jhapaonline add
झापा, २१ माघ । महोत्तरीको गौशाला नगरपालिका–८ की २१ वर्षीया युवतीको हत्या भएको छ। विवाह भएको दुई महिनामै आइतबार गौशालाकी खुश्वु यादवको हत्या भएको अवस्थामा शव फेला परेको हो । हत्या उनको पति अभिषेक यादवले गरेको आरोप माइती पक्षले लगाएको छ । मृतकका पति हाल फरार रहेको जिल्ला प्रहरी कार्यालय महोत्तरीले डीएसपी सन्तुलाल जैसवालले बताए । हत्यामा परिवारका अन्य सदस्यको पनि मिलेमतो रहेको आशंका रहेको उनले सुनाए । खुश्बुको शव आइतबार दिउँसो गौशाला–५ को एकान्त ठाउँमा रहेको भिसघारीमा फेला परेको हो। घरदेखि केही टाढा रहेको रुख बुट्यान रहेको घारी क्षेत्रमा धारिलो हतियार प्रहार गरेर हत्या गरेको अवस्थामा उनको शव फेला…
झापा, २१ माघ । मुलुकको कूल व्यापार घाटा सात खर्ब २३ अर्ब ५८ करोड रुपैयाँ बराबर पुगेको छ । चालु आर्थिक वर्षको छ महिनामा कूल वस्तु व्यापार घाटा चार दशमलव चार प्रतिशतले वृद्धि भएको नेपाल राष्ट्र बैंकले सार्वजनिक गरेको विवरणमा उल्लेख छ । अघिल्लो वर्षको सोही अवधिमा यस्तो घाटामा दुई दशमलव छ प्रतिशतले कमी आएको थियो । समीक्षा अवधिमा निर्यात–आयात अनुपात १२ प्रतिशत पुगेको छ । अघिल्लो वर्षको सोही अवधिमा यस्तो अनुपात नौ दशमलव आठ प्रतिशत थियो । चालु आवको छ महिनामा कूल वस्तु निर्यात ३१ दशमलव आठ प्रतिशतले वृद्धि भई रु ९८ अर्ब ७९ करोड पुगेको छ । अघिल्लो…
झापा, २१ माघ । सरकारले ताप्लेजुङको पाथीभरा (मुक्कुम्लुङ) क्षेत्रमा केवलकार निर्माणको क्रममा उत्पन्न विवाद समाधानका लागि सम्बद्ध पक्षहरूसँग वार्ता गर्न गृह मन्त्रालयका सहसचिव प्रेमप्रसाद भट्टराईको संयोजकत्वमा वार्ता टोली गठन गरेको छ । गृह मन्त्रालयले आइतबार अबेर जारी गरेको विज्ञप्तिमा वार्ता र संवादको माध्यमबाट समस्या समाधान गर्न सहसचिव भट्टराईको संयोजकत्वमा सङ्घीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र सहरी विकास मन्त्रालयका प्रतिनिधि समेत रहेको वार्ता टोली गठन गरिएको जनाएको छ । वार्ता टोलीले तत्काल कार्य प्रारम्भ गर्ने र आन्दोलनरत पक्षलाईसमेत आन्दोलनका कार्यक्रमहरू फिर्ता लिई संवादमार्फत् समस्या समाधानमा सहयोग गर्न गृह मन्त्रालयले अपिल गरेको सहसचिव एवम् प्रवक्ता…
झापा, २१ माघ । प्रत्येक वर्ष माघ शुक्ल पञ्चमीका दिन मनाइने वसन्त पञ्चमी पर्व विद्याकी अधिष्ठात्री देवी सरस्वतीको पूजा आराधनासहित वसन्त श्रवण गरेर मनाइँदै छ । प्रत्येक वर्ष माघ शुक्ल पञ्चमीकै दिन मनाइने ‘श्रीपञ्चमी’ पर्व आज विद्याकी अधिष्ठात्री देवी सरस्वतीको देशभर निष्ठापूर्वक पूजा–आराधना गरी मनाइँदैछ । चन्द्रमाजस्तो गोरो वर्ण भएकी