jhapaonline add
झापा, २१ जेठ । बिर्तामोड उद्योग वाणिज्य संघले उद्योगी–व्यवसायीलाई आपत्–विपत्का बेला राहत उपलब्ध गराउने उद्देश्यले स्थापना गरेको ‘व्यवसायी सदस्य राहतकोष’मा संघका कोषाध्यक्ष तथा युवा व्यवसायी युवराज निरौलाले तेस्रो पटक आर्थिक सहयोग प्रदान गरेका छन्। आफ्नो जन्मदिनको अवसर पारेर निरौलाले राहतकोषमा ११ हजार १ सय ११ रुपैयाँ सहयोग गरेका हुन्। यसअघि पनि जन्मदिनकै अवसरमा दुई पटक सहयोग गरिसकेका उनले यस वर्ष समेत सोही रकम प्रदान गर्दै राहतकोषप्रतिको आफ्नो प्रतिबद्धता दोहोर्याएका छन्। उद्योगी–व्यवसायीका दुःख, संकट तथा आकस्मिक परिस्थितिमा साथ दिने उद्देश्यले बिर्तामोड उद्योग वाणिज्य संघले अध्यक्ष राजु न्यौपानेको नेतृत्वमा ‘व्यवसायी सदस्य राहतकोष’ स्थापना गरेको हो। कोषलाई दीर्घकालीन तथा प्रभावकारी बनाउने लक्ष्यसहित एक…
तोमनाथ उप्रेती मानव जीवन निरन्तर सिकाइ र परिवर्तनको यात्रा हो। यो यात्रा कहिल्यै स्थिर हुँदैन। यहाँ कहिले उज्यालो हुन्छ, कहिले अँध्यारो हुन्छ, कहिले सफलता आउँछ, कहिले असफलता। तर जीवनको सबैभन्दा महत्वपूर्ण पक्ष भनेको अरूको सफलतालाई हामीले कसरी हेर्छौँ भन्ने हो। कसैको प्रगति देखेर जल्ने, तुलना गर्ने वा निराश हुने प्रवृत्ति कमजोर मानसिकताको संकेत हो। तर त्यसै सफलतालाई प्रेरणाको स्रोत बनाउने क्षमता भने सचेत, सकारात्मक र विकसित चेतनाको परिचायक हो। यही दृष्टिकोणले मानव जीवनलाई उज्यालो बाटोतर्फ डोर्याउँछ। मानिसको हृदय एउटा ऐना हो। त्यस ऐनामा ऊ कहिलेकाहीँ आफ्नै अनुहारभन्दा बढी अरूको उज्यालो देख्छ। कसैको सफलता, कसैको प्रशंसा, कसैको उचाइ यी सबै दृश्यहरू…
भक्तपुर, २१ जेठ । भक्तपुर नगरपालिका–१० छालिङमा भाडाको घरमा बस्दै आएका एक युवकले घरायसी विवादमा आफ्नी श्रीमतीको हत्या गरेका छन् । प्रहरी परिसर भक्तपुरका प्रहरी नायब उपरीक्षक प्रकाश जवेगुका अनुसार शङ्करापुर नगरपालिका–६ नाङ्लेभारेका विदुर विश्वकर्माले घरायसी विवादमा आफ्नी ३३ वर्षीया श्रीमती सलिनालाई खुकुरी प्रहार गरी हत्या गरेका हुन् । आक्रमणमा उनका आठ वर्षका छोरा त्रिशल घाइते भएका छन् । उक्त घटना गएरातिको हो । हत्या अभियोगमा विश्वकर्मालाई पक्राउ गरिएको छ ।
झापा, २१ जेठ । नेपाल राष्ट्र बैंकले आज बिहीबारका लागि विदेशी मुद्राहरुको विनिमयदर निर्धारण गरेको छ। आज अमेरिकी डलर, अस्ट्रेलियन डलर, युरो, पाउन्ड, कुवेती र बहराइन दिनारसहित सबैजसो विदेशी मुद्राको मूल्य बढेको छ। हिजो पनि धेरैजसो विदेशी मुद्राको मूल्य बढेको थियो। आज अमेरिकी डलर १ को खरिददर १५२ रुपैयाँ ८४ पैसा र बिक्रीदर १५३ रुपैयाँ ४४ पैसा छ। हिजो अमेरिकी डलर १ को खरिददर १५२ रुपैयाँ १३ पैसा र बिक्रीदर १५२ रुपैयाँ ७३ पैसा थियो। यही जेठ ७ गते अमेरिकी डलर १ को खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा थियो। अमेरिकी डलरको यो विनिमयदर हालसम्मकै…
