jhapaonline add
झापा, २२ बैशाख । रियल मड्रिडले स्पेनिस ला लिगामा सेल्टा भिगोलाई पराजित गरेको छ। केलियन एमबाप्पेको दुई गोलले आइतबार राति भएको खेलमा रियलले सेल्टा भिगोलाई ३–२ गोल अन्तरले हराएको हो। रियलको जितमा अर्डा गुलरले एक गोल गरेका थिए । जितसँगै रियलले शीर्ष स्थानको बार्सिलोनासँगको अंक दुरी कम गरेको छ । ला लिगाको ३४ खेलबाट रियलले ७५ अंकमा अंक तालिकाको दोस्रो स्थानमा छ। समान खेलबाट ७९ अंक भएको बार्सिलोना शीर्ष स्थानमा छ। गएराति नै भएको खेलमा सेभिल्ला र लेगेनासले २–२ को बराबरी गर्दै अंक बाँडे। रियल बेटीसले स्प्यानोललाई २–१ ले हराउँदा रियल सोसिडाड र एथलेटिको क्लबले गोलरहित बराबरी गर्दै अंक बाँडे।
झापा, २२ बैशाख । सुरक्षण मुद्रण केन्द्रका तत्कालीन कार्यकारी निर्देशक विकल पौडेल प्रिन्टिङ मेसिन खरिद प्रकरणमा भ्रष्टाचारी ठहर भएका छन् । विशेष अदालतले पौडेलसहित तीन जनालाई दोषी ठहर गरेको हो । विशेष अदालतका अध्यक्ष टेकनारायण कुँवर, सदस्यहरू तेजनारायण सिंह राई र रामबहादुर थापाको आइतबारको इजलासले पौडेललाई आइतबार दोषी ठहर गर्दै सजाय निर्धारण गरेको हो । म्याक्स इन्टरनेसनल प्रालि र सो कम्पनीका सीईओ अकबर हुसेन पनि भ्रष्टाचार मुद्दामा दोषी ठहर भएका छन् । विशेषले अख्तियारको दाबीबमोजिम प्रतिवादीहरूले ४० करोड ७५ लाख ५७ हजार ७ सय ४० रुपैयाँ भ्रष्टाचार भएको ठहर गरेको हो । यो रकम दामासाहीले तीन प्रतिवादीबाट असुल्ने फैसलामा उल्लेख…
झापा, २२ बैशाख । हाल देशमा पश्चिमी वायु तथा स्थानीय वायुको प्रभाव रहेको छ। यसका साथै बङ्गालको खाडीबाट भित्रिरहेको जलवाष्पयुक्त हावाको समेत आंशिक प्रभाव रहेको छ। मौसम पूर्वानुमान महाशाखाका अनुसार हाल कोशी प्रदेश, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशमा साधारणतया बदली रही बाँकी प्रदेशमा आंशिक बदली रहेको छ । लुम्बिनी प्रदेशका केही स्थानहरूमा, सुदूरपश्चिम प्रदेशका थोरै स्थानहरूमा तथा कोशी प्रदेश, बागमती प्रदेश, गण्डकी प्रदेश र कर्णाली प्रदेशका एक–दुई स्थानहरूमा मेघगर्जन र चट्याङसहित हल्कादेखि मध्यम वर्षा भइरहेको छ। सोमबार सुदूरपश्चिम प्रदेश, लुम्बिनी प्रदेश, गण्डकी प्रदेश, बागमती प्रदेश र कोशी प्रदेशका केही स्थानहरूमा तथा बाँकी प्रदेशका थोरै स्थानहरूमा मेघगर्जन…
