झापा अनलाइन

झापा, २८ चैत । बिर्तामोड नगरपालिकाले बजार क्षेत्रमा सडक पेटी खाली गराउने अभियान पुनः सुरु गरेको छ । नगरपालिकाले पटक–पटक सूचना जारी गर्दै व्यवसायीलाई सटर बाहिर सडक पेटीमा सामग्री नराख्न आग्रह गर्दै आएको थियो । पैदलयात्रु तथा सवारी आवागमनमा अवरोध हुने गरी व्यापारीले फुटपाथ प्रयोग गर्न थालेपछि पुनः ‘फुटपाथ क्लियर’ अभियान सञ्चालन गरिएको नगरपालिकाले जनाएको छ । नगर उपप्रमुख नगेन्द्र प्रसाद संग्रौलाका अनुसार गत वर्षदेखि नै सुरु गरिएको अभियानलाई निरन्तरता दिइएको हो । उहाँले आवश्यक सबै क्षेत्रमा जनप्रतिनिधिको नेतृत्वमा सडक पेटी खाली गराइने जानकारी दिनुभयो । कृषिथोक रोड क्षेत्रमा पछिल्लो तीन दिनदेखि माइकिङमार्फत सचेत गराउँदा पनि अटेरी गरेपछि सामान जफत…

झापा, २६ चैत । पश्चिमी न्यून चापीय प्रणाली र स्थानीय वायुको प्रभावका कारण विकास भएको वर्षा गराउने प्रणाली अहिले पूर्वी नेपाल केन्द्रित भएको छ । जल तथा मौसम विज्ञान विभागका अनुसार बुधबार बिहान पश्चिमबाट सक्रिय भएको प्रणाली बुधबार साँझ पूर्व पुगेको अहिले उक्त प्रणाली बाहिरिने क्रममा रहेको छ । तर पूर्वका विभिन्न ठाउँमा अहिले पनि वर्षा भइरहेको छ । उक्त प्रणाली आज रातिदेखि बाहिरिने र प्रिमनसुनका गतिविधि भने कायम रहने विभागको मौसम पूर्वानुमान महाशाखाले जनाएको छ । पछिल्लो २४ घण्टामा उक्त प्रणालीका कारण विभिन्न चार जिल्लामा भारी वर्षा गराएको तर वर्षा भने सातै प्रदेशमा भएको छ । सबैभन्दा बढी वर्षा…

झापा, २६ चैत । झापासहित देशका विभिन्न स्थानबाट लागूऔषधसहित २५ जना पक्राउ परेका छन् ।  केन्द्रीय प्रहरी समाचारकक्षका अनुसार मेचीनगर नगरपालिका–६ काँकरभिट्टा बाहुनडाँगी रोडबाट एक, काठमाडौँ महानगरपालिका–७ बाट ३०५ थान ट्रामाडोल ट्याब्लेटसहित दुई, सोही महानगरपालिका–२६ मित्रनगरबाट दुई, चितवनको कालिका नगरपालिका–२ बाट एक र माडी नगरपालिका–६ बाट दुई जनालाई पक्राउ गरिएको हो । यसैगरी, कैलालीको टीकापुर नगरपालिका–९ बालुवाटारबाट एक, सुनसरीको इनरुवा नगरपालिका–४ बसचोकबाट तीन, सिन्धुपाल्चोकको लिसङ्खु पाखर गाउँपालिका–५ मुडेस्थित होटल दोलखा दर्शनबाट चार जनालाई खैरो हेरोइनसहित पक्राउ गरिएको छ । मोरङको उर्लाबारी नगरपालिका–२ डुम्रेबाट छ, बाराको जीतपुरसिमरा उपमहानगरपालिका–२१ बाट दुई, सर्लाही, विष्णु गाउँपालिका–५ फेन्हारा चोकबाट दुई, धादिङको गजुरी गाउँपालिका–२ रातमाटेबाट ३०…

