jhapaonline add
चितवन, २७ फागुन । चितवन क्षेत्र नम्बर(२ बाट प्रतिनिधिसभा सदस्य पदका उम्मेदवार राष्ट्रिय स्वतन्त्र पार्टी (रास्वपा) का उम्मेदवार रवि लामिछानेले निर्वाचन खर्च विवरण पेस गर्नुभएको छ । उहाँ रास्वपाका पार्टी सभापति समेत हुनुहुन्छ । निर्वाचन आयोगमा पेस गरिएको विवरणअनुसार रु नौ लाख ८९ हजार ९८७ खर्च भएको उल्लेख छ । आयोगमा पेस गरिएको पत्रमा मनोनयन दर्ता खर्च रु १० हजार, नमुना मतपत्र सामग्री छपाइमा रु ६८ हजार १६१, यातायात तथा इन्धन खर्च रु दुई लाख ९५ हजार, मतदाता प्रशिक्षण खाजा खर्च रु १४ हजार २००, वडास्तरीय प्रचारप्रसार रु ४६ हजार, प्रचारप्रसारका लागि झन्डा र ब्याच खरिद रु एक लाख १२…
ताप्लेजुङ, २७ फागुन । बाँदरलाई पासोमा पारी कुकुर लगाएर अमानवीय तरिकाले मारेको भिडियो सामाजिक सञ्जालमा पोस्ट गर्ने एक युवालाई प्रहरीले पक्राउ गरेको छ। पक्राउ पर्नेमा पाँचथरको हिलिहाङ गाउँपालिका–२ सिंहपुर घर भई हाल ताप्लेजुङको पाथीभरा याङवरक गाउँपालिका–२ थेचम्बु बस्ने २१ वर्षीय संगम भनिने छप्पु हेम्ब्या रहेका छन् । जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक जटाशंकर यादवद्वारा जारी प्रेस विज्ञप्तिका अनुसार, सामाजिक सञ्जालमा बाँदरलाई तड्पाउँदै कुकुरले टोकाएर मारेको भिडियो सार्वजनिक भएपछि विभिन्न निकाय र संघसंस्थाहरूले गम्भीर चासो व्यक्त गरेका थिए । सोही विषयमा ध्यानाकर्षण हुँदै प्रहरीले अनुसन्धान अघि बढाएको थियो । प्रहरीको अनुसन्धानबाट उक्त घटना प्रतिनिधि सभाको निर्वाचनभन्दा अगाडि घटेको…
सुर्खेत, २७ फागुन । सुर्खेतको वीरेन्द्रनगर–४ जनजागरण सामुदायिक वनमा शनिबार एक किशोरीको शव फेला परेको छ। प्रहरी अनुसन्धानपछि शव वीरेन्द्रनगर–१ की १६ वर्षीया एनिशा विकको भएको पुष्टि भएको छ। उनी कक्षा ११ मा अध्ययनरत थिइन्। शनिबार बिहान विद्यालयमा प्रयोगात्मक परीक्षा दिन्छु भन्दै घरबाट निस्किएकी एनिशा केही घण्टामै वनमा मृत अवस्थामा भेटिएकी हुन्। आमालाई ‘छिट्टै फर्किन्छु’ भनेकी उनी विद्यालयमा भने उपस्थित भएकी थिइनन्। आफन्तले खोजी गर्ने क्रममा एनिशा वनमा अचेत अवस्थामा भेटिएकी थिइन्। अस्पताल पुर्याउँदा चिकित्सकले मृत घोषणा गरेका थिए । प्रहरीका अनुसार एनिशा विद्यालयका एक किशोरसँग प्रेम सम्बन्धमा थिइन्। घटनामा संलग्न भएको आशंकामा प्रहरीले वीरेन्द्रनगर–९ लाटिकोइलीका एक किशोरसहित चार जनालाई…
