jhapaonline add
भद्रपुर, ५ पुस । झापाको भद्रपुर नगरपालिका–५ बाट लागुऔषधसहित दुई जना पक्राउ परेका छन् । आज बिहान करिब १०ः३० बजे भद्रपुर नगरपालिका–५ बसपार्कस्थितमा वडा प्रहरी कार्यालय भद्रपुरबाट खटिएको प्रहरी टोलीले चेकजाँच गर्ने क्रममा इलाम सूर्योदय नगरपालिका–१२ घर भई हाल बिर्तामोड नगरपालिका–१० मा बस्दै आएका ३३ वर्षीय अनिल प्रधानलाई नियन्त्रणमा लिएको हो । चेकजाँच गर्दा उनले मलद्वारमार्फत प्लास्टिकको पोका पारी लुकाएको लागुऔषध ब्राउनसुगरजस्तो देखिने पदार्थ फेला परेको थियो । तौल गर्दा प्लास्टिकसहित २ ग्राम ३०० मिलिग्राम र प्लास्टिक बाहेक २ ग्राम १०० मिलिग्राम रहेको प्रहरीले जनाएको छ । उनलाई थप अनुसन्धान तथा कानुनी कारबाहीका लागि जिल्ला प्रहरी कार्यालय झापा पठाइएको छ…
झापा, ५ पुस । झापाको बिर्तामोड नगरपालिका–६ गिरीबन्धु टि स्टेट नजिक पूर्व–पश्चिम राजमार्गमा भएको मोटरसाइकल दुर्घटनामा दुई जनाको मृत्यु भएको छ। आज ५ गते साँझ करिब ५ः३० बजे चारआलीबाट बिर्तामोडतर्फ आउँदै गरेको मे ५ प ६२२२ नम्बरको मोटरसाइकल आफैं अनियन्त्रित भई दुर्घटना भएको हो । दुर्घटनामा मोटरसाइकल चालक झापा भद्रपुर नगरपालिका–९ का २५ वर्षीय भुपाल अधिकारी र अर्का भद्रपुर–७ का २५ वर्षीय शीर्षक सुवेदी गम्भीर घाइते भएका थिए । उनीहरुलाई तत्काल उपचारका लागि बिर्तामोडस्थित बीएण्डसी अस्पताल पुर्याइएको थियो । तर चिकित्सकले जाँच गर्दा साँझ ६ः१५ बजे दुबै जनालाई मृत घोषणा गरेका थिए । शव हाल सोही अस्पतालको शवगृहमा राखिएको छ…
बिर्तामोड, ५ पुस । बिर्तामोड नगरपालिका–१ मा आजदेखि दोस्रो वडाध्यक्ष कप फुटबल प्रतियोगिता सुरु भएको छ। वडा खेलकुद विकास समितिको आयोजनामा ग्रिनफिल्ड स्कुलको खेल मैदानमा सुरु भएको प्रतियोगितामा वडाभित्रका टोलबाट १५ वर्ष मुनिका खेलाडीहरूको सहभागिता रहेको छ। उद्घाटन कार्यक्रममा प्रमुख अतिथि वडाध्यक्ष अग्निप्रसाद पाण्डे र विशिष्ट अतिथि ज्येष्ठ नागरिक पदमप्रसाद प्रसाईंले रेफ्री प्रविन राईलाई फुटबल प्रदान गर्दै प्रतियोगिताको उद्घाटन गर्नुभयो। कार्यक्रममा बोल्दै वडाध्यक्ष पाण्डेले जनजी आन्दोलनका कारण प्रतियोगिता ढिलो सुरु हुन गएको उल्लेख गर्नुभयो। साथै उहाँले वडा खेलकुद मार्फत व्याडमिन्टन, क्रिकेट लगायतका विभिन्न प्रतियोगिता पनि हुने बताउनु भयो । यस प्रतियोगितामा ११ वटा टिम सहभागी छन्। प्रतियोगिताको विजेताले १५ हजार…
