jhapaonline add
झापा, ७ साउन । झापाको दमक नगरपालिका–४ स्थित भाइरल रोडको संगम चोकमा भएको सवारी दुर्घटनामा गम्भीर घाइते भएका एक साइकलयात्रीको उपचारका क्रममा मृत्यु भएको छ । प्रहरीका अनुसार साउन ६ गते साँझ आम्दाबाट ताराबारीतर्फ जाँदै गरेको प्रदेश १–०२–००२ च ५४८२ नम्बरको कारले सोही दिशातर्फ अघि बढिरहेको साइकललाई सामान्य ठक्कर दिएको थियो । ठक्करपछि साइकल अनियन्त्रित हुँदा पछाडिबाट आइरहेको प्रदेश १–०१–०१५ प १४४ नम्बरको मोटरसाइकलले साइकलयात्रीलाई ठक्कर दिएको थियो । दुर्घटनामा साइकलयात्री दमक–३ निवासी अन्दाजी ५३ वर्षीय रनबहादुर बिष्ट गम्भीर घाइते भएका थिए । उनको टाउको, दुवै हात र खुट्टामा चोट लागेको थियो भने बोल्न नसक्ने अवस्था भएको थियो । मोटरसाइकल…
झापा, ७ साउन । हाल देशभर मनसुनी वायुको प्रभाव रहेको छ । हाल मनसुनको न्यूनचापीय रेखा सरदर स्थानमा रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ । हाल गण्डकी, लुम्बिनी, कर्णाली र सुदूरपश्चिम प्रदेश साथै कोशी र बागमती प्रदेशको पहाडी र हिमाली भूभागमा साधारणतया बादल लागेको छ भने मधेस र कोशी प्रदेशका तराई भूभागमा आंशिक बादल लागेको छ । देशका हिमाली र पहाडी भू–भागका केही स्थानमा मेघगर्जन/चट्याङसहित मध्यमसम्मको वर्षा/हिमपातको सम्भावना रहेको महाशाखाले जनाएको छ । महाशाखाका अनुसार कोशी, बागमती, गण्डकी र लुम्बिनी प्रदेशका तराईका केही स्थान तथा मधेस प्रदेश र सुदूरपश्चिम प्रदेशको तराईको थोरै स्थानमा मेघगर्जन÷चट्याङसहित मध्यमसम्मको…
बुद्धशान्ति, ६ साउन । झापाको बुद्धशान्ति गाउँपालिका–१ होक्सेस्थित श्री त्रिभुवन माध्यमिक विद्यालयले असार महिनाका उत्कृष्ट विद्यार्थीलाई सम्मान गरेको छ । विद्यालयले असार महिनाभर शैक्षिक, अनुशासन, नेतृत्व तथा विभिन्न क्षेत्रमा प्रदर्शन गरेको उत्कृष्ट कार्यको मूल्याङ्कन गर्दै आज (बुधबार) एक कार्यक्रमका बीच कक्षागत रुपमा नर्सरीदेखि कक्षा–१२ सम्मका विद्यार्थीलाई ‘स्टुडेन्ट अफ द मन्थ’का रुपमा सम्मान गरेको हो । साथै, एक जना उत्कृष्ट विद्यार्थीलाई ‘स्कुल स्टुडेन्ट अफ द मन्थ’ समेत घोषित गरेको छ । विद्यार्थीहरूको सर्वाङ्गीण विकासका लागि हौसला, प्रेरणा र प्रोत्साहन प्रदान गर्ने उद्देश्यले ‘असार महिनाको उत्कृष्ट विद्यार्थी’ (स्टुडेन्ट अफ द मन्थ) घोषणा गरिएको विद्यालयका प्रधानाध्यापक कुमार आचार्यले जानकारी दिनुभयो । विद्यालय व्यवस्थापन…