झापा, २७ फागुन । हाल देशमा पश्चिमी वायु, उपल्लो वायुमण्डलमा रहेको उच्च चापीय प्रणाली र पूर्वी भूभाग नजिक तल्लो वायुमण्डलमा रहेको न्यून चापीय क्षेत्रको आंशिक प्रभावले पहाडी र हिमाली भागमा बादल लागेको छ । मौसम पूर्वानुमान महाशाखाका अनुसार तराई तथा उपत्यकाका केही स्थानमा तुवाँलो पनि लाग्नेछ । कोशी, मधेस, बागमती र गण्डकी प्रदेशमा पनि बादल लाग्नेछ । त्यसैगरी, हिमाली भूभागका केही स्थान, कर्णाली र सुदूरपश्चिम प्रदेशका पहाडी र हिमाली भागका केही स्थानमा मेघगर्जन र चट्याङसहित हल्का वर्षा एवं हिमपातको सम्भावना छ । साथै मधेस, बागमती, गण्डकी र लुम्बिनी प्रदेशका तराई भेगका एकदुई स्थानमा मेघगर्जन र चट्याङसहित हल्का वर्षा हुने महाशाखाको…
सिरहा, २६ फागुन । सिरहामा खाना पकाउने एलपी ग्यास अभाव देखाउँदै केही व्यापारीले कालोबजारी सुरु गरेको उपभोक्ताले गुनासो गरेका छन्। खुद्रा मूल्य प्रति सिलिन्डर १,९१० रुपैयाँ भए पनि बजारमा ४,५०० रुपैयाँसम्म तिर्नुपर्ने अवस्था आएको छ। रेस्टुरेन्ट तथा पसल सञ्चालकहरूले अत्यधिक मूल्यका कारण व्यवसाय चलाउन कठिन भएको बताएका छन्। उपभोक्ता अधिकारकर्मीले कृत्रिम अभाव सिर्जना गरेर कालोबजारी भइरहेको हुनसक्ने भन्दै तत्काल अनुगमनको माग गरेका छन्। जिल्ला प्रशासन कार्यालय सिरहाले दोषी पाइए कानुनअनुसार कारबाही गर्ने चेतावनी दिएको छ। नेपाल आयल निगमका स्थानीय वितरकहरूले ढुवानी समस्या, निर्वाचनका कारण सिमाना बन्द र उपभोक्ताले भण्डारण गर्ने प्रवृत्तिले अभाव देखिएको बताएका छन्।
झापा, २६ फागुन । जेनजी आन्दोलन जाँचबुझ आयोगले तत्कालीन प्रधानमन्त्री केपी शर्मा ओली, गृहमन्त्री रमेश लेखक र प्रहरी महानिरीक्षक चन्द्रकुबेर खापुङलाई ज्यानसम्बन्धी कसुरमा कारबाही गर्न सिफारिस गरेको छ । आयोगले फौजदारी अपराध संहिता २०७४ को दफा १८१ अनुसार उनीहरूलाई कारबाही गर्नुपर्ने उल्लेख गरेको छ । प्रतिवेदनमा २३ भदौको प्रदर्शनमा गोली चलाउने, आदेश दिने वा रोक्न असफल हुने सबैलाई कानुनी दायरामा ल्याउन सिफारिस गरिएको छ । २४ भदौमा भएको प्रहरी हत्या, आगजनी, तोडफोड र लुटपाटमा संलग्नलाई पनि कारबाही गर्न भनिएको छ । आयोगले प्रतिवेदन प्रधानमन्त्री सुशीला कार्कीलाई बुझाएको छ र सार्वजनिक गर्न आग्रह गरेको छ। प्रधानमन्त्रीले मन्त्रिपरिषद् बैठकमा प्रतिवेदन पेस गरी…