इलाम, २६ चैत । इलामको फाकफोकथुम गाउँपालिका–२ फलाटेमा चट्याङ लागेर एक गाईको मृत्यु भएको छ । चैत २५ गते वर्षा र हावाहुरीसँगै परेको चट्याङले लागेर स्थानीय महनबहादुर राईको गाई मरेको हो । घरदेखि करिब १० मिटर पूर्वमा रहेको बाँसको खाँबा तथा टिनको छाना भएको गाईगोठमा राखिएको गाई मरेको हो । प्रहरीका अनुसार उक्त घटनाबाट करिब ८० हजार रुपैयाँ .बराबरको क्षति भएको छ ।

सिराहा, २६ चैत । सिराहा नगरपालिका–१५ बुधौराबाट प्रहरीले लागुऔषध ब्राउन सुगरसहित तीन जना युवकलाई पक्राउ गरेको छ। भारतबाट नेपालतर्फ आउँदै गरेको अवस्थामा प्रहरी चौकी खिरौनाबाट खटिएको गस्ती टोलीले उनीहरूलाई नियन्त्रणमा लिएको हो। पक्राउ पर्नेहरूमा सिरहाको धनगढीमाई नगरपालिका वडा नं‍. ३ बस्ने १९ वर्षीय अभिषेक मुखिया, गोलबजार नगरपालिका वडा नं‍. १२ बस्ने १९ वर्षीय अभिषेक मुखिया र सोही ठाउँका २१ वर्षीय अरविन सिंह रहेका छन्। जिल्ला प्रहरी कार्यालय सिरहाका अनुसार, गत चैत २४ गते साँझ करिब ७?०० बजेको समयमा भारतबाट नेपालतर्फ आउँदै गरेको म‍.प्र.०१.००४ प २६८८८८ नम्बरको मोटरसाइकललाई शङ्का लागेर चेकजाँच गर्दा उक्त पदार्थ फेला परेको थियो। मोटरसाइकलको इन्धन ट्याङ्कीको बिर्कोभित्र…

फुङलिङ, २६ चैत। ताप्लेजुङमा भर्‍याङबाट लडेर एक जनाको मृत्यु भएको छ। फुङलिङ नगरपालिका–४ तिनबरेका ४७ वर्षीय मदन गुरुङको भर्‍याङबाट लडेर मृत्यु भएको हो । बुधबार दिउँसो करिब ३ः३० बजेको समयमा गुरुङ आफ्नै घरमा भर्‍याङ चढ्ने क्रममा अचानक चिप्लिएर लड्नु भएको थियो । लड्दा उहाँको टाउकोमा गहिरो चोट लागेको थियो । घटना लगत्तै परिवारले उहाँलाई उद्धार गरी करिब ४ बजे जिल्ला अस्पताल ताप्लेजुङमा उपचारका लागि पुर्‍याउनुभएको थियो । उपचारको क्रममै बेलुका करिब ८ बजे उहाँको मृत्यु भएको सूचना अधिकारी तथा प्रहरी निरीक्षक जट्टा सङ्कर यादवले जानकारी दिनुभयो । उहाँका अनुसार घटनाबारे आवश्यक कानुनी प्रक्रिया पूरा भइसकेको छ। मृतकको शव हाल जिल्ला…

झापा, २६ चैत । स्थानीय बजारमा आज सुनचाँदीकोे मूल्य घटेको छ । सुन प्रतितोला रु चार हजार ३०० र चाँदी तोलामा रु १५० ले घटेको हो । नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला रु दुई लाख ९४ हजार ७०० र त्यति नै परिमाणको सेतो धातुको मूल्य रु चार हजार ८७५ कायम भएको छ । हिजो बुधबार छापावाल सुनको मोल प्रतितोला रु दुई लाख ९९ हजार र त्यति नै परिमाणको चाँदीको मूल्य रु पाँच हजार २५ कायम भएको थियो । गत मङ्गलबार छापावाल सुनको मोल प्रतितोला रु दुई लाख ९१ हजार ८०० र त्यति नै परिमाणको सेतो…