तथा हातमा वीणा र पुस्तक लिएकी विद्याकी देवी सरस्वतीलाई भक्तजनहरूले भारती, शारदा, हंसवाहिनी, जगन्माता, वागीश्वरी, कौमारी, वरदायिनी, बुद्धिदात्री, ब्रह्मचारिणी, चन्द्रघण्टा र भुवनेश्वरीजस्ता नामले पुकार्छन् । विद्या र सिर्जनाकी देवी भएकाले विशेष गरी साहित्यकार, कलाकार, पत्रकार, शिक्षक र विद्यार्थी आआफ्ना कला–साधनाका वस्तु कलम, कापी, कुची र वाद्ययन्त्रलाई सरस्वतीका रूपमा पूजा–आराधना गर्छन्…
भद्रपुर, २० माघ । झापाको भद्रपुर–१ स्थित श्रीकृष्ण प्रणामी मन्दिरमा धार्मिक महोत्सव हुने भएको छ। मन्दिर स्थापनाको ५४ वर्षको उपलक्ष्यमा श्रीमत्तारतम ब्रह्मवाणी चर्चा तथा संगीतमय श्रीमद्भागवत सप्ताह ज्ञान महायज्ञसहित धार्मिक महोत्सव हुने भएको हो । आगामी फागुन ३ देखि ९ गतेसम्म चल्ने अनुष्ठान झापा मात्र नभई नेपाल तथा भारतभरिका कृष्णभक्तहरूलाई जोड्ने महायात्राको रूपमा लिइएको छ। यस ज्ञान महायज्ञमा श्रीकृष्ण प्रणामी धर्मका परम पूजनीय धर्माचार्य अनन्त श्री विभूषित जगद्गुरु आचार्य श्री कृष्णमणिजी महाराज तथा आचार्य श्री १०८ सूर्यनारायणदासजी महाराजको आशिर्वचन प्राप्त हुने आयोजकले जनाएको छ । कार्यक्रमको भव्य उद्घाटन मंगलधाम कालिम्पोङका अन्तर्राष्ट्रिय प्रवक्ता गुरुजी श्री १०८ मोहन प्रियाचार्यजी महाराजबाट गरिनेछ भने…
झापा, २० माघ । झापाको झापा गाउँपालिकाबाट आज दिउँसो लागुऔषधसहित दुई युवा पक्राउ परेका छन् । पक्राउ पर्नेमा कनकाई नगरपालिका–५ का ३५ वर्षीय चिरञ्जीवी भुजेल र ३८ वर्षीय सुरेश ऋषिदेव रहेका छन् । झापा गाउँपालिका–४ बालुबाडी स्थितमा इलाका प्रहरी कार्यालय कुमरखोदबाट खटिएको चेकिङ टोलीले भारतबाट नेपालतर्फ साईकलमा आउँदै गरेका उनीहरुलाई शंका लागेर चेकजाँच गर्दा लुकाई छिपाई ल्याउँदै गरेको प्रतिबन्धित लागुऔषध ब्राउनसुगर प्लाष्टिक बाहेक १ ग्राम ४५ मिलिग्राम फेला परेको थियो । साथै, चिरञ्जीवी भुजेलको साथबाट १८ हजार र सुरेश ऋषिदेवको साथबाट ८८ हजार ३०० रुपैयाँसमेत बरामद भएको जिल्ला प्रहरी कार्यालय झापाले जनाएको छ ।
झापा, २० माघ । नेपाल बार एसोसिएसन, झापा बार इकाईमा नया नेतृत्व चयन भएको छ । मिति २०८१ माघ १९ गते नव निर्वाचित कार्यसमिति निर्विरोध चयन भएको निर्वाचन समितिका संयोजक अधिवक्ता हरि अधिकारीले बताउनु भयो। अधिवक्ता बसन्त नेपालको अध्यक्षता निर्वाचित बार एकाई समितिको उपाध्यक्षमा अधिवक्ता चित्र बहादुर मगर, सचिवमा अधिवक्ता दीपेन्द्र भट्टराई, सहसचिवमा अधिवक्ता सानु कार्की बस्नेत (सिता), कोषाध्यक्षमा अधिवक्ता विजय ढुङ्गाना एबं सदस्यहरु अधिवक्ताहरु नारायणप्रसाद पौडेल, हेमकला कट्टेल, शान्ता पाठक, डम्बर गिरी, तारामणी सापकोटा, तारादेवी बारकोटी, नरेश खाती, भुपालमान भट्टराई निर्विरोध निर्वाचित हुनु भएको छ। त्यस्तैगरी केन्द्रीय पार्षद प्रतिनिधिमा अधिवक्ताहरू क्रमशः नरेन्द्र ढकाल, लक्ष्मीप्रसाद सिवाकोटी, बेनुप्रसाद सिटौला, पवन कार्की,…
