झापा अनलाइन

झापा, २० चैत । झापाको भद्रपुर नगरपालिका–९ मिलचोकमा आज लक्ष्मी प्रसाद चौलागाईको परालको कुन्युमा आगलागि भएको छ। स्थानीयले फोहोरको झ्यास जलाउने क्रममा आगो परालमा सल्किँदा पराल पूर्ण रूपमा जलेर नष्ट भएको प्रहरीले जनाएको छ। यस घटनामा मानवीय क्षति भने भएको छैन। भद्रपुर नगरपालिकाको दमकल तथा प्रहरीको सहयोगमा आगो बिहान ११ः४० बजे पूर्ण रूपमा नियन्त्रणमा लिइएको थियो। आगलागिबाट करिब रु. ५,००० बराबरको क्षति भएको अनुमान गरिएको छ। प्रहरी चौकी घोडामाराबाट प्रहरी टोली घटनास्थलमा खटिएको थियो।

झापा, २० चैत । अख्तियारले घुस रकमसहित धनुषाको लालगढबाट एक जना सशस्त्र प्रहरीका इन्स्पेक्टर पक्राउ गरेको छ । पक्राउ पर्नेमा प्रहरी इन्स्पेक्टर ओकिल अधिकारी छन् । अख्तियार दुरुपयोग अनुसन्धान आयोग क्षेत्रीय कार्यालय बर्दिबासको टोलीले उनलाई आज बिहान लालगढबाट घुससहित पक्राउ गरेको जनाएको छ । अख्तियारका अनुसार कमला–ढल्केवर–बाग्मती सडक निर्माण खण्डअन्तर्गत माटो तथा ग्राभेल फिलिङ कार्यमा प्रयोग हुने सवारी साधनहरू रोक्ने, अनावश्यक अवरोध सिर्जना गर्ने र घुस माग्ने गरेको उजुरीको आधारमा अख्तियारको टोलीले निगरानी गर्दै आएको थियो । सोही क्रममा उनलाई ४० हजार रुपैयाँ घुससहित पक्राउ गरेको अख्तियार स्रोतले जनाएको छ । उनीमाथि थप अनुसन्धान गरिरहेको अख्तियारले जनाएको छ ।

धरान, २० चैत । पिपलको छहारीमुनि बिछ्याइएका प्लास्टिकका म्याट र बोरा । पिपलको रुखमा अड्याइएको बोर्डमा लेखिएको छ– ‘श्री पिपलबोटे खुला विद्यालय ।’ जहाँ नर्सरीदेखि कक्षा ७ सम्म पढ्ने ३०–३५ जना बालबालिका दिनहुँ बिहान ७ः०० बजे किताब, कापी र कलम च्यापेर ट्युसन पढ्न आइपुग्छन् । चन्द्र सर अर्थात् चन्द्र भण्डारीले ती बालबालिकालाई लेखपढमा सहायता गर्छन् । उनी विद्यालयमा पढ्दा नबुझेका पाठ बुझाउँछन् । गृहकार्य गर्न सहजीकरण गर्छन् । यो दृश्य हो– इटहरीको व्यस्त सडक पूर्वपश्चिम राजमार्ग पर्ने इटहरीस्थित टेङ्ग्रा खोलाको किनार छेवैको गल्ली । नामजस्तै यस खुला आकाशमुनि पठनपाठन सञ्चालन हुन थालेको तीन दशक बढी भइसकेको छ । पिपलको रुखमुनि…