झापा, २६ चैत । पक्राउ गरेको १३ औँ दिनमा प्रहरीले केपी शर्मा ओलीलाई जिम्मा जमानीमा छाडेको छ । त्रिवि शिक्षण अस्पतालमा उपचाररत पूर्व प्रधानमन्त्री ओलीलाई उनकी धर्मपत्नी राधिका शाक्यको जिम्मा लगाइएको छ । अनुसन्धानको क्रममा खोजेको बखत हाजिर हुने गरी ओलीलाई धर्मपत्नी राधिका शाक्यको जिम्मा लगाइएको जिल्ला प्रहरी परिसर काठमाडौँका एसपी पवन भट्टराईले रातोपाटीलाई बताए । भदौ २३ र २४ को घटना छानबिन गर्न गठित गौरीबहादुर कार्की नेतृत्वको आयोगले फौजदारी मुद्दामा अनुसन्धान गर्न सिफारिस गरेपछि उनलाई प्रहरीले चैत १४ मा पक्राउ गरेको थियो । ओलीलाई प्रहरीले हिरासत मुक्त गरे पनि उनी अस्पतालबाट डिस्चार्ज हुनेबारे चिकित्सकहरूले निर्णय गर्नेछन् ।

देवेन्द्र के. ढुङगाना  सिक्किम र दार्जिलिङ क्षेत्र नेपाली भाषा, साहित्य, कला र संस्कृतिको उर्वर भूमिका रूपमा दीर्घकालदेखि परिचित रहँदै आएको छ। यही भूमिमा हुर्किएको सांस्कृतिक चेतना केवल भौगोलिक सीमाभित्र सीमित छैन, यसले विश्वभर फैलिएको गोर्खा समुदायको पहिचान निर्माणमा समेत महत्वपूर्ण भूमिका खेलेको छ। यसै सन्दर्भमा जीवन शर्मा समकालीन समयका त्यस्ता बहुआयामिक स्रष्टा हुन्, जसले परम्परागत धरोहरलाई जोगाउँदै आधुनिक युगसँग संवाद गर्ने सृजनात्मक पुल निर्माण गरेका छन्। लेखक ढुङ्गाना जीवन शर्माको परिचय केवल गायक वा संगीतकारका रूपमा सीमित छैन। गीतकार, उपन्यासकार, सांस्कृतिक अभियन्ता र प्रशासनिक जिम्मेवारी वहन गर्ने व्यक्तित्वका रूपमा उनको बहुआयामिक उपस्थिति उल्लेखनीय छ। सिक्किम सरकारको मार्केटिङ फेडरेसनमा महाप्रबन्धकको जिम्मेवारी…

झापा, २६ चैत । झापाको शिवसताक्षी नगरपालिका-७ स्थित लालपानीमा आगलागी भएको छ । बुधबार राति ७:३० बजे शिवसताक्षी-७ लालपानीका ४५ वर्षीय घनश्याम खतिवडाको टिनको छानो, बासको टाटिबेरा भएको पुरानो खाली एकतले घरमा बिजुलीको तार सट भई अचानक आगोलागि भएको जिल्ला प्रहरी कार्यालय झापाले जनाएको छ । नेपाल प्रहरी, स्थानीय मानिस र शिवसताक्षी नगरपालिका दमकलको सहयोगमा ८:२० बजे आगो पुर्ण रुपमा नियन्त्रणमा लिइएको प्रहरीले जनाएको छ । आगलागिबाट घरभित्र रहेको फर्निचर लत्ताकपडा र घर पूर्ण रुपमा जलेर नष्ट हुँदा पाँच लाख बराबरको क्षति भएको प्रहरीले जनाएको छ ।