झापा, ५ पुस । एचएस साइना क्रिएसन प्रालिको आयोजनामा माघ पहिलो साता कोशी प्रदेशस्तरीय सौन्दर्य प्रतियोगिता ‘मिसेस क्वीन अफ कोशी–२०८२’ हुने भएको छ । विवाहित महिलाहरुको अन्तरनिहित क्षमता प्रस्फुटन गर्ने उद्देश्यले पहिलो पटक आयोजना हुन लागेको यो प्रतियोगितामा कोशी प्रदेशका १४ वटै जिल्लाका महिलाले सहभागिता जनाउन सक्नेछन् । आज सुरुङ्गामा पत्रकार सम्मेलनमा कार्यक्रम संयोजक अनुप भण्डारीले पहिलो अडिसन पुस ७ गते झापाको सुरुङ्गामा हुने बताउनुभयो । पहिलो अडिसनको तयारी पूरा भएको र सहभागीहरुले फारम समेत भरिसकेको र थप फारम पर्ने क्रम जारी रहेको उहाँले बताउनुभयो । त्यसपछि झापाकै बिर्तामोड, दमक, सुनसरीको इटहरी, धरान र इलामका विभिन्न स्थानमा अडिसन सञ्चालन गरिनेछ…
शिवसताक्षी, ४ पुस । झापा शिवसताक्षी १० मा रहेको श्री बालनिकुञ्ज माध्यमिक विद्यालयले आफ्नो ४७ औं वार्षिकोत्सव तथा अभिभावक दिवसमा विभिन्न विधामा शिक्षक तथा विद्यार्थीहरुलाई सम्मान गर्दै सम्पन्न गरेको छ । विद्यालयले विद्यालयको शैक्षिक सुधार तथा भौतिक निर्माणका लागि सहयोग गर्ने दाता, अभिभावक र विद्यार्थी गरी ६४ जनालाई सम्मान गरेको हो ।जसमा शैक्षिक वर्ष २०८१ को नतिजा अनुसार प्रत्येक कक्षामा सर्वोत्कृष्ट जिपिए ल्याउने ३४ जना विद्यार्थीका अभिभावकलाई प्रशंसा पत्रद्वारा प्रदान गरिएको थियो भने, वर्षभरीमा कक्षागत रुपमा सर्वाधिक हाजिरी कायम गर्ने १७ जना विद्यार्थीका अभिभावकलाई प्रशंसा पत्रद्वारा सम्मान गरिएको थियो । त्यसैगरी विद्यालयलाई यस आर्थिक वर्षमा आर्थिक, भौतिक निर्माणमा सहयोग पुर्याउने…
झापा, ४ पुस । आदिवासी जनजाति उत्थान राष्ट्रिय प्रतिष्ठानको आयोजनामा एक दिने लोक सेवा तयारी कक्षा अभिमुखीकरण कार्यक्रम शुक्रबार झापाको बिर्तामोडमा सम्पन्न भएको छ । कार्यक्रममा विद्यार्थीलाई निजामति सेवातर्फ उत्प्रेरित गर्ने उद्देश्य राखिएको थियो । प्रतिष्ठानका उपाध्यक्ष रेशम गुरुङले देशका सातै प्रदेशमा सहजताका लागि जिल्ला व्यापी अभियान सञ्चालन गर्दै आदिवासी जनजाति समुदायका विद्यार्थी लक्षित निःशुल्क अनलाइन लोक सेवा तयारी कक्षा सञ्चालन गर्न लागिएको जानकारी दिनुभयो । कार्यक्रममा संघीय मामिला तथा सामान्य प्रशासन मन्त्रालयका शाखा अधिकृत दिपेन्द्र पाण्डेले प्रशिक्षण प्रदान गर्नुभएको थियो । स्थानीय तहमा कार्यरत अधिकृतहरू तेजेन्द्र तामाङ, सरिता तामाङ, साजन साम्पाङ राई, रमेश मगर, कुल प्रसाद ताजपुरिया, अशोज ताजपुरिया…
बिर्तामोड, ४ पुस । बिर्तामोडमा शुक्रवारदेखि सुरु छैटौं वडास्तरीय नकआउट फुटबल प्रतियोगितामा वडा नं. ७ बिजयी हुँदै सेमिफाइनलमा प्रवेश गरेको छ । बिर्तामोड नगर खेलकुद विकास समितिको आयोजनामा सुरु भएको प्रतियोगितामा वडा नं. ७ ले वडा नं. ६ लाई २–० गोल अन्तरले पराजित गर्यो । वडा नं. ७ का फिरोज राईले टिमका लागि २ गोल गरे । खेलको प्लेयर अफ द म्याच वडा नं. ७ का फिरोज राई भए । उनले नगद १ हजार ५ सय रुपैयाँ पुरस्कार पाए । प्रतियोगिताको विजेताले नगद १ लाख र उपविजेताले ५० हजार रुपैयाँ पुरस्कार पाउने छन् । शनिबारको खेल वडा नं. ३ र…
