jhapaonline add
झापा, १८ कात्तिक । नेपालमा हाल पश्चिमी वायुको आंशिक प्रभाव रहेको छ । आज दिउँसो लुम्बिनी, कर्णाली र सुदूरपश्चिम प्रदेशलगायत देशका पहाडी भागमा साधारणतया बदली रही बाँकी भागमा आंशिक बदली रहने जल तथा मौसम पूर्वानुमान महाशाखाले जनाएको छ । यसैगरी गण्डकी, लुम्बिनी, कर्णाली र सुदूरपश्चिम प्रदेशका पहाडी भूभागका थोरै स्थान तथा बाँकी प्रदेशका पहाडी भागका एकदुई स्थानमा हल्कादेखि मध्यम वर्षा र हिमपातको सम्भावना छ भने लुम्बिनी र सुदूरपश्चिम प्रदेशको तराई भागका एकदुई स्थानमा हल्का वर्षाको सम्भावना छ । त्यसैगरी, आज राति बागमती, गण्डकी र लुम्बिनी प्रदेशलगायत देशका पहाडी भूभागमा साधारणतया बदली रही बाँकी भागमा आंशिक बदली रहने महाशाखाद्वारा आज यहाँ…
भद्रपुर, १७ कात्तिक । सरकारले जेनजी प्रदर्शनका क्रममा मृत्यु भएका ४५ जनालाई शहीद घोषणा गर्ने निर्णय गरेको छ। प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको मन्त्रिपरिषद् बैठकले उक्त निर्णय गरेको हो। सरकारका प्रवक्ता तथा सञ्चार तथा सूचना प्रविधि मन्त्री जगदीश खरेलले गृह मन्त्रालय अन्तर्गतको समिति, सुरक्षा निकाय तथा जिल्ला प्रशासन कार्यालयबाट प्राप्त अध्ययनको आधारमा शहीद घोषणा गरिएको जानकारी दिनुभयो। अन्य मन्त्रिपरिषद् निर्णयहरूइलाममा विपद् सहायता: विपद् सङ्कटग्रस्त जिल्ला घोषणा गरिएको इलामका प्रभावित स्थानीय तहहरूलाई सहयोग गर्न ५ करोड ३० लाख रुपैयाँ विपद् व्यवस्थापन कोषमा जम्मा गर्ने निर्णय।न्यायिक नियुक्ति: वैदेशिक रोजगार न्यायाधिकरणको सदस्यमा सहन्यायाधीवक्ता घनश्याम ओझालाई नियुक्त गर्ने।नियमावली स्वीकृति: बेपत्ता पारिएका व्यक्तिको…
भद्रपुर, १७ कात्तिक । चन्द्रगढी सामुदायिक वन उपभोक्ता समूह (भद्रपुर–९) को आसन्न निर्वाचनलाई लिएर सञ्चारकर्मीप्रति गरिएको अभद्र टिप्पणीप्रति प्रेस क्लब–भद्रपुरले गम्भीर आपत्ति जनाउँदै सार्वजनिक रूपमा निन्दा र भर्त्सना गरेको छ। क्लबका अनुसार अध्यक्ष पदका उम्मेदवारहरूबारे पत्रकार द्रोण अधिकारीद्वारा लिखित समाचारलाई लिएर उम्मेदवार हीरा पोखरेलले फेसबुकमा टिप्पणी गरेका थिए। सोही टिप्पणीमा प्रतिक्रिया दिने क्रममा भद्रपुर–४ निवासी हेमलाल भट्टराईले समस्त सञ्चारकर्मीहरूलाई लाञ्छित गर्नेगरी अशोभनीय टिप्पणी गरेका थिए, जसप्रति क्लबको गम्भीर ध्यानाकर्षण भएको हो। प्रेस क्लब–भद्रपुरले भट्टराईको टिप्पणीलाई मनगढन्ते र आक्षेपपूर्ण आरोपको संज्ञा दिँदै प्रमाणित गर्न चुनौति दिएको छ। यदि प्रमाणित गर्न नसकिएमा सार्वजनिक रूपमा माफी माग्दै उक्त टिप्पणी हटाउन आग्रह गरिएको छ।…
