jhapaonline add
झापा, २० साउन । उद्योग, वाणिज्य तथा आपूर्ति मन्त्रालयले बजारमा खाना पकाउने एलपी ग्यासको आपूर्ति केही दिनभित्रै सहज हुने जनाएको छ। मन्त्रालयले उपभोक्तालाई अफवाह वा भ्रमपूर्ण सूचनामा नपरी आवश्यकताअनुसार मात्रै ग्यास खरिद गर्न तथा अनावश्यक सञ्चय नगर्न आग्रह गरेको छ। मन्त्रालयका प्रवक्ता नेत्रप्रसाद सुवेदीद्वारा मंगलबार जारी विज्ञप्तिमा अघिल्ला वर्षको यही अवधिको तुलनामा हाल नियमित माग धान्न सक्नेभन्दा बढी परिमाणमा एलपी ग्यास आयात र वितरण भइरहेको उल्लेख गरिएको छ। मन्त्रालयका अनुसार बढ्दो माग र आपूर्तिबीच सन्तुलन कायम गर्न सरोकारवाला निकायसँग समन्वय गरी ग्यासको आपूर्ति तथा वितरण प्रणालीलाई थप प्रभावकारी बनाउने काम भइरहेको छ। यस्तै, वाणिज्य, आपूर्ति तथा उपभोक्ता संरक्षण विभागले बजार…
झापा, २० साउन । हाल देशभर मनसुनी वायुको प्रभाव कायम रहेको छ। मनसुनको न्यूनचापीय रेखा औसत स्थानभन्दा केही उत्तरतर्फ सरी नेपालको तराई क्षेत्र नजिक रहेको जल तथा मौसम विज्ञान विभागले जनाएको छ। विभागका अनुसार अहिले देशभर सामान्यदेखि पूर्ण बदली रहेको छ। बागमती र गण्डकी प्रदेशका केही स्थानमा तथा कोशी, कर्णाली र सुदूरपश्चिम प्रदेशका थोरै स्थानमा वर्षा भइरहेको छ। लुम्बिनी प्रदेशका एक–दुई स्थानमा पनि मेघगर्जन र चट्याङसहित मध्यम वर्षा भइरहेको छ। आज दिउँसो देशभर सामान्यदेखि पूर्ण बदली रहने अनुमान गरिएको छ। हिमाली भूभागका केही स्थानमा मध्यम वर्षासँगै हिमपातको सम्भावना रहेको छ। पहाडी भूभागका धेरै स्थान तथा तराईका केही स्थानमा मेघगर्जन र…
बैतडी, १९ साउन । बैतडीको पुर्चौडी नगरपालिका–९ मल्लादेहीकी २९ वर्षीया जयन्ती धामी आफ्ना दुई छोरी र एक छोरासहित बेपत्ता भएकी छन्। उनका श्रीमान् हिरा धामीका अनुसार जयन्ती साउन ३ गतेदेखि घरबाट सम्पर्कविहीन भएकी हुन्। बेपत्ता भएको करिब एक सातापछि उनी माइत डिलाशैनी गाउँपालिका–७ धामीगाउँमा बसेको जानकारी पाए पनि त्यसपछि त्यहाँबाट पनि सम्पर्कविहीन भएको उनले बताए। घटनाबारे सोमबार मात्रै हिरा धामीले धारी प्रहरी चौकीमा हुलियासहितको निवेदन दिएका छन्। प्रहरीले जयन्ती धामी र उनका तीन सन्तानको खोजी कार्य सुरु गरेको जनाएको छ।
झापा, १९ साउन । झापाको मेचीनगर नगरपालिका–७ फोहोरमैला क्षेत्रमा प्रहरीले अवैध रूपमा भन्सार छली गरी भण्डारण गरिएका २४ लाख ११ हजार ८१० रुपैयाँ बराबरका सामान बरामद गरेको छ। जिल्ला प्रहरी कार्यालय झापाका अनुसार मंगलबार विशेष सूचनाका आधारमा इलाका प्रहरी कार्यालय काँकडभिट्टा र सशस्त्र प्रहरी बल नेपाल, सीमा सुरक्षा गुल्म काँकडभिट्टाको संयुक्त