jhapaonline add
झापा, ९ कात्तिक । श्रम, रोजगार तथा सामाजिक सुरक्षा मन्त्रालयअन्तर्गत वैदेशिक रोजगार बोर्डको सचिवालयले वैदेशिक रोजगार सन्तति छात्रवृत्तिका लागि आवेदन आह्वान गरेको छ। श्रम स्वीकृति लिएर विदेशमा गएका कामदारको मृत्यु, अङ्गभङ्ग वा गम्भीर बिरामीका कारण कल्याणकारी कोषबाट शतप्रतिशत आर्थिक सहायता प्राप्त गरेका सन्ततिहरूलाई छात्रवृत्तिका लागि आवेदन दिन सकिनेछ। आवेदन यही कात्तिक मसान्तभित्र आफू अध्ययनरत शैक्षिक संस्थाबाट कार्यविधि २०८० को अनुसूची ९१० अनुसारको ढाँचामा पेश गर्नुपर्नेछ।
झापा, ९ कात्तिक । छठ पर्वको अवसरमा सुरक्षा संवेदनशीलतालाई ध्यानमा राख्दै झापामा नेपाली सेनासहितको संयुक्त सुरक्षा फौज परिचालन गरिने भएको छ। जिल्लाका मुख्य बजारहरूमा कात्तिक ३ गतेदेखि नेपाली सेना, सशस्त्र प्रहरी र नेपाल प्रहरीको संयुक्त गस्ती सुरु गरिएको छ। छठ पूजाको दिनमा उक्त गस्तीलाई थप सक्रिय बनाइने जिल्ला सुरक्षा समितिले जनाएको छ। श्री अरिदमन गण चारआलीका अनुसार, दिनरात १२ सिफ्टमा १५० जना नेपाली सेनाको टोली गस्तीमा खटिएको छ। गस्ती टोलीले जुवातास, पटाका पड्काउनेजस्ता गतिविधि नियन्त्रणमा सहयोग गरिरहेको छ। जिल्ला प्रहरी कार्यालयका प्रवक्ता डिएसपी खगेन्द्रबहादुर खड्काले छठ पूजाको दिनमा ७ सयभन्दा बढी नेपाल प्रहरी परिचालन गरिने जानकारी दिनुभयो। भिडभाड हुने भद्रपुरको…
निशेष राईझापा, ९ कात्तिक । यो वर्षको छठ पूजाका लागि बिर्तामोडको कृषि थोक बजारबाट करिब साढे ३८ लाख रुपैयाँ बराबरको केरा बिक्री भएको छ । छठ पूजाका लागि व्रतालुहरूले तीन दिनमा बिर्तामोडको कृषि थोकबाट त्यति धेरै मूल्यको केरा खरिद गरेको कृषि बजार व्यवस्थापन समितिले जनाएको छ । छठ पर्वका लागि प्रतिदिन १५ सय घरीका दरले केरा बिक्री भएको कृषि बजार व्यवस्थापन समितिकी तथ्याङ्क सहायक माया राजवंशीले जानकारी दिनुभयो । उहाँले केराको घरी ३५० देखि ९०० रुपैयाँसम्म बिक्री भएको जानकारी दिनुभयो । झापा जिल्लाको एक मात्र केरा बजार बिर्तामोड कृषि थोकमा इलामको दानाबारी, महमाई, झापाको खुदुनाबारी, शनिश्चरेलगायतका स्थानबाट केरा बिक्रीका लागि…
