झापा अनलाइन

झापा, १९ बैशाख । झापाको बुद्धशान्ति गाउँपालिका–३ बुधबारे बजार क्षेत्रमा लागु औषधसहित एक युवालाई प्रहरीले नियन्त्रणमा लिएको छ । शुक्रबार राति करिब ८ः३० बजे लागुऔषध बिक्री वितरण भइरहेको भन्ने गोप्य सूचनाको आधारमा इलाका प्रहरी कार्यालय बुधबारेबाट खटिएको गस्ती टोलीले गस्ती गर्ने क्रममा मे.२प. २८३६ नम्बरको होण्डा साइन मोटरसाइकललाई रोकी चेकजाँच गरेको थियो । चेकजाँचका क्रममा मोटरसाइकल चालक बुद्धशान्ति गाउँपालिका–१ बस्ने ३८ वर्षीय हरिप्रसाद ढकालले मलद्वारमा प्लास्टिकमा पोको पारी लुकाइछिपाइ राखेको अवस्थामा लागु औषध (ब्राउन सुगरजस्तो देखिने लिसाइलो पदार्थ) फेला परेको प्रहरीले जनाएको छ। बरामद गरिएको पदार्थ प्लास्टिकसहित ३ ग्राम २२० मिलिग्राम र प्लास्टिक बाहेक २ ग्राम ७२० मिलिग्राम रहेको छ।…

झापा, १९ बैशाख । मेची भन्सार कार्यालयबाट चालु आर्थिक वर्ष २०८२–८३ को चैत मसान्तसम्ममा अलैँची निर्यात ४१.५८ प्रतिशतले बढेको छ । कार्यालयको तथ्याङ्कअनुसार उक्त अवधिमा १० अर्ब ७० करोड सात लाख १८ हजार बराबरको अलैँची निर्यात भएको हो । चालु आवको नौ महिनामा पाँच हजार २९५.२५० मेट्रिक टन अलैँची निर्यात भएको मेची भन्सार कार्यालयका सूचना अधिकारी ईश्वरकुमार हुमागाईंले जानकारी दिनुभयो । अघिल्लो आव २०८१–८२ को सोही अवधिमा रु छ अर्ब २५ करोड १२ लाख ६१ हजार बराबरको अलैँची निर्यात भएको उहाँले बताउनुभयो । कार्यालयको तथ्याङ्कअनुसार चालु आवको नौ महिनामा चियाको निर्यात २६.७३ प्रतिशतले घटेको छ । उक्त अवधिमा रु दुई…

झापा, १९ बैशाख । जल तथा मौसम विज्ञान विभाग, मौसम पूर्वानुमान महाशाखाका अनुसार आज दिउँसो मधेस प्रदेशलगायत लुम्बिनी र सुदूरपश्चिम प्रदेशका तराई भू–भागको थोरै स्थानमा मेघगर्जन र चट्याङ, हावाहुरी, असिनासहित मध्यमसम्मको वर्षा तथा हिमपातको सम्भावना छ । महाशाखाका अनुसार कोशी, मधेस, बागमती, गण्डकी र लुम्बिनी प्रदेशलगायत कर्णाली र सुदूरपश्चिम प्रदेशको पहाडी र हिमाली भू–भागमा साधारणतया बादल लाग्ने तथा सुदूरपश्चिम प्रदेशको तराई भू–भागमा आंशिक बादल लाग्नेछ । आज राति कोशी, मधेस, बागमती र गण्डकी प्रदेशलगायत देशको हिमाली र पहाडी भू–भागमा साधारणतया बादल लाग्ने र तराई भू–भागमा आंशिक बादल लाग्नेछ । कोशी, मधेस, बागमती र गण्डकी प्रदेशको केही स्थानहरूमा तथा लुम्बिनी र…

झापा, १८ बैशाख । राष्ट्रपति रामचन्द्र पौडेले फेरि अर्को अध्यादेश जारी गरेका छन् । आज राष्ट्रपति पौडेलले सम्पत्ति शुद्धीकरण (मनी लाउण्डरिङ) निवारण तेस्रो संशोधन अध्यादेश–२०८३ जारी गरेका हुन् ।

झापा, १८ वैशाख । नेकपा (एमाले) जिल्ला कमिटी झापाले देशका विभिन्न शहरी क्षेत्रमा सुकुम्बासी बस्ती हटाउने नाममा भइरहेको घर–टहरा भत्काउने कार्यप्रति गम्भीर आपत्ति जनाएको छ । पार्टीद्वारा आज जारी विज्ञप्तिमा समितिले संविधानले प्रत्याभूत गरेको आवासको हक विपरीत सरकारले अमानवीय कदम चालेको आरोप लगाएको छ । विज्ञप्तिमा उल्लेख गरिएअनुसार, संविधानको धारा ३७ ले प्रत्येक नागरिकलाई आवासको हक सुनिश्चित गरेको भए पनि पछिल्लो समय काठमाडौं उपत्यकासहित विभिन्न स्थानमा विकल्प बिना सुकुम्बासी बस्ती हटाउने कार्य गरिएको जनाइएको छ। यसलाई समितिले “डोजर आतंक” को संज्ञा दिँदै घोर भत्र्सना गरेको छ । समितिले सर्वोच्च अदालतले समेत ‘विकल्प बिना हटाउन नपाइने’ आदेश दिइसकेको अवस्थामा सरकार आफैं…

