jhapaonline add
शिवसताक्षी, ९ बैशाख । झापा शिवसताक्षी नगरपालिका वडा नं. ९ मा जेष्ठ नागरिकको स्वास्थ्य प्रवर्द्धन गर्ने उद्देश्यले आयुर्वेदिक औषधि वितरण तथा स्वास्थ्य परीक्षण कार्यक्रम सम्पन्न भएको छ। कार्यक्रमको उद्घाटनका क्रममा बोल्दै शिवसताक्षी नगरपालिकाका नगरप्रमुख मेगाहाङ्ग थोप्राले आयुर्वेद चिकित्सा पद्धति पुरानो भएकाले विशेष बृद्धा बृद्धाहरुलाई जडिबुटी जन्य औषधिहरुको सेवनले राम्रो गरेको पाइएको बताउनु भयो । ज्येष्ठ नागरिकहरुलाई इम्युनिटी पावर बढाउने, रोग प्रतिरोधात्मक औषधिहरु सेवन गर्न सुझाव दिदै उहाँले स्वास्थ्य सुरक्षालाई प्राथमिकतामा राख्दै आगामी दिनमा समेत यस्ता कार्यक्रमलाई निरन्तरता दिने प्रतिबद्धता व्यक्त गर्नुभयो । कार्यक्रममा १०० जना जेष्ठ नागरिकलाई रोगप्रतिरोधात्मक जडिबुटीजन्य आयुर्वेदिक औषधि वितरण गरिएको थियो । औषधि वितरणसँगै कार्यक्रममा सहभागी जेष्ठ…
इलाम, ९ बैशाख । इलाम बजारका १३ वर्षीय एक बालकको व्यवहारमा परिवर्तन आएपछि अभिभावकले चासो राखे । निगरानी बढाएपछि थाहा भयो, बालकले लागुऔषध प्रयोग गर्न थालेछन् । “विद्यालय बन्द हुँदा साथीहरू भेला भएर फुटबल खेल्न गएँ भन्नेमा भर परियो । तर, नानी त कुलतमा फसिसकेको रहेछ”, बालककी हजुरआमाले भनिन्, “विद्यालय जाँदा यस्तो थिएन, अहिले छुट्टी छ, साथीसङ्गतले बिगार्ने रहेछ ।” वैशाख लागेसँगै नयाँ शैक्षिकसत्र सुरु भयो । यतिबेला सामुदायिक विद्यालयमा विद्यार्थी भर्ना धमाधम हुनुपर्ने हो, तर हुन सकेको छैन । विद्यालय बन्द छ, विद्यार्थी घरघरमा छन् । सरकारले माग पूरा गर्छरगर्दैन भनेर शिक्षकलाई चिन्ता छ । तर, अभिभावकलाई बालबच्चा बिग्रिएकामा…
जनकपुरधाम, ९ बैशाख । धनुषाको सहिदनगर नगरपालिका–५ यदुकुहामा विष सेवनबाट एकै परिवारका तीन बालबालिकाको मृत्यु भएको छ । सोही घटनामा आमा सिकिस्त हुनुहुन्छ । गए राति एकै परिवारका आमासहित चार जनाले विष सेवन गर्दा तीन बालबालिकाको मृत्यु भएको जिल्ला प्रहरी कार्यालयका प्रमुख एवं प्रहरी उपरीक्षक भुवनेश्वर तिवारीले जानकारी दिनुभयो । विष सेवनबाट स्थानीय सुशील साहका छ वर्षीय छोरा आदित्य, चार वर्षीया छोरी आकृति तथा दुई वर्षीया छोरी आरुती साह मृत्यु भएको हो । तीनै जनाको घटनास्थलमै मृत्यु भएको र आमा पवित्रा साहको जनकपुरधामस्थित प्रादेशिक अस्पतालमा भेन्टिलेटरमा राखेर उपचार भइरहेको छ । घटनाको थप अनुसन्धान भइरहेको प्रहरीले जनाएको छ ।