झापा, २६ फागुन । फागुन २१ गते भएको प्रतिनिधिसभा निर्वाचनको परिणाम आएको छ। प्रत्यक्षतर्फका १६५ निर्वाचन क्षेत्रको नतिजा आइसकेको निर्वाचन आयोगले जनाएको छ। नतिजाले रास्वपा पहिलो, नेपाली कांग्रेस दोस्रो, नेकपा एमाले तेस्रो, नेकपा चौथो, श्रम संस्कृति पार्टी, पाँचौँ र राप्रपा छैटौँ राष्ट्रिय दल बन्ने निश्चित देखिएको छ। स्वतन्त्र १ जनाको विजय भएको छ। रास्वपा १२५आइसकेको मतपरिणामअनुसार राष्ट्रिय स्वतन्त्र पार्टी ९रास्वपा०ले प्रत्यक्षतर्फ सबैभन्दा बढी सिट जितेको छ। यसअनुसार कोशी प्रदेशमा १७ वटा सिट जितेको छ। जसमा झापा १ बाट निशा डाँगी, झापा २ बाट इन्दिरा राना मगर, झापा ३ बाट प्रकाश पाठक, झापा ४ बाट शम्भु प्रसाद ढकाल, झापा ५ बाट…
झापा, २६ फागुन । हाल नेपालमा पश्चिमी वायु, उपल्लो वायुमण्डलमा रहेको उच्चचापीय प्रणाली र नेपालको पूर्वी भूभाग नजिक तल्लो वायुमण्डलमा रहेको न्यूनचापीय क्षेत्रको आंशिक प्रभाव रहेको छ । जल तथा मौसम विज्ञान विभाग, मौसम पूर्वानुमान महाशाखाका अनुसार आज दिउँसो देशभर साधारणतया बादल लाग्नेछ । कोशी, बागमती, गण्डकी र लुम्बिनी प्रदेशको पहाडी र हिमाली भूभागका थोरै स्थान साथै कर्णाली र सुदूरपश्चिम प्रदेशका पहाडी र हिमाली भूभाग तथा लुम्बिनी प्रदेशको तराई भूभागका एकदुई स्थानमा मेघगर्जन र चट्याङसहित हल्का वर्षा र हिमपातको सम्भावना छ । आज राति गण्डकी र लुम्बिनी प्रदेशलगायत देशको पहाडी र हिमाली भूभामामा साधरणतया बादल लाग्नेछ बाँकी भूभागमा आंशिक बादल…
झापा, २५ फागुन । गौरादह नगरपालिकाका प्रमुख छत्रपति सुवेदीलाई घरमै गई दुर्व्यवहार गरेको आरोपमा सोही पालिकाको वडा नं ५ निवासी ३४ वर्षीय भीष्म सिटौला पक्राउ परेका छन् । जिल्ला प्रहरी कार्यालय झापाका सूचना अधिकारी खगेन्द्रबहादुर खड्काका अनुसार सिटौलाले आइतबार राति नगरप्रमुख सुवेदीलाई गालीगलौज एवं दुर्व्यवहार गरेका थिए । पक्राउ परेका आरोपी सिटौलालाई आज जिल्ला प्रशासन कार्यालय झापामा उपस्थित गराइएकोमा मुलुकी अपराध संहिता २०७४ अन्तर्गत अभद्र व्यवहार कसुरमा १० दिन म्याद थपेर अनुसन्धान गर्ने निर्णय भएको खड्काले जानकारी दिनुभयो ।
झापा, २५ फागुन । निर्वाचन आयोगले आज राति १२ः०० बजेदेखि निर्वाचन आचारसंहिता लागू नरहने जनाएको छ । निर्वाचन आयोगका सहसचिव एवम् प्रवक्ता नारायण प्रसाद भट्टराईले आज एक विज्ञप्तिमार्फत आयोगको २०८२ माघ ४ गते बसेको बैठकले २०८२ माघ ११ गते सम्पन्न राष्ट्रियसभा सदस्य निर्वाचन र २०८२ फागुन २१ गते सम्पन्न प्रतिनिधिसभा सदस्य निर्वाचनलाई स्वच्छ, निष्पक्ष, पारदर्शी तथा भयमुक्त बनाउन लागू गरिएको आचारसंहिता अब लागू नरहने जानकारी दिनुभयो । आयोगका अनुसार निर्वाचन आयोग ऐन २०७३ को दफा २२ तथा निर्वाचन आचारसंहिता २०८२ को दफा १ को उपदफा ९२० बमोजिम उक्त आचारसंहिताको सम्पूर्ण व्यवस्था २०८२ माघ ४ गते राति १२ बजेदेखि लागू गरिएको…