jhapaonline add
बिर्तामोड, ३१ असोज । झापाको बिर्तामोडमा मुख्य कार्यालय रहेको सिम्रिक बचत तथा ऋण सहकारी संस्थाले आज झापा गाउँपालिकाका बाढी पीडित सदस्यलाई राहत वितरण गरेको छ । कामटोली बजारमा एक कार्यक्रमका बीच संस्थाले १२५ सदस्य घरपरिवारलाई राहत वितरण गरेको हो । झापाका गाउँपालिका कार्यवाहक अध्यक्ष अञ्जुदेवी थपलिया, संस्थाका अध्यक्ष सुवास भट्टराई, कार्यकारी प्रमुख कमलबहादुर बस्नेत, सचिव इन्द्रबहादुर कार्की, गाउँपालिकाका प्रमुख प्रशासकीय अधिकृत जनार्दन निरौला, कोषाध्यक्ष मेहरमान विष्ट लगायतले बाढी पीडितहरुलाई राहत वितरण गर्नुभएको थियो । संस्थाले प्रतिपरिवार २५ केजी चामल वितरण गरेको हो । बाढी पीडितलाई गाउँपालिकाले बिना भेदभाव राहत वितरण गरेको बताउनुहुँदै कार्यवाहक अध्यक्ष थपलियाले असहज परिस्थितिमा सिम्रिक सहकारीले बाढी…
झापा, ३१ असोज । तिहार नजिकिँदै जाँदा झापामा प्रतिबन्धित पटाका बरामद हुने क्रम बढ्दो छ। जिल्ला प्रहरी कार्यालय झापाका अनुसार पछिल्लो २४ घण्टामा मात्रै करिब पाँच लाख रुपैयाँ बराबरको पटाका नियन्त्रणमा लिइएको छ। प्रहरीका अनुसार अर्जुनधारा–८ शनिश्चरे बजारमा रहेको रमेश खनालको कोल्ड सेन्टरको पश्चिमपट्टिको गोदामबाट करिब तीन लाख मूल्यको पटाका बरामद गरिएको हो। कार्टुन तथा बोरामा पोका बनाई अवैध रूपमा राखिएका विभिन्न प्रकारका पटाका इलाका प्रहरी कार्यालय अनारमणिबाट गएको टोलीले बरामद गरेको थियो। त्यस्तै, बिर्तामोड–४ स्थित बस्नेत फ्रेस हाउस छेउमा बेवारिसे अवस्थामा करिब डेढ लाख मूल्य बराबरको पटाका फेला परेको थियो। यसैगरी, शिवसताक्षी–८ झिलझिलेस्थित पूर्वपश्चिम राजमार्गमा खटिएको प्रहरी टोलीले सुरुङ्गाबाट…
झापा, ३१ असोज । सर्पको डसाइबाट आज अर्जुनधारा–११ चाम्लिङडाँडाका १० वर्षीय अनिश राईको मृत्यु भएको छ । उनलाई गए राति सुतिरहेको अवस्थामा ओच्छ्यानमै सर्पले डसेको हो । राईलाई राति नै चारआलीस्थित नेपाली सेनाको सर्पदंश उपचार केन्द्रमा पु¥याए पनि त्यहाँ उपचार सम्भव नभएपछि थप उपचारका लागि बिर्तामोडस्थित बिएण्डसी अस्पताल ल्याइएको थियो । उनको उपचारका क्रममा मृत्यु भएको इलाका प्रहरी कार्यालय अनारमनीका प्रहरी सहायक निरीक्षक डोमी साहले जानकारी दिनुभयो ।
