jhapaonline add
सुनसरी, २८ फागुन। सुनसरीको कोशी गाउँपालिका–४ मा बुधबार जिप दुर्घटनामा परेर एक जनाको मृत्यु भएको छ। मृत्यु हुनेमा सप्तरीको विष्णुपुर गाउँपालिका–२ निवासी २८ वर्षीय अमरलाल साह रहेको प्रहरीले जनाएको छ। प्रहरी नायव उपरीक्षक चन्द्रबहादुर खड्काका अनुसार दुर्घटनामा परेर गम्भीर घाइते भएका साहको उपचारका क्रममा मृत्यु भएको हो। पूर्व–पश्चिम राजमार्गअन्तर्गत इनरुवाबाट कोशी ब्यारेजतर्फ जाँदै गरेको स १ च ९२१ नम्बरको जिपले विपरीत दिशाबाट आउँदै गरेको मधेश प्रदेश ०६–००१ प ०९५२ नम्बरको मोटरसाइकललाई ठक्कर दिएको थियो। दुर्घटनामा मोटरसाइकल चालक अमरलाल साह र पछाडि सवार २६ वर्षीया पुष्पा साह गम्भीर घाइते भएका थिए। घाइतेमध्ये अमरलालको उपचारका क्रममा मृत्यु भएको प्रहरीले जनाएको छ भने…
झापा, २८ फागुन । झापाको भद्रपुरमा ४ वर्षीया नाबालिकामाथि जबरजस्ती करणी गरिएको आरोपमा १३ वर्षीय बालकलाई प्रहरीले नियन्त्रणमा लिएको छ । गत फागुन २४ गते दिउँसो करिब १२ः३० बजे सांकेतिक वतन ०४–१–११–घ बस्ने ५० वर्षीया महिलाकी ४ वर्षीया नातिनीलाई सोही ठाउँ बस्ने सानो धिमालका करिब १३ वर्षीय छोराले आफ्नै घरको पछाडितर्फ लगेर जबरजस्ती करणी गरेको आरोप लागेको हो । घटनापछि बालिकालाई फागुन २७ गते बिहान १०ः५० बजे उपचारका लागि प्रादेशिक अस्पताल भद्रपुर ल्याइएको थियो । अस्पतालमा उपचारका क्रममा बालिका सामान्य अवस्थामा बोल्न सक्ने रहेको र उनीसँग उनकी हजुरआमा रहेको प्रहरीले जनाएको छ । घटनाको सूचना पाएपछि प्रहरी चौकी महेशपुरको टोलीले…
काठमाडौँ, २८ फागुन । यो साताको कारोबारको अन्तिम दिन आज नेपाल स्टक एक्सचेञ्ज ९नेप्से० परिसूचक दोहोरो अङ्कले वृद्धि भएको छ । आज नेप्से परिसूचक २३ दशमलव ८७ अङ्कले वृद्धि भई दुई हजार ८२० दशमलव ४४ को बिन्दुमा कायम भएको हो । आज ३३५ कम्पनीको चार करोड १६ लाख ८६ हजार ४०५ कित्ता सेयर एक लाख ३० हजार १५ पटक खरिदबिक्री हुँदा रू १४ अर्ब ५५ करोड १९ लाख ४६ हजार २३० बराबरको कारोबार भएको नेप्सेले जनाएको छ । आज होटल तथा पर्यटन शून्य दशमलव ३५, निर्जीवन बीमा शून्य दशमलव ०४ र अन्य समूह शून्य दशमलव ७४ प्रतिशतले घटेको छ भने…
