झापा अनलाइन

झापा, १६ साउन । हिन्दु धर्मको सर्वोच्च पद शंकराचार्यमा नियुक्त नेपाली चेली हेमानन्द गिरीलाई विवादमा तानिएकी छिन् । उनले भने पदका लागि आफू उपयुक्त भएको दाबी गरेकी छन् । साउन ७ गते काशी विद्धत परिषद्ले अवैध भएको ठहर गरेको पत्र सार्वजनिक भएपछि धार्मिक क्षेत्रमा तरंग आएको छ । नेपालमा थुप्रै ऋषिमुनिले तपो र देवभूमि नेपालमा गरेको योगदानमा पनि जगद्गुरु शंकराचार्य दाबी गर्न नसक्नुले नेपाललाई कमजोर पारिराखेकै अवस्थामा आफूले सबै प्रमाण पु‍¥याएर नियुक्ति पाएको उनको भनाइ छ । १२ सय वर्षको इतिहासमा शंकराचार्य पदका लागि दाबी गर्ने उनी पहिलो महिला हुन् । नेपाली महिला भएकाले यो विषयमा आम नेपालीको चासो छ…

भक्तपुर, १६ साउन । मध्यपुरथिमि नगरपालिका–१ लोकन्थली रमाइलो चोकमा गएराति बाबुले छोराको हत्या गरेका छन् । गएराति आफ्नै कोठामा सुतिरहेका १७ वर्षीय सागर चापागाईंलाई उनका बाबु ४० वर्षीय डिल्लीराम चापागाईंले मासु काट्न प्रयोग हुने चुप्पीले घाँटीमा प्रहार गरी हत्या गरेको महानगरीय प्रहरी परिसर भक्तपुरका प्रहरी नायव उपरीक्षक रेवतीरमण पोखरेलले जानकारी दिनुभयो । मोरङ सुनवर्षा नगरपालिका– १ घर भई हाल लोकन्थली रमाइलो चोकमा डेरामा बस्दै आएका चापागाईंले घरायसी विवादकै कारण सुतिरहेको छोराको हत्या गरेको प्रारम्भिक अनुसन्धानका क्रममा खुल्न आएको पोखरेलले बताउनुभयो । छोराको हत्या गरी घरको एक तला माथिबाट हामफाली कोटेश्वरतर्फ भाग्दै गरेका डिल्लीरामलाई प्रहरीले पक्राउ गरी प्रहरी वृत्त थिमिमा राखेर…

काशीराम शर्मा बाँके, १६ साउन । मादक पदार्थ सेवन ९मापसे० जाँच्ने ब्रेथलाइजर मेशिन नहुँदा ट्राफिक प्रहरीलाई जाँच गर्न समस्या भएको छ । थोरै संख्यामा भएका ब्रेथलाइजर मेशिन पनि बिग्रिएका कारण ट्राफिक प्रहरीले अहिले सुँघेरै मापसे जाँच गर्नुपरिहरेको छ । सुँघेर जाँच गर्दा ट्राफिक प्रहरीलाई अन्य रोग सर्ने खतरासमेत उत्तिकै छ । प्रदेश नं ५ ट्राफिक कार्यालय बुटवलका प्रहरी नायव उपरीक्षक माधवप्रसाद बुढाथोकी ब्रेथलाइजर मेशिन नहुँदा सुँघेरै जाँच्नुपर्ने अवस्था रहेको बताउनुहुनछ । उहाँले भन्नुभयो, “ब्रेथलाइजर मेशिन अभावमा ट्राफिक प्रहरी र नागरिकबीच वैमनस्यता सिर्जना हुने गरेको छ । मापसे नगरेका सर्वसाधारण अनावश्यक दुःख दिएको भन्दै ट्राफिक प्रहरीसँग रिसाउने गरेका छन् ।” मापसे…