झापा, ३१ असोज । थाइल्याण्डसँगको फराकिलो हारसँगै नेपाल एएफसी महिला यु–१७ एसियन कप २०२४ को छनोट चरणबाट बाहिरिएको छ। थाइल्याण्डको चोनबुरी रंगशालामा शुक्रबार सम्पन्न समूह ‘एफ’ को निर्णायक खेलमा घरेलु टोली थाइल्याण्डले नेपाललाई १२–० गोलअन्तरले पराजित गरेको हो। यस जितसँगै थाइल्याण्डले दुई खेलमा पूर्ण ६ अंक जोड्दै समूह विजेता बन्दै आगामी वर्ष चीनमा आयोजना हुने एसियन कपमा स्थान सुरक्षित गरेको छ। थाइल्याण्डले खेलको पहिलो हाफमै ८ गोल गर्दै नेपालमाथि दबाब बनाएको थियो भने दोस्रो हाफमा थप ४ गोल गर्दै फराकिलो जित दर्ता गर्यो। यसअघि थाइल्याण्डले समूहको पहिलो खेलमा तुर्कमेनिस्तानलाई १७–० ले पराजित गरेको थियो। नेपालले भने तुर्कमेनिस्तानसँगको पहिलो खेल गोलरहित…
झापा, ३१ असोज । नेपालले अपराजित रहेर आइसिसी टी–२० विश्वकप एसिया तथा इस्ट एसिया प्यासिफिक छनोटको उपाधि जितेको छ । शुक्रबार अन्तिम खेलमा सामोआलाई १२४ रनले हराउँदै नेपालले समूह चरणदेखि सुपर सिक्सका सबै खेल जितेर च्याम्पियन बनेको हो । ओमानको अल अमिरतस्थित ओमान क्रिकेट एकेडेमीतर्फ १ मा टस हारेर ब्याटिङको निम्तो पाएको नेपालले निर्धारित २० ओभरमा चार विकेट गुमाउँदै २११ रनको योगफल तयार पार्यो । नेपालका लागि आसिफले सर्वाधिक ६९ रनको योगदान गरे । यसैगरी दीपेन्द्रले ५३, लोकेश बमले अविजित ३९, कप्तान रोहितकुमार पौडेलले अविजित २१ र कुशल भुर्तेलले १७ रन बनाए । सामोआका लागि ड्यानियल बर्गेस, सौमानी टाई, ड्यारियस…
भद्रपुर, ३१ असोज । झापाको भद्रपुर–७ स्थित सरस्वती टोलमा रहेको सेमिन बप्तिस मण्डलीले शुक्रबार रक्तदान कार्यक्रम सम्पन्न गरेको छ। मण्डलीको २५औं वर्षगाँठको पूर्वसन्ध्यामा आयोजित उक्त कार्यक्रम नेपाल रेडक्रस सोसाइटी झापाको प्राविधिक सहयोगमा चर्च परिसरमा सम्पन्न भएको हो। कार्यक्रममा स्थानीय ६ जना महिला र १० जना पुरुष गरी कुल १६ जनाले रक्तदान गरेका छन्। मण्डलीका पास्चर ओमप्रसाद पौडेल ९डेविड०ले कार्यक्रमको शुभारम्भ गर्दै मानवीय सेवामा योगदान पुर्याउने उद्देश्यले रजत महोत्सवको पूर्वसन्ध्यामा रक्तदान कार्यक्रम आयोजना गरिएको जानकारी दिनुभयो। पास्चर पौडेलका अनुसार मण्डलीले यही कात्तिक १४, १५ र १६ गते बृहत रूपमा रजत महोत्सव मनाउने तयारी गरिरहेको छ। कात्तिक १४ गते भारतबाट आमन्त्रित अतिथिहरुको…
झापा, ३१ असोज । झापाको कनकाई नगरपालिका–१ र २ मा अवस्थित जामुनवारी सामुदायिक वन उपभोक्ता समूह तथा जामुनखाडी सिमसार एवं पर्यटकीय क्षेत्रको ३०औं वार्षिक साधारण सभा शुक्रबार वनको सभाहलमा सम्पन्न भएको छ। सभामा आगामी आर्थिक वर्ष २०८२/०८३ का लागि रु. १,६४,४२,२८७.७० को अनुमानित बजेट सार्वजनिक गरिएको छ। समूहका अध्यक्ष पर्शुराम गिरीले प्रस्तुत गरेको प्रतिवेदनअनुसार, गत आर्थिक वर्ष २०८१/०८२ मा समूहले रु. १,५२,४३,२२१ आम्दानी गरेको थियो। अध्यक्ष गिरीले पछिल्लो समय जामुनखाडीमा पर्यटक आगमन घट्दै गएकाले आम्दानीमा कमी आएको उल्लेख गर्नुभयो। आम्दानी वृद्धि र वन क्षेत्रको समुचित व्यवस्थापनका लागि उहाँले चरिचरण नियन्त्रण, श्रमदान अभियान, सिमसार सौन्दर्यकरण, सरसफाइ, बदेल र चित्तल प्रजनन केन्द्र…
