झापा, १९ कात्तिक । धनकुटा र भोजपुर जिल्लाका विभिन्न स्थानमा अवैधरुपमा लगाएको र प्राकृतिक रुपमा आफै उम्रिएका गाँजाको बोटहरु प्रहरीले फडानी गरी नष्ट गर्दै आइरहेको छ ।
कोशी प्रदेश प्रहरी कार्यालय विराटनगरको सुरक्षा सुनिश्चितता अभियान अन्तरतग अबैध रुपमा लगाएका गाँजाका बोटहरु नष्ट गर्ने अभियान अनुसार कार्तिक १८ गते धनकुटाको इलाका प्रहरी कार्यालय छिन्ताङबाट परिचालन भएको प्रहरी टोलीले शहिदभुमी गाउँपालिका–२ स्थित विभिन्न एरिया इलाकाको ५ रोपनी क्षेत्रफलमा प्राकृतिक रुपमा हुर्केका ९ हजार ५ सय गाँजाकाबोटहरु फडानी गरी जलाई नष्ट गरेको छ ।
यसैगरी, भोजपुरको इलाका प्रहरी कार्यालय घोडेटार र मातहत प्रहरी कार्यालयहरुबाट खटिएको प्रहरी टोलीले हतुवागढी गाउँपालिकाको बिभिन्न एरिया इलाकाहरुको करिव ९ रोपनी पाखा बारीमा लगाएको तथा आफै उम्रिएको १ हजार १ सय भन्दा बढी गाँजाको बोट फडानी गरी जलाई नष्ट गरेको छ ।