गोरादह, १६ साउन । दर्पण फिल्मस् प्रालीले शर्ट मुभी ‘प्रायश्चित’को शुभमुहुर्त गरेको छ। सागर फिल्म्सको व्यानरमा निर्मित उक्त चलचित्रको मंगलबार एक औपचारिक कार्यक्रमका बीच गौरादह नगरपालिकाको ग्वालडुब्बा बजारबाट छायांकनको शुभारम्भ गरियो । स्थानीय कलाकारहरुको प्रस्तुति रहेकोे चलचित्रको निर्देशन हरी बस्नेत डि. के.ले गरेका छन भने मुख्य नायकमा भुवन खड्का र नायिकाको भुमिकामा सुस्मा सुवेदी रहेकि छिन् । यसैगरी अन्य कलाकारहरुमा दर्पण फिल्मिसका व्यवस्थापक नारायण राजवंशी, चरीत्र अभिनेत्रीको रूपमा दुर्गा काफ्ले, ओमप्रकाश गौतमको मुख्य भुमिका रहेको छ भने अन्य कलाकारहरुमा बिजय खड्का, अनु भुजेल, सुनिता दाहाल, हेलन राजवंशी, पुजन राजवंशी, छितिज बस्नेत, लक्ष्मी बराल, मन्दिरा मगर लगायतले अभिनय गर्ने भएका छन्…

काठमाडौं, १६ साउन । बंगलादेशमा मेडिकल शिक्षा अध्ययनरत छात्राको आचरणप्रति अमर्यादित टिप्पणी गर्ने व्यवसायी दुर्गा प्रसाईं र पूर्व कानुनमन्त्री शेरबहादुर तामाङप्रति सरकारको आधिकारीक धारणा नआए आन्दोलनमा उत्रने नेप्लिज मेडिकल स्टुडेन्ट एसोसिएसन, बंगलादेशका विद्यार्थीहरुले चेतावनी दिएका छन् । एसोसिएसनका अध्यक्ष नवीन यदवको नेतृत्वको टोलीले मंगलबार शिक्षा, विज्ञान तथा प्रविधिमन्त्री गिरीराजमणि पोखरेललाई ज्ञापनपत्र बुझाउँदै पूर्व मन्त्री शेरबहादुर तामाङ र व्यवसायी दुर्गा प्रसाईंले बंगलादेशमा मेडिकल शिक्षा अध्ययनरत छात्रामाथि अत्यन्त अमर्यादित, अशिष्ट, र अराजक टिप्पणी गरेकाले यसले आफूहरुलाई चोट पुगेको बताउँदै उनीहरुमाथि कारबाहीको माग गरेका छन् । आजको नागरिक दैनिकमा खबर छ ।

गौरादह, १६ साउन । गौरादह नगरपालिकाका जनप्रतिनिधिले स्थानीय निकाय तथा गाउँ समाजमा भएका कुरालाई यथार्थ बुझेर मात्र नागरिकहरु समक्ष लैजान सल्लाह दिएका छन् । उनीहरुले सञ्चारमाध्यमले तथ्यपरक कुराहरु जनता समक्ष पु¥याउन भूमिका निर्वाह गर्नुपर्ने समेत जोड दिएका छन् । एफ.एम प्लस गौरादहले आयोजना गरेको स्थानीय निकायमा सञ्चारको भूमिका विषयक अन्तरक्रियामा बोल्दै जनप्रतिनिधिहरुले वडाभित्र गरेका विकास निर्माणका कामहरुलाई नागरिकहरु समक्ष पु¥याई सकारात्मक सन्देश दिन सञ्चार माध्यम अगाडि बढ्नु पर्नेउल्लेख गरे । एफ.एम प्लसको साक्षात्कार कक्षमा सञ्चालन गरिएको अन्तरक्रियामा रेडियोका प्रबन्ध निर्देशक युवराज भट्टराईले यस क्षेत्रमा हुने गरेका कार्यहरुको यथार्थ विवरणलाई जनता समक्ष लैजान रेडियोले भूमिका निर्वाह गर्दै आएकोमा जनप्रतिनिधि, नगरबासी र…

प्रदीप परियार राजगढ, १६ साउन । विवाहको प्रलोभन परेर यौन शोषणमा परेकी झापा राजगढकी एक किशोरीले मानसिक सन्तुलन गुमाएकी छन् । सामान्य जीवनमै रहँदा उनले स्थानीयलाई समेत विवाह गर्ने भएकाले आफुहरुविच सम्वन्ध रहेको सुनाएकी थिइन् । विवाह गर्ने विश्वासमा दुईवर्षदेखि उनीहरुविच शारिरीक सम्पर्क हुदै आएको थियो । बाह्रदशी गाउँपालिका–१ सिप्ताबस्तीकी मुस्लिम किशोरीलाई स्थानीय ४८ वर्षीय अमिन मियाले विवाह गर्ने प्रलोभनमा पारेर यौन शोषण गर्दै आएको पीडितको भनाई छ । मिया विवाहित पुरुष हुन् । गाउँमा पशुचौपायको व्यवसाय गर्दै आएका अमिनले १८ वर्षीय किशोरीलाई बेलाबखत सरसहयोग गर्देै विवाह गर्ने विश्वास दिलाएको स्थानीयवासी बताउँछन् । स्थानीयका अनुसार दुई वर्षअघि देखि उनीहरुको विचमा…

