झापा अनलाइन

झापा, ११ चैत्र । झापाको भद्रपुर नगरपालिका–३, ज्ञानेचोकमा हिजो परेको अविरल वर्षा र असिनाले स्थानीयवासीका घरमा क्षति पुर्याएको छ। उमेश मगरको एकतले घरको टिनको जस्तामा प्वाल परेर करिब रु.२०,००० बराबरको क्षति भएको छ भने हेमबहादुर लिम्बुको घरमा पनि रु.२०,००० बराबरको समान क्षति भएको छ । त्यस्तै दिलबहादुर राईको घरमा समेत टिनको जस्तामा प्वाल परेर रु. २०,००० बराबरको क्षति भएको छ। यस घटनामा मानविय तथा चौपाया क्षति नभएको जनाइएको छ। त्यसैगरी, झापाको दमक नगरपालिका–८, रुपाटोलमा हिजो अन्दाजी १८ः२० बजे खगेन्द्र निरौलाको कुखुराको फर्ममा बिजुलीको तार सर्ट भई आगलागी भएको छ। इप्रका दमक, दमक नगरपालिका दमकल तथा स्थानीयवासीको सहयोगमा १९ः५५ बजे आगो…

झापा, ११ चैत । सुनको भाउ आज एकैदिन तोलामा १४ हजार ६ सय रुपैयाँले बढेको छ । आज सुन तोलाको दुई लाख ८८ हजार ५ सय रुपैयाँ पुगेको छ । हिजो सुन तोलाको दुई लाख ७३ हजार ९०० रुपैयाँमा कारोबार भएको थियो । यसअघि लगातार ६ कारोबार दिन घटेको सुनको भाउ आज सातौँ दिन बढेको नेपाल सुनचाँदी व्यवसायी महासंघले जनाएको छ । आज चाँदीको भाउ पनि बढेको छ । चाँदीको भाउ तोलामा ४१५ रुपैयाँले बढेको हो । हिजो चाँदी तोलाको चार हजार ५०५ रुपैयाँ रहेकोमा आज चार हजार ९२० रुपैयाँमा कारोबार भैरहेको महासङ्घले जनाएको छ ।

काठमाण्डौ, ११ चैत । कम्बोडियामा अनलाइन ठगी तथा गैरकानुनी काममा लगाइएकासहित थप ५१ जना नेपालीलाई स्वदेश फर्काइएको छ । विभिन्न व्यक्तिको प्रलोभनमा परी कम्बोडियामा पुगेका, त्यहाँ अवैधरुपमा सञ्चालन गरिएका अनलाइन स्क्यामिङ्ग केन्द्र तथा क्यासिनोमा अनलाइन ठगीमा परेका, गैरकानुनी काममा लगाइएका तथा बिनाभिसा बसिरहेका ५१ जना नेपालीलाई हिजो स्वदेश पठाइएको हो । थाइल्याण्डमा रहेको दूतावासको पहल तथा कम्बोडिया सरकारको सहयोगमा उनीहरुको उद्धार गरिएको दूतावासले जनाएको छ । कम्बोडियाको पर्यटनसम्बन्धी तथ्याङ्क अनुसार पछिल्लो समय सन् २०२१ मा १०१ जना नेपालीहरू भ्रमण भिसामा कम्बोडिया पुगेकोमा सन् २०२२ मा १ हजार ९७७ जना, सन् २०२३ मा २ हजार ९४० जना, सन् २०२४ मा ६…

