jhapaonline add
शिवसताक्षी, २८ मंसिर । झापाको शिवसताक्षी नगरपालिकामा प्रथम शिवसताक्षी आधारभूत विद्यालय नगर स्तरीय फुटबल प्रतियोगिताको आज उद्घाटन गरिएको छ । शिवसताक्षी नगरपालिका वडा नं. ४ बोलोचोक बजार पश्चिमकोे खेल मैदानमा उक्त प्रतियोगिताको शिवसताक्षी नगरपालिकाका नगरप्रमुख मेगाहाङ्ग थोप्राले उद्घाटन गरेका हुन् । उद्घाटन खेलमा भगवती माध्यमिक विद्यालय विजयी भएको छ । भानु मावि पाराबारीलाई १–० गोल अन्तरले हराउँदै भगवती मावि विजयी भएको हो । त्यस्तै आजै भएको दोस्रो खेलमा लक्ष्मी नारायण मावि विजयी भएको छ । ध्रवतारा आवशिय माविलाई २ –१ गोलअन्तरले हराउँदै लक्ष्मी नारायण मावि विजयी भएको आयोजक वडा नं. ५ को कार्यालयले जनाएको छ । त्यसै गरी आजै भएको…
भद्रपुर, २८ मंसिर । आज बिहान झापाको बाह्रदशी गाउँपालिकामा जंगली भाले हात्ती मृत फेला परेको छ । बाह्रदशी–१ स्थित बागमतामा भन्ने स्थानमा भाले हात्ती मृत अवस्थामा फेला परेको हो । सोही स्थानका नगेन्द्र राईको बारीको सुटुनी खाएर त्यहीँको तोरी बारीमा मृत अवस्थामा हात्ती फेला परेको जिल्ला प्रहरी कार्यालय झापाले जनाएको छ ।
हल्दिबारी, २८ मंसिर । झापाको हल्दिबारी गाउँपालिकाले आफ्नो क्षेत्रका सबै काठे पुल विस्थापित गरेर पक्की पुल निर्माण गरेको छ । गाउँपालिकाका अध्यक्ष रवीन्द्र लिङ्देनका अनुसार एक सय ५० काठका जीर्ण पुल हटाएर पक्की पुल निर्माण गरिएका छन् । काठे पुलको ठाउँमा कतै कङ्क्रिटका पुल तथा कतै कल्भर्ट हालिएको छ । केही ठाउँमा झोलुङ्गे पुल पनि निर्माण गरिएका छन् । झापामा तीन दशकअघिसम्म अधिकांश खोला र खोल्सामा काठका पुल मात्र थिए । ती पुल घामपानीले खिइँदै तथा पुराना हुँदै जाँदा जीर्ण भएका थिए । “अब हल्दिबारी काठे पुलमुक्त क्षेत्र भएको छ”, अध्यक्ष लिङ्देनले भने । होचो भूभागको रुपमा चिनिने हल्दिबारी क्षेत्रमा…
झापा, २८ मंसिर । बुधबार काठमाडौं उपत्यकाको न्यूनतम तापक्रम यस वर्षको अहिलेसम्मकै कम मापन भयो । मौसम पूर्वानुमान महाशाखाका मौसमविद् सरोज पुडासैनीका अनुसार बुधबार बिहान ५ः४५ बजेको मापनमा उपत्यकाको न्यूनतम तापक्रम ५।८ डिग्री सेल्सियस देखिन गएको हो । यसअघि उपत्यकाको न्यूनतम तापक्रम ६ डिग्री सेल्सियसम्म पुगेको थियो । बुधबार त्यसभन्दा पनि तल झरेको हो । ५ डिग्रीभन्दा माथिको तापक्रममा पनि काठमाडौं उपत्यकावासीले चिसो महसुस गरिरहँदा नेपालको उत्तरी सीमामा कार्यरत सुरक्षाकर्मीले कसरी आफ्नो जिम्मेवारी पूरा गरिरहेका छन् भन्ने कौतूहलता जोसुकैलाई पनि लाग्न सक्छ । किनकि, माइनस २६ डिग्री सेल्सियससम्मको चिसोमा रहेर उनीहरूले आफ्नो जिम्मेवारी निर्वाह गर्नुपर्ने अवस्था छ । समुन्द्री सतहबाट…
