jhapaonline add
झापा, ८ फागुुन । झापाको अर्जुनधाराबाट प्रहरीले लागुऔषधसहित सोमबार चारजनालाई पक्राउ गरेको छ । अर्जुनधारा–११ का ३७ वर्षीया शोभा श्रेष्ठले लागूऔषध ब्राउनसुगरको कारोबार गर्छन भन्ने गोप्य सूचनाको आधारमा अस्थायी प्रहरी चौकी बुट्टाबारी र इलाका प्रहरी कार्यालय अनारमनीबाट खटिएको प्रहरी टोलीले श्रेष्ठलाई उनकै घर कोठाबाट प्लाष्टिकमा स–साना पोकासहितको ब्राउनसुगर जस्तो देखिने लिसाइलो पदार्थ सहित पक्राउ गरेको हो । साथै, विभिन्न मोडलका पुराना मोबाइल थान ११, नगद ३७ हजार, पुरानो घडी ४ थान, इयरबट २ थान, पावरबैंक १ थान फेला परेको छ । घरको कोठाभित्र रहेका श्रेष्ठका छोरा १९ वर्षीयको गोबिन्द श्रेष्ठ, बुहारी १८ वर्षीया सन्ध्या चौधरी श्रेष्ठ र इलाम सन्दकपुर–४ का…
झापा, ८ फागुन । सरकारले अर्धवार्षिक समीक्षामार्फत बजेटको आकार २ खर्ब २१ अर्ब घटाउँदा पनि सात महिनाको अवधिमा न त आधा राजस्व उठाउन सकेको छ, न त बजेटको आधा खर्च नै गर्न सकेको छ । महत्त्वाकाङ्क्षी बजेटको लक्ष्य भेटाउन नसक्ने आङ्कलनपछि सरकारले कुल १७ खर्ब ५१ अर्ब ३१ करोड २१ लाख रुपैयाँ बजेटलाई १४ खर्ब २२ अर्ब ५४ करोड १७ लाखमा झारेको थियो । बजेटको आकार घटाउँदा पनि सरकारको सोमबारसम्मको राजस्व संशोधित बजेट लक्ष्यको ४० दशमलव ६८ प्रतिशत मात्र उठेको छ । सरकारले गत साउनदेखि सोमबारसम्ममा ५ खर्ब ७८ अर्ब ७५ करोड ९९ लाख रुपैयाँ मात्र राजस्व उठाउन सकेको छ…
ताप्लेजुङ, ८ फागुन । बाबुआमाको नागरिकता नभएका कारण छोराछोरीले पढाइबाट वञ्चित हुनुपरेको छ । ताप्लेजुङ जिल्लाको फक्ताङलुङ गाउँपालिका–३ लिङ्खिमका गुना राई र उनकी श्रीमती उर्मिला राईको नागरिकता नभएपछि छोराछोरी पढ्नबाट वञ्चित भएका हुन् । नागरिकता नहुँदा कोही पनि छोराछोरीको जन्मदर्ता प्रमाणपत्र बन्न सकेको छैन । एसइईको परीक्षा फाराम भर्न जन्मदर्ता प्रमाणपत्र अनिवार्य छ । लिङ्खिमको सिँवामा बसोबास गर्दै आएका राई दम्पतीको नागरिकता नभएकै कारण उनीहरूका एक छोरा र तीन छोरीसमेत चार जना छोराछोरीले पढाइबाट वञ्चित हुनुपरेको हो । पढ्न नपाएपछि राई दम्पतीका छोराछोरीले पढाइ छाडेर कोही मजदुरी गर्न र कसैले अर्काको घरमा घरायसी सहयोगी बनेर काम गर्दै आएका छन् ।…
