पोइजन’ भएको हुन सक्ने उहाँले बताउनुभयो । अर्जुनधारा–९ स्थित खरबन्दीमा बुधबार स्थानीय रीता निरौलाको घरमा पूजा लगाइएको थियो । सोही पूजामा प्रसाद (रोटी, अचार, तरकारी) खाएका उनीहरु बिरामी भएका हुन् । बिरामीहरुको स्थानीय क्लिनिक, नगर अस्पताल र प्रादेशिक अस्पताल भद्रपुरमा उपचार भइरहेको छ । स्थानीय सञ्चारकर्मी आकाश खतिवडाले चार जना बिरामीलाई थप उपचारका लागि आज प्रादेशिक अस्पताल भद्रपुर रेफर गरिएको बताउनुभयो…

झापा, २७ भदौ । झापा, मोरङ र सुनसरीबाट लागुऔषध सहित ८ जनालाई प्रहरीले पक्राउ गरेको छ । भदौ २६ गते रतुवामाईमाई नगरपालिका-१ र २ स्थितमा लागुऔषध नियन्त्रण ब्युरो विराटनगर र इलाका प्रहरी कार्यालय सिजुवाबाट खटिएको प्रहरी टोलीले रतुवामाई-८ का २६ बर्षीय सुजन मोते र ३१ बर्षीय शिव कुमार लामिछानेलाई २ ग्राम ७५ मिलिग्राम ब्राउन सुगर, उर्लबारी नगरपालिका-५ का ३० बर्षीय गणेश तामाङलाई ३ ग्राम २१ मिलिग्राम ब्राउन सुगर र उदयपुर चौदण्डीगढी-३ का २३ बर्षीय पुरन राई र रतुवामाई-६ का २१ बर्षीय संगम सुन्दासलाई TRAMADOL, VOMINE, PROMETH र LYCITON समेत गरी ८ सय चक्की निषेधित औषधी सहित पक्राउ गरेको छ ।…