jhapaonline add
मोरङ, ४ चैत । मोरङ विराटनगर महानगरपालिका–१५ स्थितबाट लागुऔषध ब्राउनसुगरसहित तीन जनालाई प्रहरीले पक्राउ गरेको छ । चैत ३ गते इलाका प्रहरी कार्यालय रानी र लागूऔषध नियन्त्रण ब्यूरो बिराटनगरबाट खटिएको प्रहरी टोलीले चेकजाँचको क्रममा उदयपुर बेलका नगरपालिका–२ का २० वर्षीय सुजन खड्कालाई लागूऔषध खैरो हिरोइन ११ ग्राम ४ मिलिग्राम, मोरङ केराबारी गाउँपालिका–३ का २४ वर्षीय उत्तम याख्खा, सुन्दरहरैंचा नगरपालिका–५ का ४५ वर्षीय मातृका सुवेदीलाई २ ग्राम ५३ मिलिग्राम लागूऔषध ब्राउनसुगरसहित पक्राउ गरेको हो । लागूऔषध ब्राउनसुगरसहित पक्राउ परेका सबै जनाको थप अनुसन्धान भइरहेको छ ।
बिर्तामोड, ४ चैत । झापाको बिर्तामोड–४ स्थित मुख्य कार्यालय रहेको सिम्रिक बचत तथा ऋण सहकारी संस्थाले चालु आवमा आफ्ना शेयर सदस्यलाई ५५ लाख रुपैयाँभन्दा बढी रकम सहयोग वितरण गरेको छ । संस्थाले स्वास्थ्य उपचार, अप्रेशन, प्राणघातक रोग खर्चसहित कर्जा मिनाह लगायतको शीर्षकमा ४ सय बढी शेयर सदस्यलाई चालु आवको साउनदेखि माघ मसान्त सम्ममा ५५ लाख रुपैयाँ बढी उपलब्ध गराएको हो । शेयर सदस्यको उपचारका लागि र मृत्यु भएको खण्डमा प्रदान गर्ने राहत रकम, कर्जा मिनाह सहितका अन्य वितरण कार्यलाई निरन्तरता दिँदै गएको संस्थाका कार्यकारी प्रमुख कमलबहादुर बस्नेतले जानकारी दिए । झापा, मोरङ, पाँचथर र इलाम जिल्लाका ४६ वटा सेवा केन्द्र…
भद्रपुर, ४ चैत । जिल्ला प्रहरी कार्यालय झापाले फागुन महिनामा ७१ जना फरार प्रतिवदी पक्राउ गरेको छ । जिल्ला प्रहरी कार्यालयबाट खटिएको प्रहरी टोलीले विभिन्न मुद्दामा अदालतबाट दोषी घोषित भई फरार रहेका ७१ जनालाइ पक्राउ गरेको हो । पक्राउ परेका फरार प्रतिवादी ३२ वर्ष ११ महिना २१ दिन कैद तोकिएको छ भने उनीहरुबाट ३३ लाख १५ हजार ७ सय ७ रुपैयाँ जरिवानासमेत असुल उपर भएको जिल्ला प्रहरी कार्यालय झापाले जनाएको छ ।
झापा, ४ चैत । झापाको शिवसताक्षी नगरपालिका–११ स्थित दुधे चोक नजिक भित्रि सडक खण्डमा भएको सवारी दुर्घटनामा घाइतेको बालकको मृत्यु भएको छ । चैत १ गते दुधेबाट शिवगञ्जतर्फ जाँदै गरेको प्र १–०१–००१च ८९५० नम्बरको पिकअपले सोही दिशातर्फ जाँदै गरेको साइकलयात्री शिवसताक्षी–९ का १२ वर्षीय आदर्श खनाललाई ठक्कर दिएको थियो । ठक्कटरबाट गम्भीर घाइते भइ उपचारको लागि बिर्तामोडस्थित बीएण्डसी अस्पतालमा पठाइएकोमा उपचार क्रममा चैत ३ गते मृत्यु भएको भएको जिल्ला प्रहरी कार्यालय झापाले जनाएको छ । पिकअप चालक शिवसताक्षी–११ का २७ वर्षीय सागर भन्ने सिटु पौदारलाई नियन्त्रणमा लिएर कारबाहीसँगै थप अनुसन्धान भइरहेको प्रहरीले जनाएको छ ।
