jhapaonline add
झापा, २३ पुस । नेपालमा चालु आर्थिक वर्षको मङ्सिर मसान्तसम्म वन्यजन्तुको आक्रमणबाट ८३ जनाले ज्यान गुमाएका छन् । यस्तै, जनावरको आक्रमणबाट पाँच सय ९९ जना घाइते भएका प्रहरीले जनाएको छ । नेपाल प्रहरीका प्रवक्ता प्रहरी वरिष्ठ उपरीक्षक विश्व अधिकारीले तीमध्ये सबैभन्दा बढी सर्पले डसेर मृत्यु तथा घाइते भएका बताए । उनका अनुसार सर्पले डसेर मात्रै ७० जनाको मृत्यु भएको छ भने पाँच सय ३२ जना घाइते भएका छन् ।यस्तै, गैंडाको आक्रमणबाट चारको मृत्यु र १४ जना घाइते तथा बाघको आक्रमणबाट तीनको मृत्यु र २४ जना घाइते भएका छन् । हात्तीको आक्रमणबाट छ को मृत्यु र १४ जना घाइते तथा भालुको…
झापा, २३ पुस । आज बिहान चीन केन्द्रबिन्दु भएर नेपालसहित तीन देशमा एकसाथ भूकम्प गएको छ। आज बिहान ६ बजेर ५० मिनेट जाँदा नेपालमा ७ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रका वरिष्ठ भूकम्पविद् डा लोकविजय अधिकारीले जानकारी दिएका छन् । भूकम्पको केन्द्रबिन्दु भने चीनको सिजाङ स्वायत्त क्षेत्रको सिगात्से सहरको डिङ्ग्री काउन्टी नजिक रहेको चाइना भूकम्प नेटवर्क सेन्टर (सीईएनसी) ले ले जनाएको छ। त्यहाँ भने ६.९ म्याग्नीच्युडको भूकम्प गएको उल्लेख छ। यस्तै भूकम्पको धक्का भारतमा पनि महसुस भएको भारतीय सञ्चारमाध्यमले जनाएका छन् । भारतीय सञ्चारमाध्यमले दिल्ली, बिहार र बंगालमा ७.१ म्याग्निच्युडको भूकम्प गएको उल्लेख गरेका छन् ।
झापा, २३ पुस । नेकपा माओवादी केन्द्रको जारी केन्द्रिय कमिटीको आजको बैठकमा धारणा राख्ने सदस्यहरुले प्रष्ट विचार र स्पष्ट राजनीतिक दृष्टिकोणसहित अगाडि बढ्नुपर्ने, नेताहरूको जीवनशैली पारदर्शी हुनुपर्ने अध्यक्षसहित सबै नेता कार्यकर्ता श्रम र उत्पादनमा जोडिनुपर्ने जस्ता धारणा राख्नुभएको छ । बैठकपछि सञ्चारकर्मीसँग कुरा गर्दै माओवादी केन्द्रका प्रवक्ता अग्निप्रसाद सापकोटाले बैठकमा बोल्नुहुने सदस्यहरुले नेताको उच्च नैतिक चरित्र र सबैको विश्वास जित्ने खालको हुनुपर्ने, दण्डहीनताको अन्त्य गर्नुपर्ने, पार्टीलाई एकताबद्ध बनाएर पार्टीको सबलीकरणमा लाग्नुपर्ने, सदनलाई प्रभावकारी बनाउनुपर्ने सदन छिटो आह्वान गर्न दबाब सिर्जना गर्नुपर्ने लगायतका विचारहरू राख्नुभएको जानकारी दिनुभयो । प्रवक्ता सापकोटाले महाधिवेशनमा सबैको सहमति देखिएको तर केहीले तत्काल मिति तोक्नुपर्नेमा जोड दिनुभएको…