काठमाडौँ, २८ फागुन । स्वास्थ्य बिमा बोर्डले उपचार गराउन आएका बीमितलाई अस्पताल बाहिर औषधि खरिद नगराउन सबै अस्पताल (स्वास्थ्य संस्था)लाई निर्देशन गरेको छ । बोर्डका सूचना अधिकारी विकेश मल्लले सबै अस्पताललाई परिपत्र जारी गर्दै बीमितलाई बाहिर औषधि पसलमा औषधि तथा औषधिजन्य सामग्री खरिद नगराउन निर्देशन दिएको जानकारी दिनुभयो । बीमितसँग केही स्वास्थ्य संस्थाले प्याकेजमा गरिने उपचारमा औषधि बाहिर खरिद गराउने पाइएकोले त्यस्ता नगर्नरनगराउन सबै अस्पताललाई परिपत्र गरिएको उहाँले बताउनुभयो । “केही अस्पतालले बीमितलाई उपचार गरेसँगै बाहिर औषधि खरिद गर्न लगाएको गुनासो आएको छ,” उहाँले भन्नुभयो, “त्यसैले हामीले त्यसरी बीमितलाई बाहिर औषधि खरिद नगर्न नगराउन निर्देशन दिँदै अस्पताललाई परिपत्र गरेका हौँ…
झापा, २८ फागुन । मकवानपुरको मनहरी गाउँपालिका–१ मकरीमा लागुऔषध सेवनकर्ताले आक्रमण गर्दा एक जना प्रहरी सहायक निरीक्षक र आक्रमणकारीमध्येका एक जना घाइते भएका छन्। प्रहरीचौकी पदमपोखरीबाट खटिएका प्रहरी सहायक निरीक्षक दिलबहादुर तामाङमाथि गएराति बञ्चरो प्रहार भएको जिल्ला प्रहरी कार्यालय मकवानपुरका प्रहरी नायब उपरीक्षक पुष्कर बोगटीले जानकारी दिनुभयो। आक्रमणमा तामाङ घाइते भएका हुन्। प्रहरीले आत्मरक्षाका लागि एक राउन्ड गोली चलाउँदा हेटौँडा उपमहानगरपालिका–१२ हात्तीगौडाका १९ वर्षीय सनिस घाइते भएका छन्। दुवै घाइतेलाई हेटौँडास्थित सिएमसी चुरेहिल अस्पतालमा उपचार भइरहेको छ। यस घटनामा संलग्न हेटौँडा उपमहानगरपालिका–१२ हात्तीगौडाका २४ वर्षीय सञ्जय जिम्बा र ३५ वर्षीय अजय थिङलाई प्रहरीले पक्राउ गरेको छ।
झापा, २८ फागुन । चालु आर्थिक वर्ष २०८२–८३ को सात महिनामा विप्रेषण आप्रवाह उल्लेख्य रूपमा बढेको छ। नेपाल राष्ट्र बैंकले सार्वजनिक गरेको तथ्याङ्कअनुसार यस अवधिमा विप्रेषण ३९.८ प्रतिशतले वृद्धि भई रु १२ खर्ब ६१ अर्ब १ करोड पुगेको छ। गत वर्षको सोही अवधिमा विप्रेषण आप्रवाह ७.७ प्रतिशतले मात्र बढेको थियो । चालु वर्षको माघ महिनामात्रै रु १ खर्ब ९८ अर्ब ८ करोड बराबर विप्रेषण भित्रिएको छ, जुन अघिल्लो वर्षको सोही महिनामा रु १ खर्ब ३७ अर्ब ५० करोड थियो । माघ मसान्तसम्म अमेरिकी डलरमा विप्रेषण आप्रवाह ३३ प्रतिशतले बढेर ८ अर्ब ८६ करोड पुगेको छ। यस अवधिमा खुद द्वितीय आय…