झापा, १८ बैशाख । झापाको शिवसताक्षी नगरपालिकामा जबरजस्ती करणी गरेको आरोपमा एक युवा पक्राउ परेका छन् । गत २०८२ माघ २० दिउँसो एक १९ वर्षीया युवतीलाई करणी गरेको आरोपमा शिवसताक्षी–९ का वर्ष २३ वर्षीय अमृतधन कुलुङ राईलाई पक्राउ गरिएको जिल्ला प्रहरी कार्यालय झापाले जनाएको छ । अभियुक्त राईले शिवसताक्षी–९ दुधेमा रहेको आफ्नै पुरानो घरमा गरेर ललाई फकाई जबरजस्ती करणी गरेको भनेर बैशाख १४ गते इलाका प्रहरी कार्यालय झिलझिलेमा जाहेरी दिएकाले राईलाई खोजतलाशको क्रममा दुधे चोकबाट पक्राउ गरिएको हो । अभियुक्ता राईलाई झापा जिल्ला अदालत झापामा उपस्थित गराई ७ दिन म्याद थप गरी अनुसन्धान भइरहेको जिल्ला प्रहरी कार्यालय झापाले जनाएको छ…

झापा, १८ बैशाख । ‘आठ घण्टा काम, आठ घण्टा मनोरञ्जन र आठ घण्टा आराम’ भन्ने नारासहित सन् १८८६ देखि सुरु भएको मजदुर आन्दोलनको सम्झनामा विविध कार्यक्रम गरी आज नेपालसहित विश्वभर १३७औँ अन्तरराष्ट्रिय श्रमिक दिवस मनाइँदैछ । दिवसका अवसरमा श्रम, रोजगार तथा सामाजिक सुरक्षा मन्त्रालयले रोजगारदाता र श्रमिकलगायत सम्बन्धित अन्तरराष्ट्रिय सङ्घसंस्थाका प्रतिनिधिको सहभागितामा देशैभर विभिन्न कार्यक्रम आयोजना गरेको छ । फ्रान्सको पेरिसमा सन् १८८९ मा सम्पन्न विश्वका श्रम सङ्गठन एवं श्रमिक नेताहरूको सम्मेलनको निर्णय गरेअनुरूप सन् १८९० देखि हरेक वर्ष अङ्ग्रेजी महिनाको मे १ तारिखमा अन्तरराष्ट्रिय श्रमिक दिवस मनाइँदै आइएको छ । मजदुरले यस दिवसलाई पर्वका रूपमा लिँदै आफ्ना हक अधिकारको…

झापा, १८ बैशाख । शान्तिका अग्रदूतका रूपमा विश्वमा परिचित सिद्धार्थ गौतमको २५७०औँ जयन्ती आज भगवान् विष्णुको नवौँ अवतारका रूपमा जन्म लिनुभएका बुद्धको पूजा, आराधना एवं प्रवचन गरी मनाइँदै छ । प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइन्छ । सिद्धार्थ गौतमले विश्व शान्ति स्थापनाका लागि पुर्याउनुभएको योगदानको स्मरणस्वरुप यो पर्व मनाउने गरिएको हो । बुद्धको जन्म, ज्ञान प्राप्ति, महापरिनिर्वाण ९मुत्यु० वैशाख शुक्ल पूर्णिमाकै तिथिमा परेकाले यस दिन नेपाललगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्धजयन्ती मनाउने गर्दछन् । “अहिंसा नै शान्ति र मैत्रीको आधारशिला हो”, यस्ता अनेकौँ कालजयी सन्देशका वाहक भगवान् गौतम बुद्धको २५७०औँ जयन्ती शान्तिको कामना…

झापा, १८ बैशाख । स्वास्थ्य तथा जनसङ्ख्या मन्त्रालयले आज देशभरका सबै सरकारी अस्पतालमा बहिरङ्ग (ओपिडी) सेवा सञ्चालन गर्न निर्देशन दिएको छ । यही वैशाख १८, १९ र २० गते लगातार तीन दिन सार्वजनिक बिदा परेका कारण सरकारी अस्पतालमा ओपिडी सेवा प्रभावित हुने र सेवाग्राहीलाई असुविधा हुनसक्ने अवस्था रहेकाले उक्त निर्देशन दिइएको मन्त्रालयका सहप्रवक्ता डा समीरकुमार अधिकारीले जानकारी दिनुभयो ।

मेजर श्याम बहादुर गुरुङविगतमा बुद्ध जयन्तीको दिन काठमाण्डौं उपत्यका भित्रका बौद्ध धर्मावलम्वी कर्मचारीहरूलाई मात्रै बिदा दिइने प्रचलन थियो। समयक्रमसँगै आज देशभरी सार्वजनिक बिदाको व्यवस्था छ। छिमेकी राष्ट्र भारतमा पनि बुद्ध पूर्णिमा नामले देशभरी सार्वजनिक बिदा (Gazetted Holiday) हुन्छ । अमेरिकाको न्यू योर्कमा रहेको विश्वको सर्वोच्च निकाय संयुक्त राष्ट्रसंघको मुख्यालय तथा विश्वभरीका शाखा कार्यालयहरूमा समेत सार्वजनिक बिदाको व्यवस्था रहेको छ। विश्वका अरु बौद्ध राष्ट्रहरूमा आ-आफ्‌नै प्रकारले मनाइने बुद्ध जयन्तीको उदाहरण श्रील‌ङ्कामा बेसाक डे (Vesak Day) नामले राष्ट्रिय पर्वको रुपमा हप्तौंसम्म हर्षोल्लासका साथ मनाइन्छ। आजका दिन हामी भगवान बुद्धसँग जोडिएको देशको गौरव लुम्बिनीलाई सँगसँगै स्मरण गर्दै २५७० औ बुद्ध जयन्ती मनाइ रहेका…