झापा, २१ बैशाख । देशका विभिन्न स्थानमा वर्षा र हिमपात हुने क्रम जारी छ। आज आइतबार राति पनि सातै प्रदेशमा पानी र हिउँ पर्ने क्रम जारी रहने प्रक्षेपण मौसम पूर्वानुमान महाशाखाले गरेको छ। महाशाखाका अनुसार आज राति केही प्रदेशमा भारी वर्षा र हुरीको समेत सम्भावना छ। कोसी प्रदेशः हिमाली क्षेत्रका थोरै स्थानमा हल्का हिमपातको सम्भावना छ। पहाडी क्षेत्रका केही स्थानमा मेघगर्जन, चट्याङसहित हल्कादेखि मध्यम वर्षाको सम्भावना छ। तराई क्षेत्रका केही स्थानमा मेघगर्जन, चट्याङसहित हल्कादेखि मध्यम वर्षाको सम्भावना छ। मधेस प्रदेशः तराई क्षेत्रका थोरै स्थानमा मेघगर्जन, चट्याङसहित हल्कादेखि मध्यम वर्षाको सम्भावना छ। बागमती प्रदेशः हिमाली क्षेत्रका थोरै स्थानमा हल्का हिमपातको सम्भावना…
झापा, २१ बैशाख । काठमाडौँबाट ९५ लाख रुपैयाँसहित चार जना पक्राउ परेका छन्। आइतबार अपरान्ह काठमाडौँको पिङ्गलास्थानस्थित पशुपति भिजन अगाडी सडकबाट दुईवटा मोटरसाइकलमा रहेका उनीहरूलाई पक्राउ गरेको काठमाडौँ प्रहरी परिसरका प्रवक्ता एसपी अपीलराज बोहराले बताए। पक्राउ पर्नेमा काठमाडौँको तार्केश्वर नगरपालिका ३ फेदीका २९ वर्षीय समुन्द्र जमकट्टेल, सप्तरीको सप्तकोशी गाउँपालिका १ का ४३ वर्षीय गणेश राई, लमजुङको दोदी गाउँपालिका ३ का ३१ वर्षीय सन्तोष गुरुङ र सोही ठाउँका ३९ वर्षीय सन्तोष घिमिरे रहेका छन्। उनीहरूको साथमा रहेको झोखा खानतलासी गर्दा ९५ लाख १७ हजार ५ सय रुपैयाँ फेला परेको र उक्त रकमको स्रोत उनीहरूले खुलाउन नसकेको प्रहरीको दाबी छ। थप अनुसन्धान…
रौतहट, २१ बैशाख । पूर्वपश्चिम राजमार्ग अन्तरगत रौतहटको चन्द्रनिगाहपुर नगरपालिका–४ मा आज कारले मोटरसाइकललाई ठक्कर दिँदा बाबुछोरीको मृत्यु भएको छ। आज बिहान कारले मोटरसाइकललाई ठक्कर दिँदा मोटरसाइकलमा सवार रौतहटकै गरुडा नगरपालिका–३ मलाही टोलका ६० वर्षीय बलिराम सहनी र उनकी ४० वर्षीया छोरी उर्मिला देवी सहनीको मृत्यु भएको हो । तीव्र गतिको कारण दुर्घटना भएको जिल्ला प्रहरी कार्यालय रौतहटका डीएसपी नेत्रमणी गिरीले जानकारी दिनुभयो । चन्द्रनिगाहपुरबाट निजगढ तर्फ जाँदै गरेको ना ३ प ९५१२ नम्बरको मोटरसाइकललाई हेटौँडाबाट चन्द्रनिगाहपुर तर्फ जाँदै गरेको बा ६ च ३५२६ नम्बरको कारले ठक्कर दिँदा दुर्घटना भएको हो । कार चालक हेटौँडा–१२ घर भएका ४३ वर्षीय कुमार…
झापा, २१ बैशाख । राष्ट्रिय परीक्षा बोर्ड सानोठिमीले कक्षा–१२ को परीक्षा शुरु हुनु अगावै प्रश्नपत्र नबाहिरिएको जनाएको छ । बोर्डले आज एक विज्ञप्ति जारी गर्दै प्रश्नपत्र बाहिरिएको सूचना भ्रामक रहेको बताउँदै पुराना र प्रयोग भइसकेका प्रश्नपत्र राखेर भ्रम सिर्जना गरिएको दाबी गरेको छ । आजबाट शुरु भएको कक्षा १२ को वार्षिक परीक्षामा अनिवार्य अङ्ग्रेजी विषयको प्रश्नपत्र परीक्षा शुरु हुन अगावै भक्तपुरको गुण्डुस्थित काठमाडौँ वर्ल्ड स्कुलको विद्यार्थीको मोबाइलमा पठाइएको सूचना सामाजिक सञ्जालमा भाइरल भएको थियो ।