सुनसरी, ९ कात्तिक । तिहारको लक्ष्मीपूजाको दिनदेखि हराएकी बालिका अझै फेला परेकी छैनन्। लक्ष्मीपूजा सकेर आफ्ना दुई भाइ–बहिनीसँग देउसी भैलो खेल्न घरबाट निस्केकी बालिका हराएको एक हप्ता बितिसक्दा पनि उनको कुनै अत्तोपत्तो लागेको छैन। सुनसरीको इनरुवा–५, बलाहा नेवार टोलकी १४ वर्षीया बालिका भावना पाण्डे लक्ष्मीपूजाको साँझदेखि बेपत्ता भएकी हुन्। अझैसम्म पनि उनको अवस्थाबारे कुनै जानकारी नभएको बालिकाकी आमा बालकुमारी पाण्डेले बताउनुभयो। आमा बालकुमारीका अनुसार आमाले नै बालिकालाई भाइबहिनीको साथी जान भनेर भैलो खेल्न पठाएको बताउनुभयो । बालिकाको खोजीमा प्रहरीले सक्रियता देखाए पनि हालसम्म फेला पार्न सकेको छैन। सुनसरी जिल्ला प्रहरी कार्यालयका प्रवक्ता योगराज खतिवडाका अनुसार प्रहरीले सबै युनिटहरू र भारतीय…
झापा, ९ कात्तिक । प्रधानमन्त्री सुशीला कार्कीले आज मन्त्रिपरिषद् विस्तार गर्दै हुनुहुन्छ। प्रधानमन्त्री निवास बालुवाटार स्रोतका अनुसार, विस्तार हुने मन्त्रिपरिषद्मा चार जना नयाँ मन्त्री थपिने भएका छन्। नयाँ मन्त्रीका रूपमा सुधा गौतम, गणपतिलाल श्रेष्ठ, खगेन्द्र सुनार र बब्लु गुप्ता नियुक्त हुने तय भएको स्रोतले जनाएको छ। उनीहरूलाई जिम्मा दिइने मन्त्रालयबारे अन्तिम छलफल बालुवाटारमा जारी रहेको छ। चर्चामा रहेका मन्त्रालयहरूमा हेरफेर हुन सक्ने सम्भावना रहेको स्रोतको भनाइ छ। मन्त्रिपरिषद् विस्तारसँगै कुल सदस्य संख्या ११ पुग्नेछ। नवनियुक्त मन्त्रीहरूको शपथग्रहण कार्यक्रम आज दिउँसो सवा दुई बजे राष्ट्रपति कार्यालय शीतल निवासमा तय गरिएको राष्ट्रपति कार्यालयले जानकारी दिएको छ।
झापा, ९ कात्तिक । अन्तर्राष्ट्रिय बजारमा सुनचाँदीको मूल्य घटेसँगै स्थानीय बजारमा पनि त्यसको प्रभाव परेको छ । आज सुनको मूल्य तोलामा रु दुई लाख ४१ हजार ९०० र त्यति नै परिमाणको चाँदीको मूल्य रु तीन हजार १५ कायम भएको नेपाल सुनचाँदी व्यवसायी महासङ्घले जनाएको छ । तिहारपछि सुनको मूल्य तोलामा रु ११ हजार ६०० र चाँदी तोलामा रु दुई सय ६५ ले घटेको हो । कात्तिक ३ गते सुन प्रतितोला रु दुई लाख ५३ हजार ५०० र त्यति नै तौलको चाँदी रु तीन हजार २८० मा कारोबार भएको थियो । अन्तर्राष्ट्रिय बजारमा आज प्रतिऔँस सुन चार हजार ११३ अमेरिकी डलर…
झापा, ९ कात्तिक । नेपाल राष्ट्र बैंकले आइतबारका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १४० रुपैयाँ २६ पैसा र बिक्रीदर १४० रुपैयाँ ८६ पैसा निर्धारण गरिएको छ । यस्तै, युरोपियन युरो एकको खरिददर १६२ रुपैयाँ ८३ पैसा र बिक्रीदर १६३ रुपैयाँ ५३ पैसा, युके पाउण्ड स्ट्रलिङ एकको खरिददर १८६ रुपैयाँ ७० पैसा र बिक्रीदर १८७ रुपैयाँ ५० पैसा, स्वीस फ्रयाङ्क एकको खरिददर १७६ रुपैयाँ ०३ पैसा र बिक्रीदर १७६ रुपैयाँ ७८ पैसा कायम गरिएको छ । अष्ट्रेलियन डलर एकको खरिददर ९१ रुपैयाँ १२ पैसा र बिक्रीदर ९१ रुपैयाँ ५१ पैसा, क्यानेडियन…