झापा, ७ साउन । पत्रकार एवम् साहित्यकार देवेन्द्रकिशोर ढुङ्गानाको कविता सङ्ग्रह ‘एक मुट्ठी भोक’ लोकार्पण भएको छ । नेपाली साहित्य परिषद्को आयोजनामा असार ३ गते भएको कार्यक्रममा समालोचक गङ्गाप्रसाद अधिकारीले उक्त कविता सङ्ग्रह विमोचन गर्दै कवि ढुङ्गानाले समाजमा व्याप्त कुरीति र अन्यायविरुद्ध प्रतिरोध गर्नुभएको बताउनुभयो । साहित्यकार चूडामणि वशिष्ठले श्रमजीवी समुदायका पीडा, अभाव र मानवीय संवेदनालाई जीवन्त रूपमा कवितामा व्यक्त भएका बताउनुभयो । ढुङ्गानाको यो दोस्रो कृति हो । यसअघि उहाँको ‘तुँवालोले ढाकेको आकाश’ लघु उपन्यास पाठकमाझ आइसकेको छ ।
झापा, ६ साउन । झापाको दमक नगरपालिका–१ सिरपाली चोकमा श्रीमान–श्रीमतीबीच भएको विवादले दुःखद अन्त्य लिएको छ । झै–झगडापछि श्रीमानले श्रीमतीमाथि खुकुरी प्रहार गरेका थिए भने त्यसलगत्तै आफूले पनि आत्महत्याको प्रयास गरेका थिए । उपचारका लागि अस्पताल पुर्याइए पनि दुवैको मृत्यु भएको जिल्ला प्रहरी कार्यालय झापाले जनाएको छ । प्रहरीका अनुसार बुधबार दिउँसो करिब २ बजे ४२ वर्षीय धनबहादुर दर्जी र उनकी ४२ वर्षीया श्रीमती विजयकुमारी दर्जीबीच विवाद भएको थियो । विवादका क्रममा धनबहादुरले खुकुरी प्रहार गर्दा विजयकुमारीको टाउको र बाँया हातमा गम्भीर चोट लागेको थियो । घटनापछि धनबहादुरले घरकै अर्को कोठामा रहेको सिलिङ पंखामा सलको पासो लगाएर आत्महत्याको प्रयास गरेका…
झापा, ६ साउन । आज सुनचाँदीको भाउ बढेको छ । सुन आज एकैदिन तोलामा ५ हजार ४०० रुपैयाँले बढेको हो । भाउ बढेर सुन तोलाको दुई लाख ९१ हजार रुपैयाँ पुगेको नेपाल सुनचाँदी व्यवसायी महासंघले जनाएको छ । हिजो मंगलबार सुनको भाउ तोलामा एक हजार रुपैयाँले बढेर तोलाको दुई लाख ८५ हजार ६०० रुपैयाँमा कारोबार भएको थियो । त्यस्तै चाँदी पनि आज तोलामा ११० रुपैयाँले बढेको छ । चाँदी आज तोलाको चार हजार ४८० रुपैयाँ पुगेको छ । यसअघि हिजो चाँदी तोलाको चार हजार ३७० रुपैयाँ रहेको थियो ।
मोरङ, ६ साउन । मोरङको विराटनगरबाट प्रहरीले कटुवा पेस्तोल र लागूऔषधसहित एक जनालाई पक्राउ गरेको छ। कोशी प्रदेश प्रहरी कार्यालय विराटनगर अन्तर्गतको प्रादेशिक अनुसन्धान समूह (पीआईटी) र इलाका प्रहरी कार्यालय रानीबाट खटिएको संयुक्त टोलीले विराटनगर महानगरपालिका–१८ झटियाही बुधनगरस्थित एक घरमा खानतलासी गर्ने क्रममा ५९ वर्षीय लालकिशोर यादवलाई पक्राउ गरेको हो। मोरङ प्रहरीका सूचना अधिकारी प्रहरी नायब उपरीक्षक मकेन्द्रकुमार मिश्रका अनुसार यादवको कोठाबाट एक थान कटुवा पेस्तोल, तीन ग्राम सात मिलिग्राम खैरो हेरोइनजस्तो देखिने पदार्थ र आठ ग्राम ४८ मिलिग्राम गाँजा बरामद गरिएको छ। बरामद हतियार र लागुऔषधसहित यादवलाई नियन्त्रणमा लिई इलाका प्रहरी कार्यालय रानीमा राखेर थप अनुसन्धान भइरहेको प्रहरी नायब…
