jhapaonline add

झापा, १३ असोज । विगत तीन दिनदेखि परेको अविरल वर्षासँगैको बाढी, पहिरो र डुबानबाट कोशी प्रदेशमा १८ जनाको मृत्यु भएको छ । १३ जना घाइते र ७ जना अझै बेपत्ता छन् । कोशी प्रदेश प्रहरी कार्यालयले दिएको जानकारी अनुसार मृत्यु हुनेमा पाँचथरमा ५, सोलुखुम्बुमा ५, धनकुटामा २, उदयपुरमा १, झापामा २ र इलाममा १ जनाको मृत्यु भएको छ । असोज ११ गते दिउँसो झापा कचनकवल गाउँपालिका–१ चमरभित्ता स्थित चमरभित्ताबाट झकुवा टोल आउँदै गरेको सोही स्थानका पञ्चु राजवंशीको १४ वर्षीया छोरी नेहारिका राजवंशीलाई जमुवा खोलाको कज्वेबाट खोलाले बगाएर बेपत्ता भएकी थिइन् । उनको शव आज दिउँसो कचनकवल गाउँपालिका–१ चमरभिट्टास्थित रहेको जमुना…

चारपाने, १३ असोज । भारती बन्धु एकता समाज नेपालले प्रतिभाशाली ब्यक्तित्व एवम् जेष्ठ नागरिकलाई सम्मान गरेको छ । समाजले आज (आइतवार) बिर्तामोड–२ चारपानेस्थित पर्शुराम पार्टी प्यालेसमा आयोजित प्रथम झापा जिल्ला भारती बन्धु भेला साथै दशैं तिहार शुभकामना आदान–प्रदान कार्यक्रमको आयोजना गरी आठ जना भारती बन्धुहरुका प्रतिभाशाली ब्यक्तित्व एवम् आठ जना जेष्ठ नागरिकलाई सम्मान गरेको हो । सोही भेलाले झापामा नयाँ नेतृत्वसमेत चयन गरेको छ । सम्मानीत हुनेमा डा. सोनु भारती, बालगायक अश्विन भारती, जनप्रतिनिधि राजुजंग भारती, पूर्व वडाध्यक्ष ध्यानबहादुर भारती, जनप्रतिनिधि सुशिला गिरी भारती, कमल भारती, प्रेम भारती, ज्ञानबहादुर भारती, जनप्रतिनिधि सूर्यमान भारती छन् । त्यसैगरी भारती बन्धुका ७५ बर्षमाथिका…

भद्रपुर, १३ असोज । भद्रपुर रनमा यस पटक भद्रपुरभन्दा बाहिरका खेलाडीले विजेता भए पनि पुरस्कार नपाउने भएका छन् । आयोजक समितिले पत्रकार सम्मेलन मार्फत दिएको जानकारी अनुसार रनमा जो सुकैले भाग लिए पनि पदक तथा पुरस्कार जित्न भद्रपुरकै बासिन्दा हुनु पर्ने नीति तय गरिएको हो । महिलाका लागि ६.१ किमी र पुरूषका लागि ८.८ किमी दौडनु पर्ने रूट तय गरिएको छ । भद्रपुर ८ नम्वर वडा कार्यालय मूल आयोजक रहेको भद्रपुर रनमा महिला र पुरूषका लागि समान पुरस्कार प्रथम हुनेले नगद ३१ हजार र प्रमाणपत्र पाउने छन् भने दोश्रोका लागि २१ हजार, तेश्रो ११ हजार, चौथो ५ हजार पाचौं २…

द्रोण अधिकारी गुयेली२० वर्ष अगाडिसम्म नेपालमा काठमाण्डौं, पोखरा र धरान लागूऔषध प्रयोग कर्ता भएका र कारोवारी रहेका ठाउँका रूपमा चिनिन्थ्यो । दुई दशकको अन्तरालमा यति भिन्नता आयो कि नेपालका ७७ जिल्ला नै लागूऔषध प्रयोग कर्ता र कारोवारी छरिएर बसेको देशको पहिचान बनिसकेको छ । लागू पदार्थ दुव्र्यसनीहरूको बढ्दो अवस्थाबाट आजको विश्व–समाज प्रताडित हुँदैछ । त्यसको घातक दुष्प्रभाव नेपाल र नेपाली समाजमा परिरहेको छ । कहिलेदेखि र कहाँबाट नेपाली समाजमा लागूऔषधको प्रकोप प्रवेश गर्यो भनेर एकिन गर्न नसके पनि नेपालमा लागूऔषध ल्याउने र नेपाली युवा युवतीहरूलाई दुव्र्यसनी बनाउने काम हिप्पी–जिप्सीहरूबाट स्थापित भएको मानिन्छ । विदेशी पर्यटक सहज आवत जावतको वातावरण बनेपछि…

हल्दिबारी, १२ असोज । अविरल वर्षाका कारण हल्दिबारी गाउँपालिकाको तीन वटा काठे पुल बगाएको छ । हल्दिबारी– १ गोलधापबाट बाह्रदशी– ३ राजमार्ग जाने बाटो जल्पाबस्ती पश्चिमको काठे पुलको बिच भाग बगाई पूर्णरुपमा क्षतिग्रस्त पारेको छ भने हल्दिबारी– १ बाट दक्षिण हुलाकी राजमार्ग जोड्ने रोड कटान गरेर बाटो अवरुद्ध भएको छ । त्यस्तै फाल्गुननन्द चोक पूर्व हल्दिबारी–१ र ५ को कन्चनश्री जोड्ने काठे पुलको बिच भाग बगाएको छ ।त्यस्तै हल्दिबारी– १ र ५ जाने बाटोको काठको पुल बिच भागको सबै बगाएको छ । हल्दिबारी– १ आशा मोडदेखि पूर्व राम चोक जाने बाटो ठाउँ ठाउँमा बगाएको छ भने हल्दिबारी १ शङ्कर चोकदेखि…