झापा, ३१ असोज । संयुक्त अरब इमिरेट्स (यूएई)ले सन् २०२६ को पुरुष टी–२० विश्वकपमा स्थान बनाएसँगै प्रतियोगितामा सहभागी हुने सबै २० टोलीको टुंगो लागेको छ। आगामी वर्ष भारत र श्रीलंकाको संयुक्त आयोजनामा विश्वकप सम्पन्न हुने अन्तर्राष्ट्रिय क्रिकेट परिषद् (आईसीसी)ले जनाएको छ। बिहीबार ओमानको अल अमरातमा सम्पन्न एसिया–पूर्वी एसिया प्रशान्त (ईएपी) क्वालिफायर प्रतियोगितामा यूएईले जापानलाई ८ विकेटले पराजित गर्दै अन्तिम टोलीको रूपमा विश्वकपमा स्थान सुरक्षित गरेको हो। यसअघि नेपाल र ओमानले पनि यही प्रतियोगिताबाट छनोट भएका थिए। स्वतः योग्य र वरीयता प्राप्त टोलीहरूआयोजक भारत र श्रीलंकासहित सन् २०२४ को टी–२० विश्वकपमा उत्कृष्ट प्रदर्शन गरेका सात टोली — अफगानिस्तान, अस्ट्रेलिया, बंगलादेश, इंग्ल्यान्ड,…
झापा, ३१ असोज । अन्तरराष्ट्रिय पञ्चाङ्ग निर्णयक समितिले २०८२ साल तिहार (शुभ दीपावली)का लागि विभिन्न देशहरूमा भाइटीकाको शुभ साइत सार्वजनिक गरेको छ । समितिका सभापति प्रा डा माधव भट्टराई र सदस्यसचिव आचार्य लक्ष्मण पन्थीद्वारा जारी विज्ञप्तिअनुसार काठमाडौँमा भाइटीकाको शुभ साइत कात्तिक ६ गते बिहान ११ः३९ बजे रहेको जनाइएको छ । भारत, अमेरिका, युरोप, अष्ट्रेलिया, जापान, कोरिया, मलेसिया, युएई, कतारलगायत देशमा स्थानीय समयअनुसार ११ः०० देखि १२ः०० बजेसम्म टीका लगाउने शुभ समय निर्धारण गरिएको सभापति भट्टराईले जानकारी दिनुभयो । समितिले उक्त साइतलाई सबैभन्दा उपयुक्त समय मानेर सो समयमा टीका लगाउन सिफारिस गर्दै आफ्नो स्थानअनुसार अनुकूल समयमा पनि टीका लगाउन सकिने सदस्यसचिव पन्थीले…
झापा, ३१ असोज । नेपाल राष्ट्र बैंकले आज शुक्रबारका लागि विदेशी मुद्राहरूको विनिमयदर निर्धारण गरेको छ। आज अस्ट्रेलियन डलर, युरो, अमेरिकी डलर, बहराइन दिनारसहित धेरैजसो विदेशी मुद्राको मूल्य घटेको छ । अमेरिकी डलर, युरो र बहराइन दिनारको मूल्य हिजो पनि घटेको थियो । तर, पाउन्ड कुवेती दिनारसहित केही मुद्रा भने महँगिएका नेपाल राष्ट्र बैंकले जनाएको छ। आज अमेरिकी डलर १ को खरिदर १४० रुपैयाँ २२ पैसा र बिक्रीदर १४० रुपैयाँ ८२ पैसा छ। हिजो अमेरिकी डलर १ को खरिदर १४० रुपैयाँ ६३ पैसा र बिक्रीदर १४१ रुपैयाँ २३ पैसा थियो। त्यसैगरि आज युरो १ को खरिदर १६३ रुपैयाँ ३१ पैसा…