झापा अनलाइन

बुद्धशान्ति गाउँपालिका झापाका प्रवक्ता तथा वडा नम्बर‌ १ का वडा अध्यक्ष अनिल वाग्ले‌ले‌ सामाजिक सञ्जाल फे‌सवुकमा स्थानीय तहको‌ संख्या घटाउने‌ विषयमा भइर‌हे‌को‌ तयार‌ीका विषयमा असहमति प्रकट गर‌े‌का छन् । उनले‌ के‌ही सुधार‌का सुझाव दिएका छन्, उनको‌ सामाजिक संजालमा सार्वजनिक भएको‌ धार‌णालाई यहाँ प्रस्तुत गरि‌एको‌ छ । अहिले‌ दे‌शमा आन्तरि‌क रूपमा (जनताको‌ जनमत अर्थात् यसबार‌े‌ जनताको‌ धार‌णा के‌ छ ? नबुझी÷नलिई) एउटा तयार‌ी हुँदै‌छ । त्यो‌ हो‌, स्थानीय तहको‌ संख्या घटाउने‌ । म यसको‌ विपक्षमा छु र‌ म संघ र‌ प्रदे‌शको‌ निर्वाचन क्षे‌त्र चाहिँ घट्नुपर्छ भन्ने‌ पक्षमा छु । जसका संक्षिप्त कार‌ण र‌ आवश्यकताका बार‌े‌मा मे‌र‌ा धार‌णा तल उल्ले‌ख गर‌े‌को‌ छु ताकि पूर‌ापूर‌ यसबार‌े‌ बहस हो‌स्…

झापा, २९ बैशाख । ​झापाको बिर्तामोडबाट प्रहरीले अनलाइन सट्टाबाजीमा संलग्न रहेको आशंकामा दुई जनालाई नियन्त्रणमा लिएको छ । जिल्ला प्रहरी कार्यालय झापा र इलाका प्रहरी कार्यालय अनारमनीको संयुक्त प्रहरी टोलीले बैशाख २७ गते साँझ उनीहरूलाई पक्राउ गरेको हो । ​पक्राउ पर्नेमा मेचीनगर नगरपालिका–१० का २७ वर्षीय विपिन गिरी र बिर्तामोड नगरपालिका–६ का ३६ वर्षीय भुवन मेचे रहेका छन् । गिरीलाई बिर्तामोड–५ र मेचेलाई बिर्तामोड–४ बाट नियन्त्रणमा लिइएको हो । पक्राउ परेका दुवै जनालाई सोमबार जिल्ला अदालत झापाबाट सट्टाबाजी सम्बन्धी कसुरमा थप अनुसन्धानका लागि २ दिनको म्याद थप गरी आवश्यक कानुनी प्रक्रिया अगाडि बढाइएको छ ।

झापा, २९ बैशाख । झापाको अर्जुनधारा नगरपालिका–२ मा जंगली हात्तीको आक्रमणबाट एक युवक घाइते भएका छन् । गएरााति अर्जुनधारा–२ को मिलन चोक नजिकै सडकमा हिँडिरहेको अवस्थामा स्थानीय २४ वर्षीय दिनेश पराजुलीलाई अचानक एउटा जंगली हात्तीले आक्रमण गरेको जिल्ला प्रहरी कार्यालय झापाले जनाएको छ । ​हात्तीको आक्रमणबाट पराजुलीको अनुहार, टाउको र पेटमा चोट लागेको छ। उहाँलाई तत्काल उपचारका लागि बिर्तामोडस्थित बी एण्ड सी अस्पताल लगिएको र हाल उहाँको अवस्था बोल्न सक्ने, सामान्य रहेको प्रहरीले जनाएको छ ।