झापा, २८ मंसिर । मुलुकमा विदेशी मुद्रा आर्जनको प्रमुख स्रोते वैदेशिक रोजगारी भए पनि वैदेशिक रोजगारीकै क्रममा निधन भएका करिब १३ हजार नेपालीको कथा भने आफैंमा दुःखलाग्दो छ। यसलाई वैदेशिक रोजगारीको अँध्यारो पाटोका रूपमा लिने गरिएको छ। वैदेशिक रोजगारीमा गएकामध्ये करिब १३ हजार नेपालीले ज्यान गुमाएका छन्। वैदेशिक रोजगार प्रवर्द्धन बोर्डका अनुसार आर्थिक वर्ष २०६५ को कात्तिकदेखि चालु आव २०८०र८१ को मंसिर २६ गतेसम्म १२ हजार ७ सय ३० जना कामदारको वैदेशिक रोजगारको क्रममा मृत्यु भएको छ। वैदेशिक रोजगारीमा गएका युवाको दैनिक औसत तीन जनाको शव आउने गरेको छ। ती मृतक कामदारका परिवारलाई बोर्डको कल्याणकारी कोषबाट ४ अर्ब ९३ करोड…
मेचीनगर, २७ मंसिर । निजी तथा आवासीय विद्यालय अर्गनाइजेसन (प्याब्सन) मेचीनगरको दुई दिने साँस्कृतिक कार्यक्रम भव्यरुपमा सम्पन्न भएको छ ।बाहुनडाँगीस्थित सामुदायिक भवनमा आयोजित साँस्कृतिक कार्यक्रम सोमबार र मंगलवार भएको हो । विद्यार्थीको प्रतिभा प्रस्फुटन गर्ने उदेश्यले हरेक वर्ष प्याब्सन मेचीनगरले कार्यक्रम गर्दै आएको छ । मेचीनगरका ३५ वटा विद्यालयका करिब ८ सय विद्यार्थीबीच स्वस्थ प्रतिस्पर्भा भएको थियो । पाँचवटा विधामा प्रतिस्पर्धा गरिएको कार्यक्रममा साँस्कृतिक नृत्यतर्फ धुलाबारीको हिमालयन एकाडेमी इङ्लिस स्कूल सर्वोत्कृष्ट बनेको छ । मेचीनगर–१० मा रहेको उक्त विद्यालयको नृत्य हरेक वर्ष उत्कृष्ट हुँदै आएको छ । कक्षा ९ देखि १२ सम्मको लोक साँस्कृतिक नृत्यतर्फ हिमालयनको लोभलाग्दो नृत्य प्रथम भएको…
बिर्तामोड, २७ मंसिर । समाचारको विषयमा सञ्चारकर्मी टिकाराम बाँस्तोलालाई ज्यान मार्ने धम्की दिएकालाई तत्काल पक्राउ गरी कारबाही गर्न नेपाल प्रेस युनियन झापा शाखाले माग गरेको छ । बुधबार विज्ञप्ति जारी गर्दै प्रेस युनियन झापाले बाँस्तोलालाई ज्यान मार्नेसम्मको धम्की दिएका बिर्तामोड नगरपालिका ४ निवासी गणेश गिरीसहितलाई पक्राउ गरी कानुनअनुसार कारबाही गर्न माग गरेको हो । युनियनले यो घटनालाई स्वतन्त्र पत्रकारितामाथिको ज्यादती भएको बताउदै घटनामा संलग्नलाई तत्काल पक्राउ गरी कानुनी दायरामा ल्याउन तथा पीडित सञ्चारकर्मीको सुरक्षामा विशेष ध्यान दिन सम्बन्धित निकायसँग माग समेत गरेको छ । बाँस्तोला झापाबाट सञ्चालित बिर्तामोड झापा डटकमका सञ्चालक हुन् । केही दिनअघि उक्त अनलाइनमा ‘अफ्रिका पठाईदिने भन्दै…