झापा, २३ पुस । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । केन्द्रीय बैंकले तोकेको विनिमयदर अनुसार अमेरिकी डलरको भाउ बढ्नुका साथै आज अधिकांश विदेशी मुद्राको भाउ वृद्धि भएको हो । अमेरिकी डलर एकको खरिददर एक सय ३७ रुपैयाँ तीन पैसा र बिक्रीदर एक सय ३७ रुपैयाँ ६३ पैसा कायम भएको छ । युरोपियन युरो एकको खरिददर एक सय ४२ रुपैयाँ ६८ पैसा र बिक्रीदर एक सय ४३ रुपैयाँ ३१ पैसा, युके पाउण्ड स्टर्लिङ एकको खरिददर एक सय ७१ रुपैयाँ ७८ पैसा, बिक्रीदर एक सय ७२ रुपैयाँ ५३ पैसा, स्विस फ्र्याङ्क एकको खरिददर एक सय…
झापा, २३ पुस । आज बिहान ६ बजेर ५१ मिनेटमा काठमाडौँ उपत्यकामा भूकम्पको धक्का महसुस गरिएको छ। यो धक्का काठमाडौँसहित धादिङ, सिन्धुपाल्चोक, काभ्रे, र मकवानपुर जिल्लामा पनि महसुस गरिएको थियो। हालसम्म कुनै ठुलो क्षति वा घाइतेको विवरण प्राप्त भएको छैन। भूकम्पको परिमाण र केन्द्रबिन्दु सम्बन्धी थप जानकारीका लागि राष्ट्रिय भूकम्प मापन केन्द्रको आधिकारिक विवरण प्रतीक्षारत छौँ। सुरक्षाका लागि भूकम्पपछिका सम्भावित पराकम्पहरूबाट जोगिन सतर्क रहनुहोस् र आपत्कालीन तयारीमा ध्यान दिनुहोस्।
झापा, २२ पुस । आफ्नै घरेलु कामदारको रुपमा राखिएकी १५ वर्षीया नाबालिकालाई जबरजस्ती करणी गरेको आरोपमा पक्राउ परेका बिर्तामोड नगरपालिकाका पूर्व नगर प्रमुख तथा एमाले झापाका जिल्ला सदस्य ध्रुवकुमार शिवाकोटी पुर्वक्षका लागि आज जेल चलान भएका छन् । झापा जिल्ला अदालतले उनलाई पुर्पक्षका लागि जेल चलान गर्ने आदेश दिएको हो । सोमवार भएको थुनछेक बहसपछि न्यायाधीश नवीनकुमार जोशीको इजलासले शिवाकोटीलाई थुनामा राखेर अनुसन्धान गर्न आदेश दिएको झापा जिल्ला अदालतका सुचना अधिकारी रामचन्द्र बस्नेतले गोरखापत्रलाई बताउनुभयो । शिवाकोटीको स्वास्थ्य अबस्थालाई ख्याल गरी स्वास्थ्य उपचारको व्यवस्था गर्न न्यायाधीशको आदेशअनुसार झापा कारागार प्रशासनलाई पत्र पठाइएको बस्नेतले बताउँनुभयो । नगरप्रमुख शिवाकोटीसग अदालतले बयान लिएको…
झापा, २२ पुस । झापाको अर्जुनधारा नगरपालिका–१ स्थित शंकराचार्य पीठ साधुटारमा आयोजना हुने सर्वकल्याण अभिषेकात्मक अतिरूद्र महायागको तयारी अन्तिम चरणमा पुगेको छ । महायागका लागि आवश्यक तयारीसँगै संचरना निर्माणको काम अन्तिम चरणमा पुगेको हो । अतिरुद्र अभिषेकात्मक महायाग स्थल, पडाल, स्वागतद्वार, पीठ परिसरमा आवश्यक रंगरोगनसहितका पूर्वाधार निर्माणको काम अन्तिम चरणमा पुगेको छ । केही काम सकिएको छ भने केही पूरा हुने क्रममा रहेको छ । आज साधुटारमा जगतगुरु श्रीरामानन्दचार्य सेवापीठ बराहक्षेत्र १ चताराधामका अनन्तती विभूषित जगतगुरु श्रीरामानन्दचार्य स्वामी रामकृष्णाचार्य महायोगी शिद्ध बाबाले अवलोकन गरेका छन् । शंकराचार्य पीठको अवलोकनपछि महायोगी शिद्धबाबाले महायाग सम्पन्न गर्न सबै देशबासी लाग्नु पर्ने धारणा राख्दै…
