jhapaonline add

भद्रपुर, ७ फागुन । झापाको भद्रपुरस्थित मेचीरंगशालामा आजदेखि ‘भद्रपुर झापा गोल्डकप’ को दोस्रो संस्करण शुरु हुँदैछ । आज प्रतियोगिताको पूर्वउपप्रधान तथा गृहमन्त्री तथा राष्ट्रियसभा सदस्य कृष्णप्रसाद सिटौलाले उद्घाटन गर्ने कार्यक्रम रहेको छ । यस पटक मेची रंगशालामा ‘सौर्य एअरलाइन्स ओम साई पाथिभरा हस्पिटल भद्रपुर झापा गोल्डकप’ ‘गम्भीर राई स्मृति संस्करण’ हुँदैछ । आजदेखि फागुन १६ गतेसम्म आयोजना हुन लागेको दोस्रो संस्करणमा भद्रपुर झापा गोल्डकपमा घरेलु टोली भद्रपुर ब्लेजर्स सहित ‘ए’ डिभिजन क्लब चर्च ब्वाइज युनाइटेड, मछिन्द्र फुटबल क्लब, नेपाल पुलिस क्लब, न्यु रोड टिम, सशस्त्र प्रहरीको एपिएफ एफसी र झापा ११ एफसी सहभागी हुने छन् । गोल्डकपमा तीन विदेशी टिम…

झापा, ७ फागुन । हाल देशमा पश्चिमी वायुको साथै पश्चिमी न्यून चापीय प्रणालीको आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल कोशी प्रदेशलगायत देशका पहाडी भूभागमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहेको छ। तराईका थोरै भूभागहरूमा हुस्सु तथा कुहिरो लागेको छ। आज दिउँसो सुदूरपश्चिम प्रदेश लगायत देशको पहाडी भूभागमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहनेछ। कोशी, बागमती, गण्डकी, कर्णाली र सुदूरपश्चिम प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ। राति सुदूरपश्चिम, कर्णाली र लुम्बिनी प्रदेशलगायत देशका पहाडी भूभागमा आंशिकदेखि साधरणतया बदली रही…

झापा, ७ फागुन । आज फागुन ७, अर्थात् राष्ट्रिय प्रजातन्त्र दिवस । शहीद दशरथ चन्द, धर्मभक्त माथेमा, गङ्गालाल श्रेष्ठ र शुक्रराज शास्त्रीले हाँसी हाँसी आफ्नो जीवन उत्सर्ग गरेपछि जनक्रान्तिमार्फत निरङ्कुश राणा शासनको अन्त्य भएको दिनको सम्झना गर्दै विविध कार्यक्रमका साथ आज देशभर प्रजातन्त्र दिवस मनाइँदै छ । प्रजातन्त्र स्थापना भएको ७४ वर्षपछि सार्वभौम नेपाली नागरिकले सङ्घीय लोकतान्त्रिक गणतान्त्रिक व्यवस्थामार्फत आफ्ना अधिकार प्राप्तिको अभ्यास गरिरहेका छन् । संवैधानिक रूपमा प्रजातान्त्रिक व्यवहार अनुसार नागरिकका अधिकार स्थापित गर्ने कामको बलियो थालनी २००७ को जनक्रान्तिले गरेको र सोही जनक्रान्तिको जगमा टेकेर नेपालमा संघीय लोकतान्त्रिक गणतन्त्र, सङ्घीयता, समानुपातिक, समावेशीसहितको नागरिकलाई अधिकारसम्पन्न बनाउने व्यवस्थाको अभ्यास आरम्भ भएको राजनीतिशास्त्रीहरु बताउँछन्…

