jhapaonline add
झापा, २५ वैशाख । विभिन्न स्थानमा ६ जना मृतावस्थामा फेला परेका छन् । नेपाल प्रहरीको केन्द्रीय समाचार कक्षका अनुसार इलाम नगरपालिका–९ गोलाखर्क बस्ने ५४ वर्षीया माया बराईली आफ्नै घरमा मृत अवस्थामा फेला परेकी छिन् । यसैगरी कास्की, पोखरा महानगरपालिका–१४ स्थित छाप्रोभित्र अन्दाजी ३२ वर्षीय पुरूष मृत अवस्थामा फेला परेका छन् भने सिराहाको कल्याणपुर नगरपालिका–३ स्थित सडक छेउमा सोही नगरपालिका–२ चतरीटोल बस्ने ४५ वर्षीय राम उदगार मुखिया पनि मृत अवस्थामा फेला परेका छन् । यसैगरी रौतहटको माधवनारायण नगरपालिका–१ स्थित सडक पेटीमा राजपुर नगरपालिका–४ फतुवा बस्ने ४० वर्षीय रामराज महतो, कपिलवस्तुको महाराजगंज नगरपालिका–१० हर्दौनास्थित खेतमा सोही ठाउँ बस्ने ५५ वर्षीय बचन लोनिया…
झापा, २५ वैशाख । झापा, मोरङ, सुनसरी, भोजपुर र धनकुटाको विभिन्न स्थानबाट प्रतिवन्धित औषधी र ब्राउन सुगरसहित १२ जनालाई प्रहरीले पक्राउ गरेको छ । वैशाख २४ गते सुनसरीको धरान उप–महानगरपालिका–१३ स्थितमा लागू औषध कारोबार भईरहेको भन्ने गोप्य सुचनाको आधारमा अस्थायी प्रहरी चौकी अमरहाटबाट खटीएको प्रहरी टोलीले ३० वर्षीय मिलन लिम्बुलाई प्रतिवन्धित औषधी Tramadol-३ हजार ९० क्याप्सुल, Dicyclomine-३ हजार ७० ट्याब्लेट रDIAZEPAM-३० एम्पुल सहित पक्राउ गरेको छ । त्यसैगरी मोरङ बिराटनगर–१५ स्थितबाट लागू औषध नियन्त्रण व्यूरो विराटनगरको प्रहरी टोलिले चेकजाँचको क्रममा मोरङ कानेपोखरी–४ का १९ वर्षीय हेमराज बिश्वकर्मा, १८ वर्षीय सुदिप बिश्वकर्मा र सुनसरी इटहरी –४ का १९ वर्षीय एलेक्स सुबेदीलाई…
झापा, २५ बैशाख । लागुऔषध मुद्दामा कारगारमा रहेकालाई छुुटाई दिन सहजीकरण गर्ने भन्दै रकम असुल्न खोज्ने एक जनालाई अख्तियार दुरुपयोग अनुसन्धान आयोगले नियन्त्रणमा लिएको छ । नवलपरासी जिल्ला अदालत परासीमा कार्यरत कम्युटर अपरेटर राम लखन बनियालाई अख्तियारले नियन्त्रणमा लिएको हो । उनीमाथि लागुऔषध मुद्दामा कारगारमा रहेका सेवाग्राहीसँग छुुटाई दिन सहजीकरण गर्ने भन्दै घुस लिएको आरोप छ । बुधबार अख्तियारको टोलीले नवलपरासीको पाल्हीनन्दन गाउँपालिका–३ बेलासपुरबाट घुस लिइसकेको अवस्थामा नियन्त्रणमा लिइएको अख्तियार दुरुपयोग अनुसन्धान आयोगका प्रवक्ता राजेन्द्र कुमार पौडेलले बताउनुभयो ।