ताप्लेजुङ, ४ चैत । सरकारले पाथीभरा (मुक्कुम्लुङ) मा केबलकार निर्माण विरोधको पक्षमा रहेकालाई लिखित रूपमा पत्र पठाएसँगै आन्दोलनरत पक्षले वार्ता सहजीकरण समिति गठन गरेको छ । आइतबार मुक्कुमलुङ ताङसेःप चुम्भो र मुक्कुमलुङ संरक्षण अन्तर दलीय १० सदस्यीय समिति गठन गरेको जनाएको हो । वार्ता सहजीकरण लागि सरस्वता सिंघक (सरु) को संयोजकत्वमा समिति चयन गरेको छ । समितिमा कुमार लिम्बू, सूर्यविक्रम चेम्जोङ, धनराज हुक्पा चोङवाङ, दीपक याक्खा, लवन न्यौपाने, सन्तोष मेहता, पदम जवेगु, सूर्यप्रकाश मावोहाङ (आलोक) र अर्जुन जुम्नेली राईलाई चयन गरिएको विज्ञप्तिमा उल्लेख गरिएको छ । सरकारले चैत १ गते मुक्कुमलुङ ताङेसेःप चुम्भो र मुक्कुमलुङ संरक्षण अन्तर दलीय सङ्घर्ष समितिलाई…
झापा, ४ चैत । राष्ट्रिय परीक्षा बोर्ड, परीक्षा नियन्त्रण कार्यालयले यसवर्षको माध्यमिक शिक्षा परीक्षा ९एसइई०को सम्पूर्ण तयारी पूरा भएको जनाएको छ । परीक्षा नियन्त्रण कार्यालय, कक्षा–१० का परीक्षा नियन्त्रक नन्दलाल पौडेलले यही चैत ७ गतेदेखि देशभर एकैसाथ सुरु हुने एसइई परीक्षाको सबै तयारी पूरा भएको जानकारी दिए । बोर्डले परीक्षाका लागि प्रश्नपत्र, सिम्बोल नम्बर, उत्तरपुस्तिका र अन्य सामग्री प्रत्येक जिल्लामा पुगिसकेको जानकारी दिएको छ । परीक्षा नियन्त्रक पौडेलले, ‘गतवर्ष २०८० को एसइई परीक्षामा चार लाख ६४ हजार सात सय ८५ परीक्षार्थी सहभागी थिए । यसवर्षको परीक्षामा विद्यार्थीहरुको सङ्ख्या ४९ हजार दुई सय ८६ जना बढेर पाँच लाख १४ हजार ७१…
झापा, ४ चैत । हाल देशमा पश्चिमी न्यूनचापीय प्रणालीको साथै स्थानीय वायुको समेत आंशिक प्रभाव रहेको छ। मौसम पूर्वानुमान महाशाखाका अनुसार देशका पहाडी भूभागमा आंशिक देखि साधारणतया रही बाँकी भूभागमा आंशिक बदली देखि मौसम मुख्यतया सफा रहेको छ। आइतबार साँझ सुदूरपश्चिम, कर्णाली र गण्डकी प्रदेशका एक(दुई स्थानमा मेघगर्जन र चट्याङसहित हल्का वर्षा भएको छ। सोमबार देशका पहाडी भूभागमा आंशिकदेखि साधारणतया रही बाँकी भूभागमा आंशिक बदली देखि मौसम मुख्यतया सफा रहनेछ । सुदूरपश्चिम प्रदेश र कर्णाली प्रदेशका पहाडी भूभागका थोरै स्थानहरूमा तथा बाँकी पहाडी भूभागका एक–दुई स्थानमा मेघगर्जन र चट्याङसहित हल्का वर्षाको सम्भावना रहेको छ। यी प्रदेशका उच्च पहाडी तथा हिमाली…
