jhapaonline add
झापा, २४ असार । झापाको मेचीनगर नगरपालिका–४ मनकामना टोलमा सोमबार राति एउटा जंगली हात्तीले आक्रमण गर्दा एक घरमा ५० हजार रुपैयाँ बराबरको क्षति भएको छ। स्थानीय सुवर्णकुमार खड्काको भान्सा घरमा राति करिब ३ बजे हात्ती पसेर घर भत्काएको र त्यहाँ रहेका खाद्यान्न तथा अन्य सर–सामान नष्ट गरेको जिल्ला प्रहरी कार्यालय झापाले जनाएको छ । बिहान ६ः४५ बजे प्रहरी चौकी बाहुनडाँगीमा खबर प्राप्त भएपछि टोली खटिइ घटनास्थलमा पुगेको थियो । घटनामा मानव वा चौपायातर्फ भने कुनै क्षति नभएको जनाइएको छ। हात्ती त्यसपछि नजिकैको जंगलतर्फ फर्किएको छ ।
झापा, २४ असार । धनुषाको हँसपुर नगरपालिकाको सार्वजनिक सम्पत्तिमा ५२ लाख ७२ हजार रुपैयाँभन्दा बढी हिनामिना गरिएको आरोपमा तत्कालीन उपप्रमुख रेणु देवी झा, प्रमुख प्रशासकीय अधिकृत केशव कुमार अधिकारी, निमित्त प्रमुख प्रशासकीय अधिकृत रामलोचन मण्डलसहित ९ जनाविरुद्ध भ्रष्टाचारको मुद्दा दायर गरिएको छ। अख्तियार दुरुपयोग अनुसन्धान आयोगले सोमबार विशेष अदालतमा देव कन्स्ट्रक्सन र सम्बन्धित पदाधिकारीहरूविरुद्ध मुद्दा दायर गरेको हो। आयोगका अनुसार सुगा निकासदेखि कट्टी चोकसम्मको पीसीसी ढलान योजना टुक्र्याएर रकम भुक्तानी गर्ने, नापी विवरणमा त्रुटि गर्ने तथा तोकिएको भन्दा बढी भुक्तानी दिने कार्यमार्फत हानिनोक्सानी गरिएको हो। २०७६–०७७ को नगरसभा निर्णयअनुसार एक करोड रुपैयाँ विनियोजन भएको उक्त योजनाको लागत अनुमान १ करोड…
झापा, २४ असार । दमक नगरपालिका–३ मा निर्माणाधीन १८ तले भ्यु टावर परियोजनामा सार्वजनिक जग्गा निजी कम्पनीलाई अनियमित रूपमा दिइएको आरोपसहित अख्तियार दुरुपयोग अनुसन्धान आयोगमा उजुरी परेको छ। दमक–५ का सञ्चारकर्मी तथा स्थानीय नागरिक अबिन मेयाङ्ग्वोले टंगालस्थित अख्तियार कार्यालयमा उजुरी दर्ता गराउँदै तत्काल छानबिनको माग गरेका हुन्। उनका अनुसार, ‘माँ पञ्चकन्या हाउजिङ प्रा।लि।’ नामक कम्पनीलाई सार्वजनिक प्रयोजनको नाममा नगरपालिकाले २०७३ सालतिर करिब ४ विघा १८ कट्ठा ७ धुर जग्गा प्रदान गरेको थियो। यद्यपि अहिले कम्पनीले दुई विघा सापटी लिएको दाबी गर्दै फिर्ता माग गरेको र बाँकी २५ कट्ठा वापत क्षतिपूर्ति माग गरिरहेको उजुरीमा उल्लेख छ। मेयाङ्ग्वोले कुनै औपचारिक प्रक्रिया वा…