दुर्गापुर, ७ फागुन । झापाको कनकाई नगरपालिका–७ दुर्गापुरमा आज फक्ताङलुङ महोत्सव २०८१ हुँदैछ । कनकाई नगरपालिका–७ दुर्गापुरस्थित फक्ताङलुङ एजुकेसन फाउण्डेसनको आयोजनामा फाउण्डेसन प्राङ्गणमा महोत्सवको हुँदैछ । विद्यालयको १५ औं वार्षिकोत्सव तथा अभिभावक दिवसको अवसरमा आयोजना हुन लागेको महोत्सवको उद्घाटन झापा क्षेत्र नं. ४ का सांसद एलपी सावा लिम्बू गर्ने विद्यालयका प्रिन्सिपल ओमबिक्रम नेम्वाङले जानकारी दिनुभयो । कनकाई नगरपालिकाका नगर प्रमुख राजेन्द्रकुमार पोखरेलको विशेष आतिथ्य रहने उहाँले बताउनुभयो । महोत्सवमा झापाका विभिन्न विद्यालयका सञ्चालक, शिक्षक तथा विद्यार्थी प्रतिनिधि, अविभावक, जनप्रतिनिधि, शिक्षासेवी लगायत २ हजारभन्दा बढीको सहभागिता रहने जनाइएको छ । महोत्सवमा प्राचिन घरेलु सामग्रीको प्रदर्शनी तथा फक्ताङलुङ म्युजियमको उद्घाटन, विज्ञान तथा…

इलाम, ६ फागुन । लामो समयदेखि पानीको समस्या भोग्दै आएका इलाम नगरपालिका वडा १२ स्थित साङ्गरुम्वामा व्यवस्थित रुपमा खानेपानी वितरण भएपछि खानेपानीको अभाव अन्त्य भएको छ । विकासको दृष्टिले समेत पछाडि परेको यस क्षेत्रमा नरसिंह गाउँ मुहान संरक्षण तथा खानेपानी योजना निमार्ण सम्पन्न भई घर घरका धारामा पानी झरेपछि दैनिकी सहज भएको स्थानीय बताउँछन् । पानी जोहो गर्न काम नै छोडेर लाग्नु पर्ने छिमेकीसँग पनि पानीकै कारण मनमुटाब हुने गरेको सुनाउँदै स्थानीय शान्ता विष्टले पानीको सुविधा घरमा आएपछि दैनिकी सहज भएको बताउनुभयो । अहिले पानी बनाउन जानु नपर्ने, घरघरमा धारा भएपछि सागसब्जी उत्पादन गर्न र अन्य काम गर्न समय बचत…

कचनकवल, ६ फागुन । कचनकवल गाउँपालिकाको न्यायिक समितिले उत्कृष्ट कार्य सम्पादन गर्दै ९६.४३ प्रतिशत अंक प्राप्त गरेको छ। फाइनान्सियल रिक्स एसाइनमेन्ट (एफआरए) तथा लिसा नेपाल ड्यासबोर्डको प्रतिवेदन अनुसार न्यायिक समितिको कार्यसम्पादन प्रभावकारी देखिएको छ । न्यायिक समितिले स्थानीय विवाद समाधान, मेलमिलाप तथा न्यायिक प्रक्रियालाई व्यवस्थित रूपमा अघि बढाउँदै नागरिकलाई सहज न्याय सेवा उपलब्ध गराएको छ। सार्वजनिक प्रतिवेदन अनुसार न्यायिक समितिले न्याय सम्पादनमा प्रविधिमैत्री प्रणाली अपनाउँदै न्यायिक प्रक्रिया छरितो, पारदर्शी र प्रभावकारी बनाएको छ। समितिले कानुनी प्रक्रिया सहज बनाउन परामर्श सेवा, मेलमिलाप तथा मुद्दा व्यवस्थापन प्रणालीलाई व्यवस्थित रूपमा अघि बढाइरहेको छ। न्यायिक समिति संयोजक तथा गाउँपालिका उपाध्यक्ष नवराज भट्टराईले न्यायिक सेवालाई…

झापा, ६ फागुन । सरकारले नयाँ खुलेका उद्योगलाई पनि सुपारी, केराउ र मरीचको आयात अनुमति दिने निर्णय गरेको छ। उद्योग वाणिज्य तथा आपूर्ति मन्त्रालयले राजपत्रमा सूचना प्रकाशित गर्दै उक्त निर्णय लागू गरेको हो। मन्त्रालयका सचिव गोविन्दबहादुर कार्कीले आर्थिक वर्ष २०८१–८२ मा औद्योगिक प्रयोजनका लागि केराउ, सुपारी र सेतो तथा कालो मरीचको आयातमा रहेका प्रतिबन्ध हटाइएका जानकारी दिनुभएको छ । यसअघि, तस्करीको समस्या बढेपछि २०७६ चैत २४ मा सरकारले यी वस्तुहरूको आयातमा पूर्ण बन्देज लगाएको थियो। त्यसपछि २०७७ चैत ९ मा पूर्ण बन्देज हटाएर परिमाणात्मक बन्देज लागू गरिएको थियो। सोको आधारमा उत्पादनमूलक उद्योगलाई औद्योगिक प्रयोजनका लागि कच्चा पदार्थको रूपमा सुपारी, केराउ…