झापा, १७ कात्तिक । झापाको कनकाई नगरपालिका–२ स्थित झण्डिखोप भन्ने स्थानमा एक अन्दाजी ४०–४२ वर्षको पुरुष मृत अवस्थामा फेला परेका छन्। आज दिउँसो १२ः३० बजेको समयमा पहाडे मूलको जस्तो देखिने, नामथर र वतन हालसम्म नखुलेको उक्त पुरुष घोप्टो परेको अवस्थामा मृत फेला परेको हो। घटनास्थलमा इलाका प्रहरी कार्यालय अनारमनीबाट प्रहरी अधिकृतको कमाण्डमा टोली खटिएको छ। प्रहरीले घटनास्थलको अनुसन्धान, कानुनी प्रक्रिया तथा शवको पहिचानका लागि आवश्यक कारवाही अघि बढाएको जनाएको छ। घटनाको कारण र मृतकको परिचय खुलाउन थप अनुसन्धान जारी रहेको छ।
झापा, १७ कात्तिक । लागुऔषध नियन्त्रण ब्यूरो शाखा काँकरभिट्टाबाट खटिएको प्रहरी टोलीले झापा जिल्लाको मेचीनगर नगरपालिका–६ स्थित मेचिपुल क्षेत्रबाट खैरो हेरोइनसहित एक युवकलाई नियन्त्रणमा लिएको छ। प्रहरीका आज साँझ ५ बजे भारतबाट नेपालतर्फ पैदल आउँदै गरेका नुवाकोट जिल्ला किस्पाङ गाउँपालिका–३ निवासी २७ वर्षीय राम बहादुर तामाङलाई शंका लागेर चेकजाँच गरिएको थियो। जाँचका क्रममा तामाङको साथबाट खैरो हेरोइन जस्तो देखिने लिसिलो पदार्थ फेला परेको प्रहरीले जनाएको छ। उक्त पदार्थलाई मान्यता प्राप्त डिजिटल तराजुमा नापतौल गर्दा प्लास्टिकसहित १९ ग्राम ३८० मिलिग्राम तथा प्लास्टिक हटाएर १७ ग्राम २०० मिलिग्राम लागुऔषध रहेको पुष्टि भएको छ। तामाङलाई उक्त लागुऔषधसहित नियन्त्रणमा लिई थप अनुसन्धान तथा कानुनी…
झापा, १७ कात्तिक । ठेक्का प्रक्रियामा ढिलाइ भएपछि राहदानी पुस्तिका अभाव हुने स्थिति सिर्जना भएको छ। राहदानी विभागले आइतबार सूचना जारी गर्दै अर्को सूचना नआएसम्म दैनिक ९सार्वजनिक बिदा बाहेक० अधिकतम १,००० राहदानी मात्र वितरण गर्ने जनाएको छ। विभागका अनुसार नयाँ आपूर्तिकर्तासँग गत साउनमा सम्झौता भइसकेको छ र आगामी फागुन ११ देखि नयाँ प्रणालीमार्फत सेवा सुरु हुने तयारी भइरहेको छ। तर हालको आपूर्तिकर्तासँग ह्यान्डओभर–टेकओभर प्रक्रिया, सीमित पुस्तिका र बढी मागका कारण वितरणमा समस्या आएको विभागले स्पष्ट गरेको छ। विभागले अत्यावश्यक सेवाग्राही मात्र राहदानीका लागि आवेदन दिन अनुरोध गर्दै अनधिकृत व्यक्तिको भर नपर्न तथा ठगीबाट सावधान रहन आग्रह गरेको छ।
झापा, १७ कात्तिक । झापाको शिवसताक्षीस्थित दुधे रंगशालामा आजदेखि ‘एलभिडी झापा महिला गोल्डकप अन्तर्राष्ट्रिय आमन्त्रण नकआउट फुटबल प्रतियोगिता’को हुँदैछ । हिजै बेलुका आयोजक समितिले पत्रकार सम्मेलनको आयोजना गरी सम्पूर्ण तयारी पूरा भएको जनाएको थियो । प्रतियोगिताको प्रमुख अतिथि शिवसताक्षी नगरपालिकाका नगरप्रमुख मेगाहाङ थोप्रा (रोशन)ले उद्घाटन गर्नुहुने आयोजक समितिले जनाएको छ । आयोजक समितिका अध्यक्ष सन्तोष थोप्राले प्रतियोगितामा फरक क्षमता भएका व्यक्ति र १० वर्षभन्दा मुनिका बालबालिकाका लागि प्रवेश निःशुल्क गरिएको बताउनुभयो । प्रतियोगिता निर्धारित समयमै शुरु हुने भएकाले समयमै खेलको मजा लिन आउन उहाँले सम्पूर्ण फुटबल प्रेमीहरुलाई आग्रहसमेत गर्नुभयो । प्रतियोगितालाई महिला खेलाडीमा प्रेरणा जगाउने र ग्रासरुट स्तरमै महिला फुटबललाई…