सुनसरी, ११ चैत । सुनसरीको इटहरी उपमहानगरपालिका–६ स्थित पूर्वाञ्चल क्याफे र आईसक्रिम पार्लरमा लागेको आगो नियन्त्रणमा आएको छ । आज बिहान लागेको आगो पूर्णरूपमा नियन्त्रणमा आएको इलाका प्रहरी कार्यालय इटहरीका प्रहरी नायब उपरीक्षक सुवास हमालले जानकारी दिए । उनका अनुसार क्याफेको भान्साबाट आगलागी सुरु भएको हो । आगो लाग्नासाथ सुरक्षाकर्मी र स्थानीय निभाउन खटिएका थिए । “आगलागीको कारण र यसबाट भएको क्षतिको विवरण यकिन भएको छैन”, उनले भने । आगो निभाउन धरान, रामधुनी, इनरुवा, मोरङको विराटनगर र सुन्दरहरैंचाबाट बारुणयन्त्र (दमकल) मगाइएको थियो । बिहानको समयमा क्याफे बन्द रहेकाले मानवीय क्षति हुनबाट जोगिएको प्रहरी नायब उपरीक्षक हमालले बताए ।रासस

झापा, १० चैत । इलामको सूर्योदय नगरपालिका–११, तिघरेका १४ वर्षीय सौगात प्रधानले आफ्नो पहिलो सांगीतिक कोसेली “फर्केर आइदेउ” बोलको गीत सार्वजनिक गर्नुभएको छ । आफ्नै शब्द, संगीत र स्वरमा तयार गरिएको उक्त गीत फिक्कलको सिभान्स क्याफेमा सोमबार साँझ सांगीतिक कार्यक्रमका बीच सार्वजनिक गरिएको हो । कार्यक्रममा गायक तथा संगीतकार भुपेन्द्र राईको अध्यक्षता रहेको थियो भने प्रमुख अतिथिका गायक तथा संगीतकार पुजन प्रधान रहनुभएको थियो । कार्यक्रममा सुर्योदय जेशिजका अध्यक्ष विवेश अधिकारी, गायक–संगीतकार रगुन गुरूङ, चन्दन किसोर शुब्बा, लेखु मुखिया, गायीका कृतिका राई, गायत्रा ओली घिमिरे, सन्तोष शिवा, आस्विन प्रधान, समाजसेवी निर्मला अग्रवाल कट्टेल लगायतका प्रतिष्ठित व्यक्तित्वहरूको उपस्थिति रहेको थियो। अतिथिहरूलाई…

झापा, १० चैत । झापाको भद्रपुर नगरपालिका वडा नं. ८ स्थित क्याम्पस मोडमा आमामाथि निर्घात कुटपिट गर्ने छोरालाई प्रहरीले पक्राउ गरेको छ । भद्रपुर–८ क्याम्पस मोडकी ७९ वर्षीया चन्द्रमाया घिमिरेलाई उनका छोरा ३७ वर्षीय यशिस घिमिरेले कुटपिट गरेको दृष्य सञ्चार माध्यममा प्रसारण भएको थियो । आमामाथि निर्घात कुटपिट गर्ने यशिस घिमिरेलाई प्रहरी नियन्त्रणमा लिएर जिल्ला प्रहरी कार्यालय झापाबाट अनुसन्धान भइरहेको जिल्ला प्रहरी कार्यालय झापाले विज्ञप्तिमार्फत् जानकारी गराएको छ । साथै, चन्द्रमायाको उद्धार गरी स्वास्थ्योपचार भइरहेको विज्ञप्तिमार्फत् जिल्ला प्रहरी कार्यालय झापाले जनाएको छ ।

झापा, १० चैत । झापा जिल्लामा लागुऔषध नियन्त्रण ऐन २०३३ अन्तर्गत हिरासतमा रहेका लक्ष्मण राजवंशीलाई छुट्टाइदिने विश्वास दिलाई उनका दाजु रामप्रसाद राजवंशीसँग रु. १,५०,००० ठगी गरिएको घटना सार्वजनिक भएको छ। प्रहरीका अनुसार, ठगीमा संलग्न भएको आरोपमा दमक नगरपालिका–९ बस्ने ३० वर्षीय अरुण दनुवार र कमल गाउँपालिका–६ बस्ने ३२ वर्षीय सुमन खड्का पक्राउ परेका छन्। पीडितको उजुरीका आधारमा मिति २०८२।११।०८ मा उनीहरूलाई नियन्त्रणमा लिइएको हो। जिल्ला अदालत झापाबाट म्याद लिई अनुसन्धान भइरहेको प्रहरीले जनाएको छ। हाल उनीहरूलाई मुलुकी अपराध संहिता २०७४ अन्तर्गत ठगी तथा अपराधिक लाभ कसूरमा ७ दिनको म्याद थप गरी अनुसन्धान अघि बढाइएको छ। यस घटनाले देखाउँछ कि लागुऔषध…