कनकाई, ९ बैशाख । झापाको कनकाई नगरपालिकामा राष्ट्रिय स्वतन्त्र पार्टी (रास्वपा) ले १३ बुँदे ज्ञापन पत्र बुझाएको छ । पार्टीले रास्वपाले आज कनकाई नगरपालिकाका नगर प्रमुख राजेन्द्रकुमार पोखरेललाई नगरमा विद्यमान जनसरोकारका विषयलाई समेटेर १३ बुँदे ज्ञापनपत्र बुझाएको हो । रास्वपा कनकाईका नगर सभापति मोहन थापाको नेतृत्वमा रास्वपाका झापा सचिव सम्भू सुस्केरा, उपसभापति दिनानाथ खतिवडा, नगर सचिव प्रेमप्रसाद भण्डारी, कनकाई २ का सभापति पुष्पराज गिरी, सचिव चन्द्रा बुढाथोकीको टोलीले नगरप्रमुख पोखरेललाई ज्ञापनपत्र बुझाएका हुन् । “कनकाई नगरपालिकाले सम्पादन गरिहेका दैनिक जनसरोकारका सेवाहरु तथा राज्य स्रोतको सम्पत्ती र जनताबाट संकलित करको न्यायोचित बाडफाँड गरी आवश्यकता र प्राथमिकताको आधारमा लक्षित वर्गलाई न्याय पुग्ने…
झापा, ९ बैशाख । झापाको बिर्तामोड नगरपालिका–५ स्थित क्षितिज महिला विकास समाज सुधार केन्द्रमा एक जना महिलाको मृत्यु भएको छ । बिर्तामोड–५ किरातचौक उक्त सुधार केन्द्रमा इलाम नगरपालिका–४ बरबोटेकी ५० वर्षीया जीवनकला काफ्लेको मृत्यु भएको हो । विगत ३ महिनादेखि सुधारका लागि बस्दै आएकी उनी सोमबार राति १०ः१५ बजेको ट्वाइलेट जाने क्रममा लडी बेहोस भई सुधार केन्द्रको संस्थापक तिलरुपा कटुवालले उपचारको लागि मनमोहन अस्पताल लगेको र थप उपचारको लागि बिर्तामोडस्थित बीएण्डसी अस्पताल पुर्याउन साथ डाक्टरले चेकजाँच गर्दा मृत घोषणा गरेको थियो । कानूनी प्रक्रिया पूरा गरी शव पोष्टमार्टमका लागि प्रादेशिक अस्पताल भद्रपुरमा पठाइएको छ । घटनाबारे थप अनुसन्धान भइरहेको जिल्ला…
बिर्तामोड, ९ बैशाख । स्वतन्त्र पार्टी बिर्तामोड नगर समितिको अधिवेशनबाट दिपक दाहालको नेतृत्व चयन गरेको छ । बिर्तामोड–२ स्थित बालुवाटार रिसोर्टको सभाहलमा सम्पन्न भेलाले नगर उपसभापतिमा अनुप निरौला, सचिवमा सृजन अधिकारी, सहसचिव मनोज राजवंशीलाई चयन गरिएको हो । त्यस्तै सदस्यहरुमा सावित्रा खनाल, जितेश अग्रवाल, ललिता लिम्बू, विष्णु थापा, चन्द्रादेवी भट्टराई, कल्पना बयलकोटी, रोहित न्यौपाने, अम्बिका राय र रामबहादुर बस्नेत रहेका छन् । कार्यक्रममा माननीय संसद निशा डाँगी, टिका संग्रौला ज्वाला, सरिन याक्खा तामाङ, जिल्ला सभापति प्रकाश पाठक, निवर्तमान प्रदेश प्रमुख ओम भण्डारी लगाएतको उपस्थिती रहेको थियो ।