झापा, २२ पुस । निर्माण व्यवसायी संघ झापामा सात जना सर्वसम्मत चयन भएका छन् । संघको १९ सदस्यीय नयाँ कार्यसमितिको प्रथम उपाध्यक्ष केदार गिरी, द्वितीय उपाध्यक्ष राजकुमार राई र तृतीय उपाध्यक्ष नयन बराल सर्वसम्मत चयन भएका छन् । त्यस्तै, महासचिव पुष्पराज निरौला, सचिव लोकेन्द्र श्रेष्ठ, कोषाध्याक्ष यज्ञनीति भुर्तेल र महिला सदस्य कमला थाम्सुहाङ सर्वसम्मत भएको निर्वाचन अधिकृत गोपाल थापाले बताए । संघको १६ औं अधिवेशन अन्तरगत सर्वसम्मत नयाँ कार्यसमिति चयन गर्ने अधिकतम् प्रयास गरिए पनि अध्यक्षमा दुई, सह–कोषाध्यक्ष तीन जना र सदस्य पदमा १५ जनाले उम्मेदवारी दिएपछि निर्वाचन हुन लागेको छ । भोलि बिहान ८ः३० बजेदेखि मतदान हुने निर्वाचन समितिले…
सरोज भट्टराईशिवसताक्षी, २२ पुस । विगत लामोसमयदेखि लाग्दै आएको कनकाई माइमेला यस वर्ष गएका वर्ष भन्दा व्यवस्थित हुने भएको छ । शिवसताक्षी नगरपालिका वडा नं. १० स्थित माइधारमा यही माग २८ गतेदेखि मेला लाग्ने भएको हो । शिवसताक्षी नगरपालिकाले वडा नं. १० को कार्यालयलाई मेला लगाउन अनुमति दिएको छ । गएको वर्षमा ठेक्का मार्फत मेला लगाउँदा मनोमानी ढंगले व्यापारीबाट ठेक्केदारले शुल्क उठाएपछि मेला नगरपालिकाले आफैँ लगाउने निर्णय गरेको शिवसताक्षी नगरपालिकाले जनाएको छ । वडाले मेलाका अवधिमा सडक र कनकाई पुलमा जाम हुन नदिन कनकाई नदिमा बैकल्पिक पुल निर्माण थालेको छ । वडा नं. १०का वडाध्यक्ष हर्क सिगुका अनुसार मेलाका लागि…
झापा, २२ पुस । निर्माण व्यवसायी संघ झापाको आगामी नेतृत्व चयनका लागि भोलि (मंगलबार) निर्वाचन हुँदैछ । १९ सदस्यीय कार्यसमितिमा ७ वटा पदमा सर्वसम्मत भए पनि १२ पदमा आकांक्षी धेरै भएपछि निर्वाचन हुन लागेको हो । संघको १६ औं अधिवेशन अन्तरगत सर्वसम्मत नयाँ कार्यसमिति चयन गर्ने अधिकतम् प्रयास गरिए पनि अध्यक्षमा दुई, सह–कोषाध्यक्ष तीन जना र सदस्य पदमा १५ जनाले उम्मेदवारी दिएपछि निर्वाचन हुन लागेको छ । भोलि बिहान ८ः३० बजेदेखि मतदान हुने निर्वाचन समितिले जनाएको छ । व्यावसायिक हकहितका लागि संघमा आफ्नो दर्बिलो नेतृत्व र उपस्थिति जनाउन आकांक्षीहरुले उम्मेदवारी दिएसँगै यतिबेला चुनावी माहोल तातेको छ । अध्यक्षमा प्रकाशकुमार सिंह…