बुद्धशान्ति, २७ मंसिर । झापाको बुद्धशान्ति–४ बर्नेमा च्यालेन्जकप नकआउट फुटबल प्रतियोगिता हुने भएको छ । स्थानीय युनिटी युथ क्लब बर्नेको आयोजनामा खेल हुने भएको हो । आगामी पौष २१ गतेदेखि २८ गते सम्म बर्ने चिया कमानको खेल मैदानमा प्रतियोगिता हुने बुधबार पत्रकार सम्मेलन गर्दै आयोजक समितिले बताएको छ । आयोजक समितिका संयोजक एवम् क्लबका अध्यक्ष डिल्ली मावोका अनुसार खेल क्लब स्तरीय खुल्ला प्रतियोगिता हुनेछ । जसमा बिजेताले ५५ हजार ५ सय ५५ संगै मेडल, ट्रफी र प्रमाणपत्र पाउनेछन् भने उपविजेताले २५ हजार ५ सय ५५ रुपैयाँ संगै मेडल, ट्रफी र प्रमाणपत्र पाउने खेल व्यवस्थापन समितिका मोहन कुमार मावोले बताए ।…
भद्रपुर, २७ मंसिर । रुद्र–गौरी श्री–अम्बिका ओली प्रतिष्ठान भद्रपुर झापाले आज विद्यार्थी र ज्येष्ठ नागरिकलाई न्यानो कपडा र विद्यालयलाई खेल सामग्री प्रदान गरेको छ । प्रतिष्ठानले झापा गाउँपालिका–२ सडकबारीस्थित जुडो प्राविका ३० जना छात्रछात्रालाई न्यानो कपडा (स्वीटर) र विद्यालयलाई खेल सामग्री वितरण गरेको हो । त्यस्तै, स्थानीय १५ जना ज्येष्ठ नागरिकलाई बर्को वितरण गरिएको संस्थाका अध्यक्ष गंगाप्रसाद ओलीले जानकारी दिनुभयो । आफूहरुले समाजबाट धेरै कुरा प्राप्त गरेकाले समाजमा आफूले पनि केही योगदान गर्नुपर्छ भन्ने ध्येयका साथ न्यानो कपडा र खेल सामग्री वितरण गरिएको उहाँले बताउनुभयो । जुडो प्राविका विद्यालय व्यवस्थापन समितिका अध्यक्ष गोबिन्दबहादुर खड्काको अध्यक्षतामा भएको कार्यक्रममा झापा गाउँपालिकाकी कार्यवाहक…
भद्रपुर, २७ मंसिर । चन्द्रगढी सामुदायिक वन उपभोक्ता समुहको २४ औं साधाराणसभा सम्पन्न भएको छ । भद्रपुर–९ स्थित मुना सामुदायिक भवनमा परिषद भेला मार्फत समूहको साधारण सभा सम्पन्न गरिएको हो । समूहका अध्यक्ष दुर्गाप्रसाद भट्टराईको अध्यक्षता तथा भद्रपुर नगरपालिकाका प्रमुख गणेश पोखरेलको प्रमुख आतिथ्यमा सभा सम्पन्न भएको थियो । समूहको वार्षिक गतिविधि सहित नीति तथा कार्यक्रम सहितको प्रतिवेदन प्रस्तुत गर्दै अध्यक्ष दुर्गाप्रसाद भट्टराईले लाभग्राहीका लागि कृषि तथा भेटेनरी कार्यक्रमहरूमा विशेष लगानी गरेर हरित अर्थतन्त्रका लागि काम गरिरहेको र आगामी वर्षमा पनि निरन्तर गरिरहने बताएका छन् । कार्यक्रममा नगर उपप्रमुख राधा कार्की, समूहका निवर्तमान अध्यक्ष हिराप्रसाद पोखरेल, सव डिभिजन वन कार्यलय…