झापा,२० चैत । झापा र मोरङ जिल्लाको विभिन्न स्थानहरुबाट लागू औषधसहित ४ जनालाईपक्राउ गरिएको छ । झापाको गौरादह नगरपालिका–१ स्थितमा इलाका प्रहरी कार्यालय गौरादहबाट खटिएको प्रहरी टोलीले प्र.१.०१.००२ ह ८६३१ नम्बरकोअटोलाई चेकजाँच गर्दा चालक बिर्तामोड नगरपालिका–२ का भवानी प्रसाईलाई १ ग्राम ७९० मिलिग्राम ब्राउन सुगरसहित र मोरङको इलाका प्रहरी कार्यालय रानी र लागु औषध नियन्त्रण ब्युरो विराटनगरको संयुक्त प्रहरी टोलीले विराटनगर महानगरपालिका–१६ का अजय कुमार राय र ग्रामथान गाउँपालिका–६ का निरञ्जन माझीलाई २ ग्राम ९१० मिलिग्राम ब्राउन सुगरसहित नियन्त्रणमा लिएको छ ।

काठमाण्डौ, १९ चैत । राष्ट्रिय परीक्षा बोर्डले आजदेखि शुरू भएको माध्यमिक शिक्षा परीक्षा (एसईई) को उत्तरपुस्तिका परीक्षण पनि आजैदेखि शुरू गरेको छ । बोर्डले एसईई सञ्चालन, व्यवस्थापन तथा उत्तरपुस्तिका परीक्षण निर्देशिका २०८२ अनुसार उत्तरपुस्तिका परीक्षणको काम शुरू गरेको हो । परीक्षा नियन्त्रक टुकराज अधिकारीका अनुसार पहिलो दिन अनिवार्य अङ्ग्रेजी विषयको परीक्षा सकिए लगत्तै परीक्षा केन्द्रमै उत्तरपुस्तिका परीक्षण शुरू भएको छ । केन्द्राध्यक्षको नेतृत्वमा परीक्षण हुने व्यवस्था छ । जुन विद्यालयको विद्यार्थी हो, त्यही विद्यालयको शिक्षकले उत्तरपुस्तिका परीक्षण गर्न पाउँदैनन् । केन्द्रमै परीक्षण गर्न समस्या भएमा त्यही दिन उत्तरपुस्तिका शिक्षा विकास तथा समन्वय इकाइमा पठाउनुपर्छ । कुनै पनि विषयको परीक्षा भएको…

जीरा भान्सामा मसलाको रुपमा मात्रै प्रयोग गर्दै आएका छौ तर हामीलाई जीराका लाभदायी गुणका बारेमा तथा कुन कुन रोगको औषधीको रुपमा प्रयोग गर्न सकिन्छ भनेर थाहा नै नभएको हुनसक्छ । त्यसैले आउनुस् हेरौं जीराका के – के लाभदायी गुणहरु रहेछन् जीराको धूलो र मिस्रीको धूलो बराबर मिसाएर बिहान र बेलुका १–१ चम्चा पानीसँग खाने गर्नाले पत्थरी हुन लागेको वा पिसाब सम्बन्धी समस्याबाट मुक्ति मिल्छ । जीराको धूलो, धनियाँ गेडाको धूलो र मिस्री बराबर मिसाएर १–१ चम्चा बिहान र बेलुका पानीसँग खानाले अमलपित्त भएकाहरुका लागि लाभदायी हुन्छ । जीराको धूलो, ५० ग्राम, सिदेनूनको धूलो ५० ग्राम र घ्यूमा फुराएको हिङ १०…

मुम्बई, १९ चैत । बलिउडका स्टार सलमान खानको प्रतिक्षित फिल्म ‘मातृभूमि’ रिलिज हुनुपूर्व नै चर्चाको शिखरमा छ । फिल्मको रिलिज मिति सरेपछि निकै निराश बनेका फ्यानहरूका लागि अहिले खुसीको खबर आएको छ । यसअघि अप्रिल १० मा रिलिज हुने तय भएको ‘मातृभूमि’ प्राविधिक कारणले पछि सारिएको थियो, जसले सलमानका फ्यानहरूलाई खिन्न बनाएको थियो । त्यति मात्र होइन, फिल्मको नाम समेत परिवर्तन गरिएको छ । सुरुमा ‘ब्याटल अफ गलवान’ नाम राखिएको यो फिल्म अब ‘मातृभूमि’ को नामबाट हलमा आउने निश्चित भएको छ । बलिउड हंगामाको रिपोर्ट अनुसार यो फिल्म अब मे १५ मा सिनेमाघरहरूमा प्रदर्शन हुने तयारीमा छ । फिल्मको बाँकी…

