झापा अनलाइन

भद्रपुर, ३ साउन । प्रदेश नं १ को राजधानी मोरङको गोठगाउँ राख्नु उपयुक्त हुने झापाका नागरिक समाजका प्रतिनिधिले सुझाव दिएका छन् । पूर्वाञ्चल विश्वविद्यालयसहित गोठगाउँको ८०० बिगाहा सरकारी जमीनमा प्रदेशको राजधानी राख्नुपर्ने र त्यो ठाउँ सबैलाई पायक पर्ने आज बिर्तामोडमा संवाद समूहले आयोजना गरेको छलफल कार्यक्रममा ज्येष्ठ नागरिक, विभिन्न संघसंस्था तथा क्षेत्र र नागरिक समाजका प्रतिनिधिले सुझाव दिएका हुन् । “चौधवटा जिल्लालाई पायक पर्ने र हरेक दृष्टिले उपयुक्त ठाउँ गोठगाउँलाई प्रदेश १ को राजधानी बनाउनुपर्छ”, ज्येष्ठ नागरिक तथा वीरता जेसिजका संस्थापक अध्यक्ष गोपालकुमार बस्नेतले भने, ‘दीगोरुपमा सोच्ने हो भने गोठगाउँमा राजधानी बनाउनुको विकल्प छैन ।’ प्रदेशको राजधानी मोरङ कि सुनसरी…

सन्तोष शर्मा बिर्तामोड, ३ साउन । विद्यालयले अत्याधिक शूल्क बृद्धि गरेको भन्दै झापाको बिर्तामोड–५ स्थित देवी माविमा विद्यार्थीले तालाबन्दी गरेका छन् । विद्यालयले २४ प्रतिशतभन्दा बढी शुल्क बृद्धि गरेपछि नेविसंघ २ नम्बर क्षेत्रीय समितिले तालाबन्दी गरेको हो । विद्यार्थी र अभिभावकको ढाँड भाँच्ने गरी शुल्क बृद्धि गरिएपछि बाध्य भएर तालाबन्दी गर्नुपरेको नेविसंघका नेता मिलन चापागाईंले बताउनुभयो । ‘अघिल्लो वर्ष भर्ना शुल्क ५ हजार थियो, यो वर्ष बढाएर ८ हजार बनाइएको छ’, तालाबन्दीको कारण खुलाउँदै उहाँले भन्नुभयो, ‘मासिक शुल्क पनि १२ सयबाट १५ सय बनाइएको छ ।’ सरसफाइ लगायत अन्य शीर्षक थप गरेर अत्याधिक शुल्क बृद्धि गरिएको जनाइएको छ । विद्यालयमा…

टेलिभिजन तथा चलचित्रमा प्रायः आमाको भूमिका निभाउने दिग्गज भारतीय कलाकार रीता भादुडीको मंगलबार निधन भएको छ । वरिष्ठ कलाकार शिशिर शर्माले ट्वीट गर्दै भादुडीको निधन भएको पुष्टि गरेका हुन् । शर्माले लेखेका छन्, ‘एकदमै दुःखका साथ म यो भन्दैछु कि रीता भादुडीजी अब हामीबीच हुनुहुन्न । उहाँ हामी सबैका लागि आमासरह हुनुहुन्थ्यो । हामी सबै उहाँलाई सम्झिरहनेछौँ ।’ मृगौलाको रोगबाट पीडित रीता पछिल्लो केही दिनदेखि बिरामी थिइन् । रीता पछिल्लो समय टेलिसिरियल ‘निमकी मुखिया’ मा इमरती देवीको भूमिका निर्वाह गरिरहेकी थिइन् । ६२ वर्षीया रीताले टेलिभिजन शोका अलावा कैयौँ चलचित्रमा प्रमुख भूमिका निर्वाह गरेकी थिइन् । रीताको आजै मुम्बईमा अन्तिम…