भोजपुर, २४ असार । भोजपुरमा २१ वर्षीया युवतीलाई जबरजस्ती करणी गरेको अभियोगमा दुई जना युवक पक्राउ परेका छन् । पक्राउ पर्नेमा पौवादुङमा गाउँपालिका–३ बस्ने २३ वर्षीय रोशन विक र २२ वर्षीय दीपेश राईलाई रहेका छन् । उनीहरूले ती युवतीलाई जबरजस्ती करणी गरेको भन्ने उजुरीको आधारमा प्रहरी चौकी च्याङ्ग्रेबाट खटिएको प्रहरीले उनीहरूलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
झापा, २४ असार । हाल देशभर मनसुनी वायुको प्रभाव रहेको र मनसुनको न्यून चापीय रेखा सरदर स्थानको आसपास रहेको मौसम पूर्वानुमान महाशाखाले जनाएको छ । आज बिहान ६ बजे २४ घण्टे मौसम बुलेटिन जारी गरी महाशाखाले मौसमबारे जानकारी दिएको हो । महाशाखाका अनुसार आज दिउँसो देशभर आंशिकदेखि साधारणतया बदली रहनेछ । सबै प्रदेशका पहाडी भू–भागका केही स्थानहरूमा तथा बाँकी भूभागका थोरै स्थानहरूमा मेघगर्जन/चट्याङसहित हल्का देखि मध्यम वर्षाको सम्भावना रहेको छ। कोशी प्रदेश, बागमती प्रदेश, गण्डकी प्रदेश र सुदूरपश्चिम प्रदेशका एक–दुई स्थानमा भारी वर्षाको पनि सम्भावना रहेको छ। देशको उच्च पहाडी तथा हिमाली भू–भागका थोरै स्थानहरूमा हल्का देखि मध्यम वर्षा/हिमपातको सम्भावना…
झापा, २४ असार । नेपाली कांग्रेसले संविधान संशोधनको खाका तयार गर्न आन्तरिक कार्यदल गठन गर्ने निर्णय गरेको छ। असार १६ देखि २३ गतेसम्म बसेको पार्टीको केन्द्रीय समिति बैठकले संविधान कार्यान्वयनको एक दशकको समीक्षा गर्दै संशोधन आवश्यकताबारे निष्कर्ष निकाल्न कार्यदल बनाउने निर्णय लिएको हो। महामन्त्री गगन थापाले बैठक निर्णय सुनाउँदै भने, “नेपाली कांग्रेसको नेतृत्वमा बनेको संघीय लोकतान्त्रिक गणतन्त्रात्मक संविधानको समीक्षा गर्दै सवल र दुर्वल पक्ष पहिचान गरी आवश्यक संशोधनबारे सार्थक निष्कर्षमा पुग्न पार्टीभित्रै कार्यदल गठन गरिनेछ।” संविधान संशोधनका लागि कांग्रेसले अन्य दलहरूसँग सहकार्य गर्ने र सरोकारवालासँग परामर्श गर्ने पनि निर्णय भएको छ। थापाले भने, “नेपाली कांग्रेस संविधान निर्माणमा संलग्न दलहरूसँग सहकार्य…
बिर्तामोड, २३ असार । स्तरीय शिक्षाका नाममा अहिले चर्को शुल्कको मारमा अभिभावक छन् । ठूला र भौतिक पूर्वाधार सम्पन्न विद्यालय, कजेल खुल्ने क्रम पनि बढेको छ । तर, भौतिक पूर्वाधार र सजावटले चिटिक्क हुनुलाई स्तरीय शिक्षा प्रदान गर्ने थलो मान्न सकिन्न । ‘जो दिख्दा है वही बिक्ता है’ भन्ने हिन्दु उखान झै अहिले देखेकै भरमा आफ्ना नानीबाबुहरुलाई विद्यालय भर्ना गराउने चलन पनि छ । झापामा धेरै यस्ता शैक्षिक प्रतिष्ठान पनि छन्, जुन भौतिक पूर्वाधार र सजि–सजावटले भरिपूर्ण नभए पनि शिक्षास्तरमा भने अब्बल छन् । झापा बिर्तामोडको निधि सेकेन्डरी स्कूल अहिले मध्यम शुल्क र उच्च गुणस्तरीय शिक्षाका कारण अभिभावकको आकर्षणका केन्द्र…