झापा, ८ फागुन । राजनीतिक दलको वार्षिक आयमा ह्रास आएको छ । राष्ट्रिय मान्यता प्राप्त राजनीतिक दलमा नेपाली कांग्रेस, नेकपा एमाले, नेकपा (माओवादी केन्द्र) र जनमत पार्टी घाटामा चलेको तिनीहरूको आर्थिक विवरणले देखाएको छ । राष्ट्रिय स्वतन्त्र पार्टी, राष्ट्रिय प्रजातन्त्र पार्टी र जनता समाजवादी पार्टी नेपालको आयव्ययको विवरणमा मात्रै नाफा देखाइएको छ । घाटामा चलेको विवरण देखाएका दलले मोटो रकम मुद्दती निक्षेपमा राखेका छन् । नेपाली कांग्रेस र नेकपा (माओवादी केन्द्र) ले समेत सञ्चित राखे पनि बचतमा घाटा देखाएको छ । निर्वाचन आयोगमा राजनीतिक दलले बुझाएको आव २०७९–८० को वार्षिक आयव्ययको विवरण अनुसार सङ्घीय संसद्को दोस्रो ठुलो दल नेकपा एमाले…
कनकाई, ८ फागुन । झापाको कनकाई नगरपालिका–७ दुर्गापुरस्थित फक्ताङलुङ एजुकेसन फाउण्डेसनको १४ औं वार्षिकोत्सव तथा अभिभावक दिवस सम्पन्न भएको छ । विविध खेलकुद तथा सांस्कृतिक कार्यक्रमका साथ सोमबार फाउण्डेशनको वार्षिकोत्सव तथा अभिभावक दिवस सम्पन्न भएको हो । विद्यालय व्यवस्थापन समितिका अध्यक्ष दुर्गा नेम्वाङको अध्यक्षतामा आयोजित वार्षिकोउत्सवमा कनकाई नगरपालिकाका प्रमुख राजेन्द्रकुमार पोखरेलको प्रमुख आतिथ्य रहेको थियो । कार्यक्रममा नगरप्रमुख पोखरेलले शिक्षालाई नगरले प्राथमिकतामा राखी कार्य गर्दै आएको सुनाउँदै कक्षा १० सम्म पाठ्यक्रम निर्माण गरी अध्यापनको तयारी गरिरहेको बताउनुभएको थियो । उहाँले गरिब तथा अति विपन्नलाई छात्रवृत्तिको व्यवस्था गरेको सुनाउनु भएको थियो । पछिल्लो समय शिक्षकहरुलाई नै समय–समयमा तालिम प्रदान गरी नयाँ…
भद्रपुर, ७ फागुन । झापाको हल्दिबारी गाउँपालिका–२ स्थित रामलाल चोकमा गत शनिबार भएको दुर्घटनामा परी गम्भीर घाइते भएका एक जनाको मृत्यु भएको छ । उक्त दुर्घटनामा गम्भीर घाइते भएका हल्दिबारी–२ का ४२ वर्षीय दिनेश राजवंशीको आज उपचारका क्रममा मृत्यु भएको जिल्ला प्रहरी कार्यालय झापाले जनाएको छ । हल्दिबारी–२ रामलालचोक स्थित भद्रपुर–हल्दिबारी सडक खण्डमा पूर्वबाट पश्चिमतर्फ जाँदै गरेको को १ त ५०४६ नं. को ट्याक्टरले विपरीत दिशाबाट आउँँदै गरेको ना.१७ प १०३४ नं. को मोटरसाइकललाई ठक्कर दिएको थियो । टाउकोमा गम्भीर चोट लागेका राजवंशीको प्रादेशिक अस्पताल भद्रपुर उपचारका क्रममा आज मृत्यु भएको हो । दुर्घटनापछि फारर भद्रपुर– २ का २३ वर्षीय…
झापा, ७ फागुन । इकोनोमिक मिडिया एशोसिएशन नेपाल (इमान) ले आफ्नो प्रदेश समिति विस्तार गरेको छ । सञ्जीव वाग्लेको अध्यक्षतामा कोशी प्रदेशमा इमानले आफ्नो पहिलो प्रदेश कमिटी गठन गरेको हो । सोमबार भएको कोशी प्रदेशका सञ्चारकर्मीहरुको भेलाले वाग्लेको नेतृत्वमा १३ सदस्यीय समिति बनाएको हो । समितिको उपाध्यक्षमा टीका खतिवडा र चीना थापा, प्रमुख सचिवमा सुरेन्द्र भण्डारी, सचिवमा कौशल निरौला, कोषाध्यक्षमा हिमाल दाहाल, सहकोषाध्यक्षमा दीपक कटुवाल चयन भएका छन् । यसैगरी भेलाले सदस्यमा दमन राई, भीम चापागाँई, मदन गौतम, गणेश साम्पाङ, होमबहादुर बस्नेत र योगेशबाबु काफ्लेलाई चयन गरेको छ । भेलामा इमानका केन्द्रीय अध्यक्ष रोयल आचार्य, उपाध्यक्ष डिल्लीप्रसाद सापकोटा, महासचिव रामेश्वर…