सुर्खेत, १९ चैत । सुर्खेत प्रहरीले वीरेन्द्रनगरबाट १६ जना बिचौलियालाई पक्राउ गरेको छ । सेवाग्राहीसँग रकम लिएर विभिन्न सरकारी काम गरिदिने भन्दै अवैध रूपमा बिचौलियाको भूमिका निर्वाह गरिरहेको गुनासो आएपछि उनीहरूलाई नियन्त्रणमा लिइएको प्रहरीले जनाएको छ। प्रहरीका अनुसार वीरेन्द्रनगर स्थित यातायात व्यवस्था कार्यालयबाट १० जना महिला र मालपोत कार्यालय सुर्खेतबाट ६ जना पुरुष गरी कुल १६ जनालाई पक्राउ गरिएको हो। सेवाग्राहीको सवारी दर्ता किताब (बिलबुक) नवीकरण गरिदिन्छु, नामसारी तथा भू– सेवाका कार्य गरिदिन्छु भनी रकम लिई बिचौलियाको काम गरिरहेको गुनासो आएपछि उनीहरुलाई नियन्त्रणमा लिइएको प्रहरीले जनाएको छ । प्रहरीका अनुसार मालपोत कार्यालयबाट पक्राउ पर्नेमा सुर्खेतको वीरेन्द्रनगर–१ प्रगतिशील टोलका ३६ वर्षीय…

झापा, १९ चैत । सुनचाँदीको भाउ आज घटेको छ । सुनको भाउ आज तोलामा ३ हजार ६०० रुपैयाँले घटेको हो । भाउ घटेर सुन आज तोलाको २ लाख ९४ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको २ लाख ९७ हजार ६०० रुपैयाँ रहेको थियो । त्यस्तै आज चाँदीको भाउ पनि घटेको छ । महासङ्घका अनुसार चाँदी आज तोलामा १६५ रुपैयाँले घटेको छ । चाँदी घटेर तोलाको ४ हजार ७८० रुपैयाँमा कारोबार भैरहेको छ । हिजो चाँदीको भाउ तोलाको चार हजार ९४५ रुपैयाँ रहेको थियो ।

झापा, १८ चैत । बिर्तामोड नगरपालिका पालिका सहकारी समन्वय समितिले ६९ औँ राष्ट्रिय सहकारी दिवसका अवसरमा आयोजना गरिने कार्यक्रममा सक्रिय सहभागिता जनाउन नगर क्षेत्रभित्रका सबै सहकारी संस्था र सहकारीकर्मीलाई आह्वान गरेको छ । बिहीबार बसेको समितिको बैठकले झापा जिल्ला सहकारी सङ्घको आयोजनामा हुने उत्प्रेरणात्मक कार्यक्रम तथा दिवसको पूर्वसन्ध्यामा हुने दीप प्रज्वलन कार्यक्रममा उल्लेख्य सहभागिता सुनिश्चित गर्न आग्रह गर्ने निर्णय गरेको हो । समितिका संयोजक सुब्रत न्यौपानेले राष्ट्रिय सहकारी दिवसको पूर्वसन्ध्यामा झापाका विभिन्न स्थानमा दीप प्रज्वलन कार्यक्रम राखिएको जानकारी दिँदै बिर्तामोड क्षेत्रका सहकारीकर्मीलाई चैत १९ गते मुक्तिचोकमा भेला हुन अनुरोध गरिएको बताए । झापा जिल्ला सहकारी सङ्घको आयोजनामा बिर्तामोडको मुक्तिचोकमा दीप…