हल्दीबारी, २३ असार । झापाको हल्दीबारी गाउँपालिकाले बजार अनुगमन गरेको छ । अनुगमनका क्रममा हल्दीबारी–४ मङ्गलबारे बजारका तीन किराना पसलमा म्याद गुज्रिएका तथा अखाद्य वस्तु फेला परेका छन् । राजवंशी किराना पसल, खरेल किराना पसल र अल पसलमा म्याद गुज्रेका सामग्री भेटिएपछि पसल धनीलाई पहिलोचोटि चेतावनी दिँदै तीन दिनभित्र सबै अखाद्य वस्तु हटाउन निर्देशन दिएको छ । गाउँपालिकाले आजदेखि बजार अनुगमन सुरु गरेको हो । गोलधाप बजार, बडाबारी बजार, कञ्चनश्री बजार, ढडुवा बजार, पाराखोपी बजार र स्कुलचोक बजार समेतका पसलहरूको पनि क्रमशः अनुगमन गरिने प्रमुख प्रशासकीय अधिकृत मानबहादुर वन (महेन्द्र) ले जानकारी दिनुभयो । आजको अनुगमनमा २० भन्दा बढी पसल…
झापा, २३ असार । लागुऔषध नियन्त्रण ब्यूरो काँकरभिट्टाबाट खटिएको प्रहरी टोलीले झापाको मेचीनगर नगरपालिका–६ स्थित पुरानो मेचीपुल नजिकबाट एक युवकलाई खैरो हेरोइनसहित पक्राउ गरेको छ । पक्राउ पर्नेमा पाँचथर मिक्लाजुङ गाउँपालिका–१ घर भई हाल झापा शिवसताक्षी नगरपालिका–८ बसोबास गर्दै आएका २५ वर्षीय जितेन्द्र आङ्देम्बे रहेका छन् । उनी भारतको पानीट्याङ्कीबाट सिटिसफारीमा सवार भई नेपाल प्रवेश गर्ने क्रममा शंकास्पद देखिएपछि प्रहरीले शारीरिक तलासी लिएको थियो । तलासीका क्रममा आङ्देम्बेको मलद्वारबाट निलो रङको प्लास्टिकमा बेरिएको पोका फेला परेको थियो। उक्त पोकामा लिसिलो पदार्थ देखिएपछि परीक्षण गर्दा त्यो खैरो हेरोइन भएको पुष्टि भएको प्रहरीले जनाएको छ। डिजिटल तराजुमा नापतौल गर्दा प्लास्टिकसहित उक्त पदार्थको…
झापा, २३ असार । झापा मेचिनगर नगरपालिका–४ स्थित मानव सेवा आश्रम बाहुनडाँगीमा आश्रित एक व्यक्तिको मृत्यु भएको छ। मृतकको पहिचान भुन्टे कुर्मीका रूपमा गरिएको छ, जसको उमेर करिब ५० वर्ष रहेको बताइएको छ। उनी झापा भद्रपुर नगरपालिका–१० मा बेवारिसे अवस्थामा हिँडडुल गरिरहेको अवस्थामा गत जेठ २२ गते उद्धार गरी मानव सेवा आश्रममा राखिएको थियो। प्राप्त जानकारीअनुसार, असार २३ गते दिउँसो ३ बजे उनी आश्रममै सुतेको अवस्थामा मृत फेला परेका हुन्। घटनाको जानकारी पाएपछि इलाका प्रहरी कार्यालय काँकरभिट्टाबाट प्रहरी अधिकृतको टोली घटनास्थलमा खटिएको थियो। प्रहरीका अनुसार, घटनाको अनुसन्धान भइरहेको छ भने शवलाई पोष्टमार्टमका लागि प्रादेशिक अस्पताल भद्रपुर पठाइएको छ2।