बाजुरा, २१ जेठ । बाजुरामा एक युवकको हत्या भएको छ । बुढीनन्दा नगरपालिका–६ को कोटिला निवासी स्थानीय ३२ वर्षीय निर रावतको हत्या भएको हो । जिल्ला प्रहरी कार्यालय बाजुराका अनुसार आपसी विवादका क्रममा गए राति १९ वर्षीय टेकेन्द्र रावतले निर रावतको हत्या गरेका हुन् । प्रहरीका अनुसार स्थानीय होटलमा मदिरा पिएपछि दुवै मातेका थिए । त्यसक्रममा उत्पन्न विवादले उग्र रुप लिँदा नीरको ज्यान गएको हो। टेकेन्द्रले प्रहार गरेको ढुङ्गाले लागेर नीरको घटनास्थलमै मृत्यु भएको प्रहरीले जनाएको छ । आरोपी टेकेन्द्रलाई पक्राउ गरिएको जिल्ला प्रहरी कार्यालय बाजुराका प्रहरी निरीक्षक नरेश बहादुर शाहीले जानकारी दिए । इलाका प्रहरी कार्यालय बुढीनन्दाको टोलीले टेकेन्द्रलाई…
झापा, २१ जेठ । स्वास्थ्य बिमा बोर्डले निजी स्वास्थ्य संस्था (अस्पताल)लाई आकस्मिक सेवा आवश्यक पर्ने बिरामीको बिमा सुविधाअन्तर्गत उपचारको प्रबन्ध मिलाउन निर्देशन दिएको छ । बोर्डका वरिष्ठ मेडिकल सुपरिन्टेन्डेन्ट डा. पवनकुमार साहले कुनै पनि बिरामीलाई आकस्मिक उपचार गर्नुपर्ने देखिएमा मात्र बिमाअन्तर्गतका स्वास्थ्य सेवा प्रदान गर्न निर्देशन दिइएको बताउनुभएको हो । बोर्डले यही जेठ १६ गतेबाट वित्तीय स्रोतको अभावलाई मध्यनजर गर्दै अर्को निर्णय नभएसम्मका लागि बिमा कार्यक्रममा आबद्ध निजी स्वास्थ्य संस्थाबाट प्रदान गरिने आकस्मिकबाहेक सबै स्वास्थ्य सेवा स्थगित गरेको थियो । बोर्डले बिमामा भार पर्ने गरी सामान्य प्रकृतिका बिरामीलाई आकस्मिक उपचार सेवा प्रदान नगर्न आग्रहसमेत गरेको थियो । त्यसैगरी, सेवाग्राहीलाई समेत…
झापा, २१ जेठ । मुलुकको पश्चिमी क्षेत्र आसपास उपल्लो वायुमण्डलमा रहेको न्यून चापीय प्रणाली तथा स्थानीय वायुको प्रभावका कारण देशका हिमाली तथा पहाडी भागमा वर्षा हुने तथा तराईका केही क्षेत्रमा गर्मी बढ्ने सम्भावना छ । जल तथा मौसम पूर्वानुमान महाशाखाका अनुसार अनुसार हाल गण्डकी र कर्णाली प्रदेशका हिमाली तथा पहाडी भागमा साधारणतया बदली रहेको छ भने बाँकी पहाडी भागमा आंशिक बदली र तराईका अधिकांश क्षेत्रमा मुख्यतया मौसम सफा रहेको छ । कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भागका एकदुई स्थानमा हल्का वर्षा भइरहेको छ । आज दिउँसो देशका हिमाली तथा पहाडी भागमा साधारणतया बदली रहने…