आज विश्व क्षयरोग दिवस । “हो हामी क्षयरोग अन्त्य गर्छौ राष्ट्रिय अभियान हाम्रो योगदान” भन्ने नारासहित आज यो दिवस मनाईदै छ । यस दिवसको मुख्य उद्देश्य नेपाली समाजमा रहेको क्षयरोग ९टीबी०बारेमा सचेतना फैलाउनु र क्षयरोग मुक्त समाजको निर्माणमा सहयोग गर्नु हो । क्षयरोग अझै पनि विश्वभर र नेपालमा प्रमुख स्वास्थ्य चुनौतीको रूपमा रहिरहे पनि धेरै मानिसहरु यसबारे गलत बुझाइका कारण उपचार ढिला हुने गरेको छ । जसका कारण रोग फैलिन्छ र उपचारको प्रभावकारितामा समेत असर पुग्दछ । त्यसकारण आज हामीले यहाँ क्षयरोग सम्वन्धी सुनिएका केही भ्रम र सत्य कुरालाई यहाँ प्रस्तुत गरेका छौँ । १. भ्रम– क्षयरोग वंशानुगत रोग हो…

मुम्बई, १० चैत । बलिउड अभिनेता रणवीर सिंह र निर्देशक आदित्य धरको जोडीले बक्स अफिसमा सुनामी ल्याएका छन्। एक्सन–थ्रिलर फिल्म ‘धुरन्धर २– द रिभेन्ज’ ले प्रदर्शनको सुरुवाती पाँच दिनमै भारतीय सिनेमाका सयौँ रेकर्डहरू ध्वस्त पारेको छ। जासुसी कथामा आधारित यस फिल्ममा रणवीर सिंहले एक भारतीय जासुसको भूमिका निर्वाह गरेका छन्, जसले पाकिस्तानबाट भारतका लागि महत्त्वपूर्ण सूचनाहरू पठाउँछन्। फिल्मको यो सशक्त कथावस्तु र रणवीरको दमदार अभिनयले दर्शकलाई हलसम्म तान्न सफल भएको छ। फिल्मले व्यापारको मामिलामा बलिउडका पछिल्ला ११३ वर्षका सबै कीर्तिमानलाई पछि पार्दै सबैभन्दा तीव्र गतिमा ५०० करोड क्लबमा प्रवेश गर्ने हिन्दी फिल्मको ट्याग भिरेको छ। प्रदर्शनको पहिलो दिनमै १०२ करोड…

पुटुमायो, १० चैत । कोलम्बियाको दक्षिणी क्षेत्रमा १२१ जना सवार एउटा सैन्य विमान उड्ने बित्तिकै दुर्घटनामा परेको छ। पुटुमायो प्रान्तको पुएर्टो लेगुइजामोमा भएको यस दुर्घटनामा कम्तीमा एक जनाको मृत्यु भएको छ भने दर्जनौँ व्यक्ति घाइते भएका छन्। रक्षा मन्त्री पेड्रो सान्चेजले अमेजन क्षेत्रको दुर्गम इलाकामा भएको यस घटनालाई ‘भयानक दुर्घटना’ को संज्ञा दिएका छन्। राष्ट्रपति गुस्ताभो पेट्रोका अनुसार दुर्घटनामा ७७ जना घाइते भएका छन् भने अन्य ४३ जनाको अवस्था अझै स्पष्ट हुन सकेको छैन। विमानमा ११० सैनिक र ११ जना चालक दलका सदस्य गरी कुल १२१ जना सवार थिए। हर्कुलिस सी–१३० मोडलको उक्त विमानले सैनिकहरूलाई पुटुमायो प्रान्तकै अर्को सहरमा लैजाँदै…