झापा, २९ बैशाख । राष्ट्रिय परीक्षा बोर्डले माध्यमिक शिक्षा परीक्षा (एसईई) २०८२ मा असफल भएकाहरुका लागि पूरक परीक्षा सञ्चालन गर्ने मिति तय गरेको छ । बोर्डले सोमबार सार्वजनिक गरेको नतिजासँगै पूरक परीक्षा असार १ गतेदेखि सञ्चालन गर्ने जानकारी गराएको हो । बोर्डका अनुसार पूरक परीक्षा असार ९ गतेसम्म सञ्चालन हुनेछ । नन–ग्रेडेड (एनजी) भएका विद्यार्थीलाई लक्षित गर्दै परीक्षा सञ्चालन गर्न लागिएको जनाइएको छ । यस वर्षको एसईईमा नियमिततर्फ चार लाख ३० हजार ६६७ विद्यार्थी सहभागी भएका थिए । जसमध्ये दुई लाख ८४ हजार १६० विद्यार्थी ग्रेडेड भएका छन् भने एक लाख ४६ हजार ५०७ विद्यार्थी नन–ग्रेडेड भएका छन् । राष्ट्रिय…

झापा, २९ बैशाख । कास्कीको पोखरा महानगरपालिका–बुलौंदीस्थित स्विमिङ पुलमा पौडी खेल्ने क्रममा एक चिकित्सकको डुबेर मृत्यु भएको छ । पौडी खेल्ने क्रममा अचानक पानीमा डुबेर डा.अमिर उप्रेतीको मृत्यु भएको हो । गण्डकी मेडिकल कलेजमा एमएस (ओटोलेरिंगोलोजी) दोस्रो वर्षका रेजिडेन्ट डाक्टरका रूपमा कार्यरत उप्रेतीको साथीसँगै पौडी खेल्दा अचानक पानीमा डुबेर मृत्यु हुनुमा थप केही कारण हुन सक्ने आशङ्का गरेको छ । साथीहरूले तत्काल उद्धारको प्रयास गरे पनि उप्रेतीलाई बचाउन नसकिएको प्रहरीले जनाएको छ । पौडी खेल्न जान्ने व्यक्ति नै स्विमिङ पुलमै डुबेर मृत्यु भएको घटनामा थप केही रहस्य हुन सक्ने आशङ्कासहित प्रहरीले विभिन्न पक्षबाट अनुसन्धान अघि बढाएको जिल्ला प्रहरी कार्यालय कास्कीका…

झापा, २९ बैशाख । हाल नेपालमा पश्चिमी न्यूनचापीय प्रणाली, स्थानीय वायु र तल्लो वायुमण्डलमा रहेको न्यून चापीय क्षेत्रको आंशिक प्रभाव रहेको मौसम पूर्वानुमान महाशाखाले जनाएको छ । जसको प्रभावले हाल गण्डकी, कर्णाली र सुदूरपश्चिम प्रदेशमा साधरणतया बादल तथा बाँकी प्रदेशहरूमा आंशिक बादल लागिरहेको छ । बागमती, कर्णाली र सुदूरपश्चिम प्रदेशका थोरै स्थानहरूमा मध्यमसम्मको वर्षा भइरहेको छ । आज दिउँसो कोशी प्रदेश तथा बाँकी प्रदेशका हिमाली र पहाडी भूभागमा साधरणतया बादल लाग्नेछ । तराई भूभागमा आंशिक बादल लाग्नेछ। कोशी प्रदेश तथा बागमती र गण्डकी प्रदेशका हिमाली र पहाडी भूभागका केही स्थानहरूमा, बाँकी हिमाली र पहाडी भूभागका थोरै स्थानहरूमा तथा तराई भूभागका…

अर्जुनधारा, २८ वैशाख । भत्केको लामो समयसम्म ठेक्का लाग्न नसकेको शनिश्चरे-खुदनाबारी खण्ड अन्तर्गत बिरिङ नदीमा पुल निर्माणका लागि झापाका जनप्रतिनिधिको टोली सिंहदरबार पुगेको छ। बिरिङ नदीमा पुल निर्माणार्थ झापा क्षेत्र नम्बर २ की सांसद इन्दिरा राणा मगर र अर्जुनधारा नगरपालिकाका नगरप्रमुख बलदेव सिंह गोम्देन लगायत जनप्रतिनिधिको टोली सिंहदरबार पुगेको हो । बिरिङ खोलामा पुल निर्माण नहुँदा यस क्षेत्रका हजारौँ बासिन्दाले सास्ती भोग्दै आएका छन् । निर्माण कार्यलाई चाँडोभन्दा चाँडो सुचारु गर्नका लागि झापाका जनप्रतिनिधि सिंहदरबार पुगेका हुन् । ‘बिरिङ खोलामा पुल बनाउनका लागि जग्गाको समस्या छैन’, नगरप्रमुख गोम्देनले भन्नुभयो, ‘पुल निर्माण गर्दा कसैलाई क्षति पुग्ने र क्षतिपूर्ति दिनुपर्ने अवस्था पनि…