झापा, २८ फागुन । ग्रीस पठाइदिन्छु भन्दै २५ लाख रुपैयाँ ठगी गरेको आरोपमा प्रहरीले एक युवकलाई पक्राउ गरेको छ । आकर्षक तलबको प्रलोभनमा पारी रकम ठगी गरेको आरोपमा मोरङको पथरी शनिश्चरे नगरपालिका–३ का २२ वर्षीय सम्योग राईलाई प्रहरीले ललितपुरबाट पक्राउ गरेको हो । उनले ग्रीस पठाइदिन्छु भन्दै तीन जना पीडितबाट २५ लाख असुलेको आरोप छ । रकम लिएपछि उनी सम्पर्कविहीन भएको उजुरीका आधारमा काठमाडौँ उपत्यका अपराध अनुसन्धान कार्यालयबाट परिचालन भएको प्रहरीले राईलाई ललितपुर महानगरपालिका–१३ बाट पक्राउ गरेको हो । राईमाथि थप अनुसन्धान जारी रहेको प्रहरीले जनाएको छ ।
झापा, २८ फागुन । कोशी प्रदेशमा यही फागुन २१ गते सम्पन्न प्रतिनिधिसभा सदस्य निर्वाचनमा एक लाख ३० हजार ८४७ मत बदर भएको छ । प्रदेश निर्वाचन कार्यालय विराटनगरले दिएको जानकारीअनुसार उक्त निर्वाचनमा प्रदेशका १४ जिल्लाको २८ निर्वाचन क्षेत्रमा २० लाख ८४ हजार २१९ मत खसेको मध्ये १९ लाख ५३ हजार ३७२ मत सदर भएको थियो । निर्वाचनमा ताप्लेजुङमा दुई हजार ६८६, पाँचथरमा तीन हजार ८९७, इलाम–१ मा चार हजार ५६६, इलाम–२ तीन हजार ८९५, झापा–१ चार हजार २६९, झापा–२ चार हजार ४६९, झापा–३ पाँच हजार ६२९, झापा–४ चार हजार ७६८ र झापा– ५ चार हजार २१९ मत बदर भएको छ…
झापा, २८ फागुन । जल तथा मौसम पूर्वानुमान महाशाखाका अनुसार आज कोशी, मधेश, बागमती, गण्डकी र लुम्बिनी प्रदेशका साथै कर्णाली र सुदूरपश्चिम प्रदेशको पहाडी भागमा साधारणतया बादल लाग्ने छ भने बाँकी भागमा आंशिक बादल रहने अनुमान गरिएको छ । कोशी , बागमती र गण्डकी प्रदेशका पहाडी र हिमाली भागका केही स्थानहरू, लुम्बिनी, कर्णाली र सुदूरपश्चिम प्रदेशका पहाडी र हिमाली भाग तथा मधेश प्रदेशका केही स्थानमा मेघगर्जन र चट्याङसहित हल्का वर्षा वा हिमपातको सम्भावना छ । त्यसैगरी, आज राति कोशी प्रदेशलगायत देशका पहाडी भागमा साधारणतया बादल रहनेछ भने बाँकी भागमा आंशिक बादल रहनेछ । कोशी प्रदेशका केही स्थान, बागमती र गण्डकी…
झापा, २७ फागुन । कृषि तथा पशुपक्षी विकास मन्त्रालयले चालु आवमा करिब २५ हजार मेट्रिकटन मल आयात गर्ने भएको छ । चालु आवमा चार लाख ६६ हजार मेट्रिकटन मल साल्टट्रेडिङ कर्पोरेशन र कृषि सामग्री कम्पनीमार्फत आयात गरेको मन्त्रालयले मलको अभावलाई कम गर्ने उद्देश्यले २५ हजार मेट्रिकटन मल आयातका लागि पुनः बोलपत्र आह्वान गरेको हो । गत वर्षको तुलनामा अन्तर्राष्ट्रिय बजारमा मलको मूल्यमा भएको वृद्धिले यस वर्ष ५९ हजार मेट्रिकटन मल आयातमा कमी हुने मन्त्रालयका सूचना अधिकारी महानन्द जोशीले जानकारी दिनुभयो । सरकारले मलका लागि अनुदान स्वरूप विनियोजन गरेको रु २८ अर्ब ८२ करोडको बजेटबाट चालु आवमा चार लाख ९१ हजार…