jhapaonline add
झापा, ११ जेठ । सरकारले आर्थिक वर्ष २०८३–०८४ का लागि वर्षे धानको न्यूनतम समर्थन मूल्य निर्धारण गरेको छ । आज बसेको मन्त्रिपरिषद् बैठकले वर्षे धानको न्यूनतम समर्थन मूल्य निर्धारण गर्दै मोटो धानको ३ हजार ६ सय ६० रुपैयाँ प्रति क्विन्टल र मध्यम धानको ३ हजार ८ सय ६० रुपैयाँ प्रतिक्विन्टल तोक्ने निर्णय गरेको हो । त्यसैगरी, बैठकले सहकारीमा भएको बेथिति जाँचबुझ आयोग २०८२ को प्रतिवेदन सार्वजनिक गर्ने निर्णय गरेको सरकारका प्रवक्ता एवम् शिक्षा तथा खेलकुदमन्त्री सस्मित पोखरेलले जानकारी दिनुभयो । बैठकले नेपाल चिन जोड्ने विद्युत् प्रसारण लाइन आयोजना चिलिमे केरुङ कार्यान्वयनका लागि चिन सरकारलाई पठाउने प्रतिउत्तर पत्र स्वीकृत गरेको छ…
झापा, ११ जेठ । झापामा लागुऔषध ब्राउनसुगरसहित तीन जनालाई पक्राउ गरिएको छ । इलाका प्रहरी कार्यालय काँकरभिट्टा र लागुऔषध नियन्त्रण ब्यूरो इकाई कार्यालय काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेका काठमाडौं महानगरपालिका–२५ का ४० वर्षीय अजय चित्रकार र ३७ वर्षीय सुशील मानन्धरलाई १२ ग्राम ४७० मिलिग्राम ब्राउनसुगरसहित पक्राउ गरेको हो भने इलाका प्रहरी कार्यालय दमकले ८ ग्राम ४१० मिलिग्राम ब्राउनसुगर सहित दमक नगरपालिका–५ का २३ वर्षीय तुलसी माझीलाई पक्राउ गरेको हो । त्यसैगरी इलाका प्रहरी कार्यालय रानी र लागुऔषध नियन्त्रण ब्यूरो इकाई कार्यालय विराटनगरबाट खटिएको प्रहरी टोलीले धरान–१७ का २४ वर्षीय ज्ञानेश खड्कालाई ५ ग्राम ब्राउनसुगरसहित विराटनगर महानगरपालिका–१५ बाट…
शिवसताक्षी, १० जेठ । चौथो कर्ण बहादुर नेम्वाङ स्मृति भेट्रान फुटबल प्रतियोगिताको आइतबार भएको क्वाटरफाइनल खेलमा दमक लखनपुर भेट्रानले बिर्तामोड भेट्रानलाई पराजित गर्दै सेमिफाइनल यात्रा तय गरेको छ। प्रतिस्पर्धात्मक खेलमा दमक लखनपुर सुरुदेखि नै दबाबमा देखिएको थियो। खेलको २८औँ मिनेटमा तुला मगरले शानदार गोल गर्दै टोलीलाई अग्रता दिलाए। खेलको ३६औँ मिनेटमा सुभाष आङ्थोपो लिम्बुले अर्को गोल थपेपछि दमक लखनपुरले २–० को सहज अवस्था बनाएको थियो। दोस्रो हाफमा पनि दमकको खेल लयदार रह्यो । खेलको ६४औँ मिनेटमा सुभाष आङ्थोपो लिम्बुले व्यक्तिगत दोस्रो गोल गर्दै टोलीको जित सुनिश्चित गरे। त्यसपछि बिर्तामोडले फर्कने प्रयास गरे पनि दमकको रक्षापंक्ति मजबुत बनेपछि खेल ३–० को…
झापा, १० जेठ । रुखबाट लडेर घाइते भएका झापाको बुद्धशान्ति गाउँपालिका–१ मझुवाका ५५ वर्षीय मैतबहादुर लिम्बुको उपचारका क्रममा मृत्यु भएको छ । गत जेठ ७ गते दिउँसो कुटमिरोको रुखमा चढेर घाँस झार्ने क्रममा लिम्बु अचानक लडेर गम्भीर घाइते भएका थिए । उनको टाउको तथा छातीमा गम्भीर चोट लागेको थियो। घाइते लिम्बुको उपचार बिर्तामोडस्थित बी एन्ड सी अस्पतालमा भइरहेको थियो । उपचारकै क्रममा आज साँझ ४ बजे उनको मृत्यु भएको जिल्ला प्रहरी कार्यालय झापाले जनाएको छ ।
झापा, १० जेठ । बिर्तामोडका युवा व्यवसायी निर्मल भट्टराईले आफ्नो जन्मदिनको अवसर पारेर क्यान्सरपीडित एक महिलालाई आर्थिक तथा खाद्यान्न सहयोग गरेका छन्। नेपाल उद्योग वाणिज्य महासंघका कोशी प्रदेश सदस्य तथा बिर्तामोड उद्योग वाणिज्य संघका विशिष्ट सदस्यसमेत रहेका भट्टराईले पत्नी सुमित्रासहित आइतबार मेचीनगर–५ निवासी २७ वर्षीया विष्णुमाया राईको घरमै पुगेर सहयोग हस्तान्तरण गरेका हुन्। भट्टराई दम्पतीले नगद २५ हजार रुपैयाँसहित चामल, दाल, खाने तेललगायत खाद्यान्न सामग्री उपलब्ध गराएका छन्। नेपाल अलैंची व्यवसायी महासंघका निवर्तमान अध्यक्षसमेत रहेका भट्टराईले जन्मदिनलाई औपचारिक उत्सवभन्दा फरक ढंगले मनाउँदै पीडितको दुःखमा साथ दिन सहयोग गरिएको बताए। उनले आफूले विगतदेखि नै जन्मदिन तथा विशेष अवसरहरू सामाजिक सेवामार्फत मनाउँदै…
झापा, १० जेठ । व्यवसायीलाई समस्या पर्दा सहकार्य, सहअस्तित्व र आपसी सहयोगको भावना बलियो बनाउने उद्देश्यले बिर्तामोड उद्योग वाणिज्य संघले स्थापना गरेको “व्यवसायी सदस्य राहत कोष” मा विशिष्ट सदस्य निर्मल भट्टराईले २१ हजार रुपैयाँ सहयोग प्रदान गरेका छन् । आफ्नो जन्मदिनको अवसर पारेर भट्टराईले उक्त रकम संघका अध्यक्ष राजु न्यौपाने लाई हस्तान्तरण गरेका हुन् । सामाजिक उत्तरदायित्वलाई आत्मसात गर्दै व्यवसायीहरूको हितका लागि स्थापना गरिएको कोषमा सहयोग गर्न पाउँदा खुशी लागेको भट्टराईले बताए । नेपाल अलैँची व्यवसायी महासंघका निवर्तमान अध्यक्ष तथा नेपाल उद्योग वाणिज्य महासङ्घ कोशी प्रदेशका सदस्य समेत रहेका युवा व्यवसायी भट्टराईले यसअघि पनि आफ्नो जन्मदिनकै अवसरमा राहत कोषका लागि…
झापा, १० जेठ । झापाका अधिकांश सहकारीले सरकारले दिएको बिदा मान्न अटेर गर्दै आएका छन् । सरकारले गत २०८२ चैत्र २२ गते निर्णय गर्दै शनिवार रआइतबार सरकारी बिदा दिइने र सोमबार देखि शुक्रबार सम्म ९ बजेदेखि ५ बजेसम्म कार्यालय सञ्चालन गर्न परिपत्र गरेतापनि सहकारीहरुले अटेर गरी कार्यालय सञ्चालन गरिरहेको पाइएको छ । यस बिषयमा सहकारीको नियमनकारी निकाय सहकारी नियमन प्राधिकरणले देशभरका सहकारी संस्थाहरूलाई आइतवार सार्वजनिक विदा कायम गर्न निर्देशन दिएता पनि झापाका अधिकांश सहकारी संस्थाहरूले पुरानै समयअनुसार कार्यालय सञ्चालन गरिरहेको पाइएको छ । प्राधिकरणका अनुसार सरकारी निर्णय कार्यान्वयन नगरेको विषयमा प्रधानमन्त्री तथा मन्त्रिपरिषद्को कार्यालयमा समेत गुनासो पुगेको छ। त्यसपछि राष्ट्रिय…
द्रोण अधिकारीभद्रपुर, १० जेठ । धानको राजधानी भनेर चिनिने पूर्वी दक्षिणी झापाको कचनकवलमा नेपालमै पहिलो पटक हिलोमा फल्ने कमल प्रजातिको पोषक खाद्य तत्व भएको मखना खेतीको थालनी गरिएको छ । युवा कृषक चन्द्र राजवंशीले सिमावर्ती छिमेकी देश भारतको विहारबाट सिकेर पहिलो पटक कचनकवल ४ केचनामा २० विगाह क्षेत्रफलमा मखना खेती थालेका हुन् । १० वर्षका लागि प्रति विगाह ३० मन धानको मूल्य अग्रिम तिरेर भाडाको जमीनमा राजवंशीले धान, मकैको ठाउँमा मखना रोपेका हुन् । फराकिला पातको माथिल्लो भाग पूरै काँडाले ढाकिएको मखना बैशाख अन्तिम साताबाट फुल्न थाल्ने र साउन अन्तिम साताबाट पाक्न थाल्ने लामो चक्र भएको खाद्य पदार्थ रहेको राजवंशीको…
मोरङ, १० जेठ । जिल्ला प्रहरी कार्यालय मोरङले लागूऔषध दुर्व्यसन नियन्त्रण तथा सचेतना अभिवृद्धि गर्ने उद्देश्यले ‘लागूऔषध विरुद्धको महाअभियान–२०८३’ कार्यक्रमको शुभारम्भ गरेको छ। शनिबार बिहान विराटनगरको महेन्द्र चोकबाट सुरु भएको प्रभातफेरी कार्यक्रम प्रतिनिधिसभा सदस्य आशा झाले रिवन काटेर उद्घाटन गर्नुभएको थियो। नेपाल प्रहरी, सशस्त्र प्रहरी बल, विभिन्न सरकारी कार्यालय, संघसंस्था, सञ्चारकर्मी, स्काउट, विद्यार्थी तथा युवाको सहभागिता रहेको प्रभातफेरी जलजला चोक र गोल्छा मोड हुँदै रंगशालामा पुगेर सम्पन्न भएको थियो। अभियानको दोस्रो चरण विराटनगर महानगरपालिका–४ स्थित होटल मनास्लु इनमा आयोजना गरिएको थियो। कार्यक्रममा कोशी प्रदेशका मुख्यमन्त्री हिक्मत कुमार कार्कीले पानसमा दीप प्रज्वलन गर्दै अभियानको औपचारिक शुभारम्भ गर्नुभयो। कार्यक्रममा ‘अन्धकारबाट उज्यालतर्फ’ शीर्षकको…
शिवसतासक्षी, १० जेठ । झापाको शिवसताक्षीमा जारी चौथो स्व।कर्णबहादुर नेम्वाङ स्मृति भेट्रान फुटबल प्रतियोगिता २०८३ अन्तर्गत शनिबार भएको खेलमा दुधे भेट्रान र पुर्वेली भेट्रान क्वाटरफाइनलमा प्रवेश गरेका छन् । आयोजक दुधे भेट्रान र पुर्वेली भेट्रानले जित निकाल्दै क्वाटरफाइनल यात्रा तय गरेका हुन्। प्रतियोगिताको पहिलो चरणको अन्तिम खेलमा आयोजक दुधे भेट्रान र फिदिम भेट्रानबीच निर्धारित समयमा २–२ गोलको बराबरी भएपछि खेल ट्राइब्रेकरमा पुगेको थियो। ट्राइब्रेकरमा दुधे भेट्रान भाग्यमानी बन्दै अर्को चरणमा प्रवेश गर्न सफल भयो। निर्धारित समयमा दुधेका लागि किसान शर्मा र बिनोद खरेलले गोल गरेका थिए भने फिदिमका डा। देउमान लिम्बू र राजन सुब्बाले गोल फर्काएका थिए। ट्राइब्रेकरमा दुधे भेट्रानका…