बिर्तामोड, २० जेठ । आईपीओ निष्कासनको तयारीमा रहेको इष्टर्न सहारा कम्पनी लिमिटेडको विशेष साधारणसभा बुधबार बिर्तामोडमा सम्पन्न भएको छ। ‘दिगो समृद्धिका लागि हरित लगानी’ भन्ने मूल नारासहित स्थापना भएको कम्पनीको विशेष साधारणसभा अध्यक्ष महेन्द्रकुमार गिरीको अध्यक्षतामा सम्पन्न भएको हो। सभाले कम्पनीको अधिकृत तथा जारी पुँजी वृद्धि गर्ने प्रस्ताव सर्वसम्मत रूपमा पारित गरेको छ। सभाबाट कम्पनीको कुल पुँजी दुई अर्ब २० करोड रुपैयाँ पुर्याउने निर्णय गरिएको छ। उक्त पुँजीमध्ये एक अर्ब ७६ करोड रुपैयाँ संस्थापक शेयर तथा ४४ करोड रुपैयाँ सर्वसाधारणका लागि छुट्याइने जनाइएको छ। कम्पनीका प्रबन्ध सञ्चालक कृष्ण रानाभाटले विशेष साधारणसभाको आवश्यकता, औचित्य तथा कम्पनीका गतिविधिबारे जानकारी गराउँदै आगामी पुस…
झापा, २० जेठ । झापाको मेचीनगरमा बस र मोटरसाइकल एकापसमा ठोक्किँदा दुई जनाको मृत्यु भएको छ। जिल्ला प्रहरी कार्यालय झापाका अनुसार बुधबार साँझ ५ः२० बजे मेचीनगर नगरपालिका–७ स्थित सञ्जय सिमेन्ट फ्याक्ट्री अगाडि गोमनसरीबाट धुलाबारीतर्फ जाँदै गरेको होलिबेल इङ्गलिस बोर्डिङ स्कुलको मे १ क ३९१ नम्बरको बस र विपरीत दिशाबाट आउँदै गरेको मे ९ प ९९०४ नम्बरको मोटरसाइकल एकापसमा ठोक्किएका थिए। दुर्घटनामा मोटरसाइकलमा सवार भारतको किशनगञ्ज गलगलिया निवासी ३२ वर्षीय अजय माझी र मेचीनगर–७ निवासी २१ वर्षीय अजय राजवंशी गम्भीर घाइते भएका थिए। उनीहरूलाई उपचारका लागि प्रादेशिक अस्पताल भद्रपुर पठाइएकोमा साँझ ५ः५० बजे चिकित्सकले मृत घोषणा गरेका प्रहरीले जनाएको छ। मृतक…
अर्जुनधारा, २० जेठ । झापाको अर्जुनधारा नगरपालिका–११ स्थित महारानीगञ्ज माध्यमिक विद्यालयका विद्यार्थीाई शैक्षिक सामग्री, प्रोत्साहन रकम र विद्यालय पोशाक प्रदान गरिएको छ । आज एक विशेष कार्यक्रमका बीच विद्यालयका सम्पूर्ण विद्यार्थीलाई शैक्षिक सामग्री, एसईई परीक्षा–२०८२ मा उत्कृष्ट अंक ल्याउने उत्तीर्ण विद्यार्थीलाई प्रोत्साहन रकम र १०५ जना विपन्न तथा जेहन्दार विद्यार्थीलाई विद्यालय पोशाक वितरण गरिएको हो । कार्यक्रममा विद्यालय व्यवस्थापन समितिका अध्यक्ष नन्दलाल खतिवडा (आकाश) को अध्यक्षता एवम् अर्जुनधारा नगरपालिकाका नगरप्रमुख बलदेव सिंह गोम्देनको प्रमुख आतिथ्य रहेको थियो । नगर क्षेत्रका सामुदायिक विद्यालयको शैक्षिक गुणस्तर अभिवृद्धिका लागि नगरपालिकाले विभिन्न कार्यक्रम गर्दै आएको नगर प्रमुख गोम्देनले बताउनुभयो । पछिल्लो समय महारानीगञ्ज माविले…