झापा, ३ चैत । झापामा वन डढेलो रोकथाम तथा नियन्त्रणका लागि सचेतना अभियान सुरु भएको छ । डिभिजन वन कार्यालय झापाको आयोजना तथा सव डिभिजन वन कार्यालय धाइजनको समन्वयमा आजबाट साता ब्यापी कार्यक्रम सुरु भएको हो । ‘डढेलो व्यवस्थापनलाई प्रोत्साहन गरौँ, वन्यजन्तुको प्राकृतिक वासस्थानको संरक्षण गरौँ,’ वन क्षेत्रमा आगो लगाउनु दण्डनीय अपराध हो जस्ता नारा लेखिएका प्लेकार्डसहित मेचीनगरस्थित चारआलीमा रहेको प्रगति सामुदायिक वनबाट सुरु गरिएको सचेतना ¥यालीले चारआली बजार परिक्रमा गर्दै सभामा परिणत भएको थियो । ‘वन डढेलो नियन्त्रण गरौं, वन जङ्गल जोगाऔं, जैविक विविधताको संरक्षण’ भन्ने मूल नारासहित वन डढेलो नियन्त्रण अभियान सुरु भएको मेची सव डिभिजन वन कार्यालयका…
द्रोण अधिकारीभद्रपुर, ३ चैत । झापा सदरमुकाम चन्द्रगढीमा निर्माण अलपत्र परेको गिरिजाप्रसाद कोइराला स्मृति सभा गृह राजनीतिक स्वार्थको द्वन्द्वका कारण नबन्ने अवस्था आएको छ । निर्माण सुरू हुनु पूर्व नै काँग्रेस र कम्युनिष्टको राजनीतिक स्वार्थको चेपुवामा परेको सो भवन नबन्ने अवस्थामा पुग्नुको मुख्य दोष नेकपा एमाले, नेपाली काँग्रेस र राजतन्त्र पक्षधर राप्रपाको राजनीतिक स्वार्थको द्वन्द्व प्रमुख कारण रहेको हो । गणतन्त्र नेपालको स्मृतिमा निर्माण थालिएको भनिएको गिरिजाप्रसाद कोईराला स्मृति सभा गृह (जीपी भवन) को निर्माणकार्य कानूनी अड्चनले पूर्ण रूपमा रोकिएको छ । सभा गृह वि सं २०७२ साल असारमा २ वर्षभित्र निर्माण सम्पन्न गर्ने गरी ठेक्का लागेर निर्माण थालिएको भए…
झापा, ३ चैत । मोरङको बुढीगंगा गाउँपालिका–३ स्थित कोशी लोकमार्गमा एम्बूलेन्स दुर्घटना हुँदा चालकको मृत्यु भएको छ । मृत्यु हुनेमा उदयपुर पञ्चावति–४ घर भइ मोरङको बुढीगंगा–२ स्थितमा बस्दै आएका २४ वर्षीय आशिष राई रहेका छन् । चैत २ गते राति पौने ११ बजे दक्षिणबाट उत्तर तर्फ जाँदै गरेको मनमाया स्मृति प्रतिष्ठानको को. १ च ४७७४ नम्वरको एम्बुलेन्स अनियन्त्रित भइ सडक डिभाईडरमा ठोक्किई दुर्घटना हुँदा घाइते भएका चालक राईको विराट टिचिङ अस्पताल गंगा चौकमा उपचारको क्रममा मृत्यु भएको हो । दुर्घटना सम्बन्धमा प्रहरीले थप अनुसन्धान गरिरहेको छ ।