jhapaonline add
धनकुटा, २६ चैत । धनकुटाको साँगुरीगढी गाँउपालीका–६ भेडेटार चौकबाट मिनिट्रकमा लोड गरेर राखेको अवस्थामा ठुलो परिमाणको लागुऔषध गाँजा प्रहरीले बरामद गरेको छ । सब्जी बोक्ने मिनिट्रकमा लागुऔषध गाँजाको ओसार पसार भईरहेको भन्ने बिशेष सूचनाको आधारमा आईतवार राती पौने ८ बजे इलाका प्रहरी कार्यालय भेडेटार धनकुटाबाट चेकजाँचमा खटिएको प्रहरी टोलीले भेडेटार चोकमा रोकेर राखेको को १ ख ३२९४ नम्बरको मिनिट्रकलाई चेकजाँच गर्दा गाडीमा लोड भएको सब्जीको बोरा भित्र प्याक गरी लुकाई छिपाई राखेको अवस्थामा ५४४ केजी लागुऔषध गाँजा बरामद गरेको हो । गाँजा र सवारी साधन नियन्त्रणमा लिईएको र ट्रकका चालक तत्काल फरार रहेकोले खोजतलास भईरहेको तथा अन्य थप अनुसन्धान भईरहेको…
कनकाई, ११ चैत । नेपाल स्वणकार समाज झापाले होली मिलन कार्यक्रमको आयोजना गर्दै दर्जन बढीलाई सम्मान गरेको छ। होलीको पूर्वसन्ध्यामा शनिबार बिर्तामोडमा आयोजित कार्यक्रममा उच्च शिक्षामा अध्ययनरत जिल्लास्थित सदस्यका छोराछोरीलाई सम्मान गरिएको छ । सम्मानित हुनेहरुमा नेहा साह, श्रवणकुमार सुनार, सन्तोष साह र गौरी साह रहेका छन् । त्यस्तै, समितिमा रहेर उत्कृष्ट काम गर्ने सात जना सम्मान गरिएको छ । समाजले दिननाथप्रसाद साह, प्रभु सुनार, गङ्गाप्रसाद साह, मणि साह, गौतम साह, मदन साह र आरती देवी साहलाई सम्मान गरेको हो । समाजका अध्यक्ष अनिलकुमार साहको अध्यक्षतामा भएको कार्यक्रममा बिर्तामोड नगरपालिका उपप्रमुख नगेन्द्रप्रसाद संग्रौलाको प्रमुख आतिथ्य रहेको थियो । कार्यक्रममा प्रमुख…
शिवसताक्षी, १० चैत । शिवसताक्षी नगरपालिकामा नेकपा एमालेको प्रभात फेरी कार्यक्रम अन्तर्गत नगरका सबै वडामा विभिन्न कार्यक्रम सञ्चालन भएको छ । आसन्न नेकपा एमालेको झापा जिल्ला अधिवेशनको पूर्व सन्ध्यामा जिल्ला कमिटीको निर्णय अनुसार शिवसताक्षीमा विभिन्न कार्यक्रम सञ्चालन भएको हो । शिवसताक्षी वडा ९ को वडा कमिटीले नगरको धार्मिक क्षेत्र चिल्लागढ परिसरमा झरीका बीच पनि सरसफाई गरेको नेकपा एमाले नगर अध्यक्ष मेगाहाङ्ग थोप्रा (रोषन) ले जानकारी दिए । त्यस्तै वडा कमिटी ४ ले जनता बजारमो रहेको वडा नं. ४ को कार्यालयमा सरसफाई गरेको जनाएको छ । नेकपा एमालेले नगरका अधिकांश वडाहरुमा विभिन्न कार्यक्रम गरेको नेकपा एमाले नगर कमिटीले जनाएको छ ।…
बिर्तामोड, १० चैत । नेपाल व्यापार कर्मचरी संघ (युनिकम) नेपालले होली विशेष सुरक्षा सम्बन्धी जनचेतनामुलक कार्यक्रम गरेको छ । युनिकम बिर्तामोड नगरको सह–आयोजना तथा युनिकम झापा जिल्लाको आयोजनामा आज बिर्तामोडस्थित दुर्गा मन्दिर परिसरमा जनचेतनामुलक कार्यक्रम गरेको हो । जिल्ला ट्राफिक प्रहरी कार्यालय झापा र इलाका प्रहरी कार्यालय बिर्तामोडको सहकार्यमा भएको कार्यक्रममा प्रमुख अतिथि युनिकम नेपालका अध्यक्ष गजेन्द्र बहादुर पौडेलले होली पर्वलाई सभ्य र भब्य रुपमा मनाउन सबैलाई आग्रह गरे । आत्मीयरूपमा नजिक भएका व्यक्ति वा आफन्तसँग मात्र होली खेल्न, होली पर्वको नाममा उच्छृङ्खल क्रियाकलाप नगर्न युनिकम का अध्यक्ष पौडेलले आग्रह गरेका छन् । कार्यक्रममा बोल्दै जिल्ला ट्राफिक प्रहरी प्रमुख नबराज…
शिवसताक्षी, १० चैत । झापाको शिवसताक्षीमा कोशी प्रदेशस्तरीय नविन राई स्मृति भेट्रान कप फुटबल प्रतियोगिता हुने भएको छ । प्रतियोगिता चैत १५ देखि २२ गतेसम्म हुने आयोजक समितिले पत्रकार सम्मेलन गरेर जानकारी गराएको हो । झिलझिले भेट्रान फुटबल क्लबले शनिबार झिलझिलेस्थित गणेशमान सिंह अध्ययन प्रतिष्ठानको खेलमैदानमा आयोजना हुने उक्त प्रतियोगितामा कोशी प्रदेशका १० वटा टिमले सहभागिता जनाउने आयोजक समितिका संयोजक जसु राईले जानकारी दिए । उनका अनुसार आयोजक आयोजकले दुईवटा टिम प्रतियोगितामा सहभागिताका लागि तयार गरेको छ । प्रतियोगितामा सुनसरीको रामधुनी, झापाको बिर्तामोड, चन्द्रगढीको सिविसी, धुलाबारी, हाम्रो भेट्रान धरान, दमक लखनपुर भेट्रान क्लब, आयोजक निलो, पूर्वेली भेट्रान बिर्तामोड र एभरेष्ट…