टोलीले कोपिला तामाङको भाडाको घरमा खानतलासी गरेको थियो। खानतलासीका क्रममा भारतबाट अवैध रूपमा भन्सार छली गरी ल्याइएका २० बोरा र २० कार्टुन सामान बरामद गरिएको प्रहरीले जनाएको छ। बरामद सामानमा कपडाका विभिन्न सामग्री, मोटर पार्ट्स तथा इलेक्ट्रोनिक्सका सामग्री रहेका छन्। बरामद गरिएका सामान आवश्यक अनुसन्धान तथा कानुनी कारबाहीका लागि…
झापा, १९ साउन । झापा गाउँपालिकाले आफ्नै भूमि व्यवस्थापन शाखामार्फत मालपोत तथा नापीसम्बन्धी सेवा औपचारिक रूपमा सञ्चालनमा ल्याएको छ। सेवा सुरु भएपछि अब स्थानीय नागरिकले मालपोत तथा नापीसम्बन्धी कामका लागि सदरमुकाम धाउनुपर्ने बाध्यता हट्ने भएको छ। गाउँपालिकाकी कार्यवाहक अध्यक्ष अञ्जुदेवी थपलियाले सेवा शुभारम्भ गर्दै यसले नागरिकलाई छिटो, सहज र प्रभावकारी सेवा उपलब्ध गराउने बताइन्। गाउँपालिकाका अनुसार पहिलो चरणमा विद्युतीय फोटो, औंठाछाप, दस्तखत तथा ‘ल्याण्ड ओनर आइडेन्टिफिकेसन नम्बर’ भएका जग्गाको खरिद–बिक्री, राजीनामा, हकछोड तथा लिखत पारितसम्बन्धी सेवा प्रदान गरिनेछ। यससँगै अंशवण्डा, नामसारी, मोही बाँडफाँड, कित्ताकाट, नक्सा प्रिन्ट, अभिलेख अद्यावधिक तथा राजस्व संकलनलगायतका सेवासमेत गाउँपालिकाबाटै उपलब्ध हुने प्रमुख प्रशासकीय अधिकृत जनार्दन निरौलाले…
झापा, १९ साउन । साउन महिनाको तेस्रो सोमबार पूर्वकै प्रसिद्ध धार्मिकस्थल अर्जुनधारा नगरपालिका–७ स्थित श्री अर्जुनधारा जलेश्वरधाममा भक्तजनको उल्लेख्य भीड लागेको छ । धाममा नेपालका विभिन्न जिल्लासँगै भारत र भुटानबाट आएका श्रद्धालुले भगवान शिवको पूजा आराधना तथा जलार्पण गरेका छन् । धाम व्यवस्थापन समितिका कोषाध्यक्ष मनोज जोशीका अनुसार सोमबार बेलुकीसम्म झण्डै ४० हजार भक्तजनले जलार्पण, पूजा तथा दर्शन गरेका छन् । बिहानैदेखि भक्तजनको लाम लागेकाले दिनभरि धाम परिसर भक्तिमय बनेको थियो । जोशीका अनुसार यस वर्ष साउनको तेस्रो सोमबार भक्तजनको उपस्थिति अघिल्लो दुई सोमबारको तुलनामा उल्लेख्य रूपमा बढेको छ । धाममा आउने श्रद्धालुको सुविधाका लागि स्वयंसेवक परिचालन, सुरक्षा व्यवस्था, खानेपानी,…
झापा, १९ साउन । झापामा आर्थिक वर्ष २०८२–८३ मा ६९६ जनामा स्क्रब टाइफस संक्रमण पुष्टि भएको छ। स्वास्थ्य कार्यालय झापाका ल्याब टेक्निसियन निरीक्षक युवनाथ बरालका अनुसार सबैभन्दा धेरै बिर्तामोडमा ५९८ जना संक्रमित फेला परेका छन्। दमकमा ४३, मेचीनगरमा २५, कमलमा १६, कनकाईमा ६, हल्दिबारीमा ५, झापा गाउँपालिकामा २ र भद्रपुरमा १ जनामा संक्रमण पुष्टि भएको हो। बरालका अनुसार स्क्रब टाइफस संक्रमित किर्नाको टोकाइबाट सर्ने रोग हो। यसबाट उच्च ज्वरो, टाउको तथा शरीर दुख्ने, खोकी, वान्ता, पखाला, श्वासप्रश्वासमा समस्या हुने र टोकेको स्थानमा कालो दाग देखिने लक्षण देखिन सक्छन्। समयमै उपचार नभए ज्यानसमेत जोखिममा पर्न सक्ने उनले बताए। खेतबारी, झाडी तथा…
