jhapaonline add

झापा, २४ मङ्सिर । झापाको बिर्तामोडमा आज भ्रष्टाचारविरुद्ध समाचार लेख्ने मंगलबार जना पत्रकारलाई पुरस्कृत गरिएको छ । नेपाल पत्रकार महासंघ झापाद्वारा वितरण गर्ने गरी हेम–सरिता फाउण्डेसनले स्थापना गरेको ‘टंकप्रसाद–रमादेवी पाठक पत्रकारिता पुरस्कार’बाट झापाका तीन जना पत्रकार पुरस्कृत भएका हुन् । भ्रष्टाचारविरुद्धको दिवसको अवसरमा बिर्तामोडमा आयोजित पुरस्कार वितरण समारोहमा टंकप्रसाद–रमादेवी पाठक पत्रकारिता पुरस्कार–२०८१ बाट पत्रकारद्वय सुरेन्द्र भण्डारी र इन्दु पूर्वेली पुरस्कृत हुनुभएको छ । त्यस्तै, टंकप्रसाद–रमादेवी पाठक पत्रकारिता पुरस्कार–२०८२ बाट पत्रकार चिरञ्जीवी घिमिरे पुरस्कृत हुनुभएको हो । पत्रकार भण्डारी र पुर्वेलीले जनही रू २५ हजार २२५ र पत्रकार घिमिरेले रू ५० हजार पाँच ५५५ पाएका छन् । पुरस्कृत व्यक्तित्वहरुलाई कार्यक्रमका प्रमुख…

झापा, २३ मंसिर । आगामी फागुन २१ गते हुने प्रतिनिधिसभा सदस्य निर्वाचन अन्तरगत समानुपातिक निर्वाचन प्रणालीका लागि १ सय राजनीतिक दलहरूका ९३ वटा निवेदन प्राप्त भएको निर्वाचन आयोगले जनाएको छ । एकल चुनाव चिन्ह लिने ५ निवेदनमा १२ दलसहित १ सय दलको ९३ निवेदन प्राप्त भएको समानुपातिक निर्वाचन प्रणालीका सहायक निर्वाचन अधिकृत एवं सहसचिव यज्ञ प्रसाद भट्टराईले जानकारी दिनुभयो । समानुपातिक निर्वाचन प्रणालीमा भाग लिन निवेदन दिएका दलहरूको भोली नामावली प्रकाशन गर्ने र नाम फिर्ता लिन चाहने दलहरूका लागि मङ्सिर २५ गतेको समय निर्धारण गरिएको सहसचिव भट्टराईले बताउनुभयो । निवेदन माथि आवश्यक छानविन गरी मङ्सिर २६ गते दलहरूको अन्तिम नामावली…

झापा, २३ मंसिर । झापाको हल्दीबारी गाउँपालिकामा अपाङ्गता रोकथाम तथा पुनःस्थापना कार्यक्रमको अवलोकनका लागि बंगलादेशको फ्रेण्डसिप ग्रुप संस्थाका पदाधिकारीहरू मंगलबार भ्रमणमा आएका छन्। टोलीको नेतृत्व मो. मेटियर रहमानले गरेका थिए। महिला बालबालिका शाखा प्रमुख तृष्णा थापाले पालिकामा सञ्चालन भइरहेका कार्यक्रम र पुनःस्थापनाका प्रयासबारे प्रस्तुतीकरण दिएकी थिइन्। बंगलादेशी टोलीले राखेका जिज्ञासाहरूको जवाफ गाउँपालिका अध्यक्ष रविन्द्रप्रसाद लिङदेनले दिएका थिए। हल्दीबारी गाउँपालिका, सामाजिक विकास मन्त्रालय र करूणा फाउन्डेसनको संयुक्त लगानीमा दुई वर्षदेखि अपाङ्गता रोकथाम तथा पुनःस्थापना कार्यक्रम सञ्चालन भइरहेको छ। कार्यक्रममा उपाध्यक्ष लक्ष्मीदेवी मैनाली, प्रमुख प्रशासकीय अधिकृत मानबहादुर बन (महेन्द्र), जनप्रतिनिधि, कर्मचारी, करूणा फाउन्डेसनका पदाधिकारी, मिलिजुली समूहका पदाधिकारीलगायतको उपस्थिति रहेको योजना शाखा प्रमुख…