झापा, ७ फागुन । नेपाल पत्रकार महासंघका संस्थापक महासचिव अग्रज पत्रकार चन्द्र भण्डारीसहित आठ जना पत्रकारलाई प्रेस स्वतन्त्र सेनानी सम्मान प्रदान गरिएको छ । नयन एड्भर्टाइजिङ मिडिया प्रालिद्वारा सञ्चालित प्रदेशखबर डटकम आफ्ने प्रथम वार्षिकोत्सवको अवसर पारेर कोशी प्रदेशमा रहेका प्रेस स्वतन्त्रता सेनानीहरुलाई सम्मान गरेको हो । झापाका अग्रज पत्रकार भण्डारी, हर्ष सुब्बा, कृष्णविनोद लम्साल, भवानी बराल, शिबबहादुर कार्की, कृष्ण आचार्य, कौशल चेम्जोङ र सञ्जय सन्तोषी राईलाई सम्मान गरिएको हो । उनीहरूलाई प्रतिनिधिसभाकी उपसभामुख इन्दिरा राना मगरले सम्मान प्रदान–पत्र प्रदान गरेकी थिइन् । उत्कृष्ट फोटो पत्रकारिता पुरस्कार २०८० बाट प्रदीपराज वन्त, साहसिक पत्रकारिता पुरस्कारबाट किशोर बुढाथोकी, उत्कृष्ट पत्रकारिता पुरस्कारबाट सुरेन्द्र भण्डारी,…
झापा, ७ फागुन । १४ औँ राष्ट्रपति रनिङ शिल्ड झापा जिल्लास्तरीय प्रतियोगिताको उपाधि अर्जुनधारा नगरपालिकाले जितेको छ । अर्जुनधारा लगातार दोस्रोपटक च्याम्पियन बन्न सफल भएको छ । अर्जुनधाराले १६ स्वर्ण, १५ रजत र १२ कास्यसहित च्याम्पियन बनेको हो । अर्जुनधाराले सबैभन्दा बढी एथलेटिक्समा ८ स्वर्ण, २ रजत र ३ कास्य, करातेमा ४ स्वर्ण र १ कास्य, तेक्वान्दोमा ३ स्वर्ण, ६ रजत र ३ कास्य, उसुमा १ स्वर्ण, ७ रजत र ४ कास्य र भलिबलमा कास्य पदक हात पारेको जिल्ला खेलकुद विकास समितिका सदस्य तथा प्रवक्ता जगन कार्की दुर्वासाले जानकारी दिए । प्रतियोगितामा मेचीनगरले दोस्रो स्थान हासिल गरेको छ । मेचीनगर…
शिवसताक्षी, ७ फागुन । झापाको शिवसताक्षीमा जारी झापा जिल्ला अन्तरपालिका कर्मचारी स्तरीय फुटबल प्रतियोगितामा ४ क्वाटर फाइनल खेल सम्पन्न भएका छन् । आजको पहिलो खेलमा शिवसताक्षी नगरपालिका सेमी फाइनलमा फाइलनमा प्रवेस गरेको छ । भद्रपुर नगरपालिकालाई ट्राइबेकरमा ५–४ गोल अन्तरले हराउँदै शिवसताक्षी सेमीमा प्रवेस गरेको हो । निर्धारित समयमा दुवै टिमबाट २÷२ गोल भएपछि खेल ट्राइबेकरमा धकेल्लिएको थियो । भद्रपुरका तर्फबाट जर्सी नं. ७ का उदय सेर्पाले हानेको गोल शिवसताक्षीका गोलरक्षक गणेश अधिकारीले रोकेपछि शिवसताक्षी सेमीमा पुग्न सफल भयो । खेल मेन अफदी म्याच शिवसताक्षीका गोल रक्षक गणेश अधिकारी घोषित भए । त्यसैगरी आजै भएको दोस्रो क्वाटर फाइनल खेलमा कनकाई…