झापा, १९ साउन । सरकारले करिब २५ वर्षपछि राष्ट्रिय यातायात नीतिलाई संशोधन गर्दै ‘राष्ट्रिय यातायात नीति–२०८३’ कार्यान्वयनमा ल्याएको छ । पूर्वाधार विकास मन्त्रालयले जारी गरेको नयाँ नीतिले एकीकृत यातायात प्रणालीको विकासमार्फत दिगो, सर्वसुलभ, पहुँचयोग्य, सुरक्षित, हरित तथा प्रविधिमैत्री यातायात प्रणाली निर्माण गर्ने लक्ष्य लिएको जनाएको छ । मन्त्रालयका अनुसार नीतिले सडक, रेल, जलमार्ग र हवाई यातायातबीच समन्वय गर्दै आधुनिक, सुरक्षित र प्रभावकारी यातायात प्रणालीको विकासलाई प्राथमिकता दिएको छ । पूर्वाधार विकास मन्त्री सुनिल लम्सालले सार्वजनिक यातायातको गुणस्तर सुधार, सडक सुरक्षाको अभिवृद्धि, वातावरणमैत्री प्रविधिको प्रयोग तथा डिजिटल प्रणालीको विस्तारलाई नयाँ नीतिको प्रमुख प्राथमिकता बनाइएको जानकारी दिनुभयो । सरकारले बदलिँदो प्रविधि, तीव्र…
झापा, १९ साउन । झापाको गौरीगञ्ज गाउँपालिका–३ नमुना टोलमा आगलागी हुँदा एक परिवारको भान्सा घर पूर्ण रूपमा जलेर नष्ट भएको छ । प्रहरीका अनुसार सोमबार राति करिब ११ बजे गणेशलाल महत्तोको टिनको छानो र बाँसको टाटीले बनेको एकतले भान्सा घरमा चुल्होबाट आगो सल्किएर आगलागी भएको हो । घटनाको जानकारी प्राप्त हुनासाथ इलाका प्रहरी कार्यालय गौरीगञ्जबाट प्रहरी वरिष्ठ नायब निरीक्षक देवराज दाहालको कमाण्डमा ७ जना प्रहरी टोली घटनास्थल पुगेको थियो । स्थानीयवासी र प्रहरीको संयुक्त प्रयासमा राति ११ः४५ बजे आगो पूर्ण रूपमा नियन्त्रणमा लिइएको प्रहरीले जनाएको छ । आगलागीबाट कुनै मानवीय वा चौपाया क्षति नभएको प्रहरीले जनाएको छ । आगलागीका कारण…
झापा, १९ साउन । देशभर मनसुनी वायुको प्रभाव आज पनि कायम रहेको छ । हाल मनसुनको न्यून चापीय रेखा सरदर स्थानभन्दा केही उत्तरतर्फ नेपालको तराई भूभाग नजिक रहेको छ । मनसुनी वायुको प्रभाव कायम रहँदा देशभर बादल लाग्ने जल तथा मौसम विज्ञान विभागले जनाएको छ । विभागका अनुसार हिमाली भागका केही स्थानमा मध्यम वर्षा तथा हिमपातको सम्भावना छ भने पहाडी भेगका धेरै र तराईका केही स्थानमा हल्कादेखि मध्यम वर्षा हुने अनुमान गरिएको छ । देशका पहाडी भू–भागका धेरै स्थानमा मेघगर्जन÷चट्याङसहित मध्यमसम्मको वर्षाको सम्भावना छ भने तराई भू–भाग केही स्थानमा मेघगर्जनरचट्याङसहित मध्यमसम्मको वर्षाको सम्भावना रहेको विभागले जनाएको छ । विभागद्वारा जारी…