द्रोण अधिकारीभद्रपुर, २० माघ । पछिल्ला वर्ष फराकिला सडक बन्ने क्रम तीव्र भए पनि भद्रपुर नगर क्षेत्रका मूल सडक अतिक्रमणमा पर्दा आवतजावतमा नागरिकले सास्ती व्यहोर्नु पर्ने अवस्था अन्त्य हुन सकेको छैन । झापा सदरमुकाम समेत रहेको भद्रपुरका सरकारी कार्यालय क्षेत्र तथा वजार क्षेत्रका मुख्य सडकमा हुने अवैध व्यापार तथा व्यक्तिगत उपयोगका नामा अतिक्रमित हुँदा स्थानीयले सास्ती व्यहोर्नु पर्ने अवस्था आएको हो । स्थापनाको ७२ वर्ष पूरा हुदै गर्दा भद्रपुर नगरपालिकाले कुशल नेतृत्व र इमान बोकेको प्रशासक नपाउँदा निकै ठूलो उथपुथलको सामना गरिसकेको छ । नेपालकै पुराना नगरपालिकाको इतिहासको पानामा सुरक्षित यस नगरपालिकाको भौतिक पूर्वाधार विकासदेखि मानव विकास र जनजीविकाको अवस्थासम्म…
झापा, २० माघ । अमेरिकामा बस्दै आएका झापा बिर्तामोड–२ चारपानेका कबिन्द्र सिटौलाले विश्व यात्रा शुरु गरेका छन् । प्रेम कविताहरु संकलन गरी विश्वकै बिशाल कविता ग्रन्थ ‘ग्रन्थ’ निर्माण तयारीका लागि सिटौलाले विश्व यात्रा शुरु गर्न लागेको जानकारी दिए । नेपालको पूर्वी जिल्ला तेह«थुमको आठराई गाउँपालिकास्थित चुहानडाँडामा जन्मिएका सिटौला सन् १९९१ देखि संयुक्त राज्य अमेरिकाको भर्जिनिया राज्यमा गैर आवसीय नागरिकका रुपमा बस्दै आएका छन् । ‘मेरो देश, प्रेमको देश’ भन्ने मुल नाराका साथ सिटौलाले विश्वका एक सयवढी देशको साहित्यिक यात्रा गर्ने बताए । उनले एक सय भन्दा वढी मुलकमा पुगेर नेपालका गौरवमय बिषय बस्तुका बारेमा जानकारी गराउने पनि उद्देश्य रहेको बताए…
झापा, २० माघ । बिर्तामोडमा जारी अन्तराष्ट्रिय औद्योगिक व्यापार महोत्सबको सयम थप गरिएको छ । गत माघ ८ गतेदेखि १९ गतेसम्मका लागि महोत्सव संचालन गरिएको भएपनि दुई दिनका लागि समय थप गरिएको हो । व्यवसाय प्रर्वद्धनसंगै सुस्ताएको बजारलाई चलायमान बनाउन बिर्तामोड उद्योग वाणिज्य संघको आयोजनामा महोत्सव आयोजना गरिएको हो । बिर्तामोड ५ स्थित धर्मकाटा रोडमा महोत्सव सञ्चालन भइरहेको छ । महोत्सवको समय दुई दिन थप भएसंगै महोत्सव २१ गतेसम्म सञ्चालन हुने बिर्तामोड उद्योग वाणिज्य संघका अध्यक्ष राजु न्यौपानेले जानकारी दिनुभयो । अपरान्ह ४ वजेसम्म महोत्सव स्थल प्रवेशलाई निःशुल्क बनाइएको छ । रहेक दिन साँझ स्थानीय कलाकारको प्रस्तुति रहने गरेको छ…