झापा, ४ पुस । झापाको दमक नगरपालिका–१ बुद्धटोलस्थित रतुवा खोला किनारको काँसघारीभित्र आज साँझ हतियार फेला परेको छ । बरामद हतियार गत भदौ २४ गते भएको जेनजी आन्दोलनका क्रममा इलाका प्रहरी कार्यालय दमकबाट लुटिएको रहेको जिल्ला प्रहरी कार्यालय झापाले जनाएको छ । स्थानीयबासीले बेवारिसे अवस्थामा हातहतियार तथा गोलीगठ्ठा देखेपछि इलाका प्रहरी कार्यालय दमकलाई जानकारी गराएका थिए । प्रहरी नायव उपरीक्षक किशोर लम्सालको कमाण्डमा खटिएको प्रहरी टोलीले घटनास्थलमा पुगेर तल उल्लेखित हतियार तथा गोलीगठ्ठा खिया लागेको अवस्थामा फेला पारेको हो । बरामद सामग्रीईन्सास (नं. 31103361) म्याग्जिनसहित – १ थानईन्सास (नं. 31103364) म्याग्जिनसहित – १ थानईन्सास (नं. 31103512) म्याग्जिनबिनाको – १ थान३०३…
कचनकवल, ४ पुस । कचनकवल गाउँपालिकामा समुदायस्तरमा न्याय पहुँचलाई थप प्रभावकारी बनाउने उद्देश्यले सरकारी वकिल र स्थानीय तहका न्यायिक समितिबीच छलफल तथा अन्तक्रिया कार्यक्रम गरिएको छ । उच्च सरकारी वकिल कार्यालय इलामको आयोजनामा स्थानीय तहको न्यायिक अधिकार, सरकारी वकिलसँगको समन्वय तथा समुदायमा देखिने विविध कानुनी समस्याबारे छलफल तथा अन्तरक्रिया गरिएको छ। कार्यक्रममा उच्च सरकारी वकिल कार्यालय इलामका न्यायाधीश, सरकारी वकिल कार्यालयका प्रतिनिधि, कचनकवल गाउँपालिकाको न्यायिक समिति संयोजक तथा सदस्यहरू र मेलमिलापकर्ताहरूको सहभागिता रहेको थियो । छलफलका क्रममा स्थानीय तहमा दर्ता हुने उजुरी, मिलापत्र प्रक्रिया, अधिकार क्षेत्रको स्पष्टता तथा न्याय सम्पादनमा देखिने व्यावहारिक चुनौतीबारे सहभागीहरूले अनुभव साटासाट गरेका थिए । वक्ताहरूले…
बिर्तामोड, ४ पुस । झापाको बिर्तामोड नगरपालिका–४ मा मुख्य कार्यालय रहेको कर्णाली बचत तथा ऋण सहकारी संस्थाको २५ औं वार्षिक साधारण सभा अन्तरगत अन्तिम माइन्युट प्रमाणिकरण भेला आज सम्पन्न भएको छ । संस्थाले सात वटा एकाइगत साधारण सभा सम्पन्न गरी आज अन्तिम माइन्युट प्रमाणिकरणसहित २६ औं वार्षिक उत्सव तथा रजत महोत्सव सम्पन्न गरेको हो । संस्थाका अध्यक्ष टसबहादुर श्रेष्ठको अध्यक्षतामा भएको कार्यक्रममा संस्थाका ज्येष्ठ प्रारम्भिक सदस्य जयबहादुर गौतमको प्रमुख आतिथ्य रहेको थियो । कार्यक्रममा संस्थाका सात जना सदस्यलाई उपचार खर्च वापत २ लाख ८ सय रुपैयाँ प्रदान गरिएको छ । संस्थाका सदस्य कल्पना सुब्बा, कुन्ता चापागाईं, सम्झना लिम्बू, रञ्जिता लिम्बू,…