झापा, १७ कात्तिक । ११ वर्षदेखि अमेरिकामा बस्दै आएका झापा दमक–८ निवासी धनबहादुर ठकुरी (प्रशान्त) को शव १० महिनापछि फेला परेको छ। गत फेब्रुअरीदेखि बेपत्ता रहेका ४१ वर्षीय ठकुरीको शव न्यूयोर्कको क्विन्सस्थित चिकित्सा शव परीक्षण केन्द्रमा भेटिएको नेपाली महावाणिज्य दूतावासले जनाएको छ। ठकुरीलाई न्यूयोर्कको रेल स्टेसनमा बेहोस अवस्थामा देखेपछि एक यात्रुले ९११ मा सम्पर्क गरेका थिए। अस्पताल पुर्याएपछि चिकित्सकले उनलाई मृत घोषणा गरी फेब्रुअरी ८ मा शव परीक्षणका लागि पठाइएको थियो। मृत्युको कारण अझै खुल्न सकेको छैन। पारिवारिक आर्थिक अवस्था कमजोर भएकाले अन्तिम संस्कारमा समस्या भएपछि एनआरएनए न्यूयोर्क च्याप्टर, दर्शन ठकुरी समाज अमेरिका र झापाली समाज अमेरिकाले संयुक्त रूपमा आर्थिक…
झापा, १७ कात्तिक । नेकपा एमालेको एघारौँ महाधिवेशन मंसिर २७–२९ मा काठमाडौँमा हुने तय भएको छ। अध्यक्ष केपी शर्मा ओलीलाई वरिष्ठ उपाध्यक्ष ईश्वर पोखरेलले टक्कर दिने भएका छन्। पोखरेलले अध्यक्षमा उम्मेदवारी दिने तयारी गरेका छन्। सचिवालयका बहुमत सदस्य—युवराज ज्ञवाली, अष्टलक्ष्मी शाक्य, सुरेन्द्र पाण्डे, योगेश भट्टराई र गोकर्ण विष्ट—उनको पक्षमा छन्। यद्यपि केन्द्रीय कमिटीमा भने ओलीको पक्षमा बहुमत देखिएको छ। ओलीले तेस्रो कार्यकालका लागि विधान संशोधन गर्दै उमेर हद र कार्यकाल सीमा हटाएका छन्। पूर्वराष्ट्रपति विद्यादेवी भण्डारीको सदस्यता निलम्बनमा राखिएको विषयले पनि विवाद चर्किएको छ। पोखरेल पक्षले भण्डारीसँग परामर्श गरेर उम्मेदवारी दिने निर्णय गरेको बताइएको छ। महाधिवेशनमा दुई प्यानल बन्ने सम्भावना…
झापा, १७ कात्तिक । नेपालमा हाल पश्चिमी वायुको प्रभाव कायमै रहेकाले केही पहाडी तथा हिमाली क्षेत्रमा हल्का वर्षाको सम्भावना रहेको जल तथा मौसम विज्ञान विभागले जनाएको छ । विभागकाअनुसार देशका पहाडी भू–भागमा आशिंक बदली रहनेछ । यसैगरी धेरै जसो स्थानमा मौसम मुख्यतया सफा रहनेछ । कोशी, गण्डकी प्रदेशका पहाडी भू–भागका एक–दुई स्थानमा हल्का वर्षा र हिमपातको सम्भावना छ । बङ्गालको खाडीमा विकसित ‘मोन्था चक्रवातका’ का कारण वर्षा हुँदा केही दिन जनजीवन प्रभावित भएको थियो । हिमाली क्षेत्रमा वर्षासँगै हिमपातसमेत भएको थियो । हिमपातका कारण मनाङ्को डिस्याङ गाउँपालिका–९ स्थित तिलिचो तालको आधार शिविरमा आन्तरिक तथा बाह्य गरी १३ जना पर्यटक फसेका…