भद्रपुर, ६ साउन । जिल्ला अदालत झापाले आर्थिक वर्ष २०८२/८३ मा कुल ७ हजार ५४९ वटा मुद्दामध्ये ४ हजार ५३५ वटा मुद्दा फर्छ्यौट गर्दै ६०.०२ प्रतिशत फर्छ्यौट दर हासिल गरेको जनाएको छ। अदालतले यस वर्ष ६५ प्रतिशत मुद्दा फर्छ्यौट गर्ने लक्ष्य राखेको भए पनि विभिन्न कारणले ६०.०२ प्रतिशतमा सीमित भएको प्रमुख न्यायाधीश उमेशप्रसाद लुइटेलले जानकारी दिए। उनका अनुसार गत आर्थिक वर्षबाट जिम्मेवारी सरी आएका ३ हजार २३२ र चालु आर्थिक वर्षमा दर्ता भएका ४ हजार ३१७ गरी कुल ७ हजार ५४९ मुद्दामध्ये ३ हजार १४ वटा मुद्दाको फैसला हुन बाँकी रहेको छ। उत्कृष्ट कार्यसम्पादनका आधारमा न्यायाधीश पारसमणि पोखरेललाई सम्मान गरिएको…
बिर्तामोड, ६ साउन । झापाको बिर्तामोड–३ स्थित विराट पोखरी परिसरमा अनारमनी सोसल युथ क्लबको आयोजनामा संस्थागत सामाजिक उत्तरदायित्व अन्तर्गत फूल रोपण, फुटबल किट, डस्टबिन तथा सरसफाइ सामग्री वितरण कार्यक्रम सम्पन्न भएको छ। ICFC Finance Ltd. को सहयोगमा आयोजित कार्यक्रममा क्लबका अध्यक्ष राज मुखियाको अध्यक्षता तथा बिर्तामोड नगरपालिका–३ का वडाध्यक्ष मदन बुढाथोकीको प्रमुख आतिथ्यता रहेको थियो। कार्यक्रमको सञ्चालन रुपेश तिम्सिनाले गरेका थिए। वातावरण संरक्षण, सरसफाइ प्रवर्द्धन तथा खेलकुदको विकासलाई प्रोत्साहन गर्ने उद्देश्यले आयोजित कार्यक्रममा विराट पोखरी परिसरमा फूल रोपण गरिएको थियो। साथै सरसफाइका लागि डस्टबिन र आवश्यक सामग्री वितरण गर्नुका साथै स्थानीय युवाहरूलाई फुटबल किट हस्तान्तरण गरिएको थियो। कार्यक्रममा स्थानीय जनप्रतिनिधि,…
झापा, ६ साउन । वर्षा सम्भावनासँगै आज देशका विभिन्न स्थानमा बाढीको जोखिम देखिएको छ । बाढी पूर्वानुमान महाशाखाले आज बिहान जारी गरेको बुलेटिनअनुसार आज काठमाडौँसहित १८ जिल्ला र त्यस आसपासका खोला तथा नदीमा आकस्मिक बाढी आउने सम्भावना छ । बाढी महाशाखाले आज तेह्रथुम, संखुवासभा, रामेछाप, दोलखा, काभ्रेपलाञ्चोक, काठमाडौँ, भक्तपुर, ललितपुर, कास्की, तनहुँ, स्याङ्जा, पर्वत, बागलुङ, बाजुरा, डोटी, डडेलधुरा, बैतडी, दार्चुला र आसपासका जिल्ला भई वहने ससाना नदीहरूको बहाब उल्लेख्य बढ्ने र आकस्मिक बाढीको मध्यम जोखिम सम्भावना रहेको जनाएको हो ।