झापा, ९ कात्तिक । देशभर आगलागीका घटनामा तीव्र वृद्धि देखिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार कात्तिक ७ गते एकैदिन १४ स्थानमा आगलागीका घटना घटेका छन्। सावधानीको कमी र चेतनाको अभावले आगलागीको जोखिम बढेको प्राधिकरणले जनाएको छ। पाँचथर, सुनसरी, सप्तरी, धनुषा, महोत्तरी, रौतहट, दोलखा, ललितपुर, नवलपुरपूर्व, रोल्पा, गुल्मी, रुकुमपश्चिम, कञ्चनपुर र दार्चुलामा आगलागीका घटना भएको प्राधिकरणले जानकारी दिएको छ। अधिकांश घटना असावधानीका कारण भएको देखिएको छ। प्राधिकरणका अनुसार कात्तिक ६ गते पनि देशभर १३ स्थानमा आगलागीका घटना भएका थिए। सो दिन झापा, इलाम, सुनसरी, सङ्खुवासभा, धनुषा, महोत्तरी, सर्लाही, कैलाली, कालिकोट र पर्सामा दुई–दुई तथा पाल्पामा तीन आगलागीका…
झापा, ९ कात्तिक । चालु आर्थिक वर्ष २०८२/८३ को पहिलो त्रैमासिकमा मेची भन्सार कार्यालयबाट अलैँचीको निर्यात ३३ प्रतिशतले वृद्धि भएको छ। कार्यालयका अनुसार तीन महिनामा रु १ अर्ब ६७ करोड ९१ लाख ७५ हजार बराबरको अलैँची निर्यात भएको हो। सूचना अधिकारी ईश्वरकुमार हुमागाईँका अनुसार, सो अवधिमा १,०७२ मेट्रिक टन अलैँची निर्यात गरिएको छ। अघिल्लो वर्षको सोही अवधिमा रु १ अर्ब ७ करोड २२ लाख बराबरको अलैँची निर्यात भएको थियो। त्यसै अवधिमा चियाको निर्यात भने ४०.९० प्रतिशतले घटेको छ। चालु आवमा रु १ अर्ब १ करोड २१ लाख ८६ हजार मूल्य बराबरको चिया निर्यात भएको छ, जबकि अघिल्लो वर्ष सोही अवधिमा…
झापा, ९ कात्तिक । मधेससहित मिथिला क्षेत्रका विभिन्न जिल्लामा श्रद्धा, निष्ठा र आत्मशुद्धिको प्रतीक छठ पर्वको दोस्रो दिन आज ‘खरना’ विधि मनाइँदैछ। शनिबार कात्तिक शुक्ल चतुर्थीका दिन ‘नहाय–खाय’ विधिबाट पर्वको आरम्भ गरेका बर्तालुहरू आज पञ्चमी तिथिमा ‘खरना’को तयारीमा जुटेका छन्। बिहान सूर्योदयपूर्व पवित्र स्नान गरी दिनभरि निराहार व्रत बस्ने परम्परा अनुसार, साँझ चन्द्रदर्शनपछि सक्खर, दूध र चामलको खिर माटाको नयाँ चुल्हो र भाँडामा पकाइन्छ। उक्त खिर केराको पातमा राखी कूलदेवता र छठी देवीलाई चढाइन्छ, अनि प्रसादस्वरूप बर्तालु र परिवारजनले ग्रहण गर्छन्। मिथिलामा यस विधिलाई ‘खरना’ भनिन्छ। ‘नहाय–खाय’ र ‘अर्बा–अर्बाइन’ विधिछठ पर्वको पहिलो दिन बर्तालुहरूले आत्मशुद्धिका लागि उसिना चामल, लसुन–प्याज, कोदो,…