झापा, २३ मंसिर । झापाको शिवसताक्षी नगरपालिका–१० माइधारस्थित माईखोला र सरदारे खोलाको दोभानमा स्थानीय जीवनटोलकी ६२ वर्षीया बिमला माझी सोमबार बिहान पानीमा घोप्टो परेको अवस्थामा मृत फेला परेकी छन् । इलाका प्रहरी कार्यालय झिलझिलेबाट प्रहरी निरीक्षकको कमाण्डमा टोली घटनास्थल पुगेको थियो । प्रारम्भिक अनुसन्धान तथा कानुनी प्रक्रिया पूरा गरेपछि शवलाई पोष्टमार्टमका लागि आम्दा अस्पताल दमक पठाइएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।

झापा, २३ मंसिर । सोमबार राति उत्तरपूर्वी जापानमा गएको ७.६ म्याग्निच्युडको शक्तिशाली भूकम्पमा अहिलेसम्म कम्तीमा ३० जना घाइते भएका छन् । हजारौँ मानिस घर छाड्न बाध्य भएका छन् । जापानको मौसम विज्ञान एजेन्सीले स्थानीय समयअनुसार सोमबार राति १ः१५ मा भूकम्प गएको जनाएको छ । यसको केन्द्रबिन्दु आओमोरी क्षेत्रको तटबाट लगभग ८० किलोमिटर टाढा, ५० किलोमिटर (३१ माइल) गहिराइमा थियो । भूकम्पपछि देशमा सुनामी चेतावनी जारी गरिएको थियो, तर अहिले हटाइएको छ । यद्यपि तटमा ७० सेन्टिमिटर (२७ इन्च) सम्मका अग्ला छाल उठेका थिए । केही रेल सेवा रोकिएका थिए र हजारौँ घरमा बिजुली विच्छेद भएको थियो । स्थानीय सञ्चारमाध्यमका अनुसार…

झापा, २३ मंसिर । निर्वाचन आयोगले समानुपातिक निर्वाचन प्रणालीतर्फको निर्वाचन अधिकृतको कार्यालय स्थापना गरेको छ । आगामी फागुन २१ गते हुने प्रतिनिधिसभा सदस्य निर्वाचनको समानुपातिक प्रणालीतर्फको निर्वाचन अधिकृतको कार्यालय सोमबार आयोगको कार्यालय परिसरमा स्थापना भएको हो । कार्यवाहक प्रमुख निर्वाचन आयुक्त रामप्रसाद भण्डारीले कार्यालयको उद्घाटन गरेको आयोगका प्रवक्ता नारायणप्रसाद भट्टराईले जानकारी दिए । समानुपातिकतर्फको निर्वाचन अधिकृतको कार्यालय स्थापना भएसँगै आयोगको यही मङ्सिर १२ गतेको निर्णय अनुसार समानुपातिकतर्फको निर्वाचन अधिकृत तोकिनुभएका आयोगका सचिव महादेव पन्थले जिम्मेवारी बहन गरेका छन् । निर्वाचन प्रणालीतर्फ सहायक निर्वाचन अधिकृतका रूपमा आयोगका सहसचिव यज्ञप्रसाद भट्टराईलाई तोकिएको छ । समानुपातिक निर्वाचन व्यवस्थापनका लागि कुल ४१ जना कर्मचारी…