नेपालगञ्ज, २१ बैशाख । स्वास्थ्य तथा जनसङ्ख्या मन्त्री प्रदीप पौडेलले सरकारले स्वास्थ्य बीमा प्रणालीलाई एकीकृत गरी उपचारको दायरा विस्तार गरिने बताउनुभएको छ । नेपाल प्रेस युनियन बाँकेले आज नेपालगञ्जमा आयोजना गरेको पत्रकार भेटघाट कार्यक्रममा उहाँले आर्थिक वर्ष २०८२र०८३ को नीति तथा कार्यक्रममा गम्भीर रोगको उपचार समेत बीमाबाट हुने व्यवस्था गर्न सुविधा थैली परिमार्जन गर्ने गरी उल्लेख गरिएको बताउनुभयो । उहाँले बीमा प्रणालीलाई व्ययभार न्यून गर्न सरकारद्वारा उपलब्ध गराइने आधारभूत तथा अत्यावश्यक औषधिहरू बीमा प्रणालीमा जोडिने पनि बताउनुभयो । उहाँले बिमालाई सर्वसुलभ गराउन बिमितहरुले बीमा गरेको महिना दिनबाटै सेवा पाउने बताउनुभयो । यसअघि बीमा गरेको तीन महिनापछि मात्रै बिमितले सेवा लिन…
झापा, २१ बैशाख । झापा गोल्डकपका अध्यक्ष केदार गिरीले बिर्तामोड उद्योग वाणिज्य संघले स्थापना गरेको ‘व्यवसायी सदस्य राहत कोष’का लागि ५१ हजार एक सय रुपैयाँ प्रदान गरेका छन् । व्यवसायीको हितका लागि स्थापना गरिएको कोषको प्रशंसा गर्दै उनले बिर्तामोड उद्योग वाणिज्य संघका अध्यक्ष राजु न्यौपानेलाई उक्त रकम प्रदान गरेका हुन् । बिर्तामोड उद्योग वाणिज्य संघले आपत विपतमा परेका व्यवसायीलाई तत्काल राहत उपलब्ध गराउने उद्देश्यले एक करोड रुपैयाँ बरावरको कोष स्थापना गरेको छ । सो कोषमा एक करोड रुपैयाँ नपुगुन्जेल आफूले जन्म दिनमा ५१ हजार एक सय रुपैयाँ सहयोग गरिरहने अध्यक्ष गिरीले बताए । कञ्चन निर्माण सेवाका सञ्चालक समेत रहेका गिरी…
चन्द्र बस्नेतकनकाई, २१ बैशाख । सुरुङ्गा सामुदायिक सिकाई केन्द्रको आयोजना तथा कनकाई नगरपालिका वडा नं. ३ को आर्थिक सहयोगमा कनकाई–३ का ३० जना छात्राका लागि ३ महिने कम्प्युटर तालिम सुरु गरिएको छ । वडाको महिला लक्षित कार्यक्रम अन्तर्गत वडाका १३ वटै टोलबाट सहभागिता हुने गरी ३० जना छात्रालाई ३ महिने कम्प्युटर तालिम दिन शुरु गरिएको हो । तालिमको आइतबार वडा कार्यलयमा एक कार्यक्रमको आयोजना गरी उद्घाटन गरिएको छ । तालिमका लागि कनकाई–३ स्थित सुरुङ्गामा रहेको कनकाई कम्प्युटर इन्स्टिच्युटसँग सहकार्य गरिएको आयोजक संस्था सुरुङ्गा सामुदायिक सिकाई संस्थाकी अध्यक्ष पुष्पा भट्टराई कडेलले जानकारी दिनुभयो । सहभागीहरुलाई इन्स्टिच्युटमा प्रशिक्षक प्रवेश घिमिरेले प्रशिक्षण दिने…