सन्तोष शर्माझापा, १० चैत । झापामा १४ वर्षमुनिका २५ जना बालबालिकामा क्षयरोगको संक्रमण देखिएको छ । चालू आर्थिक वर्षको पुस मसान्तसम्ममा फेला परेका पाँच सय ७० जना नयाँ क्षयरोगीमध्ये २५ जना बालबालिका रहेको स्वास्थ्य कार्यालय झापाका क्षयरोग फोकल पर्सन वीरेन्द्र दासले जानकारी दिनुभयो । जिल्लामा भेटिएका नयाँ क्षयरोगीमा एक सय ८२ जना महिला र तीन सय ८८ जना पुरुष रहेका छन् । ती मध्ये चार सय ३१ जनामा फोक्सो सम्बन्धी क्षयरोग देखा परेको छ भने एक सय ३९ जनामा अन्य क्षयरोग देखिएको उहाँले बताउनुभयो । त्यस्तै, एचआइभी संक्रमित नौ जनामा क्षयरोग देखिएको छ । औषधि प्रतिरोधी क्षयरोगका बिरामी सात जना…
झापा, १० चैत । नेपाली बजारमा सुनको मूल्य तोलामा यो साता ११ सय रुपैयाँले बढेको छ । नेपाल सुनचाँदी व्यवसायी महासंघले गत साताको शुक्रबारको तुलनामा सुनको मूल्य बढेको जानकारी दिएको हो । गत साताको शुक्रबार छापावाल सुनको मूल्य तोलामा १ लाख २५ हजार ४०० रुपैयाँ थियो । तोलामा ११ सय रुपैयाँले बढेसँगै यो साताको शुक्रबार छापावाल सुनको मूल्य तोलामा १ लाख २६ हजार ५०० रुपैयाँ कायम भएको छ । यस्तै, तेजाबी सुनको मूल्य तोलामा १ लाख २५ हजार ९०० रुपैयाँ कायम भएको महासंघले जनाएको छ । गत साताको शुक्रबार तेजाबी सुनको मूल्य तोलामा १ लाख २४ हजार ८०० रुपैयाँ थियो…
धरान, १० चैत । सुनसरीको धरान उप–महानगरपालिका–१६ की २१ बर्षीया सुमना श्रेष्ठको हत्यामा संलग्नलाई प्रहरीले पक्राउ गरेको छ । गत चैत ७ गते धरानको विपि कोइराला स्वास्थ्य विज्ञान प्रतिष्ठान र डिपोट स्कूल बीच रहेको खोल्सामा पहिचान नखुलेको महिला मृत अवस्थामा रहेको जानकारी पाएसँगै जिल्ला प्रहरी कार्यालय सुनसरी, इलाका प्रहरी कार्यालय धरान, नेपाल प्रदेश प्रहरी कार्यालय धरानबाट कुकरसहितको प्रहरी टोली र विपि कोइराला स्वास्थ्य विज्ञान प्रतिष्ठान धरानबाट फरेन्सिक डक्टरसहितको टोली घटनास्थलमा खटिगई घटना सम्बन्धमा प्रारम्भिक अनुन्धान थालेको थियो । अनुसन्धानको क्रममा उक्त शव धरान–१६ की २१ वर्षीया सुमना श्रेष्ठको रहेको खुल्न आएको थियो । घटनाको प्रकृति हेर्दा मृतक सुमना श्रेष्ठको हत्या…
सुनसरी, १० चैत । सुनसरीको भोक्राहानर्सिंङ गाउँपालिका–६ उराव टोलबाट अवैध गाँजासहित भारतीय कारलाई प्रहरीले नियन्त्रणमा लिएको छ । हिजो बिहान ९ बजे बिशेष सुचनाको आधारमा प्रहरी चौकी चिरौली चोकबाट खटिएको प्रहरी टोलीले B06E3179 नम्बरको भारतीय कार लक गरी राखेको बेबारिसे अवस्थामा फेला पारी उक्त कारको लक खोली चेकजाँच गर्दा कारको डिकी भित्रबाट १ सय ६५ किलोग्राम अवैध गाँजा बरामद गरेसँगै कार नियन्त्रणमा लिएको हो । यस सम्बन्धमा अनुसन्धान भइरहेको छ ।
झापा, १० चैत । झापाको दमक नगरपालिका–२ स्थितमा पैनीमा डुबेर एक जनाको मृत्यु भएको छ । मृत्यु हुनेमा स्थानीय ६५ बर्षीय कमल धिमाल रहेका छन् । हिजो दिउँसो ११ बजे धिमालले सोही स्थानमा रहेको पैनीमा भैंसीलाई पानी खुवाउने क्रममा अचानक डुबी घाइते भएका थिए । घाइते उनलाई उपचारको लागि आम्दा अस्पताल दमक लगिएकोमा धिमालको उपचारको क्रममा मृत्यु भएको हो । घटना सम्बन्धमा इलाका प्रहरी कार्यालय दमकबाट थप अनुसन्धान भइरहेको छ ।