झापा, १३ जेठ । झापाको बाह्रदशी गाउँपालिका–५ मा आज बिहान आगलागी हुँदा एक महिला घाइते भएकी छन् ।
आज बिहान अन्दाजी ४ बजेको समयमा बाह्रदशी गाउँपालिका–५ घोडामार टोलकी ५० वर्षीया विष्णु ओझाको गुवालीमा रहेको चुलोमा खोले पकाएर ननिभाइकन राखेकोमा अचानक आगो सल्किएर आगलागी भएको थियो ।
आगो निभाउने क्रममा बिष्णु ओझाको आगोले ढाँड तथा हातमा जलेर घाइते भएकी छन् । उनको बिर्तासिटी अस्पताल बिर्तामोड उपचार भइरहेको छ भने अवस्था सामान्य रहेको जिल्ला प्रहरी कार्यालय झापाले जनाएको छ ।
स्थानीय र प्रहरीको सहयोगमा आगो ४ः३० बजे नियन्त्रणमा लिइएको थियो । उक्त आगोलागीबाट विद्युतीय मोटर, कुटी काट्टने मेसिन सामान्य जलेको छ । त्यस्तै, दुई वटा गाईको बाच्छा जलेर मरेको छ । काठपात र गुवाली पुर्ण रुपमा जलि नष्ट हुँदा करिब दुई लाख बराबरको क्षति भएको जिल्ला प्रहरी कार्यालय झापाले जनाएको छ ।