झापा, २८ बैशाख । प्रसिद्ध पर्यटकीयस्थल किचकबध र नेपालकै होचो स्थान कचनकबल जाने सडक स्तरोन्नति गरिएपछि पर्यटकीय चहलपहल बढेको छ । भद्रपुर नगरपालिका–२ स्थित १९ बिघा क्षेत्रफलमा फैलिएको किचकबध पर्यटकीय क्षेत्र महाभारतकालीन विराट राजाको दरबार, उनको सेनापति किचकको बध भएको स्थान र दुई हजार वर्षभन्दा पुरानो मानव इतिहाससँग जोडिएको छ । त्यसैगरी, कचनकबल गाउँपालिका–४ स्थित कचनकबल समुद्र सतहबाट ५८ मिटरको उचाइमा रहेको नेपालको सबैभन्दा होचो स्थानका रूपमा प्रसिद्ध छ । चन्द्रगढी विमानस्थलबाट १० किलोमिटर टाढा रहेका यी दुवै पर्यटकीयस्थल महेन्द्र राजमार्गको विर्तामोड, चारआली र पूर्वीनाका काँकरभिट्टाबाट २८ देखि ४३ किलोमिटरको सडक दूरीमा छन् । कचनकबललाई जोड्ने सडक हाल कालोपत्र भइसकेको…

धरान, २८ बैशाख । सुनसरीको धरानमा आज दिउँसो छुरा प्रहारबाट एक युवकको हत्या भएको छ । धरान उपमहानगरपालिका–१० बेलगाछी लाइन निवासी २७ वर्षीय जीवन भुजेल छुरा प्रहारबाट शक्त घाइते भएका थिए । उनको उपचारका क्रममा मृत्यु भएको जिल्ला प्रहरी कार्यालय सुनसरीले जनाएको छ । प्रहरीका अनुसार दिउँसो करिब १ः४५ बजे स्थानीय युवाबीच भएको आपसी विवादका क्रममा भुजेलमाथि छुरा प्रहार भएको प्रारम्भिक अनुसन्धानबाट खुलेको छ । आक्रमणबाट भुजेलको दायाँ कुममा गम्भीर चोट लागेको थियो । घाइते भुजेललाई उपचारका लागि बीपी कोइराला स्वास्थ्य विज्ञान प्रतिष्ठान लगिएको थियो । त्यहाँ उपचार सम्भव नभएपछि थप उपचारका लागि विराटनगरस्थित विराट नर्सिङ होम रेफर गरिएको प्रहरीले…

झापा, २८ बैशाख । झापाको बिर्तामोडमा मुख्य कार्यालय रहेको सिम्रिक बचत तथा ऋण सहकारी संस्थाले सदस्यलाई अवलोकन भ्रमण गराएको छ । संस्थाले सदस्यहरु समेतको लागत सहभागितामा सदस्य र कर्मचारी गरी १७५ जनालाई धार्मिक तथा पर्यटकीय क्षेत्रको अवलोकन गराएको हो । बैशाख २० गते सुरु भएको धार्मिक तथा पर्यटकीय क्षेत्रको अवलोकन भ्रमण २५ गते सम्पन्न भएको थियो । संस्थाले आफ्ना सदस्यलाई बर्सेनि पालो मिलाएर धार्मिक तथा पर्यटकीय क्षेत्रको अवलोकन भ्रमण गराउँदै आएको संस्थाका कार्यकारी प्रमुख कमलबहादुर बस्नेतले बताउनुभयो । जनकपुरधाम, देवघाट धाम र पोखराभित्र रहेका पुम्दिकोट, डेभिडफल्स, गुप्तेश्वर महादेव, महेन्द्र गुफा, फेवाताल, तलबराही मन्दिर, बिन्दबासिनी मन्दिर आदि घुमाइएको सहभागी झलनाथ कडरिया…