झापा, २३ मंसिर । हाल देशभर कुनै उल्लेखनीय मौसम प्रणालीको प्रभाव नरहेको मौसम पूर्वानुमान महाशाखाले जनाएको छ । यसअघि मौसम महाशाखाले शनिबार साँझदेखि सोमबार साँझसम्म नेपालमा पश्चिमी वायुको आंशिक प्रभाव रहेको उल्लेख गरेको थियो । तर महाशाखाले आज बिहान ८ बजे जारी गरेको बुलेटिनमा भनिएको छ, ‘हाल देशभर कुनै उल्लेखनीय मौसम प्रणालीको प्रभाव छैन ।’ बुलेटिनअनुसार अहिले बिहान गण्डकी प्रदेश र कर्णाली प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा छ । कोसी प्रदेश, मधेस प्रदेशको तराई क्षेत्र र सुदूरपश्चिम प्रदेशका उपत्यकाका एक–दुई स्थानमा कुहिरो तथा बाँकी तराई तथा उपत्यकाका केही स्थानमा हुस्सु लागेको छ । दिउँसो…

सन्तोष शर्माझापा, २२ मंसिर । झापामा पछिल्लो तीन वर्षमा ७५ जना एचआईभी संक्रमितको मृत्यु भएको छ । जिल्लामा पछिल्लो तीन वर्षयता एचआईभी संक्रमितको मृत्यु दर वृद्धि हुँदै गएको स्वास्थ्य कार्यालय झापाका फोकल पर्सन विरेन्द्र दासले जानकारी दिनुभयो । आर्थिक वर्ष २०७९/०८० मा १७ जना, २०८०/०८१ मा २३ जना र आव २०८१/८२ मा ३५ जनाको मृत्यु भएको उहाँले बताउनुभयो । “उपचारमा आउने बिरामीहरूमा औषधी नखाने दर शून्य झरेको छ”, उहाँले भन्नुभयो, “तर, मृत्यु दर भने बढेको छ ।” चालू आर्थिक वर्षको साउनदेखि कात्तिक मसान्तसम्ममा २२ जना नयाँ एचआईभी संक्रमित फेला परेका छन् । नयाँ एचआईभी संक्रमितमध्ये चार जनाले दमक अस्पताल दमक…

मोरङ, २२ गते । मोरङको रतुवामाई नगरपालिका–१ स्थितबाट ६७८ किलोग्राम लागुऔषध गाँजा बोकेको ट्रकसहित २ जनालाई प्रहरीले पक्राउ गरेको छ । आइतबार विशेष सूचनाको आधारमा इलाका प्रहरी कार्यालय सिजुवाबाट खटिएको प्रहरी टोलीले प्र.१–०१–००१ ख ३८२५ नम्बरको ट्रकलाई चेकजाँच गर्दा उक्त ट्रकमा फल्स डाला जोडी लुकाई छिपाई राखेको अबस्थामा ६७८ किलोग्राम गाँजा बरामद गरेको हो । गाँजा बरामद भएसँगै ट्रक चालक धनकुटा सहिदभूमि गाउँपालिका–२ का समेल राई र सोही ट्रकमा सवार सहिदभूमि गाउँपालिका–१ का विक्रम विशुङ्खेलाई समेत नियन्त्रणमा लिएको छ ।

विराटनगर, २२ मंसिर । सुनसरीको रामधुनी नगरपालिकामा सिटी सफारी चालक दिनेश कुमार चौधरीको हत्या प्रकरणमा संलग्न सात जनालाई प्रहरीले सार्वजनिक गरेको छ। अन्धविश्वास र पुरानो रिसइबीका कारण ‘सुपारी’ दिएर हत्या गराइएको रहस्य प्रहरीले सार्वजनिक गरेको हो । रामधुनी–२ कर्मनिया टोलका ४५ वर्षीय चौधरीको हत्या आरोपमा पक्राउ पर्नेमा मुख्य योजनाकार दाजुभाइ, सुटर र अन्य सहयोगीहरू रहेका छन् । प्रहरी अनुसन्धानले मृतक चौधरीले लामो समयदेखि ‘तन्त्रमन्त्र’ र ‘टुनामुना’ गरेर आफ्नो परिवारलाई दुःख दिएको अन्धविश्वास योजनाकारहरूले पालेका थिए । यही रिसइबी साध्न उनीहरूले पेसेवर अपराधी प्रयोग गरी हत्या गराएको प्रहरी प्रवक्ता एसपी चन्द्र बहादुर खड्काले जानकारी दिए । हत्या योजना योजनाकार : राजकिशोर…