झापा, १४ कात्तिक । झापाको कचनकवल गाउँपालिका–६ लाहुरेचोकस्थित केचना–चन्द्रगढी सडकखण्डमा म्याजिक भ्यानमा आगलागी भएको छ ।
मंसिर १३ गते साँझ बनियानीबाट हिमालीतर्फ जाँदै गरेको मे १ ज ३२७९ नम्बरको म्याजिक गाडी अचानक आगलागी भई पूर्णरूपमा जलेर नष्ट भएको प्रहरीले जनाएको छ । चालक सोही स्थानका २४ वर्षीय प्रकाश खनालको अनुहार र टाउकोमा आगोले पोलेर सामान्य चोटपटक लागेको छ ।
उनलाई तत्काल स्वास्थ्य केन्द्र बनियानीमा उपचारका लागि पठाइएको छ । गाडीमा सवार अन्य दुई जना भने सकुशल रहेका छन् । घटनाबारे थप अनुसन्धान भइरहेको जिल्ला प्रहरी कार्यालय झापाले जनाएको छ ।
Facebook Comments Box