झापा, ९ बैशाख । अन्तर्राष्ट्रिय बजारमा लगातार सुनको मूल्य बढेको छ । त्यसको असर स्थानीय बजारमा पनि परेको छ । आज एक तोला पहेँलो धातुको मूल्य रू एक लाख ९७ हजार ९०० कायम भएको नेपाल सुनचाँदी व्यवसायी महासङ्घले जनाएको छ । यो हालसम्मकै उच्च मूल्य हो । स्थानीय बजारमा सोमबारको तुलनामा आज एक तोलामा रू छ हजार ९००ले सुनको भाउ बढेको हो । चाँदीको मूल्य पनि तोलामा रु १० ले बढेको छ । आज चाँदीको मूल्य प्रतितोला एक हजार ९७० कायम भएको छ । अन्तर्राष्ट्रिय बजारमा आज प्रतिऔंस सुन तीन हजार ४७९ अमेरिकी डलरमा कारोबार भइरहेको छ ।
झापा, ९ बैशाख । मोरङ र सुनसरीबाट लागुऔषधसहित २ जनालाई प्रहरीले पक्राउ गरेको छ । मोरङको प्रहरी चौकी सिक्टिबाट खटिएको प्रहरी टोलीले मोरङको सुनबर्षी नगरपालिका–९ स्थितबाट वेवारिसे अवस्थामा कपडाको झोला भित्र राखेको अवैध लागूऔषध ट्रामाडोल ५ हजार क्याप्सुल फेला पारी बरामद गरेको हो । त्यसैगरी सुनसरीको धरान–६ बाट सोही स्थानका २६ वर्षीय राकेश परियार र २८ वर्षीय धर्मचन्द्र गिरीलाई २ ग्राम ३ सय १० मिलिग्राम ब्राउन सुगरसहित सुनसरीको प्रहरी चौकी पानबारीले नियन्त्रणमा लिएको हो । पक्राउ परेका उनीहरुको थप अनुसन्धान भइरहेको छ ।
रुपन्देही, ९ बैशाख । रुपन्देहीको दानव नदीमा बेपत्ता भएका थप दुई बालकको शव फेला परेको छ। लुम्बिनी सांस्कृतिक नगरपालिका–२ अर्दौलीस्थित दानव नदीमा पौडी खेल्ने क्रममा बेपत्ता भएका १३ वर्षीय उमेश यादव र १२ वर्षीय मुनु हरिजनको शव मंगलबार बिहान फेला परेको हो। उनीहरू दुवै सोही स्थानका स्थानीय बासिन्दा हुन्। सोमबार दिउँसो नदीमा पौडी खेल्ने क्रममा तीन बालक बेपत्ता भएका थिए। तीमध्ये १४ वर्षीय राज यादवको शव सोमबार साँझ नै फेला परेको थियो। बेपत्ता बालकहरूको खोजीका लागि सशस्त्र प्रहरी बल नेपाल नं. ४२ रिजर्भ गण बाँकेबाट गोताखोर टोली सोमबार राति नै परिचालन गरिएको थियो। टोलीले मंगलबार बिहान बाँकी दुई बालकको शव…
झापा, ९ बैशाख । कञ्चनपुरको बेलौरी नगरपालिका–११ स्थित शिवनगरमा जलेको अवस्थामा एक जनाको शव भेटिएको छ। आज बिहान जलेको अवस्थामा पुरुषको शव भेटिएको हो। सडक छेउमा शव नजिकै जलेको अवस्थामा मोटरसाइकल पनि भेटिएको छ। मोटरसाइकल भन्दा केही पर घोप्टो परेको अवस्थामा शव पूरै जलेर क्षतविक्षत अवस्थामा फेला परेको छ भने शवको पहिचान खुल्न नसकेको जिल्ला प्रहरी कार्यालय कञ्चनपुरले जनाएको छ । स्थानीयले घटना शंकास्पद भएकाले सुक्ष्म अनुसन्धानको माग गरेका छन् । घटनास्थल नजिकै मोबाइल र वालेट (पर्स) भेटिएको छ । स्थानीयले उक्त शव बेलडाँडी गाउँपालिका निवासी हरिकृष्ण रानाको रहेको दाबी गरेका छन् । तर, प्रहरीले मृतकको पहिचान यकिन नभएको जनाएको…