बिर्तामोड, ६ फागुन । बिर्तामोड नगरपालिकाले पशुपालक कृषकहरुलाई चापकटर बितरण गरेकोछ । आज एक कार्यक्रमको आयोजना गर्दै नगरपालिकाले ५० प्रतिशत साझेदारी अनुदानमा २५ जनालाई मोटरसहितको चापकटर वितरण गरेको हो । कार्यक्रममा बोल्दै नगर प्रमुख पवित्रा महतारा प्रसाईले कृषिलाई प्रविधि मैत्री बनाउन हरेक वर्ष यस प्रकारका सामग्री वितरण गर्दै आएको बताउनु भयो । उहाँले कृषकहरुको मागलाई ध्यानमा राखेर विभिन्न प्रकारका सिपमुलक तालिम र मेशिन वितरण गर्दै आएको बताउँदै आगामी दिनमा अझै बढाएर लैजाने बताउनुभयो । कार्यक्रममा बोल्दै वडा नम्बर ४ का वडाअध्यक्ष राहुल शर्माले कृषकले प्राप्त गरेका सामाग्रीलाई उपलव्धी मुलक बनाउन सबैलाई आग्रह गर्नु भयो । यस्तै कार्यक्रममा बोल्दै कृषक लय…

मोरङ, ६ फागुन । मोरङ, सुनसरी र उदयपुरको विभिन्न स्थानहरुबाट प्रतिबन्धित लागूऔषधसहित ३ जनालाई प्रहरीले पक्राउ गरेको छ । मोरङको मिक्लाजुङ–७ स्थितबाट इलका प्रहरी कार्यालय मधुमल्लाबाट खटिएको प्रहरी टोलीले बिशेष सूचनाको आधारमा स्थानिय २० वर्षीय मनिष राईको घरमा खानतलासी गर्दा प्रतिबन्धित लागूऔषध ट्रामाडोल ९६, स्पास्टिन २३८ क्याप्सुल र नाईट्रेजेपाम ४ ट्यापलेट सहित प्रकाउ गरेको छ । त्यसैगरी, सुनसरीको अस्थायीप्रहरी चौकी जोरसखुवाबाट खटिएको प्रहरी टोलोले धरान उप महानगरपालिका–१६ का २० वर्षीय निशान तामाङको साथबाट ट्रमाडोल १८२ क्याप्सुल र स्पास्पेन १८२ चक्कीसहित पक्राउ गरेको छ भने उदयपुर त्रियुगा नगरपालिका ३ स्थितबाट जिल्ला प्रहरी कार्यालय उदयपुरबाट गस्तीमा खटिएको प्रहरी टोलिले स्थानिय २७ वर्षीय…

झापा, ६ फागुन । क्यानाडाको टोरन्टोमा ८० जना सवार एक विमान अवतरण गर्ने क्रममा पल्टिँदा १९ जना घाइते भएका छन् । घाइते मध्ये ३ जनाको अवस्था गम्भीर रहेको एपीले जनाएको छ । मिनेसोटाबाट टोरन्टोका लागि आएको डेल्टा उडानमा सवार सबै ८० जनालाई अमेरिकी संघीय उड्डयन प्रशासनले सकुशल निकालेको छ । ७६ जना यात्रु र चार चालक दलका सदस्य रहेको सो विमान स्थानीय समय अनुसार दिउँसो सभा २ बजे दुर्घटना भएको हो । दुर्घटना के कारणले भयो भन्ने स्पष्ट नभएपनि मौसमकै कारण हुन सक्ने अनुमान गरिएको छ । क्यानाडामा ६५ किलोमिटरको गतिमा हिउँ र हावा चलिरहेको र तापमान माइनस ८ दशमलव…