गौरादह, १६ साउन । झापाको गौरादहमा लैङ्गिक हिंसा सम्बन्धी एक दिने अन्तरक्रिया कार्यक्रम सम्पन्न भएको छ । महिला तथा बालबालिका कार्यालय भद्रपुर झापाले आयोजना गरेको लैङ्गिक हिंसा मुल प्रवाहीकरण सम्बन्धी अन्र्तक्रिया कार्यक्रममा गौरादह नगरपालिकाका जनप्रतिनिधि तथा सरोकारवालासहित ६० जना सहभागिता रहेको थियो । कार्यक्रममा विभिन्न बक्ताहरुले महिला माथि हुने हिंसा र त्यसबाट बच्नको लागि अपनाउनु पर्ने सरकार, प्रदेश सरकार तथा स्थानीय तहमा व्यवस्था भएका कानुनी उपचार बारे जानकारी गराइएको थियो । वडा नं. १ को वडा कार्यालयको सभा हलमा जिल्ला कानुनी सहायता समिति झापाका अधिवक्ता खेमनाथ भट्टराइले सहभागिहरुलाई नेपालको संविधान २०७२ मा उल्लेख भएका महिला तथा बालबालिकाको हक, अंशबन्डा र…

सान नेपाल गौरादह, १६ साउन । गौरादह नगरपालिका वडा नं. ७ स्थित स्वास्थ्य चौकी जुरोपानीको भवन निर्माण कार्य सम्पन्न हुन लागेसँगै स्थानीयहरु हर्षित भएका छन् । तत्कालीन जुरोपानी गा.वि.स को ग्वालडुब्बामा स्वास्थ्य चौकी भवन निर्माणका लागि आवश्यक जग्गाको व्यवस्था नभएकाले भवन निर्माण गर्न सकिएको थिएन । स्वास्थ्य चौकी भवन निर्माणका लागि स्थानीयबासीले निःशुल्क जग्गा प्रदान गरेसँगै भवन निर्माणले गति लिएको हो । स्थानीय रोसन श्रेष्ठ, प्रदिप श्रेष्ठ ४ कट्ठा र अमर बहादुर विष्ट ३ कट्ठा सहित जम्मा ७ कट्ठा जग्गा निःशुल्क प्राप्त भएको थियो । स्वास्थ्य चौकी भवन निर्माण गर्न शहरी विकास तथा भवन निर्माण विभाग डिभिजन कार्यालय इलामले १…

बिर्तामोड, १५ साउन । घुस नखाई कुनै काम नहुने झापाको विर्तामोडमा रहेको यातायात व्यवस्था कार्यालय मेचीका कर्मचारी घुस लिदालिदै रंगेहात फेला परेका छन् । दमकस्थीत ग्लोबल अटो सेन्टर र प्यासिफक इन्टरप्राइजेजले नामसारी र ट्रलि जडान गर्न लगेका ४ वटा ट्रयाक्टरमा लेखाशाखाकी लेखा अधिकृत कल्पना न्यौपानेले १८ हजार रुपैयाँ घुस रकम लिएका हुन् । ट्रयाक्टर सोरुम सञ्चालन गर्दै आएको सेन्टर र इन्टरप्राइजेजसँग ट्रयाक्टर नामसारी र ट्रलि जडान गर्न यातायातका कर्मचारीले रकम माग्ने गरेको इन्टरप्राइजेजका सञ्चालक असोक कुमार थापाले गुनासो गरेका थिए । ९ महिनादेखि काम नभएको ४ वटा ट्याक्टरको नामसारी गरी ट्रली जोड्ने काम मंगलबार प्राविधिक शाखाका कर्मचारीलाई ४ हजार र…