काठमाडौं, १ साउन । बिभिन्न जिल्लाका सरकारी कार्यालयहरु मंगलबारदेखि खारेज भएका छन् । सरकारले खारेज हुने जिल्ला कार्यालयको सूची यसअघि नै सार्वजनिक गरिसकेको छ । खारेज हुने कार्यालय – – जिल्ला शिक्षा कार्यालय – जिल्ला जनस्वास्थ्य कार्यालय – जिल्ला कृषि विकास कार्यालय – जिल्ला पशुसेवा कार्यालय –जिल्ला प्राविधिक कार्यालय – जिल्ला वन कार्यालय –जिल्ला बाल कल्याण समिति – शान्ति समिति –जिल्ला सहकारी कार्यालय –भू–संरक्षण कार्यालय – घरेलु तथा साना उद्योग – महिला तथा बालबालिका कार्यालय – जिल्ला वन कार्यालय – जिल्ला अस्पताल – जिल्ला सिँचाइ कार्यालय – जिल्ला खानेपानी कार्यालय – सहरी विकास डिभिजन कार्यालय – जिल्ला खेलकुद विकास समिति…

कृष्णराज गौतम काठमाडौँ, १ साउन । मुलुकमा धान, मकै, गहुँ, जौ, फापर र कोदोजस्ता अन्नबालीको आयात केही वर्षदेखि बढ्दै गएको पाइएको छ । कृषि, भूमि व्यवस्था तथा सहकारी मन्त्रालयले उपलब्ध गराएको तथ्यांकअनुसार आव २०७४÷०७५ को जेठ मसान्त ९११ महिना० भित्र रु ४१ अर्ब ३२ करोडको अन्न आयात भएको छ । सोही अवधिमा करीब रु एक करोड ६४ लाख बराबरको स्वदेशी अन्नबाली निर्यात भएको छ । आव २०७३÷०७४ मा रु ४० अर्ब १४ करोडको ती बाली आयात भएको अभिलेख मन्त्रालयसँग छ । यस अवधिमा ती बालीको निर्यात भने नगण्यरुपमा करीब रु तीन करोड बराबरको भएको वरिष्ठ तथ्यांक अधिकृत रामकृष्ण रेग्मीले जानकारी…

सन्तोष पुर्कुटी ताप्लेजुङ, १ साउन । बस्तीमाथि रहेको भिरालो जमीनमा सडक खनेपछि आफूहरु पहिरोको जोखिममा परेको भन्दै सिरिजंघा गाउँपालिका–७ खेवाङका छ घर दलित परिवारले घर नै छाडेर अन्तै सरे । तीमध्ये कोही तराईतिर बसाइँ सरेर गए भने कोही नजिकैका बस्तीमा गएर बसे । जेठ लाग्दै घर छाडेकाहरु अहिले खेती कमाइका लागिमात्रै त्यहाँ जाने गरेका छन् । एक दुई परिवार भने घरमै फर्किएर डरैडरमा बस्न थालेका छन् । उनीहरुको घरमाथि खनिएको सडकबाट ठूलठूला ढुंगा झर्ने गरेकाले र वर्षा हुँदा पहिरो झर्ने डरले नै अन्तै सर्नुपरेको हो । ‘बस्ती नै जोखिममा पर्ने देखिएपछि शुरुमा यहाँबाट बाटो निर्माण नगर्नुहोस् भन्दा पनि कुनै जोखिम…

रमेश लम्साल काठमाडौँ, १ साउन । आर्थिक वर्ष २०७४/७५ मा साना ठूला गरी कूल १५ आयोजना निर्माण सम्पन्न भई राष्ट्रिय प्रसारण प्रणालीमा १०० मेगावाट विद्युत् थप भएको छ । विद्युत् विकास विभागका अनुसार नेपाल विद्युत् प्राधिकरणको ३० मेगावाट क्षमताको चमेलिया जलविद्युत् आयोजना नै सो आवमा सम्पन्न भएको सबैभन्दा ठूलो आयोजना हो । दार्चुलामा आयोजनास्थल रहेको सो आयोजना निर्माण शुरु भएको करीब ११ वर्षपछि सम्पन्न भएको हो । यस्तै ११ वटा मझौला प्रकृतिका आयोजनासमेत सो आवमा सम्पन्न भएका छन् । दुईवटा लघु जलविद्युत् आयोजनासमेत सोही अवधिमा सम्पन्न भएका छन् । विभागका अनुसार सोही अवधिमा पञ्चकन्या हाइड्रो पावरको माथिल्लो माई सी आयोजनासमेत…