झापा, २५ बैशाख । आज विश्व स्मृति एवम् मेलमिलाप दिवस हो । संयुक्त राष्ट्रसङ्घको आह्वानमा दोस्रो विश्वयुद्धमा ज्यान गुमाएकाहरूको सम्झना एवं मेलमिलाप दिवसका रुपमा सन् २००४ देखि यो दिवस मनाउन प्रारम्भ भएको हो । राष्ट्रसङ्घीय महासभाले मे ८ र ९ तारिखमा यो दिवस मनाउन विश्वका सबै देशहरुलाई आह्वान गरेअनुरुप विभिन्न राष्ट्रसङ्घीय निकाय, गैरसरकारी संस्था तथा व्यक्तिले समाज र देशका निम्ति योगदान आफ्ना अग्रज एवं दोस्रो विश्वयुद्धका सबै पीडितहरूको स्मरण तथा उनीहरुप्रति श्रद्धाञ्जली अर्पण गरेर स्मृति दिवस मनाउँदै आएका छन् । न्युयोर्कस्थित राष्ट्रसङ्घीय मुख्यालयमा आज विशेष स्मृतिसभा हुँदैछ ।
झापा, २५ बैशाख । दुःख र पापबाट मुक्तिका लागि प्रत्येक वर्ष वैशाख शुक्ल एकादशीमा व्रत गरिन्छ । मोहिनी एकादशीका नामले चिनिने यस दिन व्रत गर्नाले मानिस दुःख र पापको मोहजालबाट मुक्त हुने प्रसङ्ग विभिन्न पुराणमा उल्लेख गरिएको छ । यो एकादशीको माहात्म्य भगवान् श्रीकृष्णले युधिष्ठिरलाई बताउनुभएको ती ग्रन्थमा उल्लेख गरिएको धर्मशास्त्रविद् एवं नेपाल पञ्चाङ्ग निर्णायक समितिका सदस्य प्रा डा देवमणि भट्टराईले जानकारी दिनुभयो । वैशाख शुक्ल एकादशीका दिनमा पर्ने मोहिनी एकादशी व्रतका विषयमा त्रेतायुगमा रामचन्द्रले पनि गुरु वशिष्ठसँग प्रश्न गर्नुभएको बताइन्छ । सीता वियोगका बेला दुःख र कष्ट नाशका लागि भगवान् रामचन्द्र गुरु वशिष्ठसँग जिज्ञासा राखेपछि यसको महत्वबारे उहाँले प्रस्ट…
झापा, २५ बैशाख । हाल देशमा पश्चिमी तथा स्थानीय वायुको प्रभाव रहेको छ । साथै, बंगालको खाडी र अरब सागरबाट भित्रिरहेको जलवाष्पयुक्त हावाको आंशिक प्रभावसमेत नेपालको मौसमी प्रणालीमा कायमै रहेको मौसम पूर्वानुमान महाशाखाले जनाएको छ। महाशाखाका अनुसार आज दिउँसो देशका पहाडी भागको मौसम आंशिकदेखि साधारणतया बदली रहने अनुमान महाशाखाले गरेको छ । मुलुकका पहाडी तथा हिमाली भूभागका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावनासमेत छ । हिमाली भागका केही स्थानमा हल्का हिमपातको पनि सम्भावना रहेको महाशाखाले जनाएको छ । देशका बाँकी भूभागमा मौसम भने सफा रहनेछ । आज राति पनि देशका पहाडी भूभागको मौस आंशिक बदली रहने छ।…
नकुल काजीमौजूदा संविधानमा हाम्रो लोकतन्त्रलाई जस्तोसुकै बुट्टे शब्दावलीले चिटिक्क सिँगारेर लोक–अपेक्षाको अनुकूल शासकीय शैली अख्तियार गरिने स्वरूप र प्रतिबद्धता अंकित भए पनि गणतन्त्रोत्तर, शासक–मण्डलमा पुगेकाहरू र सो हैसियतमा उभिने उपाय (?)–को नकारात्मक गतिविधिमा अहोरात्र कस्सिइरहेकाहरू बाहेक, देशको कुनै पनि कित्ताका जनताले त्यो अनुरुप सुखद अनुभूति पाइरहेका बुझिँदैन । समग्रतामा नागरिकले जे ‘हुनुपर्छ’ वा ‘हुनु हुँदैन’ भन्छन्, शासकमा रूपान्तरिक भएपछि जुनसुकै दलका नेताले त्यही–त्यही चाहिँ लादिरहेका छन् ! प्रथमतः देशले ओैपचारिक रूपमा गणतान्त्रिक प्रणाली स्वीकारे यताको अवधिमा मात्र होइन, २०४७ सालको परिवर्तनपछिको कालदेखि नै दलहरूले स्वयम् आफैभित्रको प्रजातन्त्र वा लोकतन्त्रको तेजोबध गर्दै प्रमुख नेताको अधिनायकत्व लाद्ने दुष्कर्म गर्दै आएका छन् ।…