झापा, १२ असोज । आइतबार (असोज १३ गते) बेलुकीबाट वर्षा हुने क्रम ह्वात्तै घट्ने अनुमान जल तथा मौसम विज्ञान विभाग, मौसम पूर्वानुमान महाशाखाले गरेको छ। महाशाखाका अनुसार भोलि दिउँसोदेखि वर्षाको मात्रा कम हुँदै जाने र बेलुका निकै घट्ने सम्भावना छ। महाशाखाले भनेको छः आइतबार दिउँसो कोसी, मधेस, बागमती, गण्डकी, लुम्बिनी प्रदेशका केही स्थान तथा बाँकी प्रदेशका एकरदुई स्थानमा मात्र मेघगर्जनरचट्याङसहित हल्कादेखि मध्यम वर्षा हुने सम्भावना छ। मधेस, बागमती, गण्डकी र लुम्बिनी प्रदेशका एकरदुई स्थानमा भारी वर्षाको पनि सम्भावना छ। गण्डकी र लुम्बिनी प्रदेशका थोरै स्थानमा हावाहुरीको पनि सम्भावना छ। आइतबार रातिबाट भने वर्षा निकै कम भएर जाने आकलन मौसम महाशाखाले…

झापा, १२ असोज । पछिल्लो तीन दिनसम्ममा परेको भारी वर्षाका कारण आएको बाढी, पहिरो र डुबानबाट बेलुका ८ः३० बजेसम्म मृत्यु हुनेको सङ्ख्या ८७ जना पुगेको छ । यसअघि साँझ ५ बजेसम्म ६६ जनाको मृत्यु भएकोमा पछिल्ला विवरण अनुसार थप २१ जनाको मृत्यु पुष्टि भएसँगै मृत्यु हुनेको सङ्ख्या ८७ पुगेको हो । सशस्त्र प्रहरी बल नेपालका केन्द्रीय प्रवक्ता, सशस्त्र प्रहरी नायब महानिरीक्षक कुमार न्यौपानेले ८७ जनाको मृत्यु पुष्टि गर्दै अरू ७२ जना बेपत्ता रहेको जानकारी दिनुभयो । अरू ३६ जना घाइते भएका छन् । उहाँका अनुसार काठमाडौँ उपत्यकामा मात्रै ४८ जनाको मृत्यु भएको छ । काठमाडौँमा २५, भक्तपुरमा पाँच र ललितपुरमा…

बनियानी, १२ असोज । गौरीगञ्ज गाउँपालिका–२ स्थित कृष्णे खोलामा हाम फालेर बेपत्ता भएका पुरुषको शव फेला परेको छ । गौरीगञ्ज–२ पश्चिम भाकुरमारी सुकुमबासी टोलका ५५ वर्षीय केनालाल राजवंशीको शव आज फेला परेको हो । उनले हिजो घर नजिकै रहेको कृष्णे खोलामा हाम्फालेका थिए । प्रहरी चौकी कोरोबारीमा जानकारी गराउन साथ तत्काल प्रहरी टोली खटि गई खोजतलास तथा थप बुझ्ने कार्य भई रहेकोमामा आज बेलुका घटनास्थल देखि करिब २ किलोमिटर दक्षिणमा सोही खोलाको छेउ पानीमा घोप्टो अवस्थामा उनको शव फेला परेको हो । मृतककी श्रीमतीले शव पहिचान गरेकी छन् ।

बिर्तामोड, १२ असोज । बिर्तामोडमा रेविज खोप कार्यक्रम सुरु भएको छ । नगरपालिकाले विश्व रेविज दिवश २०८१ का अवसरमा खोप सप्ताह कार्यक्रम आजदेखि सुरु गरेको हो । नगर प्रमुख पवित्रा महतारा प्रसाईले कार्यक्रम उद्घाटन गर्दै सबै वडामा जनप्रतिनिधिसहित लागेर यो सप्ताह सफल बनाउनु पर्नेमा जोड दिनुभयो । उहाँले रेबिज नियन्त्रणका लागि सकेसम्म धेरै कुकर, विरालोलाई खोप लगाउन आग्रहसमेत गर्नु भयो । भोलि वडा नम्बर १ का विभिन्न स्थानमा खोपकेन्द्र स्थापना गरी रेविजविरुद्दको खोप लगाईने छ । सबै वडा कार्यालयको समन्वयमा आवश्यक्ता अनुसार खोपकेन्द्र स्थापना गरी कार्यक्रम सञ्चालन गरीने पशुपंछि मत्स्य विकाश शाखाकी अधिकृत सावित्रा दाहालले जानकारी दिनुभयो । कार्यपालिका सदस्य…

बिर्तामोड, १२ असोज । झापाको बिर्तामोड नगरपालिकाले भोलि (आइतबार) बिदा दिएको छ । केही दिनदेखि परेको अविरल वर्षाका कारण बालबालिकालाई विद्यालय आउन–जान कठिनाई भएको र हालसम्म पनि वर्षा नरोकिएकाले नगरपालिकाले नगरभित्रका सबै संस्थागत तथा सामुदायिक विद्यालय बिदा दिएको हो । आज बसेको नगर प्रमुखस्तरीय निर्णयबाट हिउँदे–बर्षे बिदाबाट कट्टा हुने गरी मिति असोज १३ गते आइतबार बिदा दिने निर्णय भएको हो ।