बिर्तामोड, १ साउन । झापाको बिर्तामोड नगरपालिका क्षेत्रमा ब्रोइलर कुखुरापालक कृषकले नगर समिति गठन गरेका छन् । विराटज्योति स्कूलमा सम्पन्न नगर भेलाले समिति गठन गरी कृषकहरुले झेल्दै आएका समस्या समाधानका लागि नगरपालिकाले खेल्नुपर्ने भूमिकासहित किसानलाई निश्चित मूल्य निर्धारण गरिदिनु पर्ने लगायतका बारेमा वृहत छलफल भएको हो । गरामनीका कृषक सौरभ प्रसाईंको अध्यक्षमा गठित ११ सदस्यीय तदर्थ समितिले ब्रोइलर कुखुराको बजार व्यवस्थापनको लागि नगरपालिकाले उचित भूमिका खेल्नुपर्ने ठहर गरेको छ । किसानले कहिलै नाफा पाएका छैनन्, बजारीकरण राम्रो छैन अनि खोरमै कुखुरा मर्छन् छलफलमा सहभागी किसानको गुनासो थियो । अर्कोतर्फ कुखुराको चारो (दाना) र औषधीको मूल्य बढेर किसान सधैं मारमा परिरहेका…

अभिनेता अनुप विक्रम शाही स्टारर फिल्म ‘झमक बहादुर’ को दोस्रो ट्रेलर सार्वजनिक भएको छ । पहिलो ट्रेलर सार्वजनिक हुँदा यो फिल्म दक्षिण भारतीय फिल्म मुम्बई एक्सप्रेसु को फोटोकपी भन्दै चर्को आलोचना भएको थियो । दोस्रो ट्रेलरले फिल्म कमेडी जनरामा निर्माण भएको प्रष्ट हुन्छ । पैसा र सुनका लागि पात्रहरुको बीचको तनाव र द्वन्द्वलाई ट्रेलरमा देखाइएको छ । यो फिल्ममा अभिनेता शाहीले कान नसुन्ने युवकको भूमिका निर्वाह गरेका छन् । निर्देशक भोमन कटुवालले ‘झमक बहादुर’, ‘मुम्बई एक्सप्रेस’ को फोटोकपी नरहेको बताउँदै नितान्त नेपाली परिवेश सुहाउँदो फिल्म रहेको बताएका छन् । सुन तस्करी, लुटपाट र अपहरणलाई फिल्मको मुख्य विषय बनाइएको छ ।…

काठमाडौं, ३२ असार। भुटानमा नेपाली भाषी माथि गरिएको अत्याचारमा केन्द्रित रहेर नेपाली भाषी भुटानी साहित्यकार तुम्बेहाङ लिम्बूले तयार गरेको ‘किनाराको प्रश्न’ कविता संग्रह सार्वजनिक गरिएको छ । नेपाल प्रज्ञा प्रतिष्ठानमा साहित्य परिषद् भुटानको आयोजना र घनश्याम सांस्कृतिक प्रतिष्ठानको सहआयोजनामा भएको कार्यक्रममा संग्रहको समालोचक तथा सौन्दर्य चिन्तक निनु चापागाईं, समालोचक प्रा। डा। गोपीन्द्र पौडेल, प्राज्ञ तथा कवि श्रवण मुकारुङ, र साहित्यकार सीता शर्माले संयुक्त रुपमा सार्वजनिक गरे । उक्त संग्रहसँगै नेपाली भाषी भुटानी कथाकारको संयुक्त कृति ‘समकालीन भुटानी नेपाली कथा’ को समेत विमोचन गरियो । भुटानमा नेपालीे साहित्यको अवस्था निकै नै कमजोर रहेको समालोचक तथा सौन्दर्यचिन्तक निनु चापागाईंले बताए । भुटानबाट…