झापा, २५ बैशाख । झापाको अर्जुनधाराबाट लागुऔषध ब्राउनसुरगरसहित एक युवालाई प्रहरीले पक्राउ गरेको छ । बुधबार राति १०ः३० बजेको समयमा अर्जुनधारा–८ का ३२ वर्षीय अर्जुन राजवंशीलाई ब्राउनसुगरसहित पक्राउ गरेको हो । सो स्थानमा लागुऔषध बिक्री वितरण भइरहेको छ भन्ने गोप्य सूचनाको आधारमा प्रहरी चौकी शनिश्वरेबाट खटिएको प्रहरी टोलीले खानतलासी लिँदा राजवंशीले राजवंशीले घर बाहिर दाउरा राख्ने कटरामा लुकाएर राखेको ब्राउनसुगर प्लास्टिक बाहेक ३ ग्राम ९० मिलिग्राम र ९ वटा एम्पुल र नगद २७ हजार ६७० रुपैयाँ बरामद गरेको थियो । लागुऔषधसहित उनलाई नियन्त्रणमा लिएर इलाका प्रहरी कार्यालय अनारमनीमा राखी थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
राजेश ढुंगाना२००७ सालको जनक्रान्ति पश्चात् हालसम्म नै मुलुकको प्रथम राजनीतिक शक्ति रहेको नेपाली कांग्रेसले यतिबेला आफ्नै नेतृत्वको असक्षमता र नियतका कारणले सान्दर्भिकता नै समेत गुमाउँदै जाने खतरामा पुगेको छ । यति बेला एक कांग्रेस आफ्नै आदर्श र विचारबाट च्यूत मात्र भएको छैन, संगठनात्मक रुपले समेत ध्वस्त भएको देखिन्छ । नेतृत्वमा राष्ट्र कसरी बनाउने भन्ने भिजन त देखिएन, देखिएन । मात्र पार्टी नै समेत कसरी चलाउनु पर्छ भन्ने न्यूनतम सोचको पनि अभाव रह्यो । भातृ संगठनहरूका अधिवेशन हुन सकेको छैन अथवा आफ्नो प्रतिकूल हुने आशंकामा नेतृत्वले नियतवश नै गराएको छैन । यसरी सैद्धान्तिक, वैचारिक र संगठनात्मक तीन वटै हिसाबले कांग्रेस छिन्नभिन्न…
काँकरभिट्टा, २४ बैशाख । सशस्त्र प्रहरी बल नेपाल प्रस्तावित सीमा सुरक्षा गुल्म काँकरभिट्टाबाट खटिएको गस्ती टोलीले मेचीनगर–७ स्थित जोरसिमलमा चेकजाँचका क्रममा ठूलो परिमाणको अवैध भारतीय रुपैयाँसहित एक व्यक्तिलाई पक्राउ गरेको छ। आज काँकडभिट्टाबाट विराटनगरतर्फ जाँदै गरेको यात्रुवाहक बसमा शंका लागि चेकजाँच गर्ने क्रममा जिल्ला मोरङ्ग उर्लाबारी नपा ८ बस्ने बर्ष ३८ को डम्बर बहादुर कार्कीको साथ बाट रु ५०० दरका २,९९९ थान र २०० दरको १ थान गरी जम्मा १४ लाख ९९ हजार ७ सय भारतीय रुपैयाँ (विनीमय दर अनुसार नेपाली रू २३ लाख ९९ हजार ५२० बराबर) बरामद गरेको हो । बरामद नगदसहित उनलाई आवश्यक कानूनी कारबाहीका लागि आन्तरिक…