झापा अनलाइन

झापा, ११ फागुन । सुनको भाउ तोलामा ३ हजार २ सय रुपैयाँले बढेको छ । सुनको आज तोलाको ३ लाख १३ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको ३ लाख १० हजार ३ सय रुपैयाँ रहेको थियो । यस्तै आज चाँदीको भाउ तोलामा १ सय ७० रुपैयाँले बढेर ५ हजार ५ सय ९५ रुपैयाँमा कारोबार भइरहेको महासङ्घले जनाएको छ । हिजो चाँदीको भाउ तोलाको ५ हजार ४ सय २५ रुपैयाँ रहेको थियो ।

नबराज छत्कुलीधादिङ, ११ फागुन । पृथ्वी राजमार्ग अन्तर्गत धादिङको बेनीघाट रोराङ गाउँपालिका–५, भैंसीगौडामा भएको बस दुर्घटनामा मृत्यु हुनेको सख्या १९ पुगेको छ भने हालसम्म ९ जनाको सनाखत भएको छ । जिल्ला प्रहरी कार्यालय धादिङका अनुसार दुर्घटनामा मृत्यु भई सनाखत हुनेहरूमा एक जना विदेशी नागरिकसहित ९ जना रहेका छन् । मृत्यु हुनेमा २४ वर्षीय बेलायती नागरिक स्टेवार्ट डोमिनिक इथान , कास्कीको पोखरा महानगरपालिका–३० का करिब ४० वर्षीय विवेक बास्तोला, स्याङ्जा वालिङ घर भई हाल काठमाडौं नागार्जुन बस्ने ६३ वर्षीय चन्द्रबहादुर कुँवर, तनहुँको व्यास नगरपालिका–४ का ४० वर्षीय ओम कुमार मल्ल र धादिङको त्रिपुरासुन्दरी गाउँपालिका–४ का ३० वर्षीय इन्जिनियर ठकुरी रहेका छन्…

इलाम, ११ फागुन । मेचीराजमार्ग अन्तर्गत इलामको सुर्योदय नगरपालिका–७ पाल्टाङ्गेमा सोमबार बिहान करिब ११:३५ बजे भएको सवारी दुर्घटनामा एक जनाको मृत्यु भएको छ।बिर्तामोडबाट इलामतर्फ आउँदै गरेको प्र१-०१-०१८ प १५२० नम्बरको मोटरसाइकल चालक झापा बिर्तामोड नगरपालिका–५ बस्ने करिब ३१ वर्षीय तिङ्कु साहुले ब्रेक लगाउने क्रममा पछाडि सवार सोही स्थानका करिब ५० वर्षीय मनोज चौधरी अचानक मोटरसाइकलबाट लडेका थिए। त्यस क्रममा विपरीत दिशाबाट जाँदै गरेको मे १ ख १९९८ नम्बरको ट्रकको पछाडिको चक्काले उनको टाउको किच्दा घटनास्थलमै मृत्यु भएको प्रहरीले जनाएको छ।घटनापछि अनुसन्धान तथा कानुनी प्रक्रिया अघि बढाउन इलाका प्रहरी कार्यालय पशुपतिनगर बाट प्रहरी टोली खटिएको छ।दुर्घटनामा संलग्न मोटरसाइकल चालकलाई उपचारका लागि…

झापा, ११ फागुन । झापा क्षेत्र नं. २ का प्रतिनिधिसभा सदस्य पदका उम्मेदवारसँग आज मतदाताको प्रत्यक्ष संवाद कार्यक्रम बिर्तामोडमा आयोजना हुँदैछ । वीरता जेसीज, अर्जुनधारा जेसीज, बुधबारे जेसीज र सुरुङा जेसीजको संयुक्त आयोजनामा ‘मतदातासँग प्रत्यक्ष संवाद (ककस)’ कार्यक्रम सञ्चालन गर्न लागिएको हो । नेपाल जेसीजको परिपत्रअनुसार तथा संवाद समूह झापाको सहजीकरणमा कार्यक्रम आज दिउँसो १ बजे बिर्तामोडस्थित अतिथि सदनमा हुनेछ । कार्यक्रममा झापा क्षेत्र नं. २ का प्रतिनिधिसभा सदस्य पदका उम्मेदवारहरूले आफ्ना चुनावी योजना, नीति तथा प्रतिबद्धताबारे मतदातासमक्ष धारणा प्रस्तुत गर्नेछन् ।

झापा, ११ फागुन । नेपाल राष्ट्र बैंकले आजका लागि विदेशी मुद्राहरूको विनिमयदर निर्धारण गरेको छ। आज अमेरिकी डलर, कुबेती र बहराइन दिनारको विनिमयदर स्थिर छ। तर, अस्ट्रेलियन डलर, युरो, पाउन्डसहितका कतिपय मुद्राको विनिमयदर भने बढेको राष्ट्र बैंकले जनाएको छ। राष्ट्र बैंकका अनुसार आज अमेरिकी डलर १ को खरिददर १४५ रुपैयाँ २८ पैसा र बिक्रीदर १४५ रुपैयाँ ८८ पैसा छ। हिजो र अस्ती पनि अमेरिकी डलरको विनिमयदर यही थियो। गएको माघ १९ गते अमेरिकी डलर १ को खरिददर १४६ रुपैयाँ ८८ पैसा र बिक्रीदर १४७ रुपैयाँ ४८ पैसा पुगेको थियो। अमेरिकी डलरको यो विनिमयदरदर हालसम्मकै महँगो हो। त्यसैगरि आज युरो १…

भद्रपुर, ११ फागुन । आसन्न प्रतिनिधि सभा निर्वाचनका लागि झापाका पाँच वटा मतदान केन्द्रमा महिला कर्मचारी मात्रै खटिने भएका छन् । प्रत्येक निर्वाचन क्षेत्रमा एक–एक वटा मतदान केन्द्रमा महिला कर्मचारी मात्र राख्ने गरी तयारी भइरहेको जिल्ला निर्वाचन कार्यालय झापाले जनाएको छ । प्रत्येक निर्वाचन क्षेत्रमा एक–एक वटा मतदान केन्द्रमा महिला कर्मचारीको मात्रै व्यवस्था गर्न लागिएको हो । पाँच वटा मतदान केन्द्रमा मतदान अधिकृतदेखि सहयोगीसम्म सबै महिला कर्मचारी खटाइने जनाइएको छ । झापामा यही फागुन २१ गते हुने प्रतिनिधिसभा सदस्य निर्वाचनका लागि ७३८० जना जनशक्ति परिचालन गरिने जनाइएको छ ।

झापा, ११ फागुन । धादिङमा बस दुर्घटनामा हुँदा १७ जनाको मृत्यु भएको छ भने २८ जना घाइते भएका छन् । पोखराबाट काठमाडौँ जाँदै गरेको यात्रुवाहक बस आज बिहान करिब १ः३० बजे ग १ ख १४२१ नम्बरको बस धादिङको बेनिघाट रोराङ गाउँपालिका–५ भैँसीगौडास्थित पृथ्वी लोकमार्गबाट त्रिशूली नदीमा खसेको हो । हालसम्म सो दुर्घटनामा परी मृत्यु भएका १७ जनाको शव निकालिएको सशस्त्र प्रहरी बलका प्रवक्ता विष्णुप्रसाद भट्टले जानकारी दिए । घाइते २८ जनालाई उद्धार गरेर विभिन्न अस्पताल लगिएको छ। सशस्त्र प्रहरीका सहायक प्रवक्ता शैलेन्द्र थापाका अनुसार घाइते २८ जनाको सनाखत भएको छ । मृतकको सनाखत हुन बाँकी छ । घटनास्थलमा तीन वटै…

झापा, ११ फागुन । राधिका शाक्यद्वारा लिखित पुस्तक ‘मेरा अनुभूति’ आइतबार दमकमा लोकार्पण गरिएको छ । शाक्यले लेख्नुभएका जीवनका अनुभवहरू समेटिएको सङ्ग्रहको नवसंस्करण एक कार्यक्रमबीच लोकार्पण गरिएको हो । एमाले अध्यक्ष ओलीको प्रमुख आतिथ्यमा भएको उक्त कार्यक्रममा उहाँसहित कोशी प्रदेशका मुख्यमन्त्री हिक्मतकुमार कार्की, मधेश प्रदेशकी पूर्वप्रमुख सुमित्रा भण्डारीलगायतले संयुक्त रूपमा कृति लोकार्पण गर्नुभयो । कृति पाणिनी प्रकाशनले बजारमा ल्याएको हो । पुस्तकमाथि चर्चा गर्दै सहभागी वक्ताहरूले एमाले अध्यक्ष ओली दम्पतीको जीवन गाथा प्रेरणादायक भएको बताए । कार्यक्रममा लेखिका शाक्यले विभिन्न रोचक र भावुक क्षणहरू सुनाउनुभएको थियो ।

झापा, ११ फागुन । नेपालको वायुमण्डलमा हाल पश्चिमी वायुको आंशिक प्रभाव कायम रहँदा मुलुकका विभिन्न भागको मौसममा फेरबदल देखिएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार यतिबेला तराईका धेरैजसो भू(भागमा बाक्लो तुवाँलो लागेको छ भने कोशी, गण्डकी, कर्णाली र सुदूरपश्चिम प्रदेशका पहाडी तथा हिमाली क्षेत्रमा साधारणतया बदलीको अवस्था छ। बागमती र लुम्बिनी प्रदेशका उच्च भू(भागमा पनि आंशिक बादल लागेको देखिए पनि अन्य क्षेत्रमा भने मौसम सामान्यतया सफा नै रहेको छ। पहाडी र हिमाली क्षेत्रका केही सीमित स्थानमा अहिले हल्का वर्षा र हिमपात भइरहेको छ जसले गर्दा ती क्षेत्रमा चिसोको मात्रा बढेको महसुस गरिएको छ। सोमबारको पूर्वानुमान अनुसार…

पूर्वोत्तर भारतको प्रवेशद्वार अनि पश्चिम बङ्गाल र सिक्किमका पहाडी बस्तीहरूको बिसौनी सिलिगुडीमा नेपथ्य ब्यान्ड पहिलोपटक प्रस्तुत हुन लागेको छ । नेपथ्यले आगामी शनिबार (फेब्रुअरी २८) त्यहाँ नेपाली लोकरक सुनाउने भएको छ । ब्यान्डका निम्ति सिलिगुडीको कन्सर्ट यो वर्ष (सन् २०२६) नेपाली सिमाना बाहिरको पहिलो प्रस्तुति पनि हुँदै छ । गत साता मुलुकका चार सहरमा शृङ्खलाबद्ध यात्रा गरेर फर्केको ब्यान्ड सिलिगुडी कन्सर्टको अन्तिम तयारीमा जुटिसकेको छ । नेपथ्यले यसअघि सिलिगडी आसपासका सिक्किम र सिलोङमा आफूलाई उभ्याइसकेको छ । यस महानगरको उत्तरतर्फका पहाडी बस्तीमा नेपालीभाषी समुदायको ठुलो उपस्थिति छ । पछिल्लो समय भने सबैतिरबाट बसाइँ सरेर आएकाहरूको उल्लेख्य जनसङ्